Gʼaˬkʼehˇ 13:48 - Akha

⁴⁸ Aˬ cawˬ tsawˇ jeuˬ kʼoeˇ deuˬ dawˬ kʼoeˇ dawˬ-ahˇ ya gaˬ ngeh, Laˬ kʼaˬ cehˇ-awˇ Miˬyehˇ-euˬ dawˬ kawˬ-ahˇ ja ceuˬ-euˬ meh. Mˬ maˬ maˬ byaˆ zaˇ ziˇ dehꞈ-eu jeˬ za ni tseˇ doˆ taˬ-euˬ tsawˇ haˬ deuˬ, jah-eu tsawˇ haˬ pyeuꞈ laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁸ Aqcawq tsawrjeuq tsawrca deuq, dawq khoerdawq-anr yagaq ngae, laqkhaq caertavni Sanqpaq Miqyaer-euq dawq-anr ciqhuiq ciqmanr-eu mae. Li-eu maqbawni daef-eu jeq za-eu gharduq kharbi tserdov taq-euq deuq, Kali-anr janlar-euq mae.

Gʼaˬkʼehˇ 13:48 Referans Kwoze

Eˇpeˇsu 1:4

Miˬyehˇ-euˬ mehˬ shi aˬ dui muiˬ-awˇ shawˇ-awˇ, iˬ baˇ taˬ kʼaˇ maˬ bi za-eu gʼaˇ duˬ, miˇ tsaˬ tahˬ kʼawˇ heu maˬ beh mi naˆ-ehˇ Yeˬsuˇ Ka li laꞈ kʼoeˇ Miˬyehˇ neh aˬ dui-ahˇ tseˇ doˆ taˬ-euˬ meh.

Lormav 11:7

Toˆ-ehˇ ngeuˇ naˇ, aˬ joˆ-ehˇ ehˇ nmˇ. Iˇsaˬleˬlaˇ tsawˇ haˬ deuˬ-aˬ, yawˬ ha poˆ luꞈ-eu jeˬ-ahˇ maˬ poˆ mawˇ-aˬ. Miˬyehˇ neh tseˇ doˆ-euˬ deuˬ pyeuꞈ-eu tsawˇ haˬ ui cuiˆ tehꞈ-ehˇ kʼoeˇ-ahˇ poˆ mawˇ-euˬ meh. Kʼoeˇ deuˬ-ahˇ dzeuˇ naˇ, tsawˇ haˬ dawˬ tawˆ luꞈ Miˬyehˇ kuˇ gaˇ maˬ gaˬ leˇ ni naˬ bawˬ bawˬ jiˇ-euˬ meh.

Yoˇhaˬ 10:16

Yawˇ yawˇ kuˆ heu kuˆ-ahˇ maˬ uˇ-eu ngaˬ-euˬ yawˇ deuˬ jawˇ te siˬ. Yawˇ kʼoeˇ deuˬ-ahˇ kʼawꞈ ngaˇ ya sheuˬ uˇ laꞈ-a siˬ. Aˬ yawꞈ maꞈ ngaˬ-euˬ dawˬ-ahˇ naˇ haˬ tehꞈ-a. Kʼoeˇ ngeh jawˇ, yawˇ dawˬ tawˆ luꞈ yawˇ yawˇ maꞈ tiꞈ maꞈ tehꞈ-ehˇ pyeuꞈ laˇ-awˇ, yawˇ bo-eu yaw sahˇ tiˬ sahˇ tehꞈ-ehˇ bo tehꞈ-a.

Yoˇhaˬ 11:52

Aˬ yawꞈ maꞈ gʼaˇ duˬ tehꞈ-ehˇ maˬ ngeuˇ ni, miˇ tsaˬ doe ni bi teh byaˆ taˬ-euˬ Miˬyehˇ-euˬ tsawˇ haˬ deuˬ tiˬ maꞈ tiˬ muˇ tehꞈ-ehˇ paˇ bi pyeuꞈ laˇ-eu gʼaˇ duˬ aˬ yawꞈ ya shiˇ dah-eu gaˇ kawˆ ngehˬ dah-eu jeˬ kʼawꞈ pyeuꞈ-eu meh.

