Doˆ-iˇ 8:15 - Akha

¹⁵ Kʼaˬ paˬ kʼoeˇ deuˬ shiˇ jiˇ-euˬ gaˇ sahˬ paˬ kʼoeˇ gʼaˬ ya mawˇ ngeh, Sahˬpaˬ Miˬyehˇ neh ehˇ taˬ-euˬ loꞈ-ehˇ, aˬ yawꞈ-euˬ nui ma paˇ gʼahˇ laˇ-awˇ, Moˇseˬ hawˇ-eu Aˬloˬ-euˬ ehˇ dawˬ maˬ naˇ haˬ ni pyeuꞈ-iˇ-euˬ meh.

Doˆ-iˇ 8:15 Referans Kwoze

Iˇsaˬyaˇ 26:10

Maˬ tsaˬ maˬ dawˇ-eu deuˬ-ahˇ nawˇ gʼawˬ shaˬ gaˬ kʼawꞈ, yaw tsaˬ yaw dawˇ jeˬ-ahˇ aˬ yawꞈ maꞈ maˬ poˆ-a. Yaw tsaˬ yaw dawˇ miˇ kʼahˬ heu laꞈ kʼoeˇ kʼawꞈ, miˇ kʼahˬ zaˬ deuˬ yaw lehˬ mˇ-awˇ, nawˬ-euˬ yaw shehꞈ kʼahˬ sehˇ-ahˇ, aˬ yawꞈ maꞈ maˬ mawˇ nya-a.

HeˬByehˇ 3:15

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Iˬ nah Miˬyehˇ ehˇ luꞈ-eu dawˬ, naw maꞈ ya gaˬ gʼaˬ-euˬ ngeuˇ naˇ, Miˬyehˇ-ahˇ puiˬ-euˬ aˇ yamˬ-ahˇ, yawꞈ maꞈ nui ma gʼahˇ-euˬ loꞈ-ehˇ, naw maꞈ-euˬ nui ma taˬ bi gʼahˇ.”

HeˬByehˇ 3:8

naw maꞈ-euˬ aˬ poeˬ aˬ bawˇ deuˬ, Miˬyehˇ-ahˇ puiˬ-eu aˇ yamˬ-ahˇ, yawꞈ maꞈ nui ma gʼahˇ-euˬ loꞈ-ehˇ, Kʼoeˇ ngeh nah bawˇ tsahˬ bawˇ dahˇ-ahˇ, Miˬyehˇ-ahˇ lawˬ haw-euˬ loꞈ-ehˇ, naw maꞈ-euˬ nui ma taˬ bi gʼahˇ.

Dawˬ tsoˆ 8:11

Aˬ jeˬ miˇ neh tsawˇ haˬ zaˬ yaw haiˬ jeˬ tiˬ kʼehˬ maˬ taˬ ni mˇ ta. Aˬ jeˬ miˇ neh ehˇ naˇ, mˇ bahˬ-euˬ deuˬ-ahˇ yaw kawˇ-ehˇ maˬ kʼehˬ nehˬ-eu miˇ neh meh.

Doˆ-iˇ 7:4

Kʼoeˇ naˇ, kʼaˆ dui dui-eu kʼehˬ-eu kʼaˆ-eu jeˬ Iˇjiˇtuˆ miˇ kʼahˬ kʼoeˇ taˆ ngaˇ bi keuˆ le-awˇ, ngaˬ-euˬ tsawˇ jeuˬ tsawˇ ca deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh, ngaˇ sheuˬ doˆ gʼeh ma.

Doˆ-iˇ 14:5

Iˇsaˬlaˬleˇ tsawˇ haˬ deuˬ cehˆ doˆ dzeuˇ-euˬ gaˇ kawˆ sahˬ paˬ kʼoeˇ gʼaˬ-ahˇ aˬ cawˬ tsaꞈ gaˬ ngeh, aˬ yawꞈ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ nui ma paˇ laˇ-awˇ, “Aˬ dui maꞈ gʼaˇ duˬ shaˬ laˇ-euˬ nga. Iˇsaˬleˬlaˆ tsawˇ haˬ deuˬ-ahˇ aˬ dui maꞈ bi cehˆ doˆ dzeuˇ-euˬ miˇ neh, zaˬ kʼaˆ maˬ paˇ jawˇ ngaˇ” lehˇ ehˇ-eu meh.

Doˆ-iˇ 4:21

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Iˇjiˇtuˆ miˇ kʼahˬ-ahˇ nawˇ gʼoꞈ keuˆ-iˇ ngeh, ngaˬ neh nawˬ-ahˇ baoˬ biꞈ nehˬ-awˇ bi mˇ-euˬ zahˬ leˇ paˬ-ehˇ gʼeh-eu jeˬ, sahˬ paˬ mehˬ shi maˬ ngehˇ ni mˇ mehˬ nehˬ-awˬ. Ehˇ kʼawꞈ, sahˬ paˬ kʼoeˇ gʼaˬ Iˇsaˬleˬlaˆ tsawˇ haˬ deuˬ-ahˇ maˬ pyehˬ nehˬ ni nui ma gʼahˇ laˇ-eu gʼaˇ duˬ ngaˇ jahˇ nehˬ ma.

