Gʼaˬkʼehˇ 10:22 - Akha

²² Aˬ ha smˇ gʼaˬ ehˇ-eu, “Guiˇ maꞈ-ahˇ uˆ lahˇ-eu yaw huiˬ yaw mahˇ pyeuꞈ-eu Gawˬneˬliˇ neh nga maꞈ-ahˇ kʼehˇ leꞈ-euˬ meh. Aˬ yawꞈ-aˬ, Miˬyehˇ-ahˇ uˬ duˬ tahˬ-eu tsawˇ haˬ yaw muiˬ tiˬ gʼaˬ pyeuꞈ-awˇ, Yuˇdaˆ tsawˇ haˬ dawˬ tawˆ luꞈ aˬ yawꞈ-ahˇ yaw zeu baw-eu meh. Nawˬ-ahˇ aˬ yawꞈ-euˬ nymˇ-ahˇ kuˇ ahˇ-awˇ, nawˬ neh ngehˬ-euˬ tmˇ-euˬ dawˬ-ahˇ naˇ haˬ-eu gʼaˇ duˬ, Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ-ahˇ ehˇ le-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Khoerngae, aqyawfmaf aer-eu, “Yardzoeq guirhuq Gorneqlir-aq, Miqyaer-anr guv-awr, Yurdav tsawrjeuq tsawrca dawqtawv luf-euq lafkhoer tsawrmyanr muiq-eu, tsaq-awr dawr-eu tiq ghaq mae. Nawq-anr aqyawf-euq irkanr-euq lafkhoer kurur-awr, nawq-euq dawq narhaq-awq laer shawr-eu mqtav ghaqkhaer tiq ghaq, aqyawf-anr aernaeq le-euq mae.”

Gʼaˬkʼehˇ 10:22 Referans Kwoze

Gʼaˬkʼehˇ 11:14

Nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ ka kʼoꞈ-eu jeˬ za nya ni, aˬ yawꞈ dawˬ mehˬ mehˬ nehˬ laꞈ tehꞈ-a’ lehˇ ehˇ-eu meh lehˇ, ngaˬ-ahˇ dzawˇ nehˬ laꞈ-euˬ meh.

Gʼaˬkʼehˇ 10:2

Aˬ yawꞈ-aˬ, guiˬ lahˬ saꞈ laˇ paw gʼaˬ kʼaˆ-awˇ, aˬ yawꞈ hawˇ-eu miˬ sawˇ zaˬ dawˬ tawˆ luꞈ, Miˬyehˇ-ahˇ uˬ duˬ tahˬ-eu meh. Shaˬ-eu zahˬ-eu Yuˇdaˆ tsawˇ haˬ deuˬ-ahˇ aˬ yawꞈ caw ba-awˇ, Miˬyehˇ-ahˇ maˬ tsehˆ leˇ ni guiˬ lahˬ shaˇ-eu meh.

3 Yoˇhaˬ 1:12

Tsawˇ haˬ yawˬ gʼaˬ na luꞈ, Deˬmeˬdeˬliˇ-euˬ gaˇ kawˆ yaw muiˬ jeˬ ja luꞈmeh. Yaw tsaˬ yaw dawˇ jeˬ kʼawꞈ, aˬ yawꞈ-ahˇ yaw muiˬ meh lehˇ ehˇ-eu meh. Nga maꞈ kʼawꞈ, kʼoeˇ loꞈ-ehˇ saˇ kiˇ kamˬ-eu ma. Nga maꞈ ehˇ-eu heu tsaˬ meh lehˇ nawˇ kʼawꞈ siˬ nya luꞈ meh.

