Eˇzaˬlaˬ 9:8 - Akha

⁸ Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nymˬ-mˇ tiˬ kʼehˬ tiˬ yamˬ laꞈ kʼoeˇ nawˇ nga maꞈ-ahˇ gʼawˬ shaˬ gaˬ nehˬ laꞈ-awˇ, nga maꞈ tiˬ paˆ na deuˬ-ahˇ aˬ cawˬ zaˬ kʼaˆ ya geuꞈ luꞈ gaˇ neh bi buˬ bi law-iˇ nehˬ laꞈ-eu laꞈ kʼoeˇ, muiˬ-eu shawˇ-eu jawˇ duˬ heu tsahˇ-ahˇ nui ma saˇ lehˆ ni bi jawˇ laꞈ-euˬ meh. Nga maꞈ aˬ cawˬ-euˬ zaˬ kʼaˆ geuꞈ geuꞈ-ehˇ jawˇ-euˬ kʼawꞈ, nawˇ nga maꞈ-ahˇ yaw shuiꞈ shuiꞈ-ehˇ paˇ bi dehꞈ laꞈ-euˬ meh.

Eˇzaˬlaˬ 9:8 Referans Kwoze

Jaceuq 13:3

Ngaˬ-euˬMiˬyehˇ, SahˬpaˬMiˬyehˇ, ngaˬ-ahˇdawˬtmˇ mˇkʼoꞈ nehˬlaꞈ. Myaˆnuiˆyaw shehꞈbi mawˇlaꞈ-awˇ, maˬshiˇtsehˆni bi dehꞈnehˬlaꞈ.

Hawˇseˬ 6:2

Nyiˬ nah laꞈ kʼoeˇ bi beuˇ laˇ-awˇ, smˬ nah -ahˇ bi tuˇ poˆ laˇ-awˇ, aˬ yawꞈ mehˬ shi ya jawˇ tehꞈ-a.

Haˬbaˬkuˆ 3:2

“Sahˬpaˬ Miˬyehˇ nawˬ-euˬ tsawˇ myahˇ, tsawˇ myahˇ huiˬ-eu ngaˇ ya gaˬ-awˇ, Sahˬpaˬ Miˬyehˇ nawˇ mˇ-euˬ gaˇ, ngaˬ-ahˇ zahˬ dui dui leˇ miˇ-a. Aˇ hu mˇ-euˬ huiˬ-eu gaˇ deuˬ, iˬ nah paˇ mˇ poˆ nehˬ laꞈ yawˬ. Nawˇ nui ma pehˇ dui dui ngeh kʼawꞈ, gʼawˬ shaˬ gaˬ-eu taˬ byehˇ nehˬ laꞈ.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Jaceuq 85:6

Nga maꞈ-ahˇ gʼaˬ yaw shuiꞈ biꞈ nehˬ laꞈ. Nawˬ-euˬ tsawˇ haˬ pyeuꞈ-eu nga maꞈ nawˬ-ahˇ ja ceuˬ ma.

Panmaeq 3:12

Gʼaˬ leˇ-eu tsawˇ haˬ-ahˇ ngaˬ-euˬ Miˬyehˇ-euˬ uˬ duˬ tahˬ nymˇ laꞈ kʼoeˇ kʼawˇ zeuˇ bi geuꞈ-awˇ, aˬ myah luꞈ kʼoeˇ gaˇ ya jawˇ tehꞈ-a. Ngaˬ-euˬ Miˬyehˇ-euˬ tsawˇ myahˇ hawˇ-eu, ngaˬ-euˬ Miˬyehˇ jawˇ-eu mˬ-ahˇ neh zaꞈ le-euˬ Yeˬluˇsaˬlehˬ yaw shuiꞈ pyeuꞈ-eu ngaˬ-euˬ Miˬyehˇ-euˬ meuˬ-euˬ tsawˇ myahˇ, aˬ yawꞈ kʼoeˇ taˆ ngaˇ boꞈ myahˬ nehˬ ma. Ngaˬ-euˬ tsawˇ myahˇ yaw shuiꞈ kʼawꞈ, aˬ yawꞈ kʼoeˇ taˆ boꞈ myahˬ nehˬ ma.

