Eˇzaˬlaˬ 9:1 - Akha

¹ Gaˇ kʼoeˇ deuˬ mˇ gʼaˬ jiˇ ngeh, Iˇsaˬleˬlaˆ tsawˇ haˬ aˬ yuiꞈ aˬ tsu tiˬ paˆ na deuˬ ngaˇ jawˇ gaˇ laˇ-awˇ, Iˇsaˬleˬlaˆ tsawˇ haˬ deuˬ, piˇ ma deuˬ hawˇ-eu Leˬbiˇ tsawˇ haˬ deuˬ-aˬ, aˬ yawꞈ maꞈ-euˬ dawˬ peh jawˇ-eu aˬ cawˬ tsawˇ jeuˬ deuˬ pyeuꞈ-eu Aˬmoˬ tsawˇ jeuˬ Mawˇbaˆ tsawˇ jeuˬ, Iˇjiˇtuˆ tsawˇ jeuˬ, Kaˬnaˬ tsawˇ jeuˬ, Heˬtaˆ tsawˇ jeuˬ, Paˬyehˆ tsawˇ jeuˬ, Yeˬbuˇ tsawˇ jeuˬ, Aˬmawˇliˆ tsawˇ jeuˬ kʼoeˇ deuˬ hawˇ-eu aˬ yawꞈ maꞈ-euˬ jawꞈ dui dui-eu zahˇ sahˇ kʼoꞈ deuˬ-ahˇ maˬ dehꞈ beu ni, dehꞈ keuˬ dehꞈ sho luꞈ-eu gaˇ kawˆ ehˇ laˇ-euˬ meh.

Eˇzaˬlaˬ 9:1 Referans Kwoze

Neˬhaˬmiˇ 9:2

Iˇsaˬleˬlaˆ zaˬ deuˬ uˆ deuˬ-aˬ, aˬ cawˬ tsawˇ jeuˬ dawˬ tawˆ luꞈ nehˬ-ehˇ dehꞈ gʼawˬ jawˇ gʼawˬ-awˇ, yawˬ ha-euˬ jawˇ duˬ-ahˇ yawꞈ-awˇ, yawˬ ha-euˬ iˬ baˇ hawˇ-eu aˬ yawꞈ maꞈ-euˬ aˬ poeˬ aˬ bawˇ deuˬ neh mˇ-euˬ yaw haiˬ jeˬ gʼaˇ duˬ iˬ baˇ shaˇ pyehˬ-euˬ meh.

Doˆ-iˇ 33:16

Nga maꞈ nehˬ-ehˇ nawˇ maˬ le naˇ, ngaˇ hawˇ-eu ngaˬ-euˬ tsawˇ haˬ deuˬ-ahˇ nawˇ nui ma tsaˬ-eu gaˇ kawˆ, aˬ suˇ gʼaˬ aˬ joˆ-ehˇ ya siˬ nmˇ. Nawˇ nga maꞈ nehˬ-ehˇ jawˇ naˇ, miˇ tsaˬ kʼoeˇ taˆ jawˇ-eu tsawˇ jeuˬ aˬ geu jeuˬ nehˬ-ehˇ maˬ kaˬ, nga maꞈ beu gaˇ tehꞈ-a.”

Yeˬlaˬmiˇ 26:16

Kʼoeˇ naˇ, sahˬ paˬ sahˬ ma deuˬ hawˇ-eu miˇ kʼahˬ zaˬ deuˬ neh, piˇ ma deuˬ hawˇ-eu Miˬyehˇ gʼaˇ duˬ ngehˬ dah-eu deuˬ-ahˇ, “Tsawˇ haˬ heu gʼaˬ-aˬ, aˬ dui -euˬ Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ uˬ moˆ, aˬ dui-ahˇ dawˬ ngehˬ cawˬ le-euˬ miˇ neh, aˬ yawꞈ-ahˇ sehꞈ-eu maˬ tsaˬ-a” lehˇ ehˇ nehˬ-euˬ meh.

