Eˇzaˬlaˬ 5:5 - Akha

⁵ Ehˇ kʼawꞈ, Yuˇdaˆ tsawˇ haˬ aˬ yuiꞈ aˬ tsu deuˬ-ahˇ Miˬyehˇ haw piˇ luꞈ-eu miˇ neh, sahˬ paˬ Daˬliˇ jawˇ gaˇ sahˬ boꞈ boꞈ ahˇ nehˬ-awˇ gaˇ kawˆ maˬ gaˬ kʼoꞈ laˇ kʼoeˇ keuˆ ni aˬ yawꞈ maꞈ-ahˇ tiˬ jeˬ-iˬ maˬ jahˇ lehˇ Paˇshaˇ tsawˇ haˬ yaw huiˬ yaw mahˇ deuˬ noeˬ tsehˆ-euˬ meh.

Eˇzaˬlaˬ 5:5 Referans Kwoze

Jaceuq 33:18

SahˬpaˬMiˬyehˇ-euˬmyaˆnuiˆ-aˬ, yawꞈ-ahˇzeu-eu tsawˇhaˬhawˇ-eu, yawꞈgaˬgaˇgʼoe-eu tsawˇhaˬ-ahˇ, maˬtsehˆleˇni haw piˇ-eu meh.

Eˇzaˬlaˬ 7:28

Miˬyehˇ-euˬ guiˬ lahˬ baˬ da neh, Baˬbuˇloˬ sahˬ paˬ maˬ ehˇ, aˬ yawꞈ-ahˇ nui noeˬ nui duˇ biꞈ-eu deuˬ maˬ ehˇ, baoˬ ahˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ maˬ ehˇ, ngaˬ-ahˇ nui ma tsaˬ-eu meh. Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ gʼaˬ biꞈ laꞈ-euˬ miˇ neh, Iˇsaˬleˬlaˆ tsawˇ jeuˬ tsawˇ ca-euˬ aˬ yuiꞈ aˬ tsu gʼawˬ mya gʼaˬ-ahˇ ngaˬ nehˬ-ehˇ sheuˬ kʼoꞈ laꞈ nya-euˬ ma” lehˇ ehˇ-eu meh.

Eˇzaˬlaˬ 7:6

Eˇzaˬlaˬ kʼoeˇ gʼaˬ Baˬbuˇloˬ miˇ kʼahˬ-ahˇ neh gʼoꞈ doˆ laˇ-euˬ meh. Aˬ yawꞈ-aˬ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh Moˇseˬ-ahˇ biꞈ-euˬ zahˇ dawˬ kʼoꞈ dawˬ siˬ nya dui dui-eu zahˇ dzoeˬ miˬ ma tiˬ gʼaˬ pyeuꞈ-eu meh. Eˇzaˬlaˬ-aˬ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ-euˬ guiˬ lahˬ za-euˬ tsawˇ haˬ pyeuꞈ-eu miˇ neh, aˬ yawꞈ kʼaˇ shaˇ-eu jeˬ sahˬ paˬ aˬ yawꞈ-ahˇ biꞈ-euˬ meh.

1 Beˬtuˆluˆ 3:12

Aˬ jeˬ miˇ neh ehˇnaˇ, yaw tsaˬ yaw dawˇ tsawˇ haˬ deuˬ-ahˇ, Sahˬpaˬ Miyehˇ haw piˇ nehˬ-awˇ, shaˇ dawˬ naˇ haˬ geuꞈ nehˬ-eu meh. Ehˇ kʼawꞈ yaw haiˬ mˇ-eu deuˬ-ahˇ, aˬ yawꞈ myaˆ haw maˬ cawˬ nahˇ-a.”

Jaceuq 34:15

Yaw tsaˬyaw dawˇtsawˇhaˬdeuˬ-ahˇ, SahˬpaˬMiˬyehˇhaw piˇluꞈ-awˇ, aˬyawꞈmaꞈguˇ-eu teˇsaˇ-ahˇ, aˬyawꞈnaˬbawˇciˬkʼmˇ-eu meh.

Jaceuq 32:8

Sahˬpaˬ Miˬyehˇ ehˇ-eu, “Nawˇya iˇ-eu gaˇma tiˬkahˇ, nawˬ-ahˇngaˇmehˬnehˬtsoˆnehˬ-awˇ, Ngaˬ-euˬmyaˆnuiˆhaw piˇnehˬma.

Eˇzaˬlaˬ 8:22

Gaˇ pehˇ-ahˇ nga maꞈ-ahˇ muiˇ-eu deuˬ laˆ bahˬ laˇ gaˇ bi haw piˇ-eu gʼaˇ duˬ, guiˇ maꞈ tiˬ maꞈ bi caw teh le-awˬ lehˇ sahˬ paˬ Aˬtaˬdzeuˬsehˆ-ahˇ ngaˇ maˬ shaˇ saˇ nya. Aˬ jeˬ miˇ neh ehˇ naˇ, Nga maꞈ-euˬ Miˬyehˇ-aˬ, aˬ yawꞈ-ahˇ gʼoe-eu tsawˇ haˬ deuˬ-ahˇ ngehˬ gʼeh dah teˬ nehˬ-awˇ, aˬ yawꞈ-ahˇ byehˇ dzeh-eu tsawˇ haˬ deuˬ-ahˇ bye-eu laꞈ kʼoeˇ kʼehˬ nehˬ kʼaˆ nehˬ-eu meh lehˇ aˬ yawꞈ-ahˇ ehˇ nehˬ taˬ-euˬ ma.

Piˇliˇpiˆ 1:28

Naw maꞈ ya shaˬ ya zahˬ ni mˇ luꞈ-eu tsawˇ haˬ deuˬ-ahˇ taˬ guˆ. Aˬ myah luꞈ nui ma kʼaˬ duˬ ni jawˇ-awˬ. Kʼoeˇ loꞈ-ehˇ jawˇ naˇ, naw maꞈ gʼaˬ leˇ-awˇ aˬ yawꞈ maꞈ smˬ-iˇ-eu yaw duˬ baw-eu ngaˇ lehˇ siˬ duˬ leˇ tehꞈ-a. Naw maꞈ gʼaˬ leˇ nya ni mˇ-eu gʼaˬ-aˬ, Miˬyehˇ meh.

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”