Eˇpeˇsu 1:19

Jah-eu tsawˇ haˬ pyeuꞈ-eu aˬ dui-euˬ laꞈ kʼoeˇ gaˇ mˇ luꞈ-eu aˬ yawꞈ-euˬ baoˬ aˇ naˆ ni huiˬ-eu gaˇ kawˆ naw maꞈ siˬ nya laˇ ni shaˇ-eu ma. A dui laꞈ kʼoeˇ gaˇ mˇ luꞈ-eu baoˬ kʼoeˇ-aˬ, gʼaˬ kʼaˆ dui dui-eu baoˬ pyeuꞈ-eu meh.

Gʼaˬkʼehˇ 2:41

Aˬ yawꞈ dawˬ mehˬ mehˬ gaˇ tsawˇ haˬ gʼawˬ mya ni jah leˇ-awˇ, iˇ cuꞈ bi shawˇ-euˬ meh. Kʼoeˇ ngeh nah tehꞈ-ehˇ, aˬ yawꞈ maꞈ-euˬ aˇ muˇ-ahˇ tsawˇ haˬ smˬ heˇ gʼaˬ lahˬ laˇ-euˬ meh.

Gʼaˬkʼehˇ 22:10

‘Sahˬpaˬ-oˇ, ngaˇ aˬ joˆ-ehˇ ya jahˇ nmˇ’ lehˇ naˇ haˬ ngeh, ‘Tuˇ-awˇ Daˬmaˬsehˇ meuˬ-ahˇ le-awˬ. Miˬyehˇ neh nawˬ-ahˇ kʼaˇ bi mˇ-eu lehˇ lehˬ hmˬ taˬ-euˬ yawˬ jeˬ na luꞈ, kʼoeˇ gaˇ nawˬ-ahˇ ehˇ nehˬ laꞈ tehꞈ-a’ lehˇ Sahˬpaˬ Yeˬsuˇ ehˇ-eu meh.

Luˇkaꞈ 7:8

Aˬ jeˬ miˇ neh ehˇ naˇ, ngaˇ kʼawꞈ, ngaˬ naˆ maˬ teˇ huiˬ-eu yaw huiˬ yaw mahˇ deuˬ-euˬ laꞈ oˆ jawˇ-awˇ gaˇ ya mˇ-eu loꞈ-ehˇ, ngaˬ-euˬ laꞈ oˆ gaˇ mˇ-eu yehˇ deuˬ kʼawꞈ jawˇ ma. Ngaˬ neh ‘Iˇ-awˬ’ lehˇ ehˇ nehˬ-euˬ gʼaˬ ya iˇ-awˇ, ‘Laˇ-awˬ’ lehˇ ehˇ nehˬ-euˬ gʼaˬ ya laˇ meh. ‘Heu jeˬ mˇ sheˇ’ lehˇ, ngaˬ-euˬ zaˬ kʼaˆ-ahˇ ngaˇ kʼehˇ naˇ, ngaˬ neh kʼaˇ kʼehˇ-euˬ loꞈ-ehˇ ya mˇ meh.”

Lormav 13:1

Tsawˇ haˬ yawˬ gʼaˬ na luꞈ miˇ kʼahˬ sahˬ paˬ uˆ lahˇ-eu uˬ moˆ ya jawˇ meh. Aˬ jeˬ miˇ neh ehˇ naˇ, Miˬyehˇ neh maˬ biꞈ-euˬ gaˇ, uˆ lahˇ-eu baoˬ maˬ jaˆ nya-a. Sahˬ paˬ sahˬ ma deuˬ-aˬ, Miˬyehˇ neh baoˬ biꞈ-awˇ bi uˆ lahˇ-euˬ deuˬ pyeuꞈ-eu meh.

Gʼaˬkʼehˇ 28:23

Kʼoeˇ naˇ, aˬ yawꞈ maꞈ aˇ nah tiˬ nah laˆ duˬ-awˇ, aˇ nah kʼoeˇ nah keuˆ laˇ ngeh, tsawˇ haˬ gʼawˬ mya ni Pawˇluˆ jawˇ gaˇ uiˬ laˇ-euˬ meh. Uˬ shawˬ paw neh uˬ ciꞈ paw keuˆ ni, Pawˇluˆ neh aˬ yawꞈ maꞈ-ahˇ Miˬyehˇ Miˇkʼahˬ gaˇ kawˆ ja mehˬ-awˇ, Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ gaˇ kawˆ-ahˇ gʼoe gʼoe-ehˇ, Yeˬsuˇ-euˬ gaˇ kawˆ-ahˇ jah laˇ ni leh jeh-awˇ mehˬ nehˬ-euˬ meh.

