Eˇzaˬlaˬ 3:2 - Akha

² Miˬyehˇ-euˬ tsawˇ haˬ pyeuꞈ-eu Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ loꞈ-ehˇ miˬ dzaˬ-ahˇ dzah puiˆ-awˇ lawˇ-eu jeˬ lawˇ nya shehˇ nya ni, Yeˬhawˇzaˬdaˆ-euˬ aˬ li Yawˇshuˆ hawˇ-eu aˬ yawꞈ-euˬ cawˬ piˇ ma deuˬ maˬ ehˇ, Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu aˬ yawꞈ-euˬ aˬ yuiꞈ aˬ nyiˇ deuˬ maˬ ehˇ, tiˬ kawˆ loꞈ-ehˇ Iˇsaˬleˬlaˆ tsawˇ jeuˬ-euˬ Miˬyehˇ-euˬ lawˇ duˬ gawˬ-euˬ meh.

Eˇzaˬlaˬ 3:2 Referans Kwoze

Luˇkaꞈ 3:27

Yawˇnaˬ, Leˬsaˇ, Zeˬluˇbaˬbeˬlaˇ, Shaˬtiˇlaˆ, Neˬliˇ,

Haˬgaiˇ 1:1

Paˇshaˇ miˇ kʼahˬ-ahˇ sahˬ paˬ Daˬliˇ uˆ lahˇ-euˬ nyiˬ kʼoꞈ tiˬ kʼoꞈ ba la koꞈ siˬ tiˬ siˬ yaw beh nah-ahˇ, Haˬgaiˇ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ jawˇ gaˇ, Sahˬpaˬ Miˬyehˇ-euˬ dawˬ keuˆ le-euˬ meh. Dawˬ kʼoeˇ deuˬ-aˬ, Yuˇdaˆ miˇ kʼahˬ-ahˇ uˆ lahˇ luꞈ-eu gʼaˬ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu, piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ gʼaˇ duˬ pyeuꞈ-eu meh.

Eˇzaˬlaˬ 2:2

Aˬ yawꞈ maꞈ-euˬ aˬ yuiꞈ aˬ tsu deuˬ-aˬ, Yeˬluˇbaˬbeˬlaˇ, Yawˇshuˆ, Neˬhaˬmiˇ, Seˬlehˇyaˬ, Yeˬlaˇyaˬ, Mawˬdaˬkehˇ, Biˇlaˬshaˬ, Miˇsaˬpaˬ, Biˇgaˬbeˬ, Leˬhamˬ hawˇ-eu, Baˬnahˬ meh. Baˬbuˇloˬ miˇ kʼahˬ-ahˇ neh gʼoꞈ laˇ-euˬ Iˇsaˬleˬlaˆ tsawˇ jeuˬ tsawˇ ca aˬ yawꞈ jeuˬ yawꞈ hawˇ-eu tsawˇ haˬ aˇ gʼaˬ-euˬ jaˇ laˇ-aˬ, heu loꞈ-ehˇ meh.

1 Laˬsaˬbaˬ 3:17

Heu-aˬ, Baˬbuˇloˬ tsawˇ haˬ deuˬ neh bi nyehꞈ gʼeh-euˬ gʼaˬ pyeuꞈ-eu sahˬ paˬ Yeˬhawˇyaˬciˬ-euˬ zaˬ deuˬ uˆ deuˬ meh. Yeˬhawˇyaˬciˬ-aˬ, aˬ li shiꞈ li jawˇ-eu meh. Aˬ li kʼoeˇ deuˬ-aˬ, Sheˬtiˇlaˆ,

Zaˬkaˬliˇ 6:11

Pyuˇ hawˇ-eu shuiˇ kʼoeˇ deuˬ neh shuiˇ uˬ kʼoˆ jahˇ-awˇ, Yeˬhawˇzaˬdaˆ-euˬ aˬ li piˇ ma yaw huiˬ gʼaˬ pyeuꞈ-eu Yawˇshuˆ-ahˇ bi kʼoˆ-awˬ.

Zaˬkaˬliˇ 3:8

Piˇ ma yaw huiˬ gʼaˬ pyeuꞈ-eu Yawˇshuˆ hawˇ-eu, Yawˇshuˆ-euˬ gaˇ mˇ cawˬ pyeuꞈ-eu Yawˇshuˆ mehˬ shi nuiˇ luꞈ-eu piˇ ma deuˬ naˇ haˬ sheˇ. Naw maꞈ- aˬ, mehˬ hu paw yaw muiˬ jeˬ keuˆ le-eu gaˇ kawˆ, saˇ kiˇ pyeuꞈ-eu meh. Aˇ bawˇ uˬ pyaˬ lehˇ myahˇ-euˬ ngaˬ-euˬ zaˬ kʼaˆ, naw maꞈ-ahˇ ngaˇ mehˬ nehˬ ma.

