Eˇzaˬlaˬ 3:10 - Akha

¹⁰ Uˬ duˬ tahˬ nymˇ nymˇ ma-euˬ dawˬ pehˬ gawˬ dahˬ beh ngeh jawˇ, pehˇ kʼahˬ pehˇ mahˇ dm taˬ-euˬ piˇ ma deuˬ aˬ laꞈ-ahˇ daˇ heh tuˆ tehˬ-awˇ jawˇ duˬ yuˇ-euˬ meh. Aˬsaˆ aˇ jeuˬ pyeuꞈ-eu Leˬbiˇ tsawˇ haˬ deuˬ kʼawꞈ, cehˇ lehˇ yuˇ-awˇ kʼoeˇ gaˇ yawꞈ-euˬ meh. Sahˬ paˬ Daˬbiˇ-euˬ ziˇ-ahˇ neh mehˬ ka leꞈ-euˬ Sahˬpaˬ Miˬyehˇ-ahˇ ja ceuˬ-eu caˇ dawˬ aˬ yawꞈ maꞈ caˇ-euˬ meh.

Eˇzaˬlaˬ 3:10 Referans Kwoze

2 Laˬsaˬbaˬ 35:15

Caˇ dawˬ caˇ-eu deuˬ pyeuꞈ-eu Leˬbiˇ tsawˇ jeuˬ Aˬsaˆ aˇ ca deuˬ-aˬ, sahˬ paˬ Daˬbiˇ, Aˬsaˆ, Heˬmaˬ hawˇ-eu sahˬ paˬ-ahˇ Miˬyehˇ gʼaˇ duˬ ngehˬ dah nehˬ-eu gʼaˬ pyeuꞈ-eu Yeˬduˇdoˬ aˬ ha maꞈ neh mehˬ taˬ yaꞈ-euˬ loꞈ-ehˇ, aˬ yawꞈ maꞈ-ahˇ biꞈ taˬ-euˬ jawˇ duˬ-ahˇ ya jawˇ-eu meh. Uˬ duˬ tahˬ nymˇ nymˇ ma -euˬ lahˇ kʼehˬ deuˬ-ahˇ loꞈ-eu deuˬ-aˬ, aˬ yawꞈ maꞈ-euˬ loꞈ duˬ-ahˇ byehˇ yaꞈ-awˇ bawˬ-iˬ gʼeh gaˇ iˇ-eu maˬ loˬ-a. Aˬ jeˬ miˇ neh ehˇ naˇ, Leˬbiˇ tsawˇ haˬ nui deuˬ neh aˬ yawꞈ maꞈ gʼaˇ duˬ Baˬsaˬkaˬ Bawˬ-iˬ lehˬ hmˬ nehˬ-eu meh.

1 Laˬsaˬbaˬ 23:5

Oeˬ heˇ gʼaˬ-aˬ, gʼoˆ kʼehˬ-ahˇ loꞈ piˇ-eu gaˇ mˇ-awˇ, oeˬ heˇ gʼaˬ-aˬ, ngaˬ neh biꞈ-euˬ caˇ dawˬ caˇ gaˇ zmˬ-eu keu ka deuˬ yuˇ-awˇ, Sahˬpaˬ Miˬyehˇ-ahˇ caˇ-awˇ ja ceuˬ-eu deuˬ geuꞈ-awˬ.”

1 Laˬsaˬbaˬ 16:42

Heˬmaˬ hawˇ-eu Yeˬduˇdoˬ aˬ nyaꞈ-aˬ, ja ceuˬ-eu caˇ dawˬ caˇ gaˇ zmˬ-eu keu ka deuˬ pyeuꞈ-eu, daˇ heh, cehˇ lehˇ hawˇ-eu, keu ka nui deuˬ-ahˇ ya haw ya pyaˆ-eu meh. Yeˬduˇdoˬ-euˬ aˇ jeuˬ aˇ ca deuˬ-aˬ, gʼoˆ kʼehˬ-ahˇ loꞈ-eu gaˇ mˇ-euˬ meh.

1 Laˬsaˬbaˬ 16:37

Sahˬ paˬ Daˬbiˇ-aˬ, Aˬsaˆ hawˇ-eu aˬ yawꞈ-euˬ cawˬ Leˬbiˇ tsawˇ haˬ deuˬ-ahˇ, Dawˬ ma saˇ jaˇ Bahˬ keuˆ jaˆ-eu jawˇ duˬ-ahˇ uˬ duˬ tahˬ ngeh, aˬ myah luꞈ aˬ yuiꞈ geuꞈ-awˇ sheuˬ gʼeh-eu gaˇ biꞈ nehˬ-euˬ meh. Aˬ yawꞈ maꞈ yawˬ nah na luꞈ, kʼoeˇ gaˇ yawˬ ha-euˬ gaˇ ya mˇ-eu meh.