2 Beˬtuˆluˆ 3:2

Aˇ hu ba Miˬyehˇ gʼaˇ duˬ ngehˬ dah yaꞈ-euˬ muiˬ-eu shawˇ-eu tsawˇ haˬ deuˬ-euˬ dawˬ hawˇ-eu, naw maꞈ-ahˇ mehˬ-eu gʼaˬ kʼehˇ deuˬ neh biꞈ-euˬ ka kʼoꞈ-eu gʼaˬ pyeuꞈ-eu SahˬpaˬYeˬsuˇ-euˬ dawˬ-ahˇ naw maꞈ bi noeˬ mawˇ mawꞈ miˇ-a.

HeˬByehˇ 12:23

Mˬ kʼoeˇ taˆ tsawˇ myahˇ bi boꞈ ahˇ taˬ-euˬ deuˬ pyeuꞈ-eu, dehꞈ beh beh le-euˬ Miˬyehˇ-euˬ zaˬ deuˬ laˬ kʼaˬ tiˬ cehˇ uiˬ leˇ taˬ-euˬ gaˇ naw maꞈ laˇ-euˬ jeˬ pyeuꞈ-eu meh. Tsawˇ haˬ zaˬ dawˬ tawˆ luꞈ-ahˇ yaˇ kʼaˬ daˇ-eu gʼaˬ pyeuꞈ-awˇ, tsawˇ muiˬ deuˬ-euˬ saꞈ laˇ-ahˇ bi muiˬ bi byah laˇ-eu gʼaˬ pyeuꞈ-eu Miˬyehˇ jawˇ gaˇ naw maꞈ laˇ-euˬ jeˬ pyeuꞈ-eu meh.

HeˬByehˇ 11:2

Aˇ hu tsawˇ haˬ deuˬ-ahˇ Miˬyehˇ nui kʼahˇ shiˇ-euˬ kʼoeˇ-aˬ, aˬ yawꞈ maꞈ jah-euˬ miˇ neh meh.

HeˬByehˇ 10:38

Ehˇ kʼawꞈ tsaˬ-eu dawˇ-eu tsawˇ haˬ, jah-eu baˬ da neh dehꞈ tehꞈ-a. Aˬ yawꞈ ngaˬ-ahˇ byehˇ dzeh laꞈ naˇ, aˬ yawꞈ-ahˇ ngaˇ nui kʼahˇ maˬ shiˇ.”

1 Tiˆmoˇseˬ 3:7

Aˬ cawˬ ja bu ja doeˇ gaˇ ya daˬ-awˇ, Nehꞈ sahˬ paˬ lahˇ ju kʼmˇ taˬ-euˬ gaˇ maˬ ya bi paꞈ leˇ-eu gʼaˇ duˬ, Ka li zaˬ aˇ muˇ-euˬ laꞈ nyiˇ paw jawˇ-eu tsawˇ haˬ deuˬ yaw zeu baw-eu tsawˇ haˬ ya bi pyeuꞈ meh.

2 Gawˇliˬtu 5:18

Heu deuˬ dawˬ tawˆ luꞈ Miˬyehˇ neh mˇ-euˬ jeˬ pyeuꞈ-eu meh. Ka li-ahˇ gʼoe-eu laꞈ kʼoeˇ aˬ dui aˬ yawꞈ-ahˇ tsaˬ leˇ tsahˇ leˇ nya ni aˬ yawꞈ mˇ-awˇ, aˬ cawˬ aˬ yawꞈ-ahˇ tsaˬ leˇ tsahˇ leˇ ni mˇ-eu gʼaˇ duˬ aˬ dui-ahˇ aˬ yawꞈ gaˇ biꞈ nehˬ laꞈ-euˬ meh.

