Eˇzaˬlaˬ 3:7 - Akha

⁷ Tsaˬ byaˆ gawˬ-eu deuˬ hawˇ-eu laꞈ myawˬ laꞈ sawˆ mˇ-eu deuˬ-ahˇ biꞈ-eu gʼaˇ duˬ aˬ yawꞈ maꞈ pyuˇ damˬ-euˬ meh. Leˬbaˬnoˬ gawˬ jawˬ-ahˇ dehꞈ-eu shuˬ liˇ aˇ bawˇ nehˬ-ehˇ bi paˇ-eu gʼaˇ duˬ, dzaˬ dzaˬ dawˇ dawˇ hawˇ-eu saˬ loˬ tsiˇ deuˬ, Duˇlu meuˬ hawˇ-eu Siˇdoˬ meuˬ-ahˇ aˬ yawꞈ maꞈ biꞈ gʼeh-euˬ meh. Daˇ kawˬ kʼoeˇ deuˬ-ahˇ, iˬ ma laˆ shaˆ-ahˇ neh Yuˇbeˬ meuˬ-ahˇ ya hehˇ ka leꞈ-eu meh. Paˇshaˇ sahˬ paˬ Duˇlu neh aˬ kaw-aˬ biꞈ-euˬ loꞈ-ehˇ, kʼoeˇ deuˬ dawˬ tawˆ luꞈ-ahˇ aˬ yawꞈ maꞈ mˇ-euˬ meh.

Eˇzaˬlaˬ 3:7 Referans Kwoze

1 Sahˬpaˬ 5:6

Kʼoeˇ miˇ neh, ngaˬ-euˬ tsawˇ haˬ deuˬ-ahˇ Leˬbaˬnoˬ gawˬ jawˬ-ahˇ pyehˬ gʼeh-awˇ, ngaˬ-euˬ gʼaˇ duˬ shuˬ liˇ aˇ bawˇ bi tuˇ leˇ-awˬ. Ngaˬ-euˬ tsawˇ haˬ deuˬ kʼawꞈ, aˬ yawꞈ maꞈ nehˬ-ehˇ bi mˇ caw leˇ-awˇ, nawˬ-euˬ tsawˇ haˬ deuˬ gʼaˇ duˬ, nawˇ kʼaˇ shaˇ-eu loꞈ-ehˇ ngaˇ aˇ poeˬ biꞈ ma. Ngaˬ-euˬ tsawˇ haˬ deuˬ-aˬ, nawˬ-euˬ tsawˇ haˬ deuˬ loꞈ-ehˇ aˇ bawˇ maˬ tuˇ nya-eu nawˇ siˬ nya meh.”

Gʼaˬkʼehˇ 12:20

Heˬloˆ-aˬ, Duˇlu meuˬ hawˇ-eu Siˇdoˬ meuˬ-ahˇ jawˇ-eu tsawˇ haˬ deuˬ-ahˇ nui ma pehˇ dui dui-eu meh. Kʼoeˇ miˇ neh, aˬ yawꞈ maꞈ nui maˬ tiˬ siˬ tehꞈ-ehˇ taˬ-eu laꞈ kʼoeˇ, baˬ maꞈ puˇ jeˬ-ehˇ aˬ yawꞈ-ahˇ tahˬ puˬ laˇ-euˬ meh. Sahˬ paˬ-euˬ hawˇ nymˇ-ahˇ aˬ yuiꞈ geuꞈ-awˇ haw-eu pyaˆ-eu gʼaˬ pyeuꞈ-eu Baˬlaˬduˇ-ahˇ jeˬ huˬ ja cawˬ-awˇ, Heˬloˆ nehˬ-ehˇ ja tsaˬ geuꞈ leˇ-euˬ meh. Aˬ jeˬ miˇ neh ehˇ naˇ, sahˬ paˬ Heˬloˆ-euˬ miˇ kʼahˬ-ahˇ aˬ yawꞈ maꞈ dzaˬ dzaˬ dawˇ dawˇ gʼoe luꞈ-eu meh.

Gʼaˬkʼehˇ 9:36

Yuˇbeˬ meuˬ-ahˇ Daˬbiˇtaˆ lehˇ myahˇ-euˬ jah-eu tsawˇ haˬ tiˬ gʼaˬ jawˇ-eu meh. (Aˬ yawꞈ-euˬ tsawˇ myahˇ kʼoeˇ-aˬ, Heˬlaˬsaˇ dawˬ-ahˇ neh Dawˬkaꞈ lehˇ kuˇ-awˇ, dawˬ tsuiꞈ-aˬ, “Kʼaˬ tsehˆ” lehˇ ehˇ mawꞈ-eu meh.) Aˬ yawꞈ-aˬ, aˬ myah luꞈ yaw muiˬ jeˬ mˇ-awˇ, shaˬ-eu zahˬ-eu tsawˇ haˬ deuˬ-ahˇ maˬ tsehˆ leˇ ni caw na nehˬ-eu meh.

