Gʼaˬkʼehˇ 13:43 - Akha

⁴³ Aˬ yawꞈ maꞈ uˬ duˬ tahˬ nymˇ-ahˇ daˆ laˇ-euˬ gʼoꞈ ka-iˇ ngeh, Yuˇdaˆ tsawˇ haˬ gʼawˬ mya ni hawˇ-eu Yuˇdaˆ tsawˇ haˬ pyeuꞈ laˇ-euˬ aˬ cawˬ tsawˇ jeuˬ gʼawˬ mya ni, Pawˇluˆ hawˇ-eu Baˬnaˬbaˇ aˬ nyaꞈ-euˬ mehˬ nah caw teh laˇ-euˬ meh. Aˬ yawꞈ nyaꞈ aˬ yawꞈ maꞈ-ahˇ dawˬ ngehˬ cawˬ-awˇ, Miˬyehˇ gʼawˬ shaˬ gaˬ-eu jeˬ laꞈ kʼoeˇ ziꞈ dah ni dehꞈ daˆ leꞈ-eu gʼaˇ duˬ gʼaˬ biꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Tsawrhaq armaf ghawq-ir ngae, Yurdav tsawrhaq hawr-eu Miqyaer-anr guv-eu Yurdav-euq zanr tawqlar-euq tsawrhaq ghawqmya’ni, aqyawf maf-anr maeqnaeq-euq Pawrluv hawr-eu Baqnaqbar-euq maeqnan cantae ghae-euq mae. Aqyawfnyaf, aqyawf maf-anr Miqyaer-euq guiqlanq yawdzanr-euq lafkhoer daefdav lefni maeqjan yaf-euq mae.

Gʼaˬkʼehˇ 13:43 Referans Kwoze

Gʼaˬkʼehˇ 11:23

Aˬ yawꞈ kʼoeˇ gaˇ le keuˆ-awˇ, Miˬyehˇ neh tsawˇ haˬ kʼoeˇ deuˬ-ahˇ guiˬ lahˬ biꞈ-euˬ gaˇ ya mawˇ ngeh, laˬ kʼaˬ cehˇ dui dui-eu laꞈ kʼoeˇ, Sahˬ paˬ Yeˬsuˇ-ahˇ nui ma laꞈ kʼoeˇ keuˆ ni saˇ jaˇ ziꞈ-eu gʼaˇ duˬ aˬ yawꞈ maꞈ dawˬ tawˆ luꞈ-ahˇ gʼaˬ biꞈ nehˬ-euˬ meh.

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

2 Yoˇhaˬ 1:9

Ka li neh mehˬ nehˬ tsoˆ nehˬ taˬ-euˬ jeˬ-euˬ laꞈ kʼoeˇ paw maˬ jawˇ ni aˇ dzeuˇ iˇ dzeuˇ-eu tsawˇ haˬ deuˬ-aˬ, Miˬyehˇ-ahˇ maˬ za-a. Mehˬ nehˬ tsoˆ nehˬ taˬ-euˬ laꞈ kʼoeˇ kʼaˇ jawˇ-eu tsawˇ haˬ-aˬ, Aˬda Miˬyehˇ-ahˇ maˬ ehˇ, Zaˬ maˇ Miˬyehˇ-ahˇ maˬ ehˇ, za-eu meh.

HeˬByehˇ 13:9

La kʼaˬ cehˇ-eu Guiˬ lahˬ dawˬ-ahˇ beu gaˇ-eu mehˬ-eu tsoˆ-eu gʼawˬ mya jeˬ neh gaˇ ma taˬ bi sheuˬ bahˬ. Dzaˇ dzaˬ sheuˬ-eu baˬ da neh naw maꞈ-euˬ saꞈ laˇ gʼaˬ kʼaˆ laˇ-eu maˬ ngeuˇ-a. Miˬyehˇ-euˬ guiˬ lahˬ yaw dzahˇ-aˬ, naw maꞈ-euˬ saꞈ laˇ gʼaˬ bi kʼaˆ laˇ-eu gʼaˇ duˬ muiˬ dui dui-eu jeˬ pyeuꞈ-eu meh. Dzaˇ dzaˬ sheuˬ-eu kʼoeˇ-aˬ, tsawˇ haˬ zaˬ gʼaˇ duˬ gaˇ dahˇ maˬ tsoeˬ-a.

