Eˇpeˇsu 5:29 - Akha

²⁹ Tsawˇ haˬ tiˬ gʼaˬ-iˬ yawˬ ha-euˬ gʼawˇ mawˇ-ahˇ yawˬ ha maˬ bye-a. Ka li zaˬ aˇ muˇ-ahˇ Ka li bi dzaˬ bi dawˇ-awˇ bo saˆ-eu loꞈ-ehˇ, tsawˇ haˬ yawˬ gʼaˬ na luꞈ yawˬ haˬ-euˬ gʼawˇ mawˇ-ahˇ yawˬ ha bi dzaˬ bi dawˇ-awˇ bo saˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Tsawrhaq tiqghaq-iq yawqha-euq mawrdo-anr maqbyae-eu uqtaf, yawmuiq-aer bidzaq bidawr-awr ngaeqghae-eu mae. Sanqpaq Yeqsur khawf, khoerlof-aer durni, Kalizaq armur-anr bosav-eu mae.

Eˇpeˇsu 5:29 Referans Kwoze

Eˇpeˇsu 5:31

“Kʼoeˇ miˇ neh, kʼaˬ dzeˇ zaˬ-aˬ, yawˬ ha-euˬ aˬ da aˬ ma-ahˇ gʼawˬ-iˇ-awˇ, yawˬ haˬ-euˬ miˬ zaˬ-ahˇ dehꞈ taꞈ-eu laꞈ kʼoeˇ, nyiˬ gʼaˬ-euˬ tiˬ shiˬ tiˬ shaˬ tehꞈ-ehˇ pyeuꞈ laˇ-euˬ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Dawˬ tsoˆ 4:5

Aˬ dzawˬ laꞈ pyehꞈ pyehꞈ deuˇ taˬ-awˇ, tsawˬ toeˬ dehꞈ ka byoˆ leꞈ-eu meh.

Dawqdaq 11:17

Gʼawˬ shaˬ gaˬ nya-eu tsawˇ haˬ-aˬ, yawˬ ha-ahˇ muiˬ laˇ duˬ jaˆ-awˇ, gʼawˬ shaˬ maˬ gaˬ nya-eu tsawˇ haˬ-aˬ, yawˬ ha-ahˇ coeˬ laˇ duˬ jaˆ-eu meh.

Iˇsaˬyaˇ 40:11

Yawˇ bo-eu yaw sahˇ yawˇ-ahˇ bo saˆ nehˬ-eu loꞈ-ehˇ, aˬ yawꞈ-euˬ yawˇ maꞈ-ahˇ aˬ yawꞈ bo saˆ nehˬ-awˇ, yawˇ zaˬ deuˬ-ahˇ tiˬ gaˇ jaˬ uiˬ jiˇ-eu laꞈ kʼoeˇ, aˬ yawꞈ-euˬ bawˇ kʼahˇ-ahˇ ciˬ-awˇ, yawˇ zaˬ aˬ ma deuˬ-ahˇ aˬ za za-ehˇ sheuˬ gʼeh tehꞈ-a.

Maꞈtehˬ 23:37

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ nawˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ uˬ moˆ ya ciˆ ya zaˬ deuˬ-ahˇ uˆ kaˬ nehˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-eu nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-a.

Lormav 1:31

Noeˬ siˬ nya-eu nui ma maˬ ahˇ-a. Saˇ jaˇ maˬ ziꞈ-a. Kʼoeˇ uˬ taꞈ, aˬ cawˬ-ahˇ gʼawˬ shaˬ gaˬ-eu maˬ siˬ nya-a.

Yeˬsaˬgeˬlaˇ 34:27

Aˇ bawˇ deuˬ aˇ siˬ siˬ le-awˇ, deh yaˇ-ahˇ dzaˬ la gʼo cehˇ loˆ le-eu uˬ taꞈ, yawˬ gʼaˬ na luꞈ yawˬ ha-euˬ miˇ tsaˬ-ahˇ guˆ kʼaˇ maˬ za ni ya jawˇ tehꞈ-a. Ngaˬ-euˬ tsawˇ haˬ deuˬ daˬ luꞈ-eu shmˇ caˆ ngaˇ gʼeu tsehˆ-awˇ, aˬ yawꞈ maꞈ-ahˇ zaˬ kʼaˆ bi geuꞈ-euˬ deuˬ-euˬ laꞈ-ahˇ bi buˬ-iˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ siˬ duˬ tehꞈ-a.

Aˇ dahˬ 2:23

Kʼoeˇ ngeh, tsawˇ haˬ zaˬ kʼoeˇ gʼaˬ ehˇ-eu, “Aˇ saˬ saˬ laˇ ngeh-aˬ, ngaˬ-euˬ shaˬ yoeˬ-ahˇ neh doˆ le-euˬ shaˬ yoeˬ ngaˬ-euˬ shaˬ jiˇ-ahˇ neh doˆ le-euˬ shaˬ jiˇ, ngaˬ-ahˇ duˇ leˇ-eu ngaˬ-euˬ aˇ jeuˬ tiˬ gʼaˬ doˆ le-euˬ nga. Aˬ yawꞈ-ahˇ zaˬ miˬ zaˬ lehˇ ngaˇ kuˇ ma. Aˬ jeˬ miˇ neh ehˇ naˇ, kʼaˬ dzeˇ zaˬ laꞈ kʼoeˇ neh aˬ yawꞈ doˆ le-euˬ meh” lehˇ ehˇ-eu meh.

Maꞈtehˬ 6:26

Kʼoeˇ taˆ paw zaw luꞈ-eu aˇ jiˇ deuˬ-ahˇ haw sheˇ. Aˇ jiˇ kʼoeˇ deuˬ cehˇ maˬ ka-a. Cehˇ maˬ yehˬ-a. Cehˇ jiˇ-ahˇ cehˇ maˬ pi ahˇ-a. Ehˇ kʼawꞈ, mˬ kʼoeˇ taˆ jawˇ-eu naw maꞈ-euˬ Aˬda, aˇ jiˇ kʼoeˇ deuˬ-ahˇ bi dzaˬ bi dawˇ-eu meh. Aˇ jiˇ kʼoeˇ deuˬ naˆ maˬ tseˇ naw maꞈ poeˬ dzehˬ-eu maˬ ngeuˇ te loˇ.

Eˇpeˇsu 5:28

Kʼaˬ dzeˇ zaˬ deuˬ-aˬ, yawˬ ha-euˬ gʼawˇ mawˇ-ahˇ gaˬ-eu loꞈ-ehˇ, yawˬ haˬ-euˬ miˬ zaˬ-ahˇ gaˬ-eu tsaˬ meh. Yawˬ ha-euˬ miˬ zaˬ-ahˇ gaˬ-eu kʼaˬ dzeˇ zaˬ-aˬ, yawˬ haˇ yawˬ ha gaˬ gaˇ duˇ-eu meh.

Eˇpeˇsu 5:30

Aˬ dui-aˬ, Ka li-euˬ gʼawˇ mawˇ-ahˇ tsoꞈ-eu aˇ sehˇ deuˬ pyeuꞈ-eu ma.