1 Laˬsaˬbaˬ 15:27

Daˬbiˇ-aˬ, shawˇ jehˆ ni gʼeh-eu saˬ paˇ paˇ pyuˇ neh guꞈ taˬ-euˬ muiˬ dui dui-eu pehˇ kʼahˬ pehˇ mahˇ dm-awˇ, caˇ dawˬ caˇ-eu deuˬ maˬ ehˇ, aˬ yawꞈ maꞈ kʼoeˇ taˆ aˬ yuiꞈ geuꞈ-eu Sheˬnaˬniˇyaˆ maˬ ehˇ, Dawˬ ma saˇ jaˇ Bahˬ keuˆ baꞈ-eu Leˬbiˇ tsawˇ haˬ deuˬ maˬ ehˇ, kʼoeˇ loꞈ-ehˇ dm luꞈ-eu meh. Daˬbiˇ-aˬ, pehˇ kʼahˬ pehˇ nymˇ tiˬ kahˇ kʼawꞈ dm luꞈ-eu meh.

1 Saˬmeuˬlaˆ 22:18

Kʼoeˇ ngeh, “Nawˇ sehꞈ-awˬ” lehˇ Doˇgaˆ-ahˇ Sawˇluˆ ehˇ nehˬ-awˇ, Doˇgaˆ neh piˇ ma kʼoeˇ deuˬ-ahˇ sehꞈ-euˬ meh. Kʼoeˇ ngeh nah piˇ ma-euˬ pehˇ kʼahˬ pehˇ nymˇ dm-awˇ piˇ ma geuꞈ nya-eu yehꞈ tseˇ gʼaˬ-ahˇ aˬ yawꞈ sehꞈ dzeh-euˬ meh.

Eˇzaˬlaˬ 5:16

Kʼoeˇ naˇ, Sheˬshaˆbaˬzaˬ gʼoꞈ laˇ-awˇ, Uˬ duˬ tahˬ nymˇ nymˇ ma-euˬ dawˬ pehˬ gawˬ dahˬ beh-euˬ meh. Kʼoeˇ gaˇ neh naˇ iˬ nah keuˆ ni tsoˆ daˆ luꞈ-eu ma. Ehˇ kʼawꞈ, maˬ tsoˆ gʼaˬ dah-aˬ siˬ’ lehˇ aˬ yawꞈ maꞈ ehˇ-eu meh.

Jaceuq 150:5

Cehˇ lehˇ yaw zaˬ ciˆ-awˇ ja ceuˬ-awˬ. Cehˇ lehˇ yaw huiˬ ciˆ-awˇ ja ceuˬ-awˬ.

Haˬgaiˇ 2:15

Sahˬpaˬ Miˬyehˇ ehˇ-eu, “Naw maꞈ Uˬ duˬ tahˬ nymˇ nymˇ ma tsoˆ muiˬ-eu aˇ dahˬ maˬ beh kʼoeˇ keuˆ ni, naw maꞈ kʼoeˇ taˆ aˬ joˆ-ehˇ keuˆ le-euˬ gaˇ kawˆ maˬ noeˬ duˬ-aˬ siˬ loˇ.

Zaˬkaˬliˇ 4:6

Kʼoeˇ naˇ, aˬ yawꞈ ehˇ-eu, “Heu-aˬ, Zeˬluˇbaˬbeˬlaˇ-ahˇ Sahˬpaˬ Miˬyehˇ neh ehˇ nehˬ-eu dawˬ pyeuꞈ-awˇ, ‘Baoˬ hawˇ-eu gʼaˬ neh gʼaˬ leˇ nya-eu maˬ ngeuˇ-a. Ngaˬ-euˬ yaw sahˇ baˬ da neh tehꞈ-ehˇ gʼaˬ leˇ nya-eu meh’ lehˇ ehˇ-eu meh.

Zaˬkaˬliˇ 4:7

Nawˬ-euˬ mehˬ shi gawˬ jawˬ jawˬ ma kaˬ luꞈ kʼawꞈ, byoˆ-iˇ jiˇ tehꞈ-a. Uˬ duˬ tahˬ nymˇ nymˇ ma nawˇ paˇ tsoˆ gʼaˬ nya-awˇ, aˇ saˬ saˬ-eu kʼaˬ lo kʼoeˇ siˬ ciˬ daˆ-awˇ gawˬ ngeh, miˇ kʼahˬ zaˬ deuˬ ‘ Guiˬ lahˬ huiˬ dui dui ngaˇ. Guiˬ lahˬ huiˬ dui dui ngaˇ’ lehˇ guˇ tehꞈ-a.”