HeˬByehˇ 12:15

Miˬyehˇ-euˬ guiˬ lahˬ-ahˇ maˬ ya byehˇ dzeh ni yahˇ-awˬ. Kʼaˬ dui dui-eu baw duˆ mehˇ laˇ-awˇ aˬ yawꞈ-euˬ doꞈ kʼoeˇ neh aˬ cawˬ-ahˇ laˆ bahˬ laˆ muˆ-eu loꞈ-ehˇ, tsawˇ haˬ tiˬ gʼaˬ-iˬ taˬ bi pyeuꞈ.

Gawˇlawˇsehˇ 1:28

Kʼoeˇ miˇ neh, tsawˇ haˬ yawˬ gʼaˬ na luꞈ-ahˇ Ka li gaˇ kawˆ nga maꞈ mehˬ-eu ma. Yawˬ gʼaˬ na luꞈ-ahˇ Ka li laꞈ kʼoeˇ tsawˇ kʼaˆ kʼaˆ laˇ-euˬ tsawˇ haˬ loꞈ-ehˇ Miˬyehˇ mehˬ shi sheuˬ ha nehˬ leˇ nya-eu gʼaˇ duˬ, aˬ yawꞈ maꞈ ya mˇ-eu jeˬ hawˇ-eu ya yahˇ-eu jeˬ-ahˇ kʼaˇ siˬ kʼaˇ nya-eu loꞈ-ehˇ mehˬ-eu ma.

Gawˇlawˇsehˇ 1:23

Naw maꞈ jah-eu jeˬ laꞈ kʼoeˇ ziꞈ dah ni ya dehꞈ daˆ gʼeh-awˇ, Laˬ kʼaˬ cehˇ-eu Guiˬ lahˬ dawˬ ya gaˬ ngeh za taˬ-euˬ noeˬ tmˬ-eu jeˬ poˆ poˆ laˆ laˆ-ehˇ maˬ ya bi gʼeh-a. Ngaˇ Pawˇluˆ zaˬ kʼaˆ geuꞈ luꞈ-eu heu-aˬ, miˇ tsaˬ kʼoeˇ taˆ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ mehˬ nehˬ-euˬ Laˬ kʼaˬ cehˇ-eu Guiˬ lahˬ dawˬ heu-euˬ gʼaˇ duˬ ma.

Piˇliˇpiˆ 4:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, ngaˇ naw maꞈ-ahˇ gaˬ dui dui-awˇ, noeˬ mawˇ dui dui luꞈ ma. Naw maꞈ baˬ da neh ngaˇ laˬ kʼaˬ cehˇ dui dui-awˇ, naw maꞈ gaˇ kawˆ ngaˇ kʼahˬ sehˇ jehˆ luꞈ ma. Ngaˇ gaˬ-eu aˬ yuiꞈ aˬ nyiˇ deuˬ-oˇ, Sahˬpaˬ Yeˬsuˇ laꞈ kʼoeˇ, kʼoeˇ loꞈ-ehˇ ziꞈ dah ni dehꞈ-awˬ.

Piˇliˇpiˆ 3:16

Aˬ geu gʼaˬ aˬ joˆ-ehˇ nui ma taˬ kʼawꞈ, aˬ dui neh caw teh gʼeh laꞈ-euˬ zahˇ sahˇ kʼoꞈ heu hmˬ-ahˇ tehꞈ-ehˇ caw teh-awˇ, ti kawˆ loꞈ-ehˇ mˇ daˆ shaˇ daˆ leꞈ kaˇ-euˇ.

Eˇpeˇsu 2:8

Aˬ jeˬ miˇ neh ehˇ naˇ, naw maꞈ jah-eu laꞈ kʼoeˇ Miˬyehˇ-euˬ guiˬ lahˬ yaw dzahˇ baˬ da neh ka kʼoꞈ-eu jeˬ za-euˬ meh. Naw maꞈ leh jeh-awˇ mˇ-eu baˬ da neh za-euˬ maˬ ngeuˇ-a. Miˬyehˇ neh biꞈ-euˬ laꞈ sawˬ pyeuꞈ-eu meh.

Gaˬlaˬtiˆ 5:1

Aˬ dui buˬ-iˇ-euˬ tsawˇ haˬ pyeuꞈ laˇ ni, Ka li neh aˬ dui-ahˇ bi buˬ-iˇ laꞈ-euˬ meh. Kʼoeˇ miˇ neh, buˬ-iˇ-euˬ tsawˇ haˬ loꞈ-ehˇ ziꞈ dah ni jawˇ-awˬ. Zaˬ kʼaˆ taˬ paˇ geuꞈ.