Yeˬlaˬmiˇ 26:10

Yuˇdaˆ miˇ kʼahˬ kʼoeˇ taˆ sahˬ paˬ sahˬ ma geuꞈ luꞈ-eu deuˬ gaˇ kawˆ kʼoeˇ ya gaˬ ngeh, sahˬ paˬ-euˬ nymˇ-ahˇ neh aˬ yawꞈ maꞈ yaw kawˇ-ehˇ doˆ le-awˇ, lahˇ kʼehˬ yaw shuiꞈ-ahˇ jaˆ-eu aˬ yawꞈ maꞈ-euˬ nuiˇ duˬ-ahˇ nuiˇ le-euˬ meh.

Iˇsaˬyaˇ 52:11

Uˬ duˬ tahˬ nymˇ nymˇ ma-ahˇ taꞈ-eu keu ka baꞈ-eu tsawˇ haˬ deuˬ, Baˬbuˇloˬ meuˬ-ahˇ neh maˬ oe doˆ ni taˬ byehˇ. Maˬ toeˬ ciˆ kʼmˬ-eu mˇ myawˬ-ahˇ taˬ toeˬ. Yawˬ ha-euˬ gʼawˇ mawˇ shawˇ-awˇ doˆ-iˇ-awˬ.

Jaceuq 106:35

Ehˇ kʼawꞈ kʼoeˇ deuˬ nehˬ-ehˇ sheuˬ dahˬ dzaˬ taꞈ-awˇ, aˬ cawˬ-euˬ zahˇ sahˇ kʼoꞈ-ahˇ caw teh-euˬ meh.

Neˬhaˬmiˇ 4:3

Aˬmoˬ tsawˇ jeuˬ pyeuꞈ-eu Tawˇbyaˬ gʼaˬ aˬ yawꞈ-euˬ dawˬ peh yawꞈ-awˇ, heu loꞈ-ehˇ naˬ gʼa-eu meh. “Aˬ yawꞈ maꞈ neh gawˬ-euˬ meuˬ lahˇ kʼoeˇ-aˬ kʼaˬ yehˇ tiˬ mawˇ tsawˬ daˆ leˇ naˇ ga byaˆ jiˇ tehꞈ-a.”

Eˇzaˬlaˬ 10:8

Smˬ nah laꞈ kʼoeˇ maˬ laˇ keuˆ-eu tsawˇ haˬ-euˬ pyuˇ shuiˇ myawˬ gahˬ dawˬ tawˆ luꞈ yuˇ jiˇ nehˬ-awˇ, yaw sahˇ gʼaˬ-ahˇ kʼawꞈ, Baˬbuˇloˬ miˇ kʼahˬ-ahˇ neh gʼoꞈ laˇ-euˬ aˇ maꞈ aˇ muˇ laꞈ kʼoeˇ maˬ bi ahˇ ni teh doˆ ma lehˇ, yaw huiˬ yaw mahˇ deuˬ hawˇ-eu aˬ yuiꞈ aˬ tsu deuˬ neh bawˬ dzaˬ tsehˆ-euˬ gaˇ kawˆ bi gaˬ doe-iˇ-euˬ meh.

2 Laˬsaˬbaˬ 33:2

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ miˇ kʼahˬ kʼoeˇ kʼahˬ laꞈ kʼoeˇ sheuˬ uˇ gʼeh ngeh, miˇ kʼahˬ kʼoeˇ kʼahˬ laꞈ kʼoeˇ aˬ yawꞈ neh teh dzeh-euˬ tsawˇ jeuˬ kʼoeˇ deuˬ mˇ-euˬ jawꞈ dui dui-eu jeˬ-ahˇ Maˬnaˇseˬ caw teh--eu laꞈ kʼoeˇ Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

1 Sahˬpaˬ 11:1

Aˬ cawˬ tsawˇ jeuˬ zaˬ miˬ zaˬ gʼawˬ mya gʼaˬ-ahˇ Sawˇlaˬmoˬ mawꞈ leˇ-euˬ meh. Iˇjiˇtuˆ sahˬ paˬ zaˬ miˬ uˬ taꞈ, Heˬtaˆ tsawˇ jeuˬ zaˬ miˬ zaˬ deuˬ-ahˇ maˬ ehˇ, Mawˇbaˆ tsawˇ jeuˬ zaˬ miˬ zaˬ deuˬ-ahˇ maˬ ehˇ, Aˬmoˬ tsawˇ jeuˬ zaˬ miˬ zaˬ deuˬ-ahˇ maˬ ehˇ, Eˬdoˬ tsawˇ jeuˬ zaˬ miˬ zaˬ deuˬ-ahˇ maˬ ehˇ, Siˇdoˬ tsawˇ jeuˬ zaˬ miˬ zaˬ deuˬ-ahˇ maˬ ehˇ, aˬ yawꞈ sheuˬ-euˬ meh.

