Biblia Todo Logo
Bib sou entènèt

- Piblisite -




Eˇpeˇsu 6:8 - Akha

8 Zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, yawˬ ha neh kʼaˇ mˇ-euˬ muiˬ-eu gaˇ gʼaˇ duˬ Sahˬpaˬ Yeˬsuˇ laꞈ sawˬ biꞈ nehˬ laꞈ tehꞈ-a lehˇ siˬ duˬ-awˬ.

Gade chapit la Kopi

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

8 Aqjeq mirnae aernar-aq, zaqkhav khawf, buq-ir-euq tsawrhaq khawf, yawqha nae yawmuiq jeq mrtaq-euq lof-aer geuxni, Sanqpaq Miqyaer bifnaeq laf-eu gar za taef-a laer siqnya-awq.

Gade chapit la Kopi




Eˇpeˇsu 6:8
20 Referans Kwoze  

Sahˬpaˬ Yeˬsuˇ neh aˬ yawꞈ-euˬ tsawˇ haˬ deuˬ gʼaˇ duˬ lehˬ hmˬ taˬ-euˬ laꞈ sawˬ-ahˇ naw maꞈ za tehꞈ-a lehˇ nui ma laꞈ kʼoeˇ noeˬ taˬ-awˬ. Aˬ jeˬ miˇ neh ehˇ naˇ, naw maꞈ gaˇ mˇ nehˬ luꞈ-eu Baw leˬ maˇ maˇ ni gʼeh-eu gʼaˬ-aˬ, Ka li meh.


Aˬ yawꞈ maꞈ-ahˇ kuˇ naˇ, aˬ yawꞈ maꞈ nawˬ-ahˇ guiˬ lahˬ maˬ jahˇ kʼoꞈ nehˬ nya-eu baˬ da neh, nawˇ guiˬ lahˬ za tehꞈ-a. Yaw tsaˬ yaw dawˇ tsawˇ ha deuˬ gʼoꞈ dehꞈ laˇ-eu aˇ nah keuˆ laˇ ngeh, Miˬyehˇ nawˬ-ahˇ guiˬ lahˬ jahˇ kʼoꞈ nehˬ laꞈ tehꞈ-a.”


Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ hawˇ-eu Yuˇdaˆ tsawˇ haˬ yaw kaˬ maˬ ehˇ, baˆ kʼoˆ mehˬ dzaˬ yehˬ-euˬ deuˬ hawˇ-eu maˬ yehˬ-euˬ deuˬ yaw kaˬ maˬ ehˇ, yawˬ kʼahˬ yaw miˇ yawˬ-ahˇ-euˬ tsawˇ haˬ deuˬ maˬ ehˇ, zahˇ sahˇ kʼoꞈ maˬ baw-eu tsawˇ haˬ deuˬ maˬ ehˇ, zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, beu gaˇ duˬ tiˬ pawꞈ-iˬ maˬ paˇ jaˆ meh. Dawˬ tawˆ luꞈ Ka li-ahˇ uˬ duˬ duˬ leˇ-awˇ, dawˬ tawˆ luꞈ Ka li laꞈ kʼoeˇ jawˇ-eu meh.


Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li yaˇ kʼaˬ daˇ-eu nuiˇ mahˬ mehˬ shi ya uiˬ leˇ jiˇ meh. Tsawˇ haˬ yawˬ gʼaˬ na luꞈ shiˬ shaˬ jiˇ gʼawˇ mawˇ heu laꞈ kʼoeˇ kʼaˇ mˇ kʼaˇ shaˇ dzeuˇ-euˬ loꞈ-ehˇ, muiˬ-eu maˬ ehˇ, doeˇ-eu maˬ ehˇ, yawˬ ha-ahˇ kʼaˇ oꞈ-eu jeˬ za tehꞈ-a.


Tsawˇhaˬ-euˬ Zaˬmaˇ-aˬ, aˬ yawꞈ Aˬda-euˬ yaw shehꞈ kʼahˬ sehˇ dm-awˇ, aˬ yawꞈ-euˬ mˬ taˆ gʼaˬ kʼehˇ deuˬ nehˬ-ehˇ zaꞈ le-awˇ, tsawˇ haˬ yawˬ gʼaˬ yawˬ na luꞈ-ahˇ, yawˬ ha neh kʼaˇ mˇ taˬ-euˬ loꞈ-ehˇ tsoeˬ kʼoꞈ nehˬ le tehꞈ-a.


Nawˇ kʼoeˇ loꞈ-ehˇ jahˇ ngeh, aˬ cawˬ tiˬ gʼaˬ-iˬ maˬ siˬ nya-a. Ehˇ kʼawꞈ, tsawˇ haˬ zaˬ maˬ mawˇ nya-eu jeˬ-ahˇ mawˇ nya-eu nawˬ-euˬ Aˬda nawˬ-ahˇ guiˬ lahˬ biꞈ tehꞈ-a.


Haiˬ-eu tsawˇ haˬ deuˬ mˇ poeˬ shaˇ poeˬ maˬ baw-ehˇ, yaw tsaˬ yaw dawˇ tsawˇ haˬ neh mˇ-euˬ jeˬ guiˬ lahˬ za-eu yaw duˬ baw meh.


Kʼoeˇ miˇ neh, naw maꞈ nui ma ziꞈ-eu jeˬ-ahˇ taˬ byehˇ dzeh. Aˬ jeˬ miˇ neh ehˇ naˇ, kʼoeˇ baˬ da neh huiˬ dui dui-eu laꞈ sawˬ naw maꞈ za tehꞈ-a.


