Gʼaˬkʼehˇ 12:11 - Akha

¹¹ Kʼoeˇ ngeh, Beˬtuˆluˆ yaw muiˬ paˬ-ehˇ noeˬ gahˇ laˇ-awˇ, heu loꞈ-ehˇ ehˇ-eu meh. “Nymˬ-mˇ poˆ jawˇ-aˬ, yuꞈ maˆ maˆ-eu maˬ ngeuˇ-ehˇ aˬ diˇ aˬ maˇ pyeuꞈ luꞈ law hawˇ ngaˬ tawˇ. Sahˬpaˬ Miˬyehˇ-aˬ, aˬ yawꞈ-euˬ mˬ taˆ gʼaˬ kʼehˇ pyehˬ gʼeh leꞈ-awˇ, Heˬloˆ-euˬ baoˬ laꞈ kʼoeˇ maˬ ehˇ, Yuˇdaˆ tsawˇ haˬ deuˬ neh ngaˬ-ahˇ jahˇ nehˬ-eu lehˇ noeˬ tmˬ taˬ-euˬ jeˬ laꞈ kʼoeˇ maˬ ehˇ, ngaˬ-ahˇ bi ka kʼoꞈ le-euˬ ngaˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoerngae, Beqtuvluv noeqbeur lar-awr aer-eu, “Sanqpaq Miqyaer, aqyawf-euq mqtav ghaqkhaer bi’oe-awr, Heqlor-euq aqlaf hawr-eu Yurdav tsawrhaq nae noeqtmq taq-euq jeq dawqtawv luf-anr nae ngaq-anr bibuq-ir naeqlaf-euq nga laer, nymq-mr ngar aqdir siqduq-euq ma.”

Gʼaˬkʼehˇ 12:11 Referans Kwoze

Daˬyeˬlaˇ 6:22

Aˇ laˬ jaˬ shiˇ ngaˬ-ahˇ maˬ ya kawꞈ sehꞈ dzaˬ ni, Miˬyehˇ aˬ yawꞈ-euˬ mˬ taˆ gʼaˬ kʼehˇ pyehˬ gʼeh leꞈ-awˇ aˇ laˬ jaˬ shiˇ-euˬ kʼaˬ meh-ahˇ paꞈ tsoeˬ tsoeˬ-euˬ meh. Ngaˇ iˬ baˇ maˬ ahˇ-ehˇ, sahˬ paˬ nawˬ-ahˇ ngaˬ neh mˇ lehˬ taˬ-euˬ maˬ jaˆ-a lehˇ aˬ yawꞈ siˬ nya-eu miˇ neh, aˬ yawꞈ heu loꞈ-ehˇ mˇ-euˬ meh.”

Daˬyeˬlaˇ 3:28

Kʼoeˇ ngeh, sahˬ paˬ heu loꞈ-ehˇ ehˇ-eu meh. “Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-euˬ Miˬyehˇ-ahˇ ja ceuˬ-awˬ. Aˬ yawꞈ-ahˇ gʼoe-awˇ aˬ yawꞈ-euˬ nui kʼahˇ mˇ-eu tsawˇ haˬ heu smˇ gʼaˬ-ahˇ, aˬ yawꞈ-euˬ mˬ taˆ gʼaˬ kʼehˇ pyehˬ leꞈ-awˇ bi ka kʼoꞈ le-euˬ meh. Aˬ yawꞈ maꞈ-euˬ Miˬyehˇ-ahˇ maˬ ngeuˇ naˇ miˬ yehˇ nui gʼaˬ-ahˇ uˬ duˬ maˬ tahˬ lehˇ, shiˇ gaˇ maˬ guˆ ni ngaˬ-euˬ ehˇ dawˬ-ahˇ puiˬ-euˬ meh.

2 Beˬtuˆluˆ 2:9

Kʼoeˇ miˇ neh, Yaˇ kʼaˬ daˇ-eu Aˇ nah gʼaˇ duˬ, Miˬyehˇ-ahˇ yaw zeu baw-eu tsawˇ haˬ deuˬ-ahˇ aˬ joˆ-ehˇ bi buˬ-iˇ-eu gaˇ kawˆ hawˇ-eu, haiˬ-eu tsawˇ haˬ deuˬ-ahˇ aˬ joˆ-ehˇ ya kʼehˬ ya kʼaˆ nehˬ-eu gaˇ kawˆ, Miˬyehˇ siˬ nya meh.

Jaceuq 34:7

Yawꞈ-ahˇzeu-eu deuˬ-euˬtiˬjawˬ, mˬtaˆgʼaˬkʼehˇloꞈpiˇle-awˇ, guˆgaˆlaꞈkʼoeˇka kʼoꞈ-eu meh.

Gʼaˬkʼehˇ 5:19

Ehˇ kʼawꞈ, kʼoeˇ ngeh miˇ Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ paꞈ kuˆ laˇ gʼoˆ pah le-awˇ, gʼaˬ kʼehˇ deuˬ-ahˇ sheuˬ doˆ nehˬ-awˇ, heu loꞈ-ehˇ ehˇ nehˬ-euˬ meh.