Dawˬmehˬ 18:9

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ biꞈ-eu lehˇ gʼeh-eu miˇ kʼahˬ-ahˇ nawˇ jawˇ leˇ ngeh, kʼoeˇ gaˇ jawˇ luꞈ-eu tsawˇ jeuˬ deuˬ mˇ luꞈ-eu jawꞈ dui dui-eu jeˬ-ahˇ nawˇ dzaw geuꞈ-awˇ taˬ mˇ.

Bawˇtsahˬ 23:9

Lo guˇ uˬ gʼmˬ-ahˇ jawˇ-awˇ, aˬ yawꞈ maꞈ-ahˇ ngaˇ mawˇ-euˬ ma. Gawˬ duˇ uˬ du daˆ-awˇ, aˬ yawꞈ maꞈ-ahˇ ngaˇ haw-euˬ ma. Aˬ yawꞈ maꞈ aˬ cawˬ-ahˇ maˬ keuˬ leˇ ni, yawˬ haˇ yawˬ ha jawˇ-eu tsawˇ jeuˬ meh. Aˬ cawˬ tsawˇ jeuˬ naˆ maˬ tseˇ yawˬ ha guiˬ lahˬ za-euˬ, aˬ yawꞈ maꞈ siˬ nya luꞈ meh.

Uˬ duˬ 18:3

Naw maꞈ jawˇ yaꞈ-euˬ Iˇjiˇtuˆ miˇ kʼahˬ-ahˇ jawˇ-eu tsawˇ haˬ deuˬ loꞈ-ehˇ taˬ gʼeh. Ngaˇ naw maꞈ-ahˇ bi jawˇ-eu lehˇ gʼeh-eu Kaˬnaˬ miˇ kʼahˬ laꞈ kʼoeˇ jawˇ-eu tsawˇ haˬ deuˬ loꞈ-ehˇ taˬ mˇ.

Doˆ-iˇ 23:23

Ngaˬ-eu gʼaˬ kʼehˇ kʼoeˇ gʼaˬ naw maꞈ-euˬ mehˬ hu iˇ-awˇ, Aˬmawˇliˆ, Heˬtaˆ, Paˬyehˆ, Kaˬnaˬ, Hiˇbiˇ hawˇ-eu Yeˬbuˇ tsawˇ jeuˬ heu deuˬ-euˬ miˇ kʼahˬ deuˬ laꞈ kʼoeˇ, naw maꞈ-ahˇ sheuˬ uˇ gʼeh ngeh, tsawˇ jeuˬ heu deuˬ-ahˇ ngaˇ laˆ cawˆ ma. Aˬ yawꞈ maꞈ-euˬ miˬ yehˇ deuˬ-ahˇ naw maꞈ uˬ duˬ taˬ tahˬ.

Doˆ-iˇ 13:5

Kaˬnaˬ tsawˇ jeuˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ heu deuˬ jawˇ-eu miˇ kʼahˬ kʼoeˇ kʼahˬ naw maꞈ-ahˇ biꞈ-eu gʼaˇ duˬ, Sahˬpaˬ Miˬyehˇ saˇ jaˇ yaw muiˬ-ehˇ dzaˬ tsehˆ taˬ-euˬ meh. Miˇ tsaˬ miˇ muiˬ muiˬ dui dui-awˇ, baw le za le-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ-ahˇ aˬ yawꞈ sheuˬ keuˆ nehˬ ngeh, aˬ yawꞈ kʼoꞈ yawꞈ ba la yaw beh siˬ laꞈ kʼoeˇ, bawˬ-iˬ heu hmˬ naw maꞈ ya jahˇ meh.