Lormav 9:27

Iˇsaˬ leˬ laˇ tsawˇ jeuˬ gaˇ kawˆ Iˇsaˬyaˇ neh heu loꞈ-ehˇ ehˇ taˬ-euˬ meh. “Iˇsaˬleˬlaˆ tsawˇ haˬ deuˬ iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaꞈ kʼawꞈ, ka kʼoꞈ-eu jeˬ za-eu tsawˇ haˬ cuiˆ dui dui tehꞈ-a.

Zaˬkaˬliˇ 10:4

Aˬ yawꞈ maꞈ-ahˇ ngaˇ bo saˆ-awˇ, guiˇ deuˆ-eu mahˬ bi pyeuꞈ laˇ ma. Ngaˬ-euˬ tsawˇ haˬ-ahˇ uˆ lahˇ-eu, dzoeˬ dzaˬ-eu sahˬpaˬ sahˬ ma deuˬ, sheuˬ gʼeh-eu aˬ yuiꞈ aˬ tsu deuˬ, yawꞈ maꞈ laꞈ kʼoeˇ bi doˆ laˇ ma.

Zaˬkaˬliˇ 8:12

Aˬ yawꞈ maꞈ nui saˇ oꞈ-eu laꞈ kʼoeˇ siˬ yoeˬ ya sehˬ dzaˬ tehꞈ-a. Aˬ yawꞈ maꞈ-euˬ aˬ gaꞈ baw duˆ aˇ siˬ siˬ le-awˇ, dzaˬ la gʼo cehˇ za le-eu uˬ taꞈ, uˬ yehˇ jaˆ tehꞈ-a. Ngaˬ-euˬ miˇ kʼahˬ heu laꞈ kʼoeˇ kʼaˇ dzeˇ-eu tsawˇ haˬ deuˬ-ahˇ, guiˬ lahˬ kʼoeˇ deuˬ dawˬ tawˆ luꞈ ngaˇ biꞈ ma.

Zaˬkaˬliˇ 8:6

“Kʼoeˇ loꞈ-ehˇ maˬ paˇ pyeuꞈ laˇ nya-aˇ lehˇ, miˇ kʼahˬ heu kʼahˬ laꞈ kʼoeˇ dzeˇ yaꞈ-euˬ tsawˇ haˬ deuˬ noeˬ tehꞈ-a. Ehˇ kʼawꞈ, ngaˬ-euˬ gʼaˇ duˬ maˬ pyeuꞈ laˇ nya-eu jeˬ maˬ jaˆ.

Yeˬsaˬgeˬlaˇ 14:22

Tsawˇ haˬ tiˬ gʼaˬ na dzeuˇ-iˇ-awˇ, aˬ yawꞈ-euˬ zaˬ deuˬ kʼawꞈ laˆ dzeuˇ nya naˇ, nawˇ jawˇ gaˇ laˇ doˆ tehꞈ-a. Aˬ yawꞈ maꞈ-ahˇ nawˇ ya mawˇ ngeh, aˬ yawꞈ maꞈ aˇ naˆ ni haiˬ-eu gaˇ kawˆ hawˇ-eu, Yeˬluˇsaˬlehˬ meuˬ-ahˇ ngaˬ neh kʼehˬ nehˬ kʼaˆ nehˬ-euˬ tsaˬ dui dui-eu gaˇ kawˆ, nawˇ ya siˬ duˬ tehꞈ-a.

Yeˬlaˬmiˇ 44:14

Baˬbuˇloˬ miˇ kʼahˬ-ahˇ maˬ bi nyehꞈ daˆ gʼeh ni Yuˇdaˆ miˇ kʼahˬ laꞈ kʼoeˇ dzeˇ yaꞈ-awˇ, Iˇjiˇtuˆ miˇ kʼahˬ-ahˇ kʼaˇ jawˇ-iˇ-euˬ tsawˇ haˬ dawˬ tawˆ luꞈ, tiˬ gʼaˬ-iˬ maˬ bi dzeuˇ-iˇ. Maˬ gʼaˬ maˬ na-ehˇ cehˆ dzeuˇ-euˬ tsawˇ haˬ heu myaˆ gʼaˬ maˬ ngeuˇ naˇ, tsawˇ haˬ tiˬ gʼaˬ-iˬ aˬ yawꞈ maꞈ gʼoꞈ jawˇ laˇ mawꞈ dui dui-eu Yuˇdaˆ miˇ kʼahˬ laꞈ kʼoeˇ maˬ paˇ ya gʼoꞈ jawˇ laˇ-aˇ.”

