Eˇpeˇsu 6:13 - Akha

¹³ Haiˬ-eu aˇ nah aˇ yamˬ kʼoeˇ keuˆ le ngeh, muiˇ-eu deuˬ deuˆ le gaˇ naw maꞈ ciˬ daˬ coeˇ-awˇ, aˇ saˬ deuˆ saˬ ngeh keuˆ ni tiˬ toꞈ-iˬ maˬ jiˆ kʼoꞈ-iˇ ni ziꞈ dah ni yawꞈ tehˬ coeˇ-eu gʼaˇ duˬ, Miˬyehˇ-euˬ guiˇ deuˆ-eu keu ka dawˬ tawˆ luꞈ-ahˇ nymˬ-mˇ dm-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Khoermirnae, doer-eu arnan keuvle ngae ciqdaqnya paq-aer, Miqyaer nae bifnaeq laf-euq guirdeuv keuka dawqtawvluf dm-awq. Nawmaf, khar mrnya-eu yawqjeq navluf mr-euq nar-aq, zifdanni yawfnya taef-a.

Eˇpeˇsu 6:13 Referans Kwoze

2 Gawˇliˬtu 10:4

Nga maꞈ zmˬ luꞈ-eu guiˇ deuˆ-eu keu ka-aˬ, miˇ tsaˬ kʼoeˇ taˆ zmˬ luꞈ-eu guiˇ deuˆ-eu keu ka maˬ ngeuˇ. Nga maꞈ-euˬ guiˇ deuˆ-eu keu ka-aˬ, ziꞈ dah ni gʼeh-eu taˆ deuˬ-ahˇ laˆ cawˆ nehˬ nya-eu Miˬyehˇ-euˬ baoˬ ma. Maˬ tsaˬ maˬ dawˇ gaˇ tsawˇ pyehˇ pyehˇ-eu jeˬ-ahˇ nga maꞈ laˆ cawˆ-eu ma.

Luˇkaꞈ 21:36

Keuˆ le teuˇ le-eu gaˇ kawˆ kʼoeˇ deuˬ dawˬ tawˆ luꞈ-ahˇ, naw maꞈ dehꞈ dzeuˇ jawˇ dzeuˇ nya ni gʼaˬ tiˬ byah ahˇ-awˇ, Tsawˇhaˬ-euˬ Zaˬmaˇ mehˬ shi ya yawꞈ gaˇ dehꞈ keuˆ nya ni, aˬ myah luꞈ yaw beuˇ beuˇ-ehˇ jawˇ-awˇ guiˬ lahˬ shaˇ-awˬ.”

Eˇpeˇsu 5:16

Naw maꞈ za-euˬ muiˬ-eu aˇ yamˬ-ahˇ gaˇ dahˇ tsoeˬ ni zmˬ-awˬ. Aˬ jeˬ miˇ neh ehˇ naˇ, aˇ nah aˇ yamˬ heu yamˬ-aˬ, haiˬ-eu aˇ yamˬ pyeuꞈ-eu meh.

Luˇkaꞈ 8:13

Kʼaˬ lo lo yaˇ-ahˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ-euˬ dawˬ kawˬ ya gaˬ ngeh, laˬ kʼaˬ tiˬ cehˇ ha geuꞈ-euˬ kʼawꞈ, duˬ ciˇ maˬ toeˬ ziꞈ nya-eu miˇ neh, tiˬ kʼehˇ laˇ kʼehˬ tehꞈ-ehˇ jah-awˇ, muˇ juˇ juˇ-eu jeˬ keuˆ le ngeh, coˬ-iˇ-eu meh.

Panmaeq 3:10

Aˬ jeˬ miˇ neh ehˇ naˇ, ngaˬ neh biꞈ-euˬ dawˬ-ahˇ naw maꞈ naˇ haˬ geuꞈ-awˇ daˬ dzeuˇ oˇ dzeuˇ-euˬ miˇ neh, miˇ tsaˬ zaˬ dawˬ tawˆ luꞈ-ahˇ lawˬ haw-eu gʼaˇ duˬ, miˇ tsaˬ heu kʼoeˇ taˆ shaˬ-eu zahˬ-eu jeˬ bi keuˆ le-eu aˇ yamˬ laꞈ kʼoeˇ, naw maꞈ-ahˇ bi buˬ bi law-iˇ ma.

Gawˇlawˇsehˇ 4:12

Naw maꞈ-euˬ aˇ muˇ zaˬ tiˬ gʼaˬ pyeuꞈ-eu Yeˬsuˇ Ka li-euˬ gaˇ mˇ luꞈ-eu Iˇbaˬpaˬlaˇ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. Naw maꞈ gʼaˇ duˬ aˬ yawꞈ aˬ myah luꞈ guiˬ lahˬ shaˇ dui dui luꞈ meh. Naw maꞈ jah-eu laꞈ kʼoeˇ ziꞈ dah ni yawꞈ nya-eu gʼaˇ duˬ maˬ ehˇ, Ka li-ahˇ jah-eu paw ehˇ kʼaˇ maˬ za ni bi byah laˇ-eu gʼaˇ duˬ maˬ ehˇ, Miˬyehˇ-euˬ nui kʼahˇ-ahˇ tiˬ byah tiˬ loꞈ bi caw teh-eu gʼaˇ duˬ maˬ ehˇ, aˬ yawꞈ Miˬyehˇ-ahˇ guiˬ lahˬ shaˇ-eu maˬ tsehˆ leˇ-a.