Aˇ dahˬ 15:16

Nawˬ-euˬ zaˬ nawˬ-euˬ uˆ deuˬ-aˬ, miˇ kʼahˬ heu kʼahˬ laꞈ kʼoeˇ maˬ gʼoꞈ keuˆ laˇ dah mi naˆ-ehˇ, aˬ cawˬ miˇ kʼahˬ laꞈ kʼoeˇ oeˬ ziˇ keuˆ ni ya jawˇ tehꞈ-a. Aˬ jeˬ miˇ neh ehˇ naˇ, Aˬmawˇliˆ tsawˇ haˬ kʼoeˇ deuˬ ngaˬ neh kʼehˬ nehˬ kʼaˆ nehˬ-eu jeˬ-ahˇ ya daˬ paˬ-ehˇ, maˬ tsaˬ maˬ dawˇ-eu jeˬ maˬ mˇ kʼaˆ laˇ kʼoeˇ keuˆ ni, Aˬmawˇliˆ tsawˇ haˬ kʼoeˇ deuˬ-ahˇ ngaˇ maˬ teh dzeh te siˬ.”

Neˬhaˬmiˇ 4:7

Sahˬbaˬlaˆ, Tawˇbyaˬ aˬ nyaꞈ hawˇ-eu, Aˬleˬbyaˇ miˇ kʼahˬ, Aˬmoˬ miˇ kʼahˬ hawˇ-eu Aˬshaˬdoˇ miˇ kʼahˬ-ahˇ jawˇ-eu tsawˇ haˬ deuˬ, nga maꞈ meuˬ lahˇ gawˬ daˆ leꞈ luꞈ-eu gaˇ kawˆ hawˇ-eu yaw pehꞈ-ehˇ jaˆ-eu meuˬ lahˇ gawˬ gʼoeˬ jiˇ-euˬ gaˇ kawˆ ya gaˬ-awˇ, nui ma pehˇ dui dui-eu meh.

Neˬhaˬmiˇ 13:23

Aˇ yamˬ kʼoeˇ yamˬ laꞈ kʼoeˇ, Yuˇdaˆ tsawˇ haˬ gʼawˬ mya ni, Aˬshaˬdoˇ, Aˬmoˇ hawˇ-eu Mawˇbaˆ miˇ kʼahˬ-ahˇ jawˇ-eu zaˬ miˬ zaˬ deuˬ-ahˇ sheuˬ-euˬ gaˇ ya mawˇ-euˬ ma.

Maˬlaˬkiˇ 2:11

Yuˇdaˆ miˇ kʼahˬ zaˬ deuˬ Miˬyehˇ nehˬ-ehˇ dzaˬ taˬ-eu saˇ jaˇ puiˬ-awˇ, Yeˬluˇsaˬlehˬ meuˬ hawˇ-eu miˇ kʼahˬ heu kʼahˬ doe ni, jawꞈ dui dui-eu jeˬ mˇ byah taˬ-euˬ meh. Sahˬpaˬ Miˬyehˇ gaˬ dui dui-eu Uˬ duˬ tahˬ nymˇ nymˇ ma-ahˇ aˬ yawꞈ maꞈ laˆ jawꞈ-euˬ meh. Kʼaˬ dzeˇ zaˬ deuˬ aˬ cawˬ tsawˇ jeuˬ-euˬ miˬ yehˇ-ahˇ uˬ duˬ tahˬ-eu zaˬ miˬ zaˬ deuˬ-ahˇ sheuˬ dahˬ dzaˬ-euˬ meh.

Bawˇtsahˬ 25:6

Moˇseˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ tsawˇ ngoeˇ ngoeˇ ngoeˇ-ehˇ jawˇ ngeh, Iˇsaˬleˬlaˆ tsawˇ haˬ tiˬ gʼaˬ aˬ yawꞈ maꞈ dawˬ tawˆ luꞈ mawˇ mawˇ-ehˇ, yawˬ ha-euˬ sehˬ gʼawˆ laꞈ kʼoeˇ Miˇdiˬyaˬ tsawˇ jeuˬ zaˬ miˬ zaˬ tiˬ gʼaˬ sheuˬ uˇ gʼeh-euˬ meh.