Yeˬlaˬmiˇ 42:2

ngaˇ jawˇ gaˇ oe-awˇ heu loꞈ-ehˇ ehˇ le-euˬ meh. “Nga maꞈ nawˬ-ahˇ shaˇ-eu loꞈ-ehˇ jahˇ nehˬ laꞈ-awˬ. Nga maꞈ gʼaˇ duˬ nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Buˬ-iˇ law-iˇ-euˬ tsawˇ haˬ deuˬ pyeuꞈ-eu nga maꞈ dawˬ tawˆ luꞈ gʼaˇ duˬ guiˬ lahˬ shaˇ nehˬ laꞈ-awˬ. Dzeuˇ laˇ ngeh aˬ dui tsawˇ haˬ myaˬ dui dui-euˬ kʼawꞈ, nymˬ-mˇ nawˇ mawˇ luꞈ-eu loꞈ-ehˇ ui cuiˆ dzeˇ-eu tehꞈ meh.

Iˇsaˬyaˇ 56:5

Zaˬ jawˇ-eu naˆ maˬ tseˇ muiˬ-eu tsawˇ myahˇ biꞈ-awˇ, ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ, mˬ maˬ maˬ byaˆ zaˇ ziˇ maˬ ngehˇ ni bi jaˆ ma.

Iˇsaˬyaˇ 1:9

Baoˬ huiˬ-eu Sahˬpaˬ Miˬyehˇ neh, aˬ dui tiˬ paˆ na deuˬ-ahˇ maˬ bi dzeuˇ-iˇ law nmˇ-aˬ, Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, ya shiˇ cuˆ jiˇ-eu yaw duˬ baw law hawˇ nga.

Dawˬ tsoˆ 12:11

Zaˬ siˬ tsawˇ gahˇ ahˇ-eu deuˬ neh daˬ taˬ yaꞈ-euˬ dawˬ daˬ deuˬ-aˬ, yawˇ deuˬ-ahˇ gaˇ ma sheuˬ mehˬ-eu yawˇ bo-eu gʼaˬ-euˬ daˇ cuiˇ-ahˇ duˇ-awˇ, kʼaˇ poˆ uiˬ taˬ-eu dawˬ daˬ deuˬ-aˬ, shmˇ sehˬ neh deh myahˬ taˬ-euˬ loꞈ-ehˇ ziꞈ-eu meh. Dawˬ kʼoeˇ deuˬ-aˬ, aˬ dui dawˬ tawˆ luꞈ-ahˇ bo-eu yaw sahˇ pyeuꞈ-eu, yawˇ bo-eu yaw sahˇ Miˬyehˇ tiˬ gʼaˬ neh tehꞈ-ehˇ biꞈ taˬ-euˬ meh.

Jaceuq 138:7

Shaˬ-eu zahˬ-eu jeˬ ngaˬ-euˬ tiˬ jawˬ keuˆ le ngeh, nawˇ ngaˬ-ahˇ dah teˬ-euˬ meh. Ngaˬ-ahˇ nui ma pehˇ-eu muiˇ-eu deuˬ-euˬ mehˬ shi nawˇ aˬ laꞈ cawˬ doˆ-awˇ, nawˬ-euˬ baoˬ neh ngaˬ-ahˇ ka kʼoꞈ-euˬ meh.

Jaceuq 34:5

Shaˬzaˬzahˬzaˬyawꞈ-ahˇhaw ngeh, myaˆpyawˬbya cehˆni bya laˇ-awˇ, tiˬjawˇ-iˬmaˬya shaꞈdawˇ-a.