Zaˬkaˬliˇ 3:1

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Sahˬpaˬ Miˬyehˇ ngaˬ- ahˇ heu loꞈ-ehˇ paˇ bi mawˇ laꞈ-euˬ meh. Piˇ ma yaw huiˬ gʼaˬ pyeuꞈ-eu Yawˇshuˆ-aˬ, Sahˬpaˬ Miˬyehˇ-euˬ mˬ taˆ gʼaˬ kʼehˇ dawˬ peh yawꞈ luꞈ-awˇ, aˬ yawꞈ-euˬ dawˬ peh nehꞈ saˬdaˬ yawꞈ luꞈ-awˇ, aˬ yawꞈ-ahˇ yaˇ kʼaˬ ja-eu lehˇ gʼeh-eu meh.

Haˬgaiˇ 2:23

Ngaˬ-euˬ zaˬ kʼaˆ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ-oˇ, aˇ nah kʼoeˇ nah-ahˇ ngaˇ nawˬ-ahˇ sheuˬ laˬ le-awˇ, ngaˬ-euˬ tsawˇ myahˇ uˬ moˆ uˆ lahˇ-eu gʼaˬ bi geuꞈ ma. Nawˇ-aˬ, ngaˬ neh tseˇ doˆ-euˬ tsawˇ haˬ ma” lehˇ, Baoˬ huiˬ-eu Sahˬpaˬ Miˬyehˇ ehˇ-eu meh.

Haˬgaiˇ 2:21

Dawˬ kʼoeˇ-aˬ, Yuˇdaˆ miˇ kʼahˬ-ahˇ uˆ lahˇ luꞈ-eu Zeˬluˇbaˬbeˬlaˇ gʼaˇ duˬ pyeuꞈ-eu meh. “Mˬ hawˇ-eu miˇ-ahˇ ngaˇ ngawˬ nyeh -eu lehˇ gʼeh-eu ma.

Haˬgaiˇ 1:14

Kʼoeˇ naˇ, Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ, piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ hawˇ-eu, Baˬbuˇloˬ miˇ kʼahˬ-ahˇ neh gʼoꞈ doˆ le-euˬ tsawˇ haˬ dawˬ tawˆ luꞈ-euˬ nui ma-ahˇ Sahˬpaˬ Miˬyehˇ ciˬ tuˇ nehˬ-awˇ, aˬ yawꞈ maꞈ dawˬ tawˆ luꞈ, aˬ yawꞈ maꞈ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma tsoˆ-euˬ meh.

Haˬgaiˇ 1:12

Kʼoeˇ naˇ, Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ maˬ ehˇ, Baˬbuˇloˬ miˇ kʼahˬ-ahˇ neh gʼoꞈ doˆ laˇ-euˬ tsawˇ haˬ dawˬ tawˆ luꞈ maˬ ehˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ mˇ-euˬ meh. Aˬ yawꞈ maꞈ Sahˬpaˬ Miˬyehˇ-ahˇ guˆ-eu laꞈ kʼoeˇ, Sahˬpaˬ Miˬyehˇ gʼaˇ duˬ ngehˬ dah-eu Haˬgaiˇ-euˬ dawˬ-ahˇ naˇ haˬ geuꞈ-euˬ meh.

Jaceuq 78:68

Ehˇ kʼawꞈ Yuˇdaˆ tsawˇ jeuˬ hawˇ-eu aˬ yawꞈ gaˬ-eu Ziˇoˬ gawˬ jawˬ-ahˇ, aˬ yawꞈ tseˇ doˆ-euˬ meh.

Neˬhaˬmiˇ 12:8

Leˬbiˇ tsawˇ haˬ deuˬ laꞈ kʼoeˇ, Yeˬshah, Biˇnuiˇ, Kaˬdaˬmeˬlaˇ, Sheˬleˬbiˇ, Yuˇdaˆ hawˇ-eu Maˬtaˬniˇ meh. Aˬ yawꞈ maꞈ-aˬ, ja ceuˬ-eu caˇ dawˬ caˇ-eu paw aˬ yuiꞈ geuꞈ-eu deuˬ pyeuꞈ-eu meh.