Lormav 1:17

Tsawˇ haˬ zaˬ aˬ yawꞈ-ahˇ tsaˬ laˇ tsahˇ laˇ ni Miˬyehˇ aˬ joˆ-ehˇ jahˇ-eu gaˇ kawˆ, La kʼaˬ cehˇ-eu Guiˬ lahˬ dawˬ laꞈ kʼoeˇ pah mehˬ taˬ-euˬ meh. Miˬyehˇ neh kʼaˇ mˇ-euˬ jeˬ dawˬ tawˆ luꞈ, tsawˇ haˬ zaˬ jah-eu baˬ da neh tehꞈ-ehˇ keuˆ le nya-eu meh. “Jah-eu miˇ neh Miˬyehˇ-ahˇ tsaˬ lehˇ tsahˇ leˇ-eu tsawˇ haˬ-aˬ, saꞈ laˇ dehꞈ-eu jeˬ za tehꞈ-a” lehˇ, Jaˇliꞈ laꞈ kʼoeˇ ehˇ taˬ-euˬ meh.

Gʼaˬkʼehˇ 24:15

Tsawˇ muiˬ tsawˇ doeˇ dawˬ tawˆ luꞈ-ahˇ shiˇ-euˬ gaˇ paˇ bi gʼoꞈ dehꞈ laˇ tehꞈ-a lehˇ tsawˇ haˬ heu deuˬ Miˬyehˇ laꞈ kʼoeˇ noeˬ tmˬ-eu loꞈ-ehˇ, ngaˇ kʼawꞈ noeˬ tmˬ-eu ma.

Gʼaˬkʼehˇ 22:12

“Meuˬ kʼoeˇ meuˬ laꞈ kʼoeˇ Aˬnaˬniˇ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, guiˬ lahˬ saꞈ laˇ paw gʼaˬ kʼaˆ dui dui-awˇ, aˬ dui-euˬ Zahˇ dawˬ kʼoꞈ dawˬ-ahˇ yaw muiˬ-ehˇ caw teh-eu miˇ neh, kʼoeˇ gaˇ jawˇ-eu Yuˇdaˆ tsawˇ haˬ deuˬ aˬ yawꞈ-ahˇ yaw zeu baw dui dui-eu meh.

Gʼaˬkʼehˇ 10:33

Kʼoeˇ miˇ neh, tiˬ poˆ tehꞈ-ehˇ nawˬ-ahˇ bi kuˇ laˬ le-euˬ ma. Nawˇ nui ma keuˆ-awˇ laˇ nehˬ laꞈ-euˬ guiˬ lahˬ huiˬ miˇ-a. Nymˬ-mˇ nga maꞈ dawˬ tawˆ luꞈ, heu gaˇ Miˬyehˇ mehˬ shi uiˬ laˇ taˬ-awˇ, Sahˬpaˬ Miˬyehˇ neh nawˬ-ahˇ mehˬ nehˬ tsoˆ nehˬ-awˇ bi ngehˬ-euˬ dawˬ deuˬ-ahˇ naˇ haˬ-eu lehˇ dawˬ luꞈ-eu ma.”

Gʼaˬkʼehˇ 10:6

Iˬ ma laˆ shaˆ lawˇ dzeˇ jawˇ-eu Siˇmoˬ lehˇ myahˇ-euˬ shaˬ kʼoˆ jahˇ-eu tsawˇ haˬ tiˬ gʼaˬ-euˬ nymˇ-ahˇ aˬ yawꞈ yaꞈ luꞈ meh.”

Gʼaˬkʼehˇ 6:3

Kʼoeˇ miˇ neh aˬ yuiꞈ aˬ nyiˇ deuˬ-oˇ, naw maꞈ laꞈ kʼoeˇ Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-awˇ, tsawˇ gahˇ byah-eu tsawˇ haˬ shiꞈ gʼaˬ tseˇ doˆ-awˬ. Aˬ yawꞈ maꞈ-ahˇ gaˇ heu hmˬ bi mˇ ma.

Yoˇhaˬ 17:20

“Aˬ yawꞈ maꞈ gʼaˇ duˬ tehꞈ-ehˇ ngaˇ nawˬ-ahˇ guiˬ lahˬ shaˇ-eu maˬ ngeuˇ. Aˬ yawꞈ maꞈ-euˬ dawˬ baˬ da neh ngaˬ-ahˇ jah-eu tsawˇ haˬ deuˬ gʼaˇ duˬ kʼawꞈ shaˇ-eu ma.