2 Gawˇliˬtu 6:1

Naw maꞈ neh za taˬ-euˬ Miˬyehˇ-euˬ guiˬ lahˬ yaw dzahˇ kʼoeˇ yawꞈ ngehꞈ-ehˇ maˬ bi pyeuꞈ-iˇ-eu gʼaˇ duˬ, nga maꞈ Miˬyehˇ nehˬ-ehˇ tiˬ kawˆ loꞈ-ehˇ gaˇ mˇ luꞈ-eu laꞈ kʼoeˇ naw maꞈ-ahˇ shaˇ-eu ma.

2 Gawˇliˬtu 5:11

Nga maꞈ Sahˬpaˬ Miˬyehˇ-ahˇ yaw zeu baw-awˇ guˆ-eu siˬ nya-eu miˇ neh, tsawˇ haˬ yawˬ gʼaˬ na luꞈ aˬ yawꞈ jawˇ paw pyawˇ laˇ ni gʼaˬ biꞈ luꞈ-eu ma. Nga maꞈ aˬ joˆ-ehˇ gʼeh-eu tsawˇ haˬ pyeuꞈ-eu gaˇ kawˆ Miˬyehˇ siˬ duˬ meh. Naw maꞈ-euˬ nui ma laꞈ kʼoeˇ kʼawꞈ, ngaˬ-ahˇ siˬ nya luꞈ meh lehˇ ngaˇ noeˬ tmˬ-eu ma.

Lormav 11:6

Tseˇ doˆ-euˬ kʼoeˇ-aˬ, aˬ yawꞈ gʼawˬ shaˬ gaˬ-eu baˬ da neh meh. Aˬ yawꞈ maꞈ neh mˇ-euˬ gaˇ baˬ da neh maˬ ngeuˇ-a. Tsawˇ haˬ zaˬ neh mˇ-euˬ gaˇ baˬ da neh tseˇ doˆ-euˬ ngeuˇ naˇ, aˬ yawꞈ gʼawˬ shaˬ gaˬ-eu jeˬ-aˬ, maˇ maˇ ni gʼeh-eu gʼawˬ shaˬ gaˬ-eu jeˬ maˬ ngeuˇ-a.

Lormav 5:21

Kʼoeˇ miˇ neh, iˬ baˇ-aˬ, shiˇ-eu jeˬ-ahˇ gʼoe-awˇ uˆ lahˇ-eu loꞈ-ehˇ, Miˬyehˇ-euˬ guiˬ lahˬ-aˬ, yaw tsaˬ yaw dawˇ jeˬ-ahˇ gʼoe-awˇ uˆ lahˇ-eu laꞈ koeˇ, aˬ dui-euˬ Sahˬpaˬ Yeˬsuˇ Ka li-ahˇ gʼoe-awˇ mˬ maˬ maˬ byaˆ zaˇ ziˇ dehꞈ gaˇ sheuˬ gʼeh laꞈ-euˬ meh.

Lormav 5:2

Aˬ dui Ka li-ahˇ jah-eu miˇ neh, nymˬ-mˇ aˬ dui dehꞈ luꞈ jawˇ luꞈ-eu Miˬyehˇ-euˬ gʼawˬ shaˬ gaˬ-eu guiˬ lahˬ laꞈ kʼoeˇ, aˬ yawꞈ aˬ dui-ahˇ sheuˬ ahˇ nehˬ laꞈ-euˬ meh. Miˬyehˇ aˬ dui-ahˇ yaw shehꞈ kʼahˬ sehˇ biꞈ laꞈ gaˇ noeˬ tmˬ-awˇ, aˬ dui nui ma huiˬ kʼaˇ za-eu ma.

Lormav 3:24

Ehˇ kʼawꞈ, Miˬyehˇ gʼawˬ shaˬ gaˬ-eu jeˬ yawꞈ ngehꞈ-ehˇ biꞈ leꞈ-awˇ, tsawˇ haˬ zaˬ-ahˇ bi buˬ bi law-iˇ-eu gʼaˬ pyeuꞈ-eu Yeˬsuˇ Ka li baˬ da neh, dawˬ tawˆ luꞈ Miˬyehˇ-ahˇ tsaˬ leˇ tsahˇ leˇ ni jahˇ-euˬ meh.