Zaˬkaˬliˇ 6:12

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ aˬ yawꞈ-ahˇ ehˇ nehˬ-awˬ. ‘Uˬ laꞈ lehˇ myahˇ-euˬ tsawˇ haˬ kʼoeˇ gʼaˬ-aˬ, aˬ yawꞈ kʼaˇ jawˇ gaˇ huiˬ dui mahˇ dui dui-awˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma tsoˆ muiˬ tehꞈ-a.

Zaˬkaˬliˇ 7:3

piˇ ma deuˬ hawˇ-eu Miˬyehˇ gʼaˇ duˬ ngehˬ dah-eu deuˬ-ahˇ heu loꞈ-ehˇ bi naˇ haˬ laˇ-euˬ meh. “Dzeuˇ laˇ ngeh nga maꞈ neh gʼawˬ mya kʼoꞈ gʼawˬ mya la mˇ dzeuˇ yaꞈ-euˬ loꞈ-ehˇ, Uˬ duˬ tahˬ nymˇ nymˇ ma cawˆ-iˇ-euˬ gaˇ noeˬ keuˆ -awˇ, ba la ngaˬ siˬ tiˬ siˬ-ahˇ maˬ dzaˬ-eu zahˇ jahˇ-awˇ tsawˇ ngoeˇ ngoeˇ-eu jeˬ paˇ mˇ daˆ leꞈ-awˬ loˇ.”

1 Laˬsaˬbaˬ 25:25

Tseˇ yehꞈ muˇ tiˬ muˇ-aˬ, Haˬnaˬniˇ hawˇ-eu aˬ yawꞈ-euˬ aˬ li deuˬ, aˬ yawꞈ-euˬ aˬ yuiꞈ aˬ nyiˇ deuˬ meh.

2 Laˬsaˬbaˬ 5:12

Aˬsaˆ, Heˬmaˬ, Yeˬduˇdoˬ aˬ ha maꞈ hawˇ-eu, aˬ yawꞈ maꞈ-euˬ aˬ li deuˬ, aˬ yuiꞈ aˬ nyiˇ deuˬ dawˬ tawˆ luꞈ ahˇ leˇ-ehˇ, caˇ dawˬ kʼaˇ caˇ nya-eu Leˬbiˇ tsawˇ haˬ dawˬ tawˆ luꞈ, shawˇ jehˆ ni gʼeh-eu saˬ paˇ paˇ pyuˇ dm-eu laꞈ kʼoeˇ, lawˇ duˬ-euˬ nahˇ ma doˆ kʼehˬ paw yawꞈ-awˇ, cehˇ lehˇ ciˆ-awˇ deuˇ-mˬ diˬ luꞈ-eu meh. Piˇ ma tiˬ yaˇ nyiˬ tseˇ gʼaˬ aˬ yawꞈ maꞈ-ahˇ daˇ heh baw caw nehˬ-euˬ meh.

2 Laˬsaˬbaˬ 35:14

Kʼoeˇ loꞈ-ehˇ jahˇ gʼaˬ ngeh, Leˬbiˇ tsawˇ haˬ deuˬ-aˬ, yawˬ ha gʼaˇ duˬ hawˇ-eu Aˬloˬ-euˬ zaˬ deuˬ uˆ deuˬ pyeuꞈ-eu piˇ ma deuˬ gʼaˇ duˬ shaˬ jiˇ lehˬ hmˬ taˬ-euˬ meh. Aˬ jeˬ miˇ neh ehˇ naˇ, piˇ ma deuˬ-aˬ, mawˇ lah-ehˇ miˬ dzaˬ-ahˇ dzah puiˆ-awˇ ya lawˇ-eu jeˬ zaˬ deuˬ hawˇ-eu jeˬ zaˬ-euˬ tsiˇ deuˬ dzah puiˆ dzah puiˆ-ehˇ jawˇ-eu miˇ neh, uˬ ciꞈ zahˇ le ngeh keuˆ ni maˬ laˆ dah nya-a.

Eˇzaˬlaˬ 2:41

Aˬsaˆ-euˬ zaˬ deuˬ uˆ deuˬ pyeuꞈ-eu Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu deuˬ, tiˬ yaˇ nyiˬ tseˇ yehꞈ gʼaˬ,