Yoˇhaˬ 17:8

Aˬ jeˬ miˇ neh ehˇ naˇ, nawˬ neh ngaˬ-ahˇ biꞈ laꞈ-euˬ dawˬ deuˬ aˬ yawꞈ maꞈ-ahˇ ngaˇ biꞈ nehˬ-awˇ, aˬ yawꞈ maꞈ ha geuꞈ-euˬ meh. Ngaˇ-aˬ nawˇ jawˇ gaˇ neh oe-euˬ meh lehˇ aˬ yawꞈ maꞈ siˬ duˬ-awˇ, nawˬ neh ngaˬ-ahˇ kʼehˇ gʼeh leꞈ-euˬ meh lehˇ aˬ yawꞈ maꞈ jah-eu meh.

Yoˇhaˬ 13:20

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ neh kʼehˇ gʼeh-euˬ tsawˇ haˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ ha geuꞈ gaˇ duˇ-awˇ, ngaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼaˬ-ahˇ ha geuꞈ gaˇ duˇ-eu meh.”

Yoˇhaˬ 6:68

Siˇmoˬ Beˬtuˆluˆ ehˇ-eu, “Sahˬpaˬ-oˇ, mˬ maˬ maˬ byaˆ zaˇ ziˇ dehꞈ-eu jeˬ biꞈ-eu dawˬ nawˇ jawˇ gaˇ jaˆ ngeh keuˆ keuˆ-ehˇ-aˬ, nga maꞈ aˬ suˇ gʼaˬ jawˇ gaˇ paˇ iˇ nmˇ.

Yoˇhaˬ 6:63

Naw maꞈ-ahˇ dehꞈ-eu saꞈ laˇ biꞈ-euˬ-aˬ, Miˬyehˇ-euˬ Yaw sahˇ meh. Tsawˇ haˬ zaˬ-euˬ baoˬ neh tiˬ jeˬ-iˬ maˬ gʼeh nya-a. Ngaˬ neh naw maꞈ-ahˇ ehˇ-euˬ gaˇ kawˆ heu-aˬ, dehꞈ-eu saꞈ laˇ biꞈ-eu Miˬyehˇ-euˬ Yaw sahˇ-ahˇ naw maꞈ bi za nya-eu gʼaˇ duˬ pyeuꞈ-eu ma.

Yoˇhaˬ 5:24

“Ngaˇ naw maꞈ-ahˇ maˇ jawˆ ni ehˇ-eu ma. Ngaˬ-euˬ dawˬ ya gaˬ-awˇ, ngaˬ-ahˇ kʼehˇ gʼeh leꞈ-euˬ gʼaˬ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za meh. Miˬyehˇ neh yaˇ kʼaˬ daˇ nehˬ gaˇ maˬ ya daˬ-eu uˬ taꞈ, shiˇ-eu jeˬ-ahˇ neh dehꞈ-eu jeˬ-ahˇ tsehˆ doˆ dzeuˇ-euˬ meh.

Luˇkaꞈ 23:50

Yuˇdaˆ tsawˇ haˬ-euˬ meuˬ pyeuꞈ-eu Aˬliˇmaꞈtehˬ meuˬ-ahˇ, Yoˇsehˆ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, yaw tsaˬ yaw dawˇ tsawˇ haˬ pyeuꞈ-awˇ, Baꞈdzah laꞈ kʼoeˇ ahˇ-eu tsawˇ haˬ tiˬ gʼaˬ meh.

