Eˇzaˬlaˬ 1:1 - Akha

¹ Paˇshaˇ miˇ kʼahˬ-ahˇ sahˬ paˬ Guˇluˆ uˆ lahˇ-euˬ yaw beh kʼoꞈ-ahˇ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Yeˬlaˬmiˇ-ahˇ gʼoe-awˇ aˬ yawꞈ neh ehˇ taˬ-euˬ dawˬ kʼoeˇ dawˬ byah laˇ ni Sahˬpaˬ Miˬyehˇ jahˇ-euˬ meh. Guˇluˆ sahˬ boꞈ tiˬ taꞈ boꞈ-awˇ aˬ yawꞈ-euˬ miˇ kʼahˬ doe ni bi gui gaˬ-iˇ-eu gʼaˇ duˬ, aˬ yawꞈ-euˬ nui ma-ahˇ Sahˬpaˬ Miˬyehˇ laˆ saˆ nehˬ-euˬ meh. Sahˬ boꞈ kʼoeˇ taꞈ heu loꞈ-ehˇ boꞈ taˬ-euˬ meh.

Eˇzaˬlaˬ 1:1 Referans Kwoze

Yeˬlaˬmiˇ 29:10

“Sahˬpaˬ Miˬyehˇ ehˇ-eu, ‘Baˬbuˇloˬ miˇ kʼahˬ-ahˇ biꞈ taˬ-euˬ aˇ yamˬ shiꞈ tseˇ kʼoꞈ byah laˇ ngeh, naw maꞈ-ahˇ ngaˇ gʼawˬ shaˬ gaˬ-awˇ, naw maꞈ-ahˇ iˇ kahˇ sheuˬ kʼoꞈ keuˆ nehˬ ma lehˇ ehˇ-euˬ ngaˬ-euˬ saˇ jaˇ-ahˇ ngaˇ ziꞈ ma.

Dawqdaq 21:1

Sahˬ paˬ tiˬ gʼaˬ-euˬ nui ma-ahˇ Sahˬpaˬ Miˬyehˇ uˆ lahˇ-eu-aˬ, lawˇ baˬ iˇ cuꞈ yoeˇ kʼehˬ bi baw-euˬ loꞈ-ehˇ awˬ-eu meh.

Eˇzaˬlaˬ 7:27

Eˇzaˬlaˬ ehˇ-eu, “Aˬ dui-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ Baˬbuˇloˬ sahˬ paˬ heu loꞈ-ehˇ taˬ huiˬ taˬ mahˇ ni aˬ yawꞈ jahˇ-euˬ meh.

Jaceuq 106:46

kʼehˬ-eu kʼaˆ-eu tsawˇ haˬ deuˬ aˬ yawꞈ maꞈ-ahˇ gʼawˬ shaˬ haw gaˬ ni, aˬ yawꞈ laˆ saˆ nehˬ-euˬ meh.

Eˇzaˬlaˬ 6:22

Shiꞈ nah keuˆ ni, laˬ kʼaˬ tiˬ cehˇ Dehˬ tseˬ maˬ ahˇ-eu kaˬ muˇ dzaˬ-eu bawˬ-iˬ aˬ yawꞈ maꞈ gʼeh-euˬ meh. Aˬshuˇliˆ sahˬ paˬ aˬ yawꞈ maꞈ-ahˇ nui ma taꞈ laˇ-awˇ, Iˇsaˬleˬlaˆ tsawˇ jeuˬ-euˬ Miˬyehˇ-euˬ Uˬ duˬ tahˬ nymˇ nymˇ ma tsoˆ gaˇ aˬ yawꞈ maꞈ-ahˇ caw ba nehˬ laꞈ ni Sahˬpaˬ Miˬyehˇ jahˇ-euˬ miˇ neh, aˬ yawꞈ maꞈ laˬ kʼaˬ cehˇ dui dui-eu meh.

Daˬyeˬlaˇ 2:1

Neˬbuˬkaˬneˬzaˬ-aˬ, aˬ yawꞈ sahˬ paˬ geuꞈ-awˇ uˆ lahˇ-euˬ nyiˬ kʼoꞈ tiˬ kʼoꞈ-ahˇ, yuꞈ maˆ maˆ mawˇ-euˬ meh. Yuꞈ maˆ kʼoeˇ baˬ da neh aˬ yawꞈ noeˬ shaˬ dui dui-awˇ, maˬ yuꞈ kʼaˆ leˇ-a.