Gʼaˬkʼehˇ 17:34

Tsawˇ haˬ tiˬ paˆ na deuˬ aˬ yawꞈ nehˬ-ehˇ nui ma gm-awˇ jah-euˬ meh. Jah laˇ-euˬ tsawˇ haˬ kʼoeˇ deuˬ laꞈ kʼoeˇ, meuˬ kʼoeˇ meuˬ-ahˇ uˆ lahˇ-eu baꞈ dzah aˇ muˇ-ahˇ ahˇ-eu Daˬyawˇnaˬsiˇ hawˇ-eu Daˬmaˬliˇ lehˇ myahˇ-euˬ zaˬ miˬ zaˬ tiˬ gʼaˬ uˬ taꞈ, nui deuˬ kʼawꞈ ahˇ-eu meh.

Gʼaˬkʼehˇ 17:4

Aˬ yawꞈ maꞈ tiˬ paˆ na deuˬ noeˬ pehꞈ-awˇ, Pawˇluˆ hawˇ-eu Siˬlaˆ nehˬ-ehˇ gm leˇ-euˬ meh. Myaˆ pyawˬ naˇ mehˇ jaˆ-eu zaˬ miˬ zaˬ gʼawˬ mya gʼaˬ hawˇ-eu Heˬlaˬsaˇ tsawˇ haˬ gʼawˬ mya ni Miˬyehˇ-ahˇ uˬ duˬ tahˬ-euˬ meh.

Gʼaˬkʼehˇ 16:14

Saˬdiˬlehˇ meuˬ-ahˇ jawˇ-awˇ aˇ poeˬ kʼaˆ dui dui-eu neˇ naˆ naˆ-eu saˬ paˇ gaꞈ-eu Lu diˇ lehˇ myahˇ-euˬ zaˬ miˬ zaˬ tiˬ gʼaˬ kʼawꞈ, nga maꞈ mehˬ gaˇ naˇ haˬ-euˬ meh. Aˬ yawꞈ-aˬ, Miˬyehˇ-ahˇ uˬ duˬ tahˬ-eu zaˬ miˬ zaˬ tiˬ gʼaˬ pyeuꞈ-awˇ, Pawˇluˆ dawˬ mehˬ mehˬ gaˇ yaw muiˬ paˬ-ehˇ naˇ haˬ ni, SahˬpaˬMiˬyehˇ neh aˬ yawꞈ-euˬ nui ma laˇ gʼoˆ pah nehˬ-euˬ meh.

Gʼaˬkʼehˇ 14:3

Gʼaˬ kʼehˇ kʼoeˇ nyiˬ gʼaˬ kʼoeˇ gaˇ gʼawˬ myahˇ ni jawˇ-awˇ, Sahˬpaˬ Miˬyehˇ-euˬ gaˇ kawˆ kʼaˬ duˬ ni mehˬ-euˬ meh. Sahˬpaˬ Miˬyehˇ neh aˬ yawꞈ nyaꞈ-ahˇ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ jahˇ nya-eu baoˬ biꞈ-eu laꞈ kʼoeˇ, aˬ yawꞈ-euˬ gʼawˬ shaˬ gaˬ-eu jeˬ gaˇ kawˆ mehˬ-eu kʼoeˇ tsaˬ-eu jeˬ pyeuꞈ-eu saˇ kiˇ bi doˆ laˇ-euˬ meh.

2 Beˬtuˆluˆ 3:14

Kʼoeˇ miˇ neh cawˬ deuˬ-oˇ, Aˇnah kʼoeˇ nah-ahˇ naw maꞈ dawˬ luꞈ-eu loꞈ-ehˇ, Miˬyehˇ mehˬ shi iˬ baˇ taˬ kʼaˇ maˬ za-eu Miˬyehˇ-ahˇ tsaˬ leˇ tsahˇ leˇ gʼaˬ-euˬ muiˬ-eu shawˇ-eu tsawˇ haˬ pyeuꞈ ni leh jeh-awˬ.

