Eˇpeˇsu 4:8 - Akha

⁸ Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Aˬ yawꞈ yaw goˇ-ahˇ daˆ leˇ ngeh, tsawˇ haˬ gʼawˬ mya ni nyehꞈ gʼeh-awˇ, miˇ tsaˬ tsawˇ haˬ zaˬ-ahˇ, laꞈ sawˬ biꞈ nehˬ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqyawf aer-eu, “Aqyawf yawgor-anr ghofdavler ngae, bi kalanr taq-euq deuq-anr sheuqdav lef-awr, tsawrhaqzaq-anr lafsawq bifnaeq-euq mae.” (Jc 68:18)

Eˇpeˇsu 4:8 Referans Kwoze

Jaceuq 68:18

Tsawˇ haˬ gʼawˬ mya ni aˬ yawꞈ nyehꞈ gʼeh-awˇ, gawˬ jawˬ yaw goˇ-ahˇ daˆ leˇ tehꞈ-a. Aˬ yawꞈ-ahˇ puiˬ-eu tsawˇ haˬ deuˬ-ahˇ keuˆ ni, aˬ yawꞈ-ahˇ laꞈ sawˬ biꞈ laˇ-awˇ, mˬ maˬ maˬ byaˆ zaˇ ziˇ Sahˬpaˬ Miˬyehˇ kʼoeˇ gaˇ jawˇ tehꞈ-a.

Gawˇlawˇsehˇ 2:15

Laꞈ yaꞈ kʼoeˇ-euˬ kʼoeˇ taˆ, mˬ hawˇ-eu miˇ yaw kaˬ-ahˇ uˆ lahˇ luꞈ-eu yaw sahˇ deuˬ hawˇ-eu baoˬ deuˬ-euˬ aˬ laꞈ laꞈ kʼoeˇ, Ka li yawˬ haˇ yawˬ ha bi buˬ-iˇ-euˬ meh. Aˬ yawꞈ gʼaˬ leˇ-euˬ bawˬ-iˬ gʼeh ngeh miˇ kʼahˬ zaˬ deuˬ bi haw-eu gʼaˇ duˬ, aˬ yawꞈ maꞈ-ahˇ paꞈ-awˇ tsahˇ tsahˇ-ehˇ cah-euˬ meh.

1 Saˬmeuˬlaˆ 30:26

Ziˇkaˬlehˆ meuˬ-ahˇ Daˬbiˇ gʼoꞈ keuˆ leˇ ngeh, Yuˇdaˆ miˇ kʼahˬ laꞈ kʼoeˇ aˬ yuiꞈ aˬ tsu geuꞈ luꞈ-eu aˬ yawꞈ-euˬ cawˬ deuˬ jawˇ gaˇ, aˬ yawꞈ neh guiˇ deuˆ za-euˬ myawˬ gahˬ deuˬ bi biꞈ ha-iˇ-awˇ, “Sahˬpaˬ Miˬyehˇ-ahˇ muiˇ-eu tsawˇ haˬ deuˬ-ahˇ nga maꞈ neh deuˆ za-euˬ myawˬ gahˬ deuˬ laꞈ kʼoeˇ, naw maꞈ-ahˇ kʼawꞈ laꞈ sawˬ biꞈ-eu ma” lehˇ tsaꞈ ahˇ gʼeh-euˬ meh.

Iˇsaˬtaˆ 2:18

Iˇsaˬtaˆ-ahˇ taˬ huiˬ-eu laꞈ kʼoeˇ huiˬ dui dui-eu dzaˬ byawˇ tiˬ byawˇ sahˬ paˬ lawˇ-awˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ hawˇ-eu miˇ kʼahˬ-ahˇ uˆ lahˇ-eu sahˬ paˬ sahˬ ma bi geuꞈ-euˬ deuˬ dawˬ tawˆ luꞈ-ahˇ kuˇ uiˬ-euˬ meh. Aˇ nah kʼoeˇ nah laꞈ kʼoeˇ aˬ yawꞈ-euˬ miˇ kʼahˬ kʼahˬ lah ni gaˇ maˬ mˇ ni bi naˬ-awˇ, sahˬ paˬ tiˬ gʼaˬ biꞈ-eu geuˇ-eu laꞈ sawˬ deuˬ, miˇ kʼahˬ zaˬ deuˬ-ahˇ bi biˇ nehˬ-euˬ meh.

Yaˇ kʼaˬ daˇ 5:12

Sheuˬ gʼeh-awˬ Diˬboˇlaˬ-oˇ, sheuˬ gʼeh-awˬ. Sheuˬ gʼeh-awˬ. Dawˬ caˇ caˇ-awˇ sheuˬ gʼeh-awˬ. Aˬbiˇnamˬ-euˬ aˬ li Baˬyehˇ-oˇ, mehˬ hu paw iˇ-awˬ. Nawˬ neh nyehꞈ mi-euˬ yehˇ deuˬ-ahˇ sheuˬawˇ mehˬ hu iˇ-awˬ.

Dawqdaq 30:4

Mˬ taˆ tsawˇ gahˇ dawˬ tawˆ luꞈ tuˆ tehˬ taˬ-euˬ aˬ suˇ gʼaˬ-a. Jaˬ lehˇ-ahˇ nyehꞈ tehˬ taˬ-euˬ aˬ suˇ gʼaˬ-a. Iˇ cuꞈ-ahˇ saˬ paˇ neh paꞈ cu cu taˬ-euˬ aˬ suˇ gʼaˬ-a. Miˇ tsaˬ tahˬ kʼawˇ-euˬ miˇ kaˬ dehˬ biˇ-euˬ aˬ suˇ gʼaˬ-a. Nawˇ siˬ nya-eu jeˬ maˇ-iˬ, aˬ yawꞈ aˬ suˇ gʼaˬ-a. Aˬ yawꞈ-euˬ aˬ li aˬ suˇ gʼaˬ-a.

Eˇpeˇsu 4:11

“Miˇ tsaˬ zaˬ-ahˇ laꞈ sawˬ biˬ-euˬ” gʼaˬ-aˬ, aˬ yawꞈ meh. Tiˬ paˆ na deuˬ-ahˇ gʼaˬ kʼehˇ bi geuꞈ-awˇ, tiˬ paˆ na deuˬ-ahˇ Miˬyehˇ gʼaˇ duˬ ngehˬ dah-eu tsawˇ haˬ bi geuꞈ-eu gʼaˇ duˬ maˬ ehˇ, tiˬ paˆ na deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu tsawˇ haˬ bi geuꞈ-eu gʼaˇ duˬ maˬ ehˇ, tiˬ paˆ na deuˬ-ahˇ Ka li zaˬ aˇ muˇ-ahˇ sheuˬ gʼeh-eu saˬ laˬ bi geuꞈ-eu gʼaˇ duˬ maˬ ehˇ, mehˬ-eu tsoˆ-eu saˬ laˬ bi geuꞈ-eu gʼaˇ duˬ maˬ ehˇ, aˬ yawꞈ laꞈ sawˬ biꞈ-euˬ meh.