Gʼaˬkʼehˇ 11:3 - Akha

³ “Aˬ jeˬ miˇ neh nawˇ baˆ kʼoˆ mehˬ dzaˬ maˬ yehˬ-euˬ aˬ cawˬ tsawˇ jeuˬ-euˬ nymˇ-ahˇ daˆ leˇ-eu uˬ taꞈ, aˬ yawꞈ maꞈ nehˬ-ehˇ dzaˬ taꞈ dawˇ taꞈ te.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ aer-eu, “Nawr beu-euq, bawkhov maeqdzaq maqyaeq-euq tsawrhaq-euq nymr-anr urler-euq uqtaf, aqyawfmaf naeq-aer dzaqtaf dawrtaf-euq nga-eq!”

Gʼaˬkʼehˇ 11:3 Referans Kwoze

Gʼaˬkʼehˇ 10:28

Tsawˇ haˬ kʼoeˇ deuˬ-ahˇ Beˬtuˆluˆ ehˇ nehˬ-eu, “Yuˇdaˆ tsawˇ haˬ tiˬ gʼaˬ, aˬ cawˬ tsawˇ jeuˬ-ahˇ cawˬ cawˬ-eu maˬ ehˇ, dawˬ deh gʼa taꞈ-eu maˬ ehˇ, maˬ mˇ kʼmˬ-eu gaˇ kawˆ naw maꞈ yaw muiˬ paˬ-ehˇ siˬ duˬ-eu meh. Ehˇ kʼawꞈ, tsawˇ haˬ tiˬ gʼaˬ-ahˇ-iˬ maˬ muiˬ maˬ shawˇ-eu tsawˇ haˬ lehˇ maˬ ya sawˇ-eu gʼaˇ duˬ, Miˬyehˇ ngaˬ-ahˇ mehˬ nehˬ laꞈ gʼaˬ-euˬ meh.

Gaˬlaˬtiˆ 2:12

Yaˬkoˆ neh kʼehˇ gʼeh laꞈ-euˬ tsawˇ haˬ deuˬ maˬ laˇ keuˆ siˬ kʼoeˇ-aˬ, aˬ cawˬ tsawˇ jeuˬ Ka li zaˬ deuˬ nehˬ-ehˇ Beˬtuˆluˆ dzaˬ taꞈ dawˇ taꞈ-euˬ meh. Ehˇ kʼawꞈ, tsawˇ haˬ kʼoeˇ deuˬ laˇ keuˆ ngeh jawˇ, aˬ cawˬ tsawˇ jeuˬ nehˬ-ehˇ maˬ dzaˬ maˬ dawˇ taꞈ ni pyeuꞈ-iˇ-euˬ meh. Aˬ jeˬ miˇ neh ehˇ naˇ, Yuˇdaˆ tsawˇ haˬ maˬ ngeuˇ-eu deuˬ-ahˇ kʼawꞈ baˆ kʼoˆ mehˬ dzaˬ bi yehˬ mawꞈ-eu nui ma ahˇ-eu tsawˇ haˬ kʼoeˇ deuˬ-ahˇ aˬ yawꞈ guˆ-eu meh.

Luˇkaꞈ 15:2

Kʼoeˇ ngeh, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ Yeˬsuˇ-ahˇ iˬ baˇ taˬ-awˇ ehˇ-eu, “Tsawˇhaˬ heu gʼaˬ iˬ baˇ zaˬ lehˇ sawˇ taˬ-euˬ deuˬ-ahˇ ha geuꞈ-eu uˬ taꞈ, tiˬ kawˆ loꞈ-ehˇ dzaˬ taꞈ dawˇ taꞈ-eu nga.”

2 Yoˇhaˬ 1:10

Kʼoeˇ miˇ neh, Ka li neh mehˬ-euˬ tsoˆ-euˬ jeˬ maˬ yuˇ laꞈ ni naw maꞈ jawˇ gaˇ kʼaˇ laˇ-eu tsawˇ haˬ deuˬ-ahˇ iˇ kahˇ laꞈ kʼoeˇ taˬ ha ahˇ. Dawˬ cawˬ kʼawꞈ taˬ puˬ nehˬ.