1 Beˬtuˆluˆ 5:12

Ngaˇ jah coeˇ-eu aˬ nyiˇ Siˬlaˇ-ahˇ gʼoe-awˇ, naw maꞈ-ahˇ sahˬ boꞈ heu taꞈ yaw nymˇ nymˇ-ehˇ boꞈ ahˇ laꞈ-eu ma. Naw maꞈ-ahˇ gʼaˬ biꞈ mawꞈ-eu miˇ neh sahˬboꞈ heu taꞈ ngaˇ boꞈ-euˬ ma. Sahˬ boꞈ heu taꞈ-aˬ, maˇ maˇ ni Miˬyehˇ-euˬ guiˬ lahˬ yaw dzahˇ pyeuꞈ-eu ma. Guiˬ lahˬ yaw dzahˇ heu-euˬ laꞈ kʼoeˇ ziꞈ dah ni jawˇ-awˬ.

Gaˬlaˬtiˆ 5:4

Naw maꞈ Zahˇ dawˬ kʼoꞈ dawˬ-ahˇ mˇ byah-eu laꞈ kʼoeˇ Miˬyehˇ-ahˇ tsaˬ leˇ tsahˇ leˇ ni leh jeh-eu tsawˇ haˬ deuˬ-aˬ, Ka li-ahˇ maˬ paˇ taꞈ-ehˇ, Miˬyehˇ gʼawˬ shaˬ gaˬ-eu guiˬ lahˬ-euˬ laꞈ nyiˇ paw jawˇ-eu tsawˇ haˬ deuˬ pyeuꞈ-eu meh.

Gʼaˬkʼehˇ 28:23

Kʼoeˇ naˇ, aˬ yawꞈ maꞈ aˇ nah tiˬ nah laˆ duˬ-awˇ, aˇ nah kʼoeˇ nah keuˆ laˇ ngeh, tsawˇ haˬ gʼawˬ mya ni Pawˇluˆ jawˇ gaˇ uiˬ laˇ-euˬ meh. Uˬ shawˬ paw neh uˬ ciꞈ paw keuˆ ni, Pawˇluˆ neh aˬ yawꞈ maꞈ-ahˇ Miˬyehˇ Miˇkʼahˬ gaˇ kawˆ ja mehˬ-awˇ, Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ gaˇ kawˆ-ahˇ gʼoe gʼoe-ehˇ, Yeˬsuˇ-euˬ gaˇ kawˆ-ahˇ jah laˇ ni leh jeh-awˇ mehˬ nehˬ-euˬ meh.

Gʼaˬkʼehˇ 17:17

Kʼoeˇ miˇ neh, Yuˇdaˆ tsawˇ haˬ deuˬ hawˇ-eu Miˬyehˇ-ahˇ uˬ duˬ tahˬ-eu aˬ cawˬ tsawˇ jeuˬ nehˬ-ehˇ uˬ duˬ tahˬ nymˇ laꞈ kʼoeˇ ja uˇ-eu uˬ taꞈ, lehˆ lehˆ tsmˇ miˇ kʼahˬ zaˬ baꞈ dzah dzah duˬ-ahˇ kʼawꞈ, kʼaˇ iˇ kʼaˇ laˇ doˆ-eu tsawˇ haˬ deuˬ nehˬ-ehˇ ja uˇ haw-euˬ meh.

Gʼaˬkʼehˇ 13:50

Ehˇ kʼawꞈ, meuˬ laꞈ kʼoeˇ aˬ yuiꞈ aˬ tsu geuꞈ luꞈ-eu deuˬ hawˇ-eu, Miˬyehˇ-ahˇ uˬ duˬ tahˬ-eu myaˆ pyawˬ naˇ mehˇ jaˆ-eu aˬ cawˬ tsawˇ jeuˬ zaˬ miˬ zaˬ deuˬ, Pawˇluˆ hawˇ-eu Baˬnaˬbaˇ-ahˇ nui ma pehˇ ni Yuˇdaˆ tsawˇ haˬ deuˬ kawˆ-awˇ, aˬ yawꞈ nyaꞈ-ahˇ bi kʼehˬ-awˇ, miˇ kʼahˬ kʼoeˇ kʼahˬ-ahˇ neh bi teh dzeh-euˬ meh.