Neˬhaˬmiˇ 12:1

Heu-aˬ, Sheˬliˇlaˆ-euˬ aˬ li Yeˬluˇbaˬdeˬlaˇ hawˇ-eu Piˇ ma yaw huiˬ gʼaˬ pyeuꞈ-eu Yawˇshuˆ nehˬ-ehˇ Baˬbuˇloˬ miˇ kʼahˬ-ahˇ neh gʼoꞈ laˇ-euˬ piˇ ma deuˬ hawˇ-eu Leˬbiˇ tsawˇ haˬ deuˬ-euˬ jaˇ laˇ meh. Piˇ ma deuˬ laꞈ kʼoeˇ, Seˬlehˇyaˬ, Yeˬlaˬmiˇ, Eˇzaˬlaˬ,

2 Laˬsaˬbaˬ 6:6

Ehˇ kʼawꞈ, nymˬ-mˇ ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ, Yeˬluˇsaˬlehˬ meuˬ-ahˇ ngaˇ tsaˬ tsoˆ-awˇ, ngaˬ-euˬ tsawˇ jeuˬ-ahˇ bi uˆ lahˇ-eu gʼaˇ duˬ, Daˬbiˇ nawˬ-ahˇ ngaˇ tseˇ doˆ-euˬ ma’ lehˇ ehˇ nehˬ-eu meh.

1 Laˬsaˬbaˬ 3:19

Peˬdaˇyaˬ-aˬ, Zeˬluˇbaˬbeˬlaˇ hawˇ-eu Shiˇmiˇ lehˇ myahˇ-euˬ aˬ li nyiˬ li jawˇ-eu meh. Zeˬluˇbaˬbeˬlaˇ-aˬ, Meˬshuˇlamˬ hawˇ-eu Haˬnaˬniˇyaˆ lehˇ myahˇ-euˬ aˬ li nyiˬ li hawˇ-eu, Sheˬloˇmiˇ lehˇ myahˇ-euˬ aˬ buˇ tiˬ buˇ jawˇ-eu meh.

Doˆ-iˇ 27:1

“Aˬkaˬshaˇ daˇ kawˬ yuˇ-awˇ, yaw mahˇ paw ngaˬ caˆ, yaw jeˇ paw ngaˬ caˆ, yaw goˇ paw smˬ caˆ byah-eu lawˇ duˬ tiˬ hmˬ jahˇ-awˬ.

Eˇzaˬlaˬ 3:8

Yeˬluˇsaˬlehˬ meuˬ Uˬ duˬ tahˬ nymˇ nymˇ ma nymˇ coeˬ-ahˇ aˬ yawꞈ maꞈ gʼoꞈ keuˆ laˇ-euˬ nyiˬ kʼoꞈ tiˬ kʼoꞈ ba la nyiˬ siˬ tiˬ siˬ-ahˇ, Uˬ duˬ tahˬ nymˇ nymˇ ma tsoˆ dahˬ beh-euˬ meh. Zeˬluˇbaˬbeˬlaˇ, Yawˇshuˆ hawˇ-eu aˬ yawꞈ maꞈ-euˬ miˇ kʼahˬ zaˬ deuˬ pyeuꞈ-eu piˇ ma deuˬ, Leˬbiˇ tsawˇ haˬ deuˬ ahˇ leˇ-ehˇ, Baˬbuˇloˬ miˇ kʼahˬ-ahˇ neh kʼaˇ gʼoꞈ laˇ-euˬ tsawˇ haˬ dawˬ tawˆ luꞈ, Uˬ duˬ tahˬ nymˇ nymˇ ma tsoˆ-eu gaˇ mˇ-euˬ meh. Nyiˬ tseˇ kʼoꞈ-ahˇ neh laꞈ taˆ paw-euˬ Leˬbiˇ tsawˇ haˬ dawˬ tawˆ luꞈ-ahˇ, gaˇ mˇ gaˇ bi haw bi pyaˆ-euˬ meh.

Eˇzaˬlaˬ 5:2

Aˬ yawꞈ nyaꞈ ehˇ-eu dawˬ-ahˇ Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu Yeˬhawˇzaˬdaˆ-euˬ aˬ li Yawˇshuˆ aˬ ha nyaꞈ ya gaˬ ngeh, Yeˬluˇsaˬlehˬ meuˬ-ahˇ jaˆ-eu Uˬ duˬ tahˬ nymˇ nymˇ ma tsoˆ muiˬ-eu gaˇ-ahˇ tiˬ poˆ paˇ dawꞈ leˇ-awˇ, Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ aˬ yawꞈ nyaꞈ-ahˇ caw ba nehˬ-euˬ meh.

