Eˇpeˇsu 5:22 - Akha

²² Miˬ zaˬ deuˬ-oˇ, Sahˬpaˬ Yeˬsuˇ-euˬ ehˇ dawˬ naˇ haˬ-eu loꞈ-ehˇ, yawˬ ha kʼaˬ dzeˇ zaˬ-euˬ ehˇ dawˬ naˇ haˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Miqzaq deuq-or! Sanqpaq Miqyaer-euq uqmov jawr-eu lof-aer yawqha-euq khaqdzerzaq-euq lafov yawmuiq-aer jawr-awq.

Eˇpeˇsu 5:22 Referans Kwoze

Gawˇlawˇsehˇ 3:18

Miˬ zaˬ deuˬ-oˇ, yawˬ ha-euˬ kʼaˬ dzeˇ zaˬ uˆ lahˇ-eu uˬ moˆ dehꞈ-awˬ. Aˬ jeˬ miˇ neh ehˇ naˇ, naw maꞈ Ka li zaˬ pyeuꞈ-eu miˇ neh kʼoeˇ loꞈ-ehˇ dehꞈ-eu tsaˬ meh.

Tiˇtuˆ 2:5

Aˇ kʼoꞈ maˬ kʼawˆ laˇ-euˬ zaˬ miˬ zaˬ kʼoeˇ deuˬ yawˬ ha-euˬ nui ma-ahˇ gʼaˬ leˇ-awˇ, muiˬ-eu nymˇ sahˇ aˬ ma deuˬ pyeuꞈ laˇ-eu laꞈ kʼoeˇ kʼaˬ dzeˇ zaˬ-euˬ laꞈ oꞈ awꞈ nya laˇ-eu miˇ neh, Miˬyehˇ-euˬ guiˬ lah dawˬ-ahˇ aˬ cawˬ ja bu ja doeˇ kʼaˇ maˬ za-ehˇ pyeuꞈ laˇ ni aˬ yawꞈ maꞈ ya mehˬ ya tsoˆ-eu meh.

Aˇ dahˬ 3:16

Kʼoeˇ naˇ, Miˬyehˇ pyeuꞈ-eu Sahˬpaˬ Miˬyehˇ zaˬ miˬ zaˬ gʼaˬ-ahˇ heu loꞈ-ehˇ ehˇ nehˬ-euˬ meh. “Aˬ nyiˇ pi luꞈ ngeh maˬ ehˇ, aˬ nyiˇ ciˬ ngeh maˬ ehˇ, nawˇ ya mˇ-eu shaˬ zahˬ heu naˆ maˬ tseˇ naꞈ dzehˬ laˇ ni ngaˇ jahˇ ma. Nawˇ kʼoeˇ naˆ naˆ-ehˇ ya shaˬ kʼawꞈ, nawˬ-euˬ kʼaˬ dzeˇ zaˬ-ahˇ nawˇ aˬ myah luꞈ nui kʼahˇ jaˆ tehꞈ-a. Ehˇ kʼawꞈ, nawˬ-euˬ kʼaˬ dzeˇ zaˬ uˆ lahˇ-eu uˬ moˆ nawˇ ya jawˇ tehꞈ-a” lehˇ ehˇ nehˬ-euˬ meh.

Eˇpeˇsu 5:22

Miˬ zaˬ deuˬ-oˇ, Sahˬpaˬ Yeˬsuˇ-euˬ ehˇ dawˬ naˇ haˬ-eu loꞈ-ehˇ, yawˬ ha kʼaˬ dzeˇ zaˬ-euˬ ehˇ dawˬ naˇ haˬ-awˬ.

Iˇsaˬtaˆ 1:20

Nawˬ neh biꞈ-euˬ dawˬ kʼoeˇ dawˬ huiˬ dui dui-eu miˇ kʼahˬ heu kʼahˬ-ahˇ gaˬ byah ngeh, iˇ shaˬ deuˬ maˬ ehˇ, smˇ muiˬ deuˬ maˬ ehˇ, zaˬ miˬ zaˬ yawˬ gʼaˬ na luꞈ yawˬ ha-euˬ kʼaˬ dzeˇ zaˬ-ahˇ yaw zeu baw tehꞈ-a.”

1 Gawˇliˬtu 14:34

zaˬ miˬ zaˬ deuˬ-aˬ, Ka li zaˬ aˇ muˇ uiˬ leˇ ngeh ciˬ cuˇ ni ya jawˇ meh. Yuˇdaˆ tsawˇ haˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, aˬ yawꞈ maꞈ dawˬ maˬ ya ngehˬ-a. Aˬ cawˬ-euˬ laꞈ oꞈ ya awꞈ-eu meh.

Iˇsaˬtaˆ 1:22

Kʼoeˇ naˇ, kʼaˬ dzeˇ zaˬ yawˬ gʼaˬ na luꞈ yawˬ ha-euˬ nymˇ jiˇ-ahˇ ya uˆ lahˇ-awˇ, kʼaˬ dzeˇ zaˬ-euˬ dawˬ-ahˇ ya naˇ haˬ geuꞈ meh lehˇ, aˬ yawꞈ uˆ lahˇ-eu miˇ kʼahˬ yawˬ kʼahˬ na luꞈ-ahˇ, yawˬ ha miˇ kʼahˬ-ahˇ kʼaˇ zmˬ-eu dawˬ-ahˇ neh boꞈ-awˇ bi tsaꞈ gaˬ doe-iˇ-euˬ meh.

Eˇpeˇsu 6:5

Zaˬ kʼaˆ deuˬ-oˇ, miˇ tsaˬ zaˬ pyeuꞈ-eu naw maꞈ-euˬ baw leˬ deuˬ-ahˇ guˆ-awˇ yaw dzuˬ dzuˬ-eu laꞈ koeˇ, ehˇ dawˬ naˇ haˬ geuꞈ-awˬ. Ka li-euˬ gaˇ mˇ gaˇ duˇ ni, aˬ yawꞈ maꞈ kʼaˇ kʼehˇ-eu jeˬ-ahˇ mˇ-awˬ.

Gawˇlawˇsehˇ 3:1

Naw maꞈ-ahˇ Ka li nehˬ-ehˇ bi gʼoꞈ dehꞈ laˇ-euˬ meh. Kʼoeˇ miˇ neh, mˬ kʼoeˇ taˆ Miˬyehˇ neh naw maꞈ gʼaˇ duˬ lehˬ hmˬ taˬ-euˬ jeˬ-ahˇ nui kʼahˇ jaˆ-awˬ. Kʼoeˇ gaˇ, Miˬyehˇ-euˬ aˇ maˇ paw jaˆ-eu dzoeˬ dzaˬ nuiˇ mahˬ kʼoeˇ taˆ Ka li nuiˇ luꞈ-eu meh.