Nawˇ kʼoeˇ loꞈ-ehˇ dehꞈ naˇ, nawˇ yaw dehꞈ dehꞈ-eu gaˇ ma saˇ lehˆ ni jaˆ tehꞈ-a. -15-


Ka li-euˬ gʼaˇ duˬ daˬ ga-eu jeˬ-ahˇ ya daˬ-eu-aˬ, Iˇjiˇtuˆ miˇ kʼahˬ laꞈ kʼoeˇ kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ naˆ maˬ tseˇ poeˬ dui lawˬ dui dui ma lehˇ aˬ yawꞈ jah duˬ taˬ-euˬ meh. Aˬ jeˬ miˇ neh ehˇ naˇ, aˬ kaˇ za-eu laꞈ sawˬ-ahˇ aˬ yawꞈ noeˬ tsoˆ taˬ-euˬ meh.


Kʼoeˇ miˇ neh, Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ hawˇ-eu buˬ-iˇ-euˬ tsawˇ haˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, tiˬ pawꞈ-iˬ maˬ paˇ beu meh. Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ, naw maꞈ dawˬ tawˆ luꞈ tiˬ kawˆ meh.


“Uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu muiˬ-eu jaˬ-eu gaˇ deuˬ-ahˇ naw maꞈ mˇ ngeh, aˬ cawˬ mawˇ ni mˇ-eu jeˬ taˬ bi pyeuꞈ. Kʼoeˇ loꞈ-ehˇ jahˇ naˇ, mˬ kʼoeˇ taˆ jawˇ-eu naw maꞈ-euˬ Aˬda naw maꞈ-ahˇ guiˬ lahˬ maˬ biꞈ-a.


Laˬ kʼaˬ cehˇ dui dui-awˬ. Aˬ jeˬ miˇ neh ehˇ naˇ, mˬ kʼoeˇ taˆ naw maꞈ gʼaˇ duˬ lehˬ hmˬ taˬ-euˬ laꞈ sawˬ huiˬ dui dui meh. Naw maꞈ-euˬ mehˬ hu dehꞈ dzeuˇ jawˇ dzeuˇ yaꞈ-euˬ Miˬyehˇ gʼaˇ duˬ ngehˬ dah-eu deuˬ kʼawꞈ, kʼoeˇ loꞈ-ehˇ kʼehˬ nehˬ kʼaˆ nehˬ gaˇ ya daˬ-euˬ meh.


Ehˇ kʼawꞈ, haiˬ-eu tsawˇ haˬ deuˬ kʼoeˇ taˆ, dawˇ keuˆ le tehꞈ-a. Aˬ cawˬ-ahˇ aˬ yawꞈ maꞈ jahˇ doeˇ nehˬ-euˬ loꞈ-ehˇ, aˬ yawꞈ maꞈ nymˬ-mˇ ya daˬ poˆ tehꞈ-a.


Ehˇ kʼawꞈ, naw maꞈ-ahˇ muiˇ-eu deuˬ-ahˇ gaˬ-awˬ. Yaw muiˬ jeˬ mˇ-awˬ. Biꞈ kʼoꞈ nehˬ laꞈ gaˇ maˬ noeˬ tmˬ ni ngaˬ nehˬ paˇ nehˬ-awˬ. Kʼoeˇ loꞈ-ehˇ jahˇ naˇ, naw maꞈ gʼaˇ duˬ laꞈ sawˬ huiˬ dui dui-awˇ, Huiˬ dui Mahˇ dui dui-eu Gʼaˬ-euˬ zaˬ naw maꞈ pyeuꞈ laˇ tehꞈ-a. Aˬ jeˬ miˇ neh ehˇ naˇ, guiˬ lahˬ-ahˇ maˬ noeˬ mawˇ nya-eu tsawˇ haˬ hawˇ-eu haiˬ-eu tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.


Kʼoeˇ loꞈ-ehˇ duˇ ni, aˬ dui dawˬ tawˆ luꞈ, Yuˇdaˆ tsawˇ haˬ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, Yaw sahˇ Miˬyehˇ neh gʼawˇ mawˇ tiˬ mawˇ laꞈ kʼoeˇ iˇ cuꞈ bi shawˇ gʼaˬ-awˇ, aˬ dui dawˬ tawˆ luꞈ Yaw sahˇ Miˬyehˇ tiˬ gʼaˬ-ahˇ tehꞈ-ehˇ dawˇ luꞈ-eu ma.


Maˬ muiˬ-eu jeˬ mˇ-eu tsawˇ haˬ-aˬ, yawˬ ha neh kʼaˇ mˇ-euˬ loꞈ-ehˇ kʼehˬ nehˬ kʼaˆ nehˬ gaˇ ya daˬ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬzaˬ-ahˇ myaˆ pyawˬ huiˬ nyiˇ maˬ tseˇ ni yaˇ kʼaˬ daˇ-eu meh.


‘Tsawˇ haˬ tiˬ gʼaˬ-iˬ nga maꞈ-ahˇ gaˇ bi mˇ-eu lehˇ maˬ poˆ le-euˬ miˇ neh, heu loꞈ-ehˇ jawˇ luꞈ-eu ma’ lehˇ aˬ yawꞈ maꞈ ehˇ-eu meh. ‘Toˆ-ehˇ ngeuˇ naˇ, naw maꞈ jiˇ ngaˬ-euˬ aˬ gaꞈ yaˇ kmˇ-ahˇ iˇ-awˇ gaˇ mˇ-iˇ-awˬ’ lehˇ, tsawˇ haˬ kʼoeˇ deuˬ-ahˇ aˬ yawꞈ ehˇ nehˬ-euˬ meh.


Swiv nou:

Piblisite


Piblisite