Gʼaˬkʼehˇ 6:5

Gʼaˬ kʼehˇ deuˬ kʼoeˇ loꞈ-ehˇ ehˇ gaˇ, aˇ muˇ muˇ lah-ehˇ nui ma tsaˬ-awˇ, tsawˇ haˬ heu deuˬ-ahˇ tseˇ doˆ-euˬ meh. Jah-eu nui ma tiˬ byah ni ahˇ-awˇ, Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-eu Saˬteˬpaˬ, Piˇliˇpuˆ, Bawˇkawˬ, Niˇgaˬnawˬ, Tiˇmoˬ, Baˬmeˬnaˇ, Niˇgawˇla heu deuˬ meh. Niˇgawˇla-aˬ, yaw beh Aˬdiˇawˬ meuˬ-ahˇ jawˇ-euˬ lawˇ ciꞈ zaˬ pyeuꞈ-awˇ, dzeuˇ laˇ ngeh Yuˇdaˆ tsawˇ haˬ-euˬ zahˇ tiˬ poˆ tawˬ haw-euˬ meh.

Gʼaˬkʼehˇ 2:10

Puˬgiˇ miˇ kʼahˬ, Paˬbuˇliˇ miˇ kʼahˬ, Iˇjiˇtuˆ miˇ kʼahˬ, Kuˇleˬniˬ miˇ kʼahˬ dawˬ peh jaˆ-eu Liˆbyaˇ miˇ kʼahˬ, heu deuˬ doe ni tiˬ paw tiˬ gʼaˬ-ehˇ jawˇ-eu tsawˇ haˬ deuˬ ma. Aˬ dui tiˬ paˆ na deuˬ-aˬ, Loˇmaˆ meuˬ-ahˇ jawˇ-eu oe taˬ-euˬ meh.

Maꞈtehˬ 23:15

Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-euˬ uˬ duˬ tahˬ-eu zahˇ sahˇ kʼoꞈ laꞈ kʼoeˇ tsawˇ haˬ yaw shuiꞈ tiˬ gʼaˬ bi uˇ laˇ-eu gʼaˇ duˬ, miˇ kʼahˬ poˆ laˆ cah paˇ-awˇ, laˆ shaˆ nui baˬ iˇ tsehˆ iˇ tsehˆ-ehˇ naw maꞈ leh jeh-eu meh. Ehˇ kʼawꞈ, tsawˇ haˬ kʼoeˇ gʼaˬ-ahˇ naw maꞈ mehˬ paˇ nehˬ gʼaˬ ngeh jawˇ, naw maꞈ loꞈ-ehˇ shiˬ buiˇ lah ma-ahˇ uˇ leˇ-eu paw, gʼaˬ nyiˬ bymˇ paˇ kʼaˆ dzehˬ laˇ ni jahˇ nehˬ gaˇ duˇ-eu meh.

1 Yoˇhaˬ 2:28

Ngaˇ gaˬ dui dui-eu zaˬ deuˬ-oˇ, Ka li zaꞈ le-eu Aˇ nah keuˆ le-awˇ, aˬ yawꞈ-ahˇ bya cehˆ ni ya mawˇ ngeh, aˬ dui-euˬ nui ma maˬ ya baˬ-ehˇ, aˬ yawꞈ-ahˇ shaꞈ dawˇ-eu baˬ da neh cehˆ zaꞈ cehˆ zaꞈ-ehˇ maˬ ya shaˬ ni, nymˬ-mˇ naw maꞈ aˬ yawꞈ-euˬ laꞈ kʼoeˇ jawˇ-awˬ.

Tiˇtuˆ 2:11

Aˬ jeˬ miˇ neh ehˇ naˇ, tsawˇ haˬ zaˬ dawˬ tawˆ luꞈ-ahˇ ka kʼoꞈ-eu gʼaˇ duˬ, Miˬyehˇ aˬ yawꞈ-euˬ guiˬ lahˬ yaw dzahˇ pah mehˬ laꞈ-euˬ meh.

Gʼaˬkʼehˇ 18:7

Kʼoeˇ naˇ, aˬ yawꞈ maꞈ jawˇ gaˇ neh aˬ yawꞈ doˆ-iˇ-awˇ, Tiˇtuˆ Yuˇtuˬ lehˇ myahˇ-euˬ, Miˬyehˇ-ahˇ uˬ duˬ tahˬ-eu aˬ cawˬ tsawˇ jeuˬ tiˬ gʼaˬ-euˬ nymˇ-ahˇ jawˇ-iˇ-euˬ meh. Tsawˇ haˬ kʼoeˇ gʼaˬ-euˬ nymˇ-aˬ, uˬ duˬ tahˬ nymˇ-ahˇ nymˇ kaˬ taꞈ-eu meh.