Luˇkaꞈ 2:25

Kʼoeˇ ngeh yamˬ-ahˇ, Suˇmoˬ lehˇ myahˇ-euˬ tsawˇ haˬ tiˬ gʼaˬ Yeˬluˇsaˬlehˬ meuˬ-ahˇ jawˇ-eu meh. Aˬ yawꞈ-aˬ, Miˬyehˇ-ahˇ guˆ-eu nui ma ahˇ-eu tsawˇ haˬ yaw muiˬ tiˬ gʼaˬ pyeuꞈ-awˇ, Iˇsaˬleˬlaˆ tsawˇ jeuˬ ka kʼoꞈ-eu jeˬ za-eu aˇ nah-ahˇ dawˬ luꞈ-eu tiˬ gʼaˬ meh. Muiˬ-eu shawˇ-eu Yaw sahˇ Miˬyehˇ aˬ yawꞈ nehˬ-ehˇ jawˇ-eu meh.

Maˬkuˆ 8:38

Bahˬ dui muˆ dui dui-awˇ iˬ baˇ myaˬ dui dui-eu ziˇ heu ziˇ laꞈ kʼoeˇ, tsawˇ haˬ tiˬ gʼaˬ na, ngaˬ-ahˇ maˬ ehˇ, ngaˬ neh mehˬ nehˬ tsoˆ nehˬ-euˬ jeˬ-ahˇ maˬ ehˇ, shaꞈ dawˇ naˇ, Tsawˇhaˬ-euˬ Zaˬ maˇ kʼawꞈ, aˬ yawꞈ Aˬda-euˬ yaw shehꞈ kʼahˬ sehˇ dm-awˇ muiˬ-eu shawˇ-eu mˬ taˆ gʼaˬ kʼehˇ deuˬ nehˬ-ehˇ zaꞈ le ngeh, tsawˇ haˬ kʼoeˇ gʼaˬ-ahˇ shaꞈ dawˇ tehꞈ-a.”

Maˬkuˆ 6:20

Heˬloˆ-aˬ, Yoˇhaˬ-ahˇ guˆ-eu meh. Aˬ jeˬ miˇ neh ehˇ naˇ, Yoˇhaˬ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ tiˬ gʼaˬ pyeuꞈ-eu meh lehˇ, aˬ yawꞈ siˬ nya-eu meh. Kʼoeˇ miˇ neh, maˬ bi ca laˇ ni haw piˇ nehˬ luꞈ-eu meh. Yoˇhaˬ-euˬ dawˬ kʼaˇ ya gaˬ ngeh aˬ yawꞈ nui ma maˬ saˇ kʼawꞈ, Yoˇhaˬ mehˬ-euˬ dawˬ-ahˇ aˬ yawꞈ naˇ haˬ mawꞈ-eu nui ma ahˇ-eu meh.

Maꞈtehˬ 1:19

Yoˇsehˆ-aˬ, yaw tsaˬ yaw dawˇ tsawˇ haˬ tiˬ gʼaˬ pyeuꞈ-eu meh. Ehˇ kʼawꞈ, Maˬliˇ-euˬ myaˆ pyawˬ naˇ mehˇ cawˆ ni aˬ yawꞈ maˬ jahˇ mawꞈ-eu miˇ neh, aˬ yawꞈ-ahˇ maˬ bi siˬ-ehˇ ciˬ cuˇ ni gʼawˬ tsehˆ ma lehˇ noeˬ-euˬ meh.

Haˬbaˬkuˆ 2:4

Gaˇ kawˆ kʼoeˇ-aˬ, heu loꞈ-ehˇ meh. Miˬyehˇ-ahˇ saˇ jaˇ maˬ puiˬ-eu, yaw tsaˬ yaw dawˇ deuˬ ya dehꞈ-awˇ, yaw haiˬ deuˬ maˬ dzeuˇ-iˇ nya-a.”

