Eˇzaˬlaˬ 9:4 - Akha

⁴ Ngaˇ noeˬ shaˬ dui dui-eu laꞈ kʼoeˇ uˬ ciꞈ uˬ taw paw poˆ lawˇ-eu shehˇ-eu yamˬ keuˆ laˇ ngeh keuˆ ni kʼoeˇ loꞈ-ehˇ dzuˇ luꞈ ngeh, Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ kʼoeˇ deuˬ neh mˇ-euˬ iˬ baˇ gaˇ kawˆ-ahˇ Iˇsaˬleˬlaˆ tsawˇ jeuˬ-euˬ Miˬyehˇ neh ehˇ-euˬ gaˇ kʼaˇ guˆ-eu tsawˇ haˬ dawˬ tawˆ luꞈ ngaˬ-euˬ dawˬ peh uiˬ laˇ-euˬ meh.

Eˇzaˬlaˬ 9:4 Referans Kwoze

Eˇzaˬlaˬ 10:3

Nymˬ-mˇ, miˬ zaˬ kʼoeˇ deuˬ hawˇ-eu aˬ yawꞈ maꞈ-euˬ zaˬ deuˬ-ahˇ byehˇ dzeh ma lehˇ aˬ dui-euˬ Miˬyehˇ-ahˇ nga maꞈ saˇ jaˇ dzaˬ ma. Nawˇ hawˇ-eu Miˬyehˇ-euˬ zahˇ dawˬ kʼoꞈ dawˬ-ahˇ yaw zeu baw-eu deuˬ neh ehˇ nehˬ laꞈ-euˬ loꞈ-ehˇ tehꞈ-ehˇ nga maꞈ mˇ ma. Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ nga maꞈ dehꞈ ma.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Doˆ-iˇ 29:39

Uˬ shawˬ paw tiˬ mawˇ hawˇ-eu, uˬ ciꞈ paw tiˬ mawˇ ya lawˇ meh.

Jaceuq 119:136

Tsawˇ haˬ heu deuˬ nawˬ-euˬ zahˇ dawˬ kʼoꞈ dawˬ-ahˇ byehˇ-euˬ miˇ neh, ngaˬ-euˬ myaˆ biˇ lawˇ baˬ yoeˇ le miˇ-a.

2 Laˬsaˬbaˬ 34:27

Yeˬluˇsaˬlehˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ ma lehˇ ehˇ taˬ-euˬ gaˇ nawˇ ya gaˬ ngeh, nawˬ-euˬ nui ma noeˬ paˇ-awˇ, mehˬ tsoeˬ cehˬ pyaˬ-awˇ ngoeˇ-eu laꞈ kʼoeˇ, ngaˬ-euˬ mehˬ shi nawˇ nui ma nahˬ yu ni taˬ-euˬ meh. Nawˬ-euˬ shaˇ dawˬ-ahˇ ngaˇ ya gaˬ gʼaˬ-euˬ ma.

Gʼaˬkʼehˇ 3:1

Tiˬ nah-aˬ, guiˬ lahˬ shaˇ yamˬ pyeuꞈ-eu uˬ ciꞈ uˬ taw paw naˬ liˬ smˇ laꞈ kʼoeˇ yamˬ-ahˇ, Beˬtuˆluˆ hawˇ-eu Yoˇhaˬ aˬ nyaꞈ Uˬ duˬ tahˬ nymˇ nymˇ ma-ahˇ le-euˬ meh.

Daˬyeˬlaˇ 9:21

Ngaˇ kʼoeˇ loꞈ-ehˇ guiˬ lahˬ shaˇ shaˇ-ehˇ jawˇ ngeh, yaw beh yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ ngaˬ neh mawˇ-euˬ Gaˬbeˬlaˇ kʼoeˇ gʼaˬ, ngaˇ jawˇ gaˇ zaw ka gʼeh leꞈ-euˬ meh.

Yeˬsaˬgeˬlaˇ 9:4

“Yeˬluˇsaˬlehˬ meuˬ uˇ doe-awˇ, meuˬ laꞈ kʼoeˇ jawꞈ dui dui-eu jeˬ mˇ-euˬ baˬ da neh, nui ma cawˆ-awˇ noeˬ shaˬ noeˬ zahˬ luꞈ-eu tsawˇ haˬ yawˬ gʼaˬ na luꞈ-euˬ naˇ kʼawˇ-ahˇ, tsaˬ tsoˆ taˬ-iˇ-awˬ.”

