Eˇzaˬlaˬ 7:16 - Akha16 Baˬbuˇloˬ miˇ kʼahˬ laꞈ kʼoeˇ nawˇ kʼaˇ taꞈ za-euˬ pyuˇ hawˇ-eu shuiˇ deuˬ maˬ ehˇ, Iˇsaˬleˬlaˆ tsawˇ haˬ deuˬ hawˇ-eu aˬ yawꞈ maꞈ-euˬ piˇ ma deuˬ neh, Yeˬluˇsaˬlehˬ meuˬ-ahˇ jaˆ-eu aˬ yawꞈ maꞈ-euˬ Miˬyehˇ-euˬ Uˬ duˬ tahˬ nymˇ nymˇ ma gʼaˇ duˬ damˬ nehˬ-euˬ jeˬ maˬ ehˇ, nawˇ ya yuˇ gʼeh meh. Gade chapit la |
Heu gaˇ jawˇ luꞈ-eu Miˬyehˇ-euˬ tsawˇ haˬ tiˬ gʼaˬ na Yeˬluˇsaˬlehˬ meuˬ-ahˇ gʼoꞈ leˇ nya-eu gʼaˇ duˬ caw ba nehˬ-eu jeˬ loˬ naˇ, aˬ yawꞈ-euˬ dawˬ peh jawˇ-eu deuˬ aˬ yawꞈ-ahˇ heu loꞈ-ehˇ ya caw ba nehˬ meh. Pyuˇ hawˇ-eu shuiˇ maˬ ehˇ, dzaˬ dzaˬ dawˇ dawˇ hawˇ-eu mˇ myawˬ bi tawˬ-eu jeˬ zaˬ deuˬ maˬ ehˇ, Yeˬluˇsaˬlehˬ meuˬ-ahˇ jaˆ-eu Uˬ duˬ tahˬ nymˇ nymˇ ma-ahˇ lawˇ-eu shehˇ-eu gʼaˇ duˬ loˬ-eu jeˬ maˬ ehˇ, ya caw ba nehˬ meh.”
Tsawˇ haˬ yawˬ gʼaˬ na luꞈ-euˬ nui ma-ahˇ nawˇ lawˬ haw-awˇ, nui ma tiˬ siˬ tehꞈ-ehˇ taˬ luꞈ-eu miˇ neh, nawˇ laˬ kʼaˬ cehˇ meh lehˇ ngaˇ siˬ nya ma. Nui ma dawˇ coe ni jaˆ-awˇ, nui ma keuˆ dui dui-eu laꞈ kʼoeˇ, heu deuˬ dawˬ tawˆ luꞈ nawˬ-ahˇ ngaˇ damˬ nehˬ-eu ma. Heu gaˇ uiˬ laˇ taˬ-euˬ nawˬ-euˬ tsawˇ haˬ deuˬ kʼawꞈ, laˬ kʼaˬ cehˇ-eu laꞈ kʼoeˇ nawˬ-ahˇ damˬ-eu jeˬ yuˇ laꞈ-euˬ gaˇ ngaˇ ya mawˇ-euˬ ma.
‘Ngaˬ-euˬ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ ngeh tiˬ nah neh iˬ nah keuˆ ni, ngaˬ-ahˇ uˬ duˬ tahˬ-eu uˬ duˬ tahˬ nymˇ bi tsoˆ-eu gʼaˇ duˬ, Iˇsaˬleˬlaˆ miˇ kʼahˬ kʼahˬ lah ni laꞈ kʼoeˇ jaˆ-eu meuˬ tiˬ meuˬ-iˬ ngaˇ maˬ tseˇ doˆ-ehˇ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ bi sheuˬ gʼeh-eu gʼaˇ duˬ, tsawˇ haˬ tiˬ gʼaˬ-iˬ ngaˇ maˬ tseˇ doˆ-aˬ siˬ.