Aˇ dahˬ 12:7

Kʼoeˇ ngeh, Aˬbyaˬ-euˬ mehˬ shi Sahˬpaˬ Miˬyehˇ doˆ le-awˇ, “Miˇ kʼahˬ heu kʼahˬ-aˬ, nawˬ-euˬ zaˬ nawˬ-euˬ uˆ deuˬ-ahˇ biꞈ-eu gʼaˇ duˬ, ngaˬ neh lehˬ hmˬ taˬ-euˬ miˇ kʼahˬ pyeuꞈ-eu ma” lehˇ ehˇ nehˬ-euˬ meh. Aˬbyaˬ-aˬ, aˬ yawꞈ-euˬ mehˬ shi doˆ le-euˬ Sahˬpaˬ Miˬyehˇ-ahˇ lawˇ nehˬ shehˇ nehˬ-eu gʼaˇ duˬ, kʼoeˇ gaˇ lawˇ duˬ tiˬ tsahˇ tsoˆ-euˬ meh.

Bawˇtsahˬ 28:2

Lawˇ-eu shehˇ-eu gʼaˇ duˬ tsaˬ tsoˆ taˬ-euˬ aˇ yamˬ-ahˇ, Miˬyehˇ nui ma tsaˬ-eu dzaˬ dzaˬ dawˇ dawˇ lawˇ-eu jeˬ aˬ yawꞈ-ahˇ ya lawˇ meh lehˇ Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-awˬ.

Yaˇ kʼaˬ daˇ 6:24

Sahˬpaˬ Miˬyehˇ gʼaˇ duˬ, Giˇdoˬ kʼoeˇ gaˇ lawˇ duˬ tiˬ hmˬ gawˬ-awˇ, “Sahˬpaˬ Miˬyehˇ-aˬ, nui saˇ oꞈ-eu jeˬ pyeuꞈ-eu meh” lehˇ myahˇ nehˬ-euˬ meh. (Lawˇ duˬ kʼoeˇ hmˬ-aˬ, Aˬbyeˇzaˬ aˇ jeuˬ-euˬ Awˇpaˬlaˇ pu-ahˇ iˬ nah keuˆ ni jaˆ luꞈ meh.)

1 Laˬsaˬbaˬ 23:14

Ehˇ kʼawꞈ, Miˬyehˇ-euˬ tsawˇ haˬ pyeuꞈ-eu Moˇseˬ-euˬ aˬ li deuˬ-aˬ, Leˬbiˇ tsawˇ jeuˬ laꞈ kʼoeˇ ahˇ-eu meh.)

Eˇzaˬlaˬ 10:18

aˬ cawˬ tsawˇ jeuˬ-ahˇ sheuˬ-euˬ tsawˇ haˬ deuˬ-euˬ jaˇ laˇ-aˬ, heu loꞈ-ehˇ meh. Piˇ ma aˇ jeuˬ aˇ ca deuˬ laꞈ kʼoeˇ aˬ cawˬ tsawˇ jeuˬ-ahˇ sheuˬ-euˬ deuˬ-aˬ, Yeˬhawˇzaˬdaˆ-euˬ aˬ li Yawˇshuˆ hawˇ-eu aˬ yawꞈ-euˬ mehˇ nmˇ deuˬ-euˬ zaˬ deuˬ uˆ deuˬ pyeuꞈ-eu Mawˇseˬyaˇ, Eˇliˇzaˬ, Yaˬliˆ hawˇ-eu, Geˬdaˬliˇ meh.

Eˇzaˬlaˬ 10:20

Iˇmeˬlaˇ-euˬ zaˬ deuˬ uˆ deuˬ laꞈ kʼoeˇ, Haˬnaˬniˇ hawˇ-eu Zeˬbaˬdiˇ meh.

Eˇzaˬlaˬ 10:21

Haˬlmˬ-euˬ zaˬ deuˬ uˆ deuˬ laꞈ kʼoeˇ, Mawˇseˬyaˇ, Eˇliˇyaˆ, Sheˬmaˇyaˬ, Yeˬheˬlaˇ hawˇ-eu Awˇziˇ meh.

Eˇzaˬlaˬ 10:22

Paˬshuˇlaˆ-euˬ zaˬ deuˬ uˆ deuˬ laꞈ kʼoeˇ, Eˇlawˇneˬ, Mawˇseˬyaˇ, Iˇshaˬmeˬlaˇ, Neˬdaˬneˬlaˇ, Yawˇzaˬbaˆ hawˇ-eu, Eˇlaˬsaˬ meh.