1 Gawˇliˬtu 5:11

Ngaˇ ehˇ mawꞈ-eu-aˬ, heu loꞈ-ehˇ ma. Yawˬ haˇ yawˬ ha jah-eu tsawˇ haˬ ma lehˇ ehˇ kʼawꞈ, aˬ cawˬ nehˬ-ehˇ joe-eu, nui kʼahˇ huiˬ-eu, tahˬ pahˬ aˬ ma mawˇ kawˇ-ahˇ uˬ duˬ tahˬ-eu, aˬ cawˬ-ahˇ ja bu ja doeˇ-eu, jiˇ baˬ dawˇ yehꞈ-eu, smˇ kʼoeˬ kʼoeˬ-eu, heu deuˬ-ahˇ mˇ-eu tsawˇ haˬ-ahˇ cawˬ taˬ cawˬ lehˇ ehˇ mawꞈ-eu ma. Kʼoeˇ loꞈ-ehˇ gʼeh-eu tsawˇ haˬ deuˬ nehˬ-ehˇ hawˬ jawˬ jawˬ taꞈ gaˇ keuˆ ni yahˇ-awˬ lehˇ ngaˇ nawꞈ maꞈ-ahˇ boꞈ nehˬ taˬ-euˬ ma.

Gʼaˬkʼehˇ 10:48

Kʼoeˇ miˇ neh, Yeˬsuˇ Ka li-euˬ tsawˇ myahˇ uˬ moˆ iˇ cuꞈ shawˇ-eu gʼaˇ duˬ, tsawˇ haˬ kʼoeˇ deuˬ-ahˇ aˬ yawꞈ dawˬ biꞈ-euˬ meh. Kʼoeˇ naˇ, aˬ yawꞈ maꞈ nehˬ-ehˇ tiˬ kʼehˬ jawˇ nehˬ laꞈ-eu gʼaˇ duˬ, Beˬtuˆluˆ-ahˇ aˬ yawꞈ maꞈ shaˇ-euˬ meh.

Gʼaˬkʼehˇ 10:23

Aˬ ha smˇ gʼaˬ-ahˇ Beˬtuˆluˆ kuˇ ahˇ-awˇ, uˬ ciꞈ bi yaꞈ-euˬ meh. Yawˬ nah yawˬ aˬ yawꞈ lehˬ hmˬ-awˇ, aˬ ha smˇ gʼaˬ nehˬ-ehˇ le-euˬ meh. Yuˇbeˬ meuˬ-ahˇ jawˇ-eu jah-eu tsawˇ haˬ tiˬ paˆ na deuˬ kʼawꞈ, aˬ yawꞈ-euˬ mehˬ nah caw teh gʼeh-euˬ meh.

Maꞈtehˬ 9:11

Paˬliˬsehˇ deuˬ kʼoeˇ gaˇ ya mawˇ ngeh Yeˬsuˇ-euˬ zaˬ lahˇ deuˬ-ahˇ ehˇ nehˬ-eu, “Naw maꞈ-euˬ saˬ laˬ aˬ jeˬ miˇ neh kʼoeˇ loꞈ-ehˇ gʼeh-eu tsawˇ haˬ deuˬ nehˬ-ehˇ dzaˬ taꞈ dawˇ taꞈ ta.”

Yoˇhaˬ 18:28

Yawˬ nah yawˬ uˬ shawˬ yaw naꞈ-ehˇ, Yeˬsuˇ-ahˇ Gaˬyaˬpaˇ-euˬ nymˇ-ahˇ neh sheuˬ doˆ gʼeh-awˇ, sahˬ paˬ-euˬ hawˇ nymˇ-ahˇ sheuˬ gʼeh-euˬ meh. Yuˇdaˆ tsawˇ haˬ aˬ yuiꞈ aˬ tsu deuˬ-aˬ, Baˬsaˬkaˬ Bawˬ-iˬ dzaˬ gaˇ uˇ leˇ-eu gʼaˇ duˬ yawˬ ha-euˬ gʼawˇ mawˇ maˬ bi jawꞈ-iˇ-ehˇ shawˇ jehˆ ni bi jaˆ mawꞈ-eu miˇ neh, sahˬ paˬ-euˬ hawˇ nymˇ laꞈ kʼoeˇ maˬ uˇ keuˆ leˇ ni jawˇ-euˬ meh.

Gʼaˬkʼehˇ 10:32

Yuˇbeˬ meuˬ-ahˇ tsawˇ haˬ kʼehˇ gʼeh-awˇ, Beˬtuˆluˆ lehˇ kuˇ-eu Siˇmoˬ kʼoeˇ gʼaˬ-ahˇ bi kuˇ laˬ-iˇ-awˬ. Iˬ ma laˆ shaˆ lawˇ dzeˇ jawˇ-eu, shaˬ kʼoˆ jahˇ-eu Siˇmoˬ lehˇ myahˇ-euˬ gʼaˬ-euˬ nymˇ-ahˇ aˬ yawꞈ yaꞈ luꞈ meh’ lehˇ ehˇ-eu meh.