Panmaeq 16:9

Aˬ yawꞈ maꞈ-aˬ, lahˇ dui dui-eu miˬ dzaˬ kʼoeˇ neh bi lahˇ-awˇ, kʼehˬ-eu kʼaˆ-eu kʼoeˇ deuˬ kʼoeˇ taˆ baoˬ jaˆ-eu gʼaˬ pyeuꞈ-eu Miˬyehˇ-euˬ tsawˇ myahˇ-ahˇ yaˬ kʼehˇ yaˬ-euˬ meh. Ehˇ kʼawꞈ, aˬ yawꞈ maꞈ iˬ baˇ maˬ noeˬ poˆ-ehˇ, aˬ yawꞈ huiˬ dui mahˇ dui dui gaˇ maˬ ja ceuˬ-a.

Hawˇseˬ 6:4

Ehˇ kʼawꞈ, Sahˬpaˬ Miˬyehˇ ehˇ-eu, “Iˇsaˬleˬlaˆ-oˇ, nawˬ-ahˇ ngaˇ, aˬ joˆ-ehˇ ya jahˇ nehˬ paˬ nga, Yuˇdaˆ miˇ kʼahˬ-oˇ nawˬ-ahˇ ngaˇ, aˬ joˆ-ehˇ ya jahˇ nehˬ paˬ nga. Naw nyaꞈ ngaˬ-ahˇ gaˬ-eu jeˬ-aˬ, uˬ shawˬ tmˬ-eu mˬ dmˇ hawˇ-eu, uˬ shawˬ ga aˬ-euˬ ceuˬ loꞈ-ehˇ, tiˬ kʼehˇ laˇ kʼehˬ gmˬ-eu tehꞈ meh.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Doˆ-iˇ 8:8

Kʼoeˇ naˇ, sahˬ paˬ kʼoeˇ gʼaˬ Moˇseˬ hawˇ-eu Aˬloˬ-ahˇ kuˇ-awˇ ehˇ-eu, “Kʼaˬ paˬ heu deuˬ byoˆ-iˇ jiˇ ni, Sahˬpaˬ Miˬyehˇ-ahˇ guiˬ lahˬ shaˇ-awˬ. Sahˬpaˬ Miˬyehˇ-ahˇ lawˇ nehˬ shehˇ nehˬ-iˇ nya ni, naw maꞈ-euˬ tsawˇ haˬ deuˬ-ahˇ ngaˇ pyehˬ nehˬ ma.”

Doˆ-iˇ 8:14

Iˇjiˇtuˆ tsawˇ haˬ deuˬ kʼaˬ paˬ kʼoeˇ deuˬ-ahˇ aˇ bymˇ bymˇ ma bymˇ ma-ehˇ gʼoˆ bymˇ-euˬ meh. Miˇ kʼahˬ kʼoeˇ kʼahˬ kʼahˬ lahˬ ni yaw buꞈ behꞈ laꞈ-eu meh.

Doˆ-iˇ 8:16

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Iˇjiˇtuˆ miˇ kʼahˬ laꞈ kʼoeˇ kʼaˇ jaˆ-eu kʼaˬ lehˇ dawˬ tawˆ luꞈ caˇ gawˬ pyeuꞈ jiˇ ni, gawˬ yoeˬ yuˇ-awˇ miˇ tsaˬ-ahˇ juiꞈ-awˬ lehˇ Aˬloˬ-ahˇ ehˇ nehˬ-awˬ” lehˇ,

Doˆ-iˇ 8:28

Sahˬ paˬ ehˇ-eu, “Gaˇ mahˇ kaˬ dui dui-eu jawˇ duˬ-ahˇ naw maꞈ maˬ iˇ byoˆ gʼeh naˇ, bawˇ tsahˬ bawˇ dahˇ-ahˇ iˇ-awˇ, naw maꞈ-euˬ Sahˬpaˬ Miˬyehˇ-ahˇ lawˇ nehˬ shehˇ nehˬ-iˇ-eu gʼaˇ duˬ, ngaˇ naw maꞈ-ahˇ pyehˬ nehˬ ma. Ngaˬ-euˬ gʼaˇ duˬ guiˬ lahˬ shaˇ nehˬ laꞈ-awˬ.”