Dawˬmehˬ 7:1

“Naw maꞈ jawˇ leˇ-eu lehˇ gʼeh-eu miˇ kʼahˬ kʼoeˇ kʼahˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ sheuˬ uˇ gʼeh-awˇ, kʼoeˇ gaˇ jawˇ-eu tsawˇ jeuˬ gʼawˬ mya jeuˬ-ahˇ aˬ yawꞈ teh doˆ tehꞈ-a. Naw maꞈ le-eu nehˬ-ehˇ, naw maꞈ myaˆ maˬ tseˇ myaˬ dzehˬ-awˇ gʼaˬ kʼaˆ dzehˬ-eu tsawˇ jeuˬ shiꞈ jeuˬ-ahˇ aˬ yawꞈ teh doˆ tehꞈ-a. Tsawˇ jeuˬ kʼoeˇ deuˬ-aˬ, Heˬtaˆ tsawˇ jeuˬ, Geuˬgaˬshaˆ tsawˇ jeuˬ, Aˬmoˬ tsawˇ jeuˬ, Kaˬnaˬ tsawˇ jeuˬ Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ meh.

Dawˬmehˬ 23:8

Smˬ ziˇ dehꞈ dzeuˇ laꞈ ngeh, aˬ yawꞈ maꞈ-euˬ zaˬ deuˬ uˆ deuˬ-ahˇ, Sahˬpaˬ Miˬyehˇ-euˬ tsawˇ haˬ aˇ maꞈ laꞈ kʼoeˇ bi uˇ laˇ nya meh.

Yawˇshuˆ 23:12

Naw maꞈ saˇ jaˇ maˬ ziꞈ-ehˇ, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ kʼoeˇ deuˬ nehˬ-ehˇ keuˬ leˇ-awˇ, sheuˬ dahˬ dzaˬ taꞈ naˇ,

2 Laˬsaˬbaˬ 8:7

Iˇsaˬleˬlaˆ tsawˇ haˬ deuˬ Kaˬnaˬ miˇ kʼahˬ-ahˇ jawˇ uˇ leˇ ngeh yamˬ-ahˇ, Iˇsaˬleˬlaˆ tsawˇ haˬ deuˬ neh maˬ bi sehꞈ jiˇ-ehˇ kʼaˇ dzeˇ-eu kʼoeˇ gaˇ jawˇ-eu tsawˇ jeuˬ deuˬ-euˬ zaˬ deuˬ uˆ deuˬ-ahˇ, Sawˇlaˬmoˬ neh myawˬ kʼaˆ bi mˇ-euˬ meh. Aˬ yawꞈ neh myawˬ kʼaˆ bi mˇ-euˬ deuˬ laꞈ kʼoeˇ ahˇ-eu tsawˇ jeuˬ deuˬ-aˬ, Heˬtaˆ tsawˇ jeuˬ, Aˬmoˬ tsawˇ jeuˬ, Paˬyehˇ tsawˇ jeuˬ, Hiˇbiˇ tsawˇ jeuˬ, Yeˬbuˇ tsawˇ jeuˬ heu deuˬ meh. Aˬ yawꞈ maꞈ-euˬ zaˬ deuˬ uˆ deuˬ iˬ nah keuˆ ni zaˬ kʼaˆ geuꞈ ka leꞈ-euˬ meh.

Eˇzaˬlaˬ 10:2

Kʼoeˇ naˇ, Eˇlamˬ aˇ jeuˬ Yeˬheˬlaˇ-euˬ aˬ li Sheˬkaˬniˇ gʼaˬ, Eˇzaˬlaˬ-ahˇ heu loꞈ-ehˇ ehˇ nehˬ-euˬ meh. “aˬ cawˬ tsawˇ jeuˬ-ahˇ sheuˬ dahˬ dzaˬ-eu laꞈ kʼoeˇ, Miˬyehˇ-ahˇ nga maꞈ puiˬ-euˬ ma. Ehˇ kʼawꞈ, Iˇsaˬleˬlaˆ tsawˇ jeuˬ gʼaˇ duˬ noeˬ tmˬ kʼaˇ za-a siˬ.