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Maꞈtehˬ 2:12

Aˬ yawꞈ maꞈ sahˬ paˬ Heˬloˆ jawˇ gaˇ maˬ ya gʼoꞈ-iˇ ni, yuꞈ maˆ maˆ-eu laꞈ kʼoeˇ Miˬyehˇ neh aˬ yawꞈ maꞈ-ahˇ ehˇ nehˬ-euˬ miˇ neh, yawˬ paw yawˬ gaˇ jaw jaw-awˇ aˬ yawꞈ maꞈ-euˬ miˇ kʼahˬ-ahˇ gʼoꞈ-iˇ-euˬ meh.

Luˇkaꞈ 9:26

Tsawˇ haˬ tiˬ gʼaˬ na, ngaˬ-ahˇ maˬ ehˇ, ngaˬ neh mehˬ nehˬ tsoˆ nehˬ-euˬ jeˬ-ahˇ maˬ ehˇ, shaꞈ dawˇ naˇ, Tsawˇhaˬ-euˬ Zaˬmaˇ kʼawꞈ, aˬ yawꞈ Aˬda-euˬ yaw shehꞈ kʼahˇ sehˇ dm-awˇ muiˬ-eu shawˇ-eu mˬ taˆ gʼaˬ kʼehˇ deuˬ nehˬ-ehˇ zaꞈ le ngeh, tsawˇ haˬ kʼoeˇ gʼaˬ-ahˇ shaꞈ dawˇ tehꞈ-a.

Gʼaˬkʼehˇ 10:21

Kʼoeˇ ngeh, Beˬtuˆluˆ zaꞈ ka-iˇ-awˇ, aˬ ha smˇ gʼaˬ-ahˇ ehˇ nehˬ-eu, “Naw maꞈ poˆ luꞈ-eu gʼaˬ ngaˇ ma. Aˬ jeˬ loˬ-eu oe teˬ.”

Gʼaˬkʼehˇ 10:30

Gawˬneˬliˇ ehˇ-eu, “Dzeuˇ yaꞈ-euˬ smˬ nah-ahˇ, nymˬ-mˇ loꞈ-ehˇ uˬ ciꞈ uˬ taw naˬ liˬ smˇ laꞈ kʼoeˇ kaˬ-ahˇ, ngaˬ-euˬ nymˇ laꞈ kʼoeˇ ngaˇ guiˬ lahˬ shaˇ luꞈ-eu ma. Ja pyuˬ ni, yaw shehꞈ bya-eu mehˬ tsoeˬ dm luꞈ-eu tsawˇ haˬ tiˬ gʼaˬ ngaˬ-euˬ mehˬ shi yawꞈ le-euˬ meh.

Panmaeq 14:10

Miˬyehˇ-euˬ nui ma pehˇ-eu kʼmˬ maˬ laꞈ kʼoeˇ, taˆ dui dui-eu Miˬyehˇ nui ma pehˇ-eu aˬ gaꞈ dzaˇ uiˇ ya dawˇ tehꞈ-a. Kʼoeˇ loꞈ-ehˇ gʼeh-eu tsawˇ haˬ dawˬ tawˆ luꞈ, muiˬ-eu shawˇ-eu mˬ taˆ gʼaˬ kʼehˇ deuˬ hawˇ-eu Yawˇzaˬ-euˬ mehˬ shi, miˬ dzaˬ hawˇ-eu miˬ dzaˇ dzaˇ shuiˇ neh kʼehˬ nehˬ gaˇ ya daˬ tehꞈ-a.

Dawˬmehˬ 30:13

Kʼoeˇ-aˬ, iˬ ma laˆ shaˆ kʼoeˇ dzeˇ-ahˇ jaˆ-eu jeˬ kʼawꞈ maˬ ngeuˇ-a. ‘Ngaˇ ya gaˬ-awˇ naˇ haˬ geuꞈ-eu gʼaˇ duˬ, aˬ suˇ gʼaˬ iˬ ma laˆ shaˆ tsehˆ doˆ-awˇ laˬ-iˇ nmˇ’ lehˇ, nawˇ naˇ haˬ-eu maˬ loˬ-a.