Eˇzaˬlaˬ 10:9

Smˬ nah laꞈ kʼoeˇ Yuˇdaˆ miˇ kʼahˬ hawˇ-eu Beˬyaˬmiˬ miˇ kʼahˬ laꞈ kʼoeˇ jawˇ-eu tsawˇ haˬ dawˬ tawˆ luꞈ Yeˬluˇsaˬlehˬ meuˬ-ahˇ laˇ uiˬ jiˇ-euˬ meh. Ba la gʼoeˬ siˬ tiˬ siˬ nyiˬ tseˇ nah-ahˇ, tsawˇ haˬ dawˬ tawˆ luꞈ Uˬ duˬ tahˬ nymˇ nymˇ ma-euˬ poˆ ka uiˬ laˇ taˬ-euˬ meh. Uˬ yehˇ yaw kʼaˆ-ehˇ yehˇ-eu miˇ neh maˬ ehˇ, huiˬ dui dui-eu gaˇ gʼaˇ duˬ uiˬ laˇ taˬ-euˬ miˇ neh maˬ ehˇ, tsawˇ haˬ yawˬ gʼaˬ na luꞈ yaw dzuˬ dzuˬ-euˬ meh.

Daˬyeˬlaˇ 10:2

Aˇ yamˬ kʼoeˇ yamˬ-ahˇ, smˬ jaw keuˆ ni ngaˇ tsawˇ ngoeˇ ngoeˇ-euˬ ma.

Doˆ-iˇ 29:41

Yawˇ zaˬ yawˬ mawˇ yawˬ-ahˇ uˬ ciꞈ uˬ taw paw lawˇ-awˬ. Cehˇ meu, saˬ loˬ tsiˇ hawˇ-eu, aˬ gaꞈ dzaˇ uiˇ kʼawꞈ, uˬ shawˬ paw poˆ lawˇ ngeh loꞈ-ehˇ lawˇ ahˇ-awˬ. Kʼoeˇ-aˬ, Sahˬpaˬ Miˬyehˇ pyeuꞈ-eu ngaˬ-ahˇ lawˇ-eu dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ, ngaˇ nui ma tsaˬ-eu ma.

Bawˇtsahˬ 25:6

Moˇseˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ tsawˇ ngoeˇ ngoeˇ ngoeˇ-ehˇ jawˇ ngeh, Iˇsaˬleˬlaˆ tsawˇ haˬ tiˬ gʼaˬ aˬ yawꞈ maꞈ dawˬ tawˆ luꞈ mawˇ mawˇ-ehˇ, yawˬ ha-euˬ sehˬ gʼawˆ laꞈ kʼoeˇ Miˇdiˬyaˬ tsawˇ jeuˬ zaˬ miˬ zaˬ tiˬ gʼaˬ sheuˬ uˇ gʼeh-euˬ meh.

Iˇsaˬyaˇ 66:5

Sahˬpaˬ Miˬyehˇ-ahˇ guˆ-awˇ ehˇ dawˬ naˇ haˬ-eu deuˬ-oˇ, aˬ yawꞈ-euˬ dawˬ-ahˇ naw maꞈ naˇ haˬ sheˇ. “Naw maꞈ ngaˬ-ahˇ saˇ jaˇ ziꞈ-eu miˇ neh, naw maꞈ tsawˇ jeuˬ tiˬ paˆ deuˬ naw maꞈ-ahˇ bye-awˇ, naw maꞈ-ahˇ myaˆ maˬ haw cawˬ-ehˇ, ‘Naw maꞈ laˬ kʼaˬ cehˇ luꞈ gaˇ nga maꞈ ya mawˇ ni, Sahˬpaˬ Miˬyehˇ-euˬ baoˬ bi mawˇ le-awˇ, naw maꞈ-ahˇ ka kʼoꞈ nehˬ luꞈ-uˇ’ lehˇ ehˇ tehꞈ-a. Ehˇ kawꞈ, kʼoeˇ loꞈ-ehˇ ehˇ-eu deuˬ kʼoeˇ taˆ, shaꞈ dawˇ-eu jeˬ keuˆ le tehꞈ-a.