Doˆ-iˇ 8:29

Moˇseˬ ehˇ-eu, “Nawˇ jawˇ gaˇ maˬ ehˇ, nawˬ-euˬ gaˇ mˇ-eu yaw huiˬ yaw mahˇ deuˬ jawˇ gaˇ maˬ ehˇ, nawˬ-euˬ miˇ kʼahˬ zaˬ deuˬ jawˇ gaˇ maˬ ehˇ, ni shawˬ nah puˬ saˆ byoˆ-iˇ jiˇ ni, heu gaˇ neh doˆ-iˇ-eu nehˬ-ehˇ, Sahˬpaˬ Miˬyehˇ-ahˇ ngaˇ guiˬ lahˬ shaˇ ma. Ehˇ kʼawꞈ, nga maꞈ-ahˇ nawˇ jaˬ myawꞈ paˇ myawꞈ-awˇ, Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, Iˇsaˬleˬlaˆ tsawˇ haˬ deuˬ-ahˇ maˬ bi iˇ ni maˬ ya laˆ tsoeˬ-a.”

Doˆ-iˇ 8:32

Kʼoeˇ ngeh poˆ jawˇ kʼawꞈ, sahˬ paˬ kʼoeˇ gʼaˬ nui ma paˇ gʼahˇ laˇ-awˇ, Iˇsaˬleˬlaˆ tsawˇ haˬ-ahˇ maˬ pyehˬ nehˬ ni jawˇ-euˬ meh.

1 Saˬmeuˬlaˆ 6:6

Aˬ jeˬ miˇ neh Iˇjiˇtuˆ tsawˇ haˬ deuˬ loꞈ-ehˇ naw maꞈ-euˬ nui ma gʼahˇ te. Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh maˬ bi doˆ-iˇ kʼoeˇ keuˆ ni, Iˇjiˇtuˆ tsawˇ haˬ deuˬ-ahˇ Miˬyehˇ neh yaw kʼaˆ-ehˇ kʼehˬ nehˬ-euˬ gaˇ naw maꞈ taˬ ngehˇ.

Dawqdaq 26:11

Aˬ dzawˬ aˇ gah yaw lehˬ mˇ poˆ poˆ-eu jeˬ-aˬ, aˬ kuiˬ uˬ pehꞈ dzaˬ poˆ gaˇ duˇ-eu meh.

1 Saˬmeuˬlaˆ 6:3

Aˬ yawꞈ maꞈ ehˇ-eu, “Iˇsaˬleˬlaˆ Miˬyehˇ-euˬ Dawˬ ma saˇ jaˇ Bahˬ keuˆ-ahˇ naw maꞈ sha ha kʼoꞈ leˇ mawꞈ naˇ, naw maꞈ-euˬ iˬ baˇ gʼaˇ duˬ damˬ nehˬ-eu tiˬ jeˬ paˬ nehˬ-ehˇ ya sha ha kʼoꞈ nehˬ leˇ tehꞈ-a. Damˬ-eu tiˬ jeˬ paˬ maˬ ahˇ-ehˇ, Dawˬ ma saˇ jaˇ Bahˬ keuˆ tehꞈ-ehˇ maˬ sha ha kʼoꞈ leˇ kʼmˬ-aˇ. Damˬ-eu tiˬ jeˬ paˬ nehˬ-ehˇ sha ha kʼoꞈ nehˬ leˇ naˇ, naw maꞈ naˇ gawˇ taˬ leˇ-awˇ, aˬ jeˬ baˬ da neh aˬ yawꞈ naw maꞈ-ahˇ kʼehˬ luꞈ-eu gaˇ kawˆ naw maꞈ ya siˬ tehꞈ-a.”

1 Saˬmeuˬlaˆ 6:9

Laˆ lawˬ kʼoeˇ laˇ aˬ geu paw iˇ nga lehˇ haw taˬ-awˬ. Behˬsheˬmehˇ meuˬ paw iˇ naˇ, aˬ dui kʼoeˇ taˆ sahˬ zahˬ naˇ gawˇ bi keuˆ le-euˬ gʼaˬ-aˬ, Iˇsaˬleˬlaˆ tsawˇ jeuˬ-euˬ Miˬyehˇ meh. Ehˇ kʼawꞈ, yawˬ paw yawˬ iˇ naˇ, aˬ dui ya daˬ luꞈ-eu naˇ gawˇ heu aˬ yawꞈ neh bi keuˆ le-euˬ maˬ ngeuˇ-ehˇ, aˬ yawˇ yawꞈ seu doˆ laˇ-euˬ naˇ gawˇ meh.”

1 Saˬmeuˬlaˆ 6:12

Kʼoeˇ naˇ, mawˇ neˇ mawˇ ma kʼoeˇ nyiˬ ma Behˬsheˬmehˇ meuˬ-ahˇ iˇ-eu gaˇ ma paw luˆ-iˇ-awˇ, tiˬ paw-iˬ maˬ iˇ pyawˇ ni, gaˇ ma kʼoeˇ kahˇ caw caw-ehˇ, mahˇ mahˇ-ehˇ iˇ gʼeh-euˬ meh. Piˇliˇtiˆ sahˬ paˬ kʼoeˇ ngaˬ gʼaˬ, Behˬsheˬmehˇ meuˬ-euˬ miˇ kaˬ-ahˇ keuˆ ni, mawˇ neˇ kʼoeˇ nyiˬ mawˇ-euˬ mehˬ nah caw teh haw-euˬ meh.