Yawˇnaˆ 1:3

Ehˇ kʼawꞈ, Yawˇnaˆ-aˬ, Sahˬpaˬ Miˬyehˇ maˬ mawˇ gaˇ cehˆ byoˆ-eu lehˇ, yawˬ paw yawˬ iˇ gʼeh-euˬ meh. Yuˇbeˬ meuˬ-ahˇ aˬ yawꞈ iˇ-awˇ, Saˬbeˬ miˇ kʼahˬ-ahˇ iˇ-eu lehˇ gʼeh luꞈ-eu saˇ baoˬ tiˬ laˇ iˇ puˬ-euˬ meh. Aˬ yawꞈ saˇ baoˬ dziˬ poeˬ biꞈ-awˇ, saˇ baoˬ kʼoeˇ taˆ gaˇ mˇ-eu tsawˇ haˬ deuˬ nehˬ-ehˇ dziˬ leˇ-awˇ, (Saˬbeˬ miˇ kʼahˬ-ahˇ) Sahˬpaˬ Miˬyehˇ maˬ mawˇ gaˇ cehˆ byoˆ-eu lehˇ iˇ gʼeh-euˬ meh.

Yeˬsaˬgeˬlaˇ 27:17

Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ-aˬ, cehˇ, byaˬ byaˬ uiˇ, saˬ loˬ tsiˇ hawˇ-eu tsiˇ yaw saw gʼawˬ mya jeˬ yuˇ leꞈ-awˇ, nawˬ-euˬ myawˬ gahˬ deuˬ paˇ geuꞈ le-eu meh.

Gʼaˬkʼehˇ 9:38

Yuˇbeˬ meuˬ-aˬ, Luˇda meuˬ-ahˇ yaw kʼaˆ-ehˇ maˬ kaˬ-a. Yuˇbeˬ meuˬ-ahˇ jawˇ-eu jah-eu tsawˇ haˬ deuˬ, Luˇdaˆ meuˬ-ahˇ Beˬtuˆluˆ jawˇ luꞈ-eu gaˇ kawˆ ya gaˬ ngeh, tsawˇ haˬ nyiˬ gʼaˬ pyehˬ gʼeh-awˇ, “Nga maꞈ jawˇ Gaˇ yaw kawˇ-ehˇ tiˬ poˆ oe nehˬ laꞈ sheˇ” lehˇ bi ehˇ gaˬ leˇ-euˬ meh.

Gʼaˬkʼehˇ 9:43

Beˬtuˆluˆ-aˬ, Yuˇbeˬ meuˬ laꞈ kʼoeˇ Siˇmoˬ lehˇ myahˇ-euˬ shaˬ kʼoˆ jahˇ-eu gʼaˬ nehˬ-ehˇ gʼawˬ mya nah jawˇ-euˬ meh.

2 Saˬmeuˬlaˆ 5:11

Duˇlu sahˬ paˬ Hiˇlamˬ-aˬ, jeˬ gaꞈ gaꞈ taꞈ-eu gʼaˇ duˬ Daˬbiˇ jawˇ gaˇ tsawˇ haˬ pyehˬ gʼeh-awˇ, sahˬ paˬ-euˬ nymˇ tsoˆ-eu gʼaˇ duˬ shuˬ liˇ daˇ kawˬ maˬ ehˇ, laꞈ myawˬ laꞈ sawˆ nya-eu tsawˇ haˬ deuˬ maˬ ehˇ, kʼaˬ lo tsaˬ byaˆ gawˬ-eu paw tsawˇ gahˇ ahˇ-eu deuˬ maˬ ehˇ, kʼehˇ gʼeh-euˬ meh.

Eˇzaˬlaˬ 3:6

Aˬ yawꞈ maꞈ Uˬ duˬ tahˬ nymˇ nymˇ ma tsoˆ-eu gaˇ-ahˇ laꞈ maˬ dawꞈ leˇ dah-euˬ kʼawꞈ, ba la shiꞈ siˬ tiˬ siˬ aˇ nah yaw beh nah-ahˇ neh dahˬ beh-awˇ, miˬ dzaˬ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ lawˇ nehˬ-euˬ meh.

2 Sahˬpaˬ 12:10

Bahˬ keuˆ laꞈ kʼoeˇ pyuˇ myaˬ laˇ-euˬ ya mawˇ ngeh jawˇ, sahˬ paˬ-euˬ saˇ naˇ-ahˇ jaˇ laˇ yuˇ-eu paw yaw huiˬ geuꞈ-eu gʼaˬ hawˇ-eu piˇ ma yaw huiˬ gʼaˬ pyuˇ kʼoeˇ gui haw-awˇ, pyuˇ pehˇ zeuˇ laꞈ kʼoeˇ dawˆ ahˇ taˬ-eu meh.

2 Sahˬpaˬ 12:13

Ehˇ kʼawꞈ, pyuˇ kʼmˬ maˬ deuˬ, naˬ bo deuˬ, daˇ heh deuˬ, tsiˇ kʼmˬ doꞈ gaˇ zmˬ-eu keu ka deuˬ hawˇ-eu, pyuˇ hawˇ-eu shuiˇ neh kʼaˇ jahˇ taˬ-euˬ keu ka deuˬ zeuˇ gaˇ, pyuˇ kʼoeˇ deuˬ maˬ zmˬ-a.

2 Laˬsaˬbaˬ 34:10

Kʼoeˇ naˇ, pyuˇ kʼoeˇ deuˬ-ahˇ Uˬ duˬ tahˬ nymˇ nymˇ ma laˆ saˆ gaˇ haw-eu pyaˆ-eu kʼoeˇ smˇ gʼaˬ-euˬ laꞈ-ahˇ a nehˬ-awˇ, laˆ saˆ-eu gaˇ mˇ-eu tsawˇ haˬ deuˬ-ahˇ gʼaˬ gaˇ poeˬ bi biꞈ-euˬ meh.