Luˇkaꞈ 15:17

Aˬ li kʼoeˇ gʼaˬ aˬ yawˇ yawꞈ noeˬ gahˇ laˇ-awˇ, ‘Ngaˬ da-ahˇ gʼaˬ mahˇ mahˇ dzaˬ-eu tsawˇ haˬ deuˬ maˬ dzaˬ maˬ dawˇ jiˇ coeˇ-a. Ehˇ kʼawꞈ, ngaˇ-aˬ, heu gaˇ hawˬ dzahˬ sehꞈ shaw-iˬ miˇ-a.

Jaceuq 33:18

SahˬpaˬMiˬyehˇ-euˬmyaˆnuiˆ-aˬ, yawꞈ-ahˇzeu-eu tsawˇhaˬhawˇ-eu, yawꞈgaˬgaˇgʼoe-eu tsawˇhaˬ-ahˇ, maˬtsehˆleˇni haw piˇ-eu meh.

Gʼaˬkʼehˇ 12:7

Ja pyuˬ ni SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ kʼoeˇ gaˇ yawꞈ le-awˇ, paˬ kuˆ aˇ lawˆ kʼoeˇ lawˆ-ahˇ yaw shehꞈ bya le-euˬ meh. Mˬ taˆ gʼaˬ kʼehˇ kʼoeˇ gʼaˬ Beˬtuˆluˆ-euˬ baꞈ pu-ahˇ ngawˬ zuˆ-awˇ, “Yaw kawˇ-ehˇ tuˇ-awˬ” lehˇ laˆ noeˬ-euˬ meh. Beˬtuˆluˆ-euˬ aˬ laꞈ-ahˇ paꞈ taˬ-euˬ shmˇ caˆ kʼoeˇ deuˬ ga puiˇ-iˇ-euˬ meh.

Daˬyeˬlaˇ 3:25

“Toˆ-ehˇ ngeuˇ naˇ, aˬ jeˬ miˇ neh miˬ dzaˬ laꞈ kʼoeˇ tsawˇ haˬ oeˬ gʼaˬ cah luꞈ-eu ngaˬ-ahˇ mawˇ laˇ ta. Aˬ yawꞈ maꞈ-ahˇ aˇ caˆ gʼeh maˬ paꞈ taˬ-ehˇ, miˬ dzaˬ lahˇ leˇ gaˇ jiˇ maˬ duˇ nga. Oeˬ gʼaˬ tiˬ gʼaˬ miˬ yehˇ-euˬ aˬ li-ahˇ duˇ nga” lehˇ, aˬ yawꞈ ehˇ-eu meh.

Jaceuq 109:31

Aˬ jeˬ miˇ neh ehˇ naˇ, shaˬ zaˬ zahˬ zaˬ-ahˇ aˬ yawꞈ haw piˇ-awˇ, shiˇ gaˇ keuˆ ni kʼaˆ dzaˬ-eu deuˬ-euˬ laꞈ-ahˇ ka kʼoꞈ doˆ nehˬ-eu meh.

Jaceuq 97:10

Yaw haiˬ jeˬ-ahˇ bye-eu tsawˇ haˬ deuˬ-ahˇ Sahˬpaˬ Miˬyehˇ gaˬ-eu meh. Aˬ yawꞈ-euˬ tsawˇ haˬ deuˬ maˬ ya luˬ ma ya seˇ-iˇ ni, aˬ yawꞈ haw piˇ-eu meh. Haiˬ-eu tsawˇ haˬ deuˬ-euˬ laꞈ-ahˇ, aˬ yawꞈ maꞈ-ahˇ ka kʼoꞈ nehˬ-eu meh.

2 Saˬmeuˬlaˆ 22:1

Sawˇluˆ-euˬ aˬ laꞈ laꞈ kʼoeˇ hawˇ-eu, muiˇ-eu tsawˇ haˬ nui deuˬ-euˬ aˬ laꞈ laꞈ kʼoeˇ Daˬbiˇ-ahˇ Sahˬpaˬ Miˬyehˇ ka kʼoꞈ nehˬ ngeh, Sahˬpaˬ Miˬyehˇ-ahˇ caˇ dawˬ heu bymˇ Daˬbiˇ caˇ nehˬ-euˬ meh.

Jaceuq 41:2

Yawꞈmaꞈyaw dehꞈdehꞈ-eu jeˬ-ahˇ, SahˬpaˬMiˬyehˇhaw piˇtehꞈ-a. Miˇkʼahˬheu kʼahˬlaꞈkʼoeˇdehꞈngeh, SahˬpaˬMiˬyehˇguiˬlahˬbiꞈ-awˇ, muiˇ-eu deuˬ-euˬ aˬlaꞈlaꞈkʼoeˇ, maˬbi keuˆleˇni haw tehꞈ-a.