Yawˇbaˆ 33:30

Tsawˇ haˬ tiˬ gʼaˬ-euˬ saꞈ laˇ-ahˇ ka kʼoꞈ nehˬ-awˇ, laˬ kʼaˬ cehˇ taˆ ni bi dehꞈ-eu meh.

Neˬhaˬmiˇ 9:31

Ehˇ kʼawꞈ nawˇ gʼawˬ shaˬ gaˬ-eu jeˬ myaˬ-eu miˇ neh, aˬ yawꞈ maꞈ-ahˇ nawˇ maˬ byehˇ dzeh-ehˇ, maˬ laˆ luˬ maˬ laˆ seˇ nehˬ-aˬ. Nawˇ-aˬ, gʼawˬ shaˬ gaˬ mya dui dui-eu Miˬyehˇ meh.

Neˬhaˬmiˇ 1:11

Ngaˬ-euˬ shaˇ dawˬ hawˇ-eu, nawˬ-ahˇ yaw zeu baw-eu nawˬ-euˬ zaˬ kʼaˆ deuˬ-euˬ shaˇ dawˬ-ahˇ naˇ haˬ nehˬ laꞈ-awˬ. Ngaˇ mˇ-eu gaˇ pyeuꞈ leˇ-eu gʼaˇ duˬ sahˬ paˬ ngaˬ-ahˇ nui ma tsaˬ ni iˬ nah nawˇ caw ba nehˬ laꞈ-awˬ lehˇ ngaˇ guiˬ lahˬ shaˇ-euˬ ma.” Ngaˇ-aˬ, sahˬ paˬ-ahˇ kʼmˬ maˬ ciˬ miˇ nehˬ-eu gʼaˬ pyeuꞈ-eu ma.

Eˇzaˬlaˬ 9:9

Nga maꞈ aˬ cawˬ zaˬ kʼaˆ geuꞈ luꞈ kʼawꞈ, nawˇ nga maꞈ-ahˇ byehˇ dzeh-awˇ kʼoeˇ loꞈ-ehˇ tehꞈ-ehˇ maˬ bi dehꞈ laꞈ-aˬ. Paˇshaˇ sahˬ paˬ deuˬ nga maꞈ-ahˇ gʼawˬ shaˬ gaˬ-awˇ, cawˆ-iˇ taˬ-euˬ nawˬ-euˬ Uˬ duˬ tahˬ nymˇ nymˇ ma-ahˇ paˇ bi tsoˆ muiˬ leˇ nehˬ laꞈ-awˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ guˆ kʼaˇ maˬ za ni nga maꞈ ya dehꞈ ya jawˇ-eu gʼaˇ duˬ, aˬ yawꞈ maꞈ-euˬ nui ma-ahˇ nawˇ laˆ saˆ nehˬ-euˬ meh.

2 Sahˬpaˬ 19:4

Dehꞈ luꞈ-eu Miˬyehˇ-ahˇ bi naˬ gʼa-eu gʼaˇ duˬ, Aˬshuˇliˆ sahˬ paˬ neh aˬ yawꞈ-euˬ yaw huiˬ yaw mahˇ deuˬ-ahˇ pyehˬ gʼeh leꞈ-euˬ meh. Kʼoeˇ loꞈ-ehˇ naˬ gʼa-eu dawˬ-ahˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ya gaˬ-awˇ, naˬ gʼa le-euˬ tsawˇ haˬ kʼoeˇ deuˬ-ahˇ kʼehˬ nehˬ kʼaˆ nehˬ luꞈ-uˇ. Kʼoeˇ miˇ neh, maˬ shiˇ dzeuˇ-ehˇ dehꞈ luꞈ-eu tsawˇ haˬ deuˬ gʼaˇ duˬ, Miˬyehˇ-ahˇ guiˬ lahˬ shaˇ-awˬ.”