Gʼaˬkʼehˇ 2:47

Kʼoeˇ loꞈ-ehˇ jahˇ luꞈ ngeh, Miˬyehˇ-euˬ guiˬ lahˬ-ahˇ ja ceuˬ-awˇ, tsawˇ haˬ dawˬ tawˆ luꞈ aˬ yawꞈ maꞈ-ahˇ nui kʼahˇ shiˇ dui dui-euˬ meh. Ka kʼoꞈ-eu jeˬ za-euˬ tsawˇ haˬ deuˬ, tiˬ nah saˇ-iˬ tiˬ nah aˬ yawꞈ maꞈ-euˬ aˇ muˇ laꞈ kʼoeˇ bi lahˬ laˇ ni SahˬpaˬMiˬyehˇ mˇ luꞈ-eu meh.

Gʼaˬkʼehˇ 20:13

Pawˇluˆ neh nga maꞈ-ahˇ ehˇ nehˬ laꞈ-euˬ loꞈ-ehˇ, nga maꞈ saˇ baoˬ dziˬ-awˇ Aˬtsoˆ meuˬ-ahˇ iˇ tawˬ-euˬ ma. Aˬ yawꞈ gʼaˬ-aˬ, kʼoeˇ gaˇ keuˆ ni kuiˇ zoˬ cah-eu lehˇ lehˬ hmˬ taˬ-euˬ meh.

Maꞈtehˬ 28:16

Zaˬ lahˇ tseˇ tiꞈ gʼaˬ-aˬ, Yeˬsuˇ neh aˬ yawꞈ maꞈ-ahˇ tsaꞈ dzoeˇ taˬ-euˬ Gaˬliˬlehˇ miˇ kʼahˬ-ahˇ jaˆ-eu gawˬ duˇ tiˬ duˇ-ahˇ le-euˬ meh.

Jaceuq 138:2

Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ hawˇ-eu nawˬ-euˬ saˇ jaˇ ziꞈ-eu jeˬ baˬ da neh, nawˬ-euˬ tsawˇ myahˇ hawˇ-eu nawˬ-eu zahˇ dawˬ kʼoꞈ dawˬ deuˬ dawˬ tawˆ luꞈ kʼoeˇ taˆ huiˬ-eu nawˇ bi siˬ laꞈ-euˬ baˬ da neh, nawˬ-euˬ Uˬ duˬ tahˬ nymˇ nymˇ ma jaˆ-eu paw ciˬ pyawˇ-awˇ awˆ byaˆ-eu laꞈ kʼoeˇ, nawˬ-euˬ tsawˇ myahˇ-ahˇ ja ceuˬ-eu ma.

2 Teˇsaˬloˇni 3:1

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ-aˬ, heu loꞈ-ehˇ ma. Sahˬpaˬ Yeˬsuˇ-euˬ guiˬ lahˬ dawˬ naw maꞈ jawˇ gaˇ yaw kawˇ-ehˇ gaˬ doe-iˇ-awˇ taˬ huiˬ taˬ mahˇ-eu laꞈ kʼoeˇ ha geuꞈ-eu loꞈ-ehˇ, nui gaˇ kʼawꞈ kʼoeˇ loꞈ-ehˇ gaˬ doe-iˇ-awˇ ha geuꞈ ni guiˬ lahˬ shaˇ nehˬ laꞈ-awˬ.

1 Gawˇliˬtu 16:15

Saˬteˬpaˬ hawˇ-eu aˬ yawꞈ-euˬ miˬ sawˇ zaˬ deuˬ gaˇ kawˆ naw maꞈ siˬ nya meh. Aˬ yawꞈ pehˬ-aˬ, Aˬˬgaˬyaˇ miˇ kʼahˬ laꞈ kʼoeˇ Ka li zaˬ pyeuꞈ beh beh laˇ-awˇ, Miˬyehˇ-euˬ tsawˇ haˬ deuˬ gʼaˇ duˬ gaˇ mˇ-eu lehˇ gʼawˇ mawˇ damˬ taˬ-euˬ tsawˇ haˬ meh. Ngaˇ naw maꞈ-ahˇ heu loꞈ-ehˇ shaˇ-eu ma.