Yoˇhaˬ 1:23

Yoˇhaˬ ehˇ-eu, “‘SahˬpaˬMiˬyehˇ oe-eu gʼaˇ duˬ gaˇ ma shaˇ dahˇ-awˬ’ lehˇ, bawˇ tsahˬ bawˇ dahˇ laꞈ kʼoeˇ tsawˇ haˬ tiˬ gʼaˬ guˇ tehꞈ-a lehˇ, Miˬyehˇ gʼaˇ duˬ ngehˬ dah-eu Iˇsaˬyaˆ neh ehˇ-euˬ kʼoeˇ ngaˇ ma.”

Eˇzaˬlaˬ 1:5

Kʼoeˇ naˇ, Yuˇdaˆ tsawˇ jeuˬ tsawˇ ca hawˇ-eu Beˬyaˬmiˬ tsawˇ jeuˬ tsawˇ ca deuˬ kʼoeˇ taˆ aˬ yuiꞈ aˬ tsu geuꞈ-eu deuˬ maˬ ehˇ, piˇ ma deuˬ hawˇ-eu Leˬbiˇ tsawˇ haˬ deuˬ maˬ ehˇ, Miˬyehˇ neh nui ma kʼaˇ bi noeˬ keuˆ-euˬ tsawˇ haˬ yawˬ gʼaˬ na luꞈ, Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma tsoˆ muiˬ leˇ-eu gʼaˇ duˬ lehˬ hmˬ-euˬ meh.

Eˇzaˬlaˬ 4:3

Zeˬluˇbaˬbeˬlaˇ, Yawˇshuˆ hawˇ-eu, tsawˇ jeuˬ tsawˇ ca deuˬ kʼoeˇ taˆ aˬ yuiꞈ aˬ tsu geuꞈ-eu deuˬ aˬ yawꞈ maꞈ-ahˇ heu loꞈ-ehˇ ehˇ kʼoꞈ nehˬ-euˬ meh. “Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ Uˬ duˬ tahˬ nymˇ nymˇ ma tsoˆ gaˇ naw maꞈ caw ba nehˬ laꞈ-eu maˬ loˬ-a. Paˇshaˇ sahˬ paˬ Guˇluˆ neh nga maꞈ-ahˇ dawˬ biꞈ taˬ-euˬ loꞈ-ehˇ, nga maꞈ yawˬ haˇ yawˬ ha tsoˆ ma.”

Eˇzaˬlaˬ 6:3

“Sahˬ paˬ Guˇluˆ sahˬ paˬ geuꞈ-awˇ uˆ lahˇ beh beh-euˬ kʼoꞈ-ahˇ, Yeˬluˇsaˬlehˬ meuˬ-ahˇ jaˆ-eu Uˬ duˬ tahˬ nymˇ nymˇ ma bi tsoˆ muiˬ-awˇ, lawˇ-eu shehˇ-eu jeˬ kʼoeˇ gaˇ paˇ bi mˇ-eu gʼaˇ duˬ dawˬ biꞈ-euˬ meh. Uˬ duˬ tahˬ nymˇ nymˇ ma-ahˇ yaw goˇ paw tseˇ ngaˬ lmˇ hawˇ-eu yaw jeˇ paw tseˇ ngaˬ lmˇ byah ni tsoˆ-awˬ lehˇ ehˇ taˬ-euˬ meh.

Eˇzaˬlaˬ 6:14

Miˬyehˇ gʼaˇ duˬ ngehˬ dah-eu nyiˬ gʼaˬ pyeuꞈ-eu Haˬgaiˇ hawˇ-eu Zaˬkaˬliˇ aˬ nyaꞈ neh gʼaˬ biꞈ nehˬ-euˬloꞈ-ehˇ, Yuˇdaˆ tsawˇ haˬ aˬ yuiꞈ aˬ tsu deuˬ Uˬ duˬ tahˬ nymˇ nymˇ ma tsoˆ-eu gaˇ-ahˇ tiˬ tiˆ saˇ-iˬ tiˬ tiˆ mˇ daˆ leꞈ-euˬ meh. Iˇsaˬleˬlaˆ-euˬ Miˬyehˇ hawˇ-eu Paˇshaˇ sahˬ paˬ deuˬ pyeuꞈ-eu Guˇluˆ, Daˬliˇ hawˇ-eu Aˬtaˬdzeuˬsehˆmaꞈ neh dawˬ biꞈ-euˬ loꞈ-ehˇ, Uˬ duˬ tahˬ nymˇ nymˇ ma-ahˇ aˬ yawꞈ maꞈ tsoˆ gʼaˬ-euˬ meh.