1 Saˬmeuˬlaˆ 14:29

Yawˇnaˆshaˬ ehˇ-eu, “Ngaˬ da heu gʼaˬ aˬ jeˬ miˇ neh aˬ dui maꞈ tsawˇ haˬ-ahˇ kʼoeˇ loꞈ-ehˇ ehˇ-awˇ bi shaˬ-euˬ nga. Haw sheˇ. Ngaˇ byaˬ byaˬ uiˇ ui cuiˆ dzaˬ ahˇ-euˬ miˇ neh aˇ naˆ ni gʼaˬ paˇ kʼoꞈ laˇ-euˬ nga.

1 Saˬmeuˬlaˆ 14:27

Ehˇ kʼawꞈ, tsawˇ haˬ kʼoeˇ deuˬ-ahˇ aˬ yawꞈ-euˬ aˬ da neh yaˬ kʼehˇ yaˬ-awˇ laˆ tsoeˬ taˬ-euˬ gaˇ kawˆ-ahˇ Yawˇnaˆshaˬ gʼaˬ maˬ siˬ nya-a. Kʼoeˇ miˇ neh, aˬ yawꞈ yuˇ luꞈ-eu daˇ cuiˇ neh byaˬ byaˬ yaˆ tsawˆ paˆ doˆ-awˇ, byaˬ byaˬ uiˇ ui cuiˆ yuˇ dzaˬ-euˬ meh. Kʼoeˇ ngeh, tiˬ kʼehˇ laˇ kʼehˬ laꞈ kʼoeˇ aˬ yawꞈ gʼaˬ paˇ kʼoꞈ laˇ-euˬ meh.

Dawqdaq 29:13

Iˇ shaˬ zaˬ hawˇ-eu iˇ shaˬ zaˬ-ahˇ kʼehˬ-eu tsawˇ haˬ, duˇ leˇ duˬ tiˬ tsahˇ jaˆ-eu meh. Nyiˬ gʼaˬ luꞈ-ahˇ Sahˬpaˬ Miˬyehˇ neh myaˆ nuiˆ beh tsoꞈ taˬ-euˬ meh.

Iˇsaˬyaˇ 14:3

Iˇsaˬleˬlaˆ tsawˇ haˬ deuˬ shaˬ zahˬ naꞈ dui dui-awˇ, myawˬ kʼaˆ bi ciˬ pi-euˬ uˬ moˆ, Sahˬpaˬ Miˬyehˇ aˬ yawꞈ maꞈ-ahˇ bi buˬ bi law-iˇ tehꞈ-a.

Jaceuq 13:4

“Aˬyawꞈ-ahˇgʼaˬleˇ-euˬma” lehˇ, muiˇ-eu deuˬneh taˬbi ehˇlaꞈ. Ngaˇcoˬ-iˇgaˇbi haw mawˇ-awˇ, muiˇ-eu deuˬ laˬkʼaˬtaˬbi cehˇ.

Iˇsaˬyaˇ 6:13

Tseˇ pu-ahˇ tiˬ pu dzeˇ yaꞈ-euˬ kʼawꞈ, paˇ bi puiˆ byoˆ jiˇ tehꞈ-a. Ehˇ kʼawꞈ, tsuiꞈ kaˆ aˇ bawˇ bi tuˇ dzeh ngeh, tsuiꞈ kaˆ sahˬ nyiꞈ tsawˬ tuˇ-ehˇ jaˆ yaꞈ-euˬ loꞈ-ehˇ, muiˬ-eu shawˇ-eu tsawˇ haˬ aˇ yoeˬ, miˇ kʼahˬ kʼoeˇ kʼahˬ laꞈ kʼoeˇ sahˬ nyiꞈ loꞈ-ehˇ dzeˇ yaꞈ tehꞈ-a.” (Sahˬ nyiꞈ-euˬ dawˬ tsuiꞈ-aˬ, Miˬyehˇ-euˬ tsawˇ haˬ yaw shuiꞈ dehꞈ tuˇ laˇ gaˇ ehˇ mawꞈ-eu meh.)

Zeˬpaˬniˇ 3:12

Nui nahˬ nui yu ahˇ-eu laꞈ kʼoeˇ, ngaˬ-ahˇ gʼoe-eu tsawˇ haˬ tiˬ deuˬ, naw maꞈ nehˬ-ehˇ ngaˇ bi jawˇ ma.