Jaceuq 34:22

SahˬpaˬMiˬyehˇ-euˬtsawˇhaˬ-ahˇ, SahˬpaˬMiˬyehˇka kʼoꞈtehꞈ-a. Aˬyawꞈ-ahˇtahˬshaˇleˇ-eu deuˬ, luˬgaˇseˇgaˇmaˬya keuˆ-a.

Yawˇbaˆ 31:31

Boeˇ miˬ siˬ kʼaˬ deuˬ-ahˇ ngaˇ aˬ myah luꞈ nymˇ daˆ kuˇ daˆ-euˬ gaˇ kawˆ, ngaˬ-euˬ gaˇ mˇ-eu tsawˇ haˬ dawˬ tawˆ luꞈ siˬ nya meh.

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.

Gʼaˬkʼehˇ 24:27

Nyiˬ kʼoꞈ byah laˇ ngeh, Peˬliˇ-euˬ jawˇ duˬ-ahˇ Bawˇgiˇ Beˬtuˇ sahˬ paˬ paˇ geuꞈ le-euˬ meh. Peˬliˇ-aˬ, Yuˇdaˆ tsawˇ haˬ mehˬ shi tsawˇ myahˇ za mawꞈ-eu miˇneh Pawˇluˆ-ahˇ tawˬ-ahˇ bi uˇ yaꞈ-euˬ meh.

Yawˇbaˆ 5:19

Shaˬ-eu zahˬ-eu jeˬ laꞈ kʼoeˇ tiˬ poˆ saˇ-i tiˬ poˆ aˬ yawꞈ nawˬ-ahˇ ka kʼoꞈ tehꞈ-a.

Aˇ dahˬ 26:9

Kʼoeˇ ngeh, Iˇtsaˆ-ahˇ bi kuˇ laˬ-iˇ-awˇ, “Leˬbehˇkaꞈ nawˬ-euˬ miˬ zaˬ pyeuꞈ law hawˇ ngaˬ tawˇ. Nawˬ-euˬ dmˇ ma pyeuꞈ-eu ma lehˇ aˬ jeˬ miˇ neh nawˇ jaˬ myawꞈ myawꞈ teˬ” lehˇ ehˇ nehˬ-euˬ meh. Iˇtsaˆ gʼeh, “Aˬ yawꞈ ngaˬ-euˬ miˬ zaˬ ma lehˇ ngaˇ ehˇ naˇ, aˬ cawˬ ngaˬ-ahˇ sehꞈ laˇ-eu baw le lehˇ ngaˇ noeˬ guˆ-eu miˇ neh, kʼoeˇ loꞈ-ehˇ ehˇ-euˬ ma” lehˇ, paˇ ehˇ kʼoꞈ nehˬ-euˬ meh.

Aˇ dahˬ 18:13

Aˬbyaˬhaˬ-ahˇ Sahˬpaˬ Miˬyehˇ ehˇ nehˬ-eu, “Aˬ jeˬ miˇ neh Saˬlaˇ uiˇ uiˇ-ehˇ, ‘Ngaˇ loꞈ-ehˇ gʼeh-eu tsawˇ mawˬ tiˬ gʼaˬ zaˬ paˇ jawˇ le nya ta siˬ loˇ’ lehˇ ehˇ ta. Sahˬpaˬ Miˬyehˇ maˬ jahˇ nya-eu jeˬ jaˆ ta loˇ.

Aˇ dahˬ 15:13

Aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ zaˬ nawˬ-euˬ uˆ deuˬ, aˬ cawˬ miˇ kʼahˬ laꞈ kʼoeˇ boeˇ miˬ siˬ kʼaˬ loꞈ-ehˇ ya jawˇ tehꞈ-a. Oeˬ yaˇ kʼoꞈ keuˆ ni aˬ yawꞈ maꞈ aˬ cawˬ zaˬ kʼaˆ ya geuꞈ-awˇ, aˬ cawˬ kʼehˬ nehˬ kʼaˆ nehˬ gaˇ ya daˬ tehꞈ-a.

Gʼaˬkʼehˇ 25:9

Ehˇ kʼawꞈ, Beˬtuˇ-aˬ, Yuˇdaˆ tsawˇ haˬ mehˬ shi tsawˇ myahˇ za mawꞈ-eu miˇ neh, Pawˇluˆ-ahˇ ehˇ nehˬ-eu, “Nawˇ Yeˬluˇsaˬlehˬ meuˬ-ahˇ le-awˇ, ngaˬ-euˬ mehˬ shi gaˇ kawˆ heu hmˬ yaˇ kʼaˬ ja mawꞈ miˇ-a loˇ.”

Jaceuq 33:19

Shiˇ-eu laꞈkʼoeˇ ka kʼoꞈnehˬ-awˇ, mehꞈngeh shuꞈngeh maˬbi shiˇ-a.