Gʼaˬkʼehˇ 15:31

Aˬ yawꞈ maꞈ sahˬ boꞈ kʼoeˇ taꞈ-ahˇ gui haw ngeh, aˬ yawꞈ maꞈ-ahˇ gʼaˬ biꞈ nehˬ-eu gaˇ kawˆ boꞈ taˬ-euˬ miˇ neh laˬ kʼaˬ cehˇ dui dui-eu meh.

Gʼaˬkʼehˇ 15:2

Gaˇ kawˆ kʼoeˇ-ahˇ taꞈ leˇ-awˇ, Pawˇluˆ hawˇ-eu Baˬnaˬbaˇ aˬ nyaꞈ tsawˇ haˬ kʼoeˇ deuˬ nehˬ-ehˇ pyehˇ dui dui-euˬ meh. Kʼoeˇ miˇ neh, gaˇ kawˆ kʼoeˇ hmˬ-ahˇ taꞈ leˇ-awˇ, Pawˇluˆ hawˇ-eu Baˬnaˬbaˇ aˬ nyaꞈ-ahˇ, Aˬdiˇawˬ meuˬ-ahˇ jawˇ-eu tsawˇ haˬ tiˬ paˆ na deuˬ nehˬ-ehˇ Yeˬluˇsaˬlehˬ meuˬ-ahˇ bi iˇ-awˇ, gʼaˬ kʼehˇ deuˬ hawˇ-eu aˬ yuiꞈ aˬ tsu deuˬ nehˬ-ehˇ bi ja cawˬ-iˇ-eu gʼaˇ duˬ ja tsehˆ-euˬ meh.

Gʼaˬkʼehˇ 13:42

Pawˇluˆ hawˇ-eu Baˬnaˬbaˇ aˬ nyaꞈ uˬ duˬ tahˬ nymˇ-ahˇ neh gʼoꞈ le luꞈ ngeh, Jawˇ nah-ahˇ tiˬ poˆ paˇ laˇ-awˇ gaˇ kawˆ kʼoeˇ deuˬ ja mehˬ laˇ-eu gʼaˇ duˬ, tsawˇ haˬ kʼoeˇ deuˬ aˬ yawꞈ nyaꞈ-ahˇ shaˇ-eu meh.

Gʼaˬkʼehˇ 8:8

Kʼoeˇ miˇ neh, meuˬ kʼoeˇ meuˬ laꞈ kʼoeˇ jawˇ-eu tsawˇ haˬ deuˬ laˬ kʼaˬ cehˇ dui dui-eu meh.

Maꞈtehˬ 25:46

Aˬ yawꞈ maꞈ-aˬ, mˬ maˬ maˬ byaˆ zaˇ ziˇ kʼehˬ-eu kʼaˆ-eu jeˬ-ahˇ ya daˬ-awˇ, yaw tsaˬ yaw dawˇ tsawˇ haˬ deuˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za tehꞈ-a.”

Gʼaˬkʼehˇ 13:12

Kʼoeˇ loꞈ-ehˇ pyeuꞈ laˇ-euˬ gaˇ sahˬ paˬ kʼoeˇ gʼaˬ ya mawˇ ngeh, Miˬyehˇ-ahˇ jah laˇ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ kawˆ mehˬ nehˬ tsoˆ nehˬ gaˇ aˬ yawꞈ zahˬ dui dui leˇ-euˬ meh.

Lormav 8:28

Miˬyehˇ-euˬ nui kʼahˇ mˇ-eu gʼaˇ duˬ kuˇ doˆ taˬ-euˬ aˬ yawꞈ-ahˇ gaˬ-eu tsawˇ haˬ deuˬ gʼaˇ duˬ, yawˬ jeˬ na luꞈ laꞈ kʼoeˇ yaw muiˬ jeˬ doˆ laˇ ni Miˬyehˇ mˇ luꞈ meh lehˇ aˬ dui siˬ nya ma.

Eˇpeˇsu 1:5

Miˬyehˇ aˬ dui-ahˇ gaˬ-eu miˇ neh, Yeˬsuˇ Ka li-ahˇ gʼoe-awˇ aˬ dui-ahˇ aˬ yawꞈ-euˬ zaˬ deuˬ bi pyeuꞈ laˇ-eu gʼaˇ duˬ noeˬ tsehˆ taˬ-euˬ meh. Kʼoeˇ loꞈ-ehˇ bi pyeuꞈ laˇ-eu gʼaˇ duˬ aˬ yawꞈ laˬ kʼaˬ cehˇ-awˇ noeˬ tmˬ taˬ-euˬ meh.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.