Iˇsaˬyaˇ 44:28

Guˇluˆ-ahˇ ngaˇ heu loꞈ-ehˇ ehˇ nehˬ-euˬ ma. ‘Ngaˬ-euˬ gʼaˇ duˬ nawˇ dzoeˬ ya dzaˬ tehꞈ-a. Ngaˬ-euˬ nui kʼahˇ-ahˇ nawˇ mˇ byah tehꞈ-a. Yeˬluˇsaˬlehˬ meuˬ-ahˇ nawˇ paˇ bi tsoˆ muiˬ-awˇ, Uˬ duˬ tahˬ nymˇ nymˇ ma-euˬ dawˬ pehˬ gawˬ tehꞈ-a.’ ”

Yeˬlaˬmiˇ 1:1

Sahˬ boꞈ heu taꞈ-aˬ, Hiˇlaˬkiˇ-euˬ aˬ li Yeˬlaˬmiˇ-euˬ dawˬ boꞈ taˬ-euˬ sahˬ boꞈ tiˬ taꞈ pyeuꞈ-eu meh. Hiˇlaˬkiˇ-aˬ, Beˬyaˬmiˬ miˇ kʼahˬ Aˬnaˬtawˇ meuˬ-ahˇ jawˇ-eu piˇ ma tiˬ gʼaˬ pyeuꞈ-eu meh.

Yeˬsaˬgeˬlaˇ 38:5

Paˇshaˇ miˇ kʼahˬ, Suˬdaˬ miˇ kʼahˬ hawˇ-eu, Liˆbyaˇ miˇ kʼahˬ-ahˇ jawˇ-eu tsawˇ haˬ deuˬ kʼawꞈ aˬ yawꞈ nehˬ-ehˇ ahˇ-awˇ, dawˬ tawˆ luꞈ dehˬ daˬ duˬ yuˇ-awˇ shmˇ uˬ kʼoˆ kʼoˆ luꞈ-eu meh.

Daˬyeˬlaˇ 6:25

Kʼoeˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ tsawˇ ca dawˬ tawˆ luꞈ hawˇ-eu, miˇ kʼahˬ dawˬ tawˆ luꞈ-ahˇ, sahˬ paˬ Daˬliˇ heu loꞈ-ehˇ sahˬ boꞈ boꞈ nehˬ-euˬ meh. “Naw maꞈ dawˬ tawˆ luꞈ nui saˇ oꞈ-awˇ jawˇ saˇ doˆ luꞈ-uˇ.

Daˬyeˬlaˇ 9:2

Aˬ yawꞈ uˆ lahˇ-euˬ nyiˬ kʼoꞈ tiˬ kʼoꞈ-ahˇ, muiˬ-eu shawˇ-eu sahˬ boꞈ deuˬ-ahˇ ngaˇ gui-awˇ, Miˬyehˇ gʼaˇ duˬ ngehˬ dah-eu Yeˬlaˬmiˇ-ahˇ Sahˬpaˬ Miˬyehˇ neh ehˇ nehˬ-euˬ gaˇ kawˆ pyeuꞈ-eu, “Shiꞈ tseˇ kʼoꞈ byah ni Yeˬluˇsaˬlehˬ meuˬ yaw cawˆ-ehˇ jaˆ tehꞈ-a” lehˇ ehˇ taˬ-euˬ gaˇ kawˆ kʼoeˇ ngaˇ shaˇ noeˬ luꞈ-eu ma.

Iˇsaˬyaˇ 45:1

Guˇluˆ-ahˇ sahˬ paˬ bi geuꞈ-eu gʼaˇ duˬ, Sahˬpaˬ Miˬyehˇ tseˇ doˆ-euˬ meh. Aˬ cawˬ miˇ kʼahˬ-ahˇ guiˇ bi deuˆ gʼaˬ-eu gʼaˇ duˬ, Guˇluˆ-ahˇ tseˇ doˆ taˬ-euˬ meh. Miˇ kʼahˬ sahˬ paˬ deuˬ-euˬ baoˬ lehˆ dzeh-eu gʼaˇ duˬ, aˬ yawꞈ-ahˇ pyehˬ gʼeh leꞈ-euˬ meh. Aˬ yawꞈ gʼaˇ duˬ Sahˬpaˬ Miˬyehˇ, meuˬ lahˇ kʼehˬ laˇ gʼoˆ deuˬ pah dzeh tehꞈ-a.

Daˬyeˬlaˇ 1:21

Paˇshaˇ sahˬ paˬ Guˇluˆ neh Baˬbuˇloˬ miˇ kʼahˬ-ahˇ deuˆ gʼaˬ ngeh keuˆ ni, sahˬ paˬ-euˬ gaˇ-ahˇ Daˬyeˬlaˇ mˇ mˇ-ehˇ jawˇ-euˬ meh.