Doˆ-iˇ 8:18 - Akha

¹⁸ Mah loˬ nya-eu tsawˇ haˬ kʼoeˇ deuˬ aˬ yawꞈ maꞈ-euˬ mah loˬ tsawˇ gahˇ-ahˇ gʼoe-awˇ, caˇ gawˬ bi doˆ laˇ ni jahˇ-eu lehˇ leh jeh-euˬ kʼawꞈ, maˬ jahˇ pyeuꞈ nya-a. Yawˬ gaˇ yawˬ na luꞈ, caˇ gawˬ tehꞈ-ehˇ byah jiˇ-euˬ meh.

Doˆ-iˇ 8:18 Referans Kwoze

Doˆ-iˇ 7:11

Kʼoeˇ ngeh, sahˬ paˬ kʼoeˇ gʼaˬ, mah loˬ nya-eu deuˬ hawˇ-eu, zaˬ siˬ nui gahˇ ahˇ dui dui-eu aˬ yawꞈ-euˬ tsawˇ haˬ deuˬ kuˇ uiˬ-awˇ, tsawˇ haˬ kʼoeˇ deuˬ kʼawꞈ, aˬ yawꞈ maꞈ-euˬ mah loˬ loˬ-eu tsawˇ gahˇ-ahˇ gʼoe-awˇ, Aˬloˬ neh mˇ-euˬ jeˬ mˇ mehˬ nehˬ-euˬ meh.

Doˆ-iˇ 9:11

Mah loˬ nya-eu tsawˇ haˬ kʼoeˇ deuˬ Moˇseˬ-euˬ mehˬ shi maˬ doˆ le nya-a. Aˬ jeˬ miˇ neh ehˇ naˇ, aˬ yawꞈ maꞈ kʼawꞈ, Iˇjiˇtuˆ tsawˇ haˬ kʼoeˇ deuˬ loꞈ-ehˇ shaˬ ciˬ ciˬ-eu miˇ neh meh.

Daˬyeˬlaˇ 5:8

Sahˬ paˬ-ahˇ nui noeˬ nui duˇ biꞈ-eu deuˬ mehˬ hu paw doˆ laˇ-awˇ gui haw kʼawꞈ, tiˬ gʼaˬ-iˬ maˬ gui doˆ nya-ehˇ, sahˬ paˬ-ahˇ dawˬ tsuiꞈ maˬ yuˇ doˆ nehˬ nya-a.

Luˇkaꞈ 10:18

Yeˬsuˇ aˬ yawꞈ maꞈ-ahˇ ehˇ kʼoꞈ nehˬ-eu, “Mˬ myawꞈ myawꞈ-eu loꞈ-ehˇ, Saˬdaˬ mˬ-ahˇ neh ga ka le gaˇ ngaˇ mawˇ-euˬ ma.

Daˬyeˬlaˇ 4:7

Kʼoeˇ naˇ, nyiˇ paˬ shaˆ ma dawˬ tawˆ luꞈ hawˇ-eu, mah loˬ ja maw kʼaˇ nya-eu deuˬ dawˬ tawˆ luꞈ bi kuˇ uiˬ laꞈ-awˇ, ngaˬ neh yuꞈ maˆ maˆ-euˬ dawˬ tsuiꞈ bi yuˇ doˆ-euˬ ma. Ehˇ kʼawꞈ, aˬ yawꞈ maꞈ tiˬ gʼaˬ-iˬ yuꞈ maˆ dawˬ tsuiꞈ maˬ yuˇ doˆ nya-a.

Iˇsaˬyaˇ 19:12

Iˇjiˇtuˆ sahˬ paˬ-oˇ, nawˬ-ahˇ nui noeˬ nui duˇ biꞈ-eu tsawˇ gahˇ ahˇ-eu deuˬ, aˬ gaˇ jawˇ ta. Iˇjiˇtuˆ miˇ kʼahˬ kʼoeˇ taˆ bi keuˆ le-eu lehˇ, Sahˬpaˬ Miˬyehˇ neh lehˬ hmˬ taˬ-euˬ jeˬ, aˬ yawꞈ maꞈ nawˬ-ahˇ bi dzawˇ mehˬ haw sheˇ.

Aˇ dahˬ 41:8

Uˬ bya bya laˇ ngeh, sahˬ paˬ noeˬ shaˬ dui dui-eu miˇ neh, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu nyiˇ paˬ shaˆ ma deuˬ hawˇ-eu, zaˬ siˬ tsawˇ gahˇ ahˇ-eu tsawˇ haˬ deuˬ-ahˇ bi kuˇ uiˬ-euˬ meh. Aˬ yawꞈ neh yuꞈ maˆ maˆ mawˇ-euˬ gaˇ kawˆ kʼoeˇ aˬ yawꞈ maꞈ-ahˇ dzawˇ mehˬ nehˬ kʼawꞈ, tiˬ gʼaˬ-iˬ dawˬ tsuiꞈ maˬ yuˇ doˆ nehˬ nya-a.

Doˆ-iˇ 7:12

Aˬ yawꞈ maꞈ yawˬ gʼaˬ na luꞈ, yawˬ ha-euˬ gawˬ yoeˬ pyehˬ dzeh ngeh, gawˬ yoeˬ kʼoeˇ deuˬ aˇ lawˇ pyeuꞈ jiˇ-euˬ meh. Ehˇ kʼawꞈ, aˬ yawꞈ maꞈ-euˬ gawˬ yoeˬ kʼoeˇ deuˬ-ahˇ, Aˬloˬ-euˬ gawˬ yoeˬ neh myoꞈ ahˇ jiˇ nehˬ-euˬ meh.

Doˆ-iˇ 8:7

Ehˇ kʼawꞈ, mah loˬ nya-eu tsawˇ haˬ kʼoeˇ deuˬ kʼawꞈ, aˬ yawꞈ maꞈ-euˬ mah loˬ tsawˇ gahˇ-ahˇ gʼoe-awˇ miˇ kʼahˬ kʼoeˇ kʼahˬ kʼoeˇ taˆ kʼaˬ paˬ doˆ laˇ ni jahˇ-euˬ meh.

Doˆ-iˇ 10:23

Iˇjiˇtuˆ tsawˇ haˬ deuˬ tiˬ gʼaˬ tiˇ gʼaˬ maˬ haw mawˇ nya-ehˇ, aˇ yamˬ kʼoeˇ yamˬ laꞈ kʼoeˇ, tsawˇ haˬ tiˬ gʼaˬ-iˬ tsawˬ dahˬ laꞈ nyiˇ maˬ doˆ-iˇ ni jawˇ-euˬ meh. Ehˇ kʼawꞈ, Iˇsaˬleˬlaˆ tsawˇ haˬ kʼaˇ jawˇ gaˇ yaw shehꞈ jaˆ-euˬ meh.