Maˬlaˬkiˇ 3:2

Ehˇ kʼawꞈ, aˬ yawꞈ oe ngeh nah aˬ suˇ gʼaˬ daˬ coeˇ nmˇ, Aˬ yawꞈ doˆ le ngeh, maˬ shiˇ-ehˇ dzeuˇ-iˇ-eu aˬ suˇ gʼaˬ jawˇ nmˇ. Aˬ yawꞈ-aˬ, taˆ dui dui-eu shaˇ byaˬ hawˇ-eu, shmˇ baw guiˇ-eu miˬ dzaˬ-ahˇ duˇ-eu meh.

Dawˬ tsoˆ 12:1

Nawˇ zaˬ guˬ pyeuꞈ ngeh neh, nawˬ-ahˇ beh-euˬ yaw sahˇ-ahˇ noeˬ keuˆ-awˬ. Tsawˇ kʼaˆ kʼaˆ laˇ-awˇ nui saˇ maˬ oꞈ-eu miˇ neh, “Yaw dehꞈ maˬ dehꞈ nahˇ nya” lehˇ ya ehˇ-eu aˇ nah aˇ yamˬ maˬ keuˆ laˇ mi naˆ-ehˇ, Beh-euˬ yaw sahˇ-ahˇ noeˬ keuˆ-awˬ.

Eˇpeˇsu 5:6

Gaˇ dahˇ maˬ tsoeˬ-eu dawˬ neh tsawˇ haˬ tiˬ gʼaˬ-iˬ naw maꞈ-ahˇ mehˇ shuiˇ taˬ bi shuiˇ tawˆ. Aˬ jeˬ miˇ neh ehˇ naˇ, kʼoeˇ loꞈ-ehˇ gʼeh-eu jeˬ baˬ da neh Miˬyehˇ ehˇ dawˬ maˬ naˇ haˬ-eu deuˬ kʼoeˇtaˆ Miˬyehˇ nui ma pehˇ-eu jeˬ keuˆ le tehꞈ-a.

Panmaeq 6:17

Guˆ dui dui laˇ paˬ-ehˇ gʼeh-eu aˬ yawꞈ nyaꞈ nui ma pehˇ-eu aˇ nah keuˆ le taˬ-euˬ gaˇ, aˬ suˇ gʼaˬ yawꞈ daˬ coeˇ paˬ nga.”

Aˬmoˆ 6:3

Luˬ-iˇ seˇ-iˇ-eu aˇ nah keuˆ le luꞈ meh lehˇ ehˇ gaˇ naw maꞈ maˬ jah-a. Ehˇ kʼawꞈ, naw maꞈ-euˬ dehꞈ jeˬ dehꞈ kawˆ-ahˇ haw ngeh, aˇ nah kʼoeˇ nah yaw kawˇ-ehˇ keuˆ le ni mˇ luꞈ gaˇ duˇ-eu meh.

Lormav 13:12

Uˬ ciꞈ buˬ-iˇ-awˇ nah gʼahˇ keuˆ le-eu dawˬ peh peh laˇ-euˬ meh. Yaw zahˇ-ahˇ taꞈ-eu gaˇ deuˬ aˬ dui maˬ mˇ ni naˬ leˇ-awˇ, yaw bya laꞈ kʼoeˇ deuˆ ceh ceh-eu keu ka deuˬ-ahˇ dm kaˇ-euˇ.

Yaˬkoˆ 4:7

Kʼoeˇ miˇ neh, Miˬyehˇ-euˬ ehˇ dawˬ geuꞈ-awˬ. Nehꞈ sahˬ paˬ-ahˇ muiˇ-awˬ. Aˬ yawꞈ naw maꞈ jawˇ gaˇ neh cehˆ doˆ tehꞈ-a.

1 Beˬtuˆluˆ 4:1

Ka li-euˬ shiˬ shaˬ jiˇ gʼawˇ mawˇ kʼehˬ-eu kʼaˆ-eu jeˬ-ahˇ ya daˬ-euˬ-aˬ, naw maꞈ kʼawꞈ aˬ yawꞈ noeˬ-eu loꞈ-ehˇ noeˬ nya ni lehˬ hmˬ taˬ-awˬ. Aˬ jeˬ miˇ neh ehˇ naˇ, shiˬ shaˬ jiˇ gʼawˇ mawˇ kʼehˬ-eu kʼaˆ-eu jeˬ-ahˇ ya daˬ-euˬ tsawˇ haˬ-aˬ, iˬ baˇ-ahˇ ziˇ tsehˆ-euˬ meh.