Doˆ-iˇ 7:17 - Akha

¹⁷ Sahˬ paˬ-oˇ, nymˬ-mˇ poˆ jawˇ-aˬ, aˬ yawꞈ mˇ-eu lehˇ lehˬ hmˬ taˬ-euˬ jeˬ baˬ da neh, aˬ yawꞈ aˬ suˇ gʼaˬ pyeuꞈ-eu nawˇ ya siˬ tehꞈ-a lehˇ Sahˬpaˬ Miˬyehˇ ehˇ-eu meh. Haw yawˬ. Ngaˇ tuˆ tehˬ luꞈ-eu gawˬ yoeˬ heu hmˬ neh Niˬlaˇ lawˇ baˬ iˇ cuꞈ-ahˇ ngaˇ juiꞈ ngeh, iˇ cuꞈ kʼoeˇ shiˬ pyeuꞈ jiˇ tehꞈ-a’ lehˇ ehˇ nehˬ-awˬ.

Doˆ-iˇ 7:17 Referans Kwoze

Doˆ-iˇ 4:9

Zahˬ leˇ paˬ-ehˇ gʼeh-eu kʼoeˇ nyiˬ jeˬ luꞈ jahˇ mehˬ nehˬ gʼaˬ-euˬ kʼawꞈ, aˬ yawꞈ maꞈ nawˬ-ahˇ maˬ jah-ehˇ nawˬ neh ehˇ nehˬ-euˬ jeˬ-ahˇ maˬ naˇ haˬ geuꞈ naˇ, Niˬlaˇ lawˇ baˬ-ahˇ iˇ cuꞈ ui cuiˆ kʼawꞈ doˆ-awˇ, miˇ tsa shehˆ dzeh mehˬ nehˬ-awˬ. Iˇ cuꞈ kʼoeˇ shiˬ pyeuꞈ-iˇ tehꞈ-a.”

Doˆ-iˇ 7:5

Iˇjiˇtuˆ miˇ kʼahˬ kʼoeˇ taˆ ngaˬ-euˬ aˬ laꞈ cawˬ ja-awˇ, Iˇsaˬleˬlaˆ tsawˇ haˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh ngeh, ngaˇ-aˬ, Sahˬpaˬ Miˬyehˇ pyeuꞈ-eu gaˇ kawˆ Iˇjiˇtuˆ tsawˇ haˬ deuˬ ya siˬ tehꞈ-a.”

Doˆ-iˇ 5:2

Ehˇ kʼawꞈ, sahˬ paˬ kʼoeˇ gʼaˬ ehˇ-eu, “Aˬ yawꞈ-euˬ ehˇ dawˬ-ahˇ ngaˇ naˇ haˬ-awˇ, Iˇsaˬleˬlaˆ tsawˇ haˬ-ahˇ pyehˬ nehˬ paˬ-ehˇ, Sahˬpaˬ Miˬyehˇ ehˇ-eu aˬ suˇ gʼaˬ-a. Sahˬpaˬ Miˬyehˇ-ahˇ ngaˇ maˬ siˬ. Iˇsaˬleˬlaˆ tsawˇ haˬ-ahˇ kʼawꞈ ngaˇ maˬ pyehˬ nehˬ.”

Yeˬsaˬgeˬlaˇ 39:28

Kʼoeˇ ngeh jawˇ, ngaˇ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ngaˇ lehˇ, ngaˬ-euˬ tsawˇ haˬ deuˬ-ahˇ siˬ duˬ leˇ tehꞈ-a. Ngaˇ aˬ yawꞈ maꞈ-ahˇ aˬ cawˬ-euˬ miˇ kʼahˬ-ahˇ teh dzeh nehˬ-awˇ, nymˬ-mˇ tiˬ gʼaˬ-iˬ maˬ bi dzeuˇ-iˇ ni aˬ yawꞈ maꞈ-euˬ miˇ kʼahˬ-ahˇ paˇ sheuˬ kʼoꞈ doˆ nehˬ-euˬ miˇ neh, aˬ yawꞈ maꞈ kʼoeˇ loꞈ-ehˇ siˬ duˬ tehꞈ-a.

Yeˬsaˬgeˬlaˇ 38:23

Ngaˇ huiˬ dui mahˇ dui dui-awˇ muiˬ-eu shawˇ-eu gʼaˬ pyeuꞈ-eu gaˇ kawˆ, tsawˇ jeuˬ dawˬ tawˆ luꞈ-ahˇ kʼoeˇ ngeh nah bi siˬ duˬ ma. Ngaˇ Sahˬpaˬ Miˬyehˇ pyeuꞈ-eu aˬ yawꞈ maꞈ-ahˇ siˬ duˬ leˇ tehꞈ-a.”

Jaceuq 9:16

SahˬpaˬMiˬyehˇ yaˇkʼaˬdaˇ-awˇ, yawˬhaˇyawˬha pah mehˬ-euˬmeh. yaw haiˬdeuˬlahˇju kʼmˇtaˬ-awˇ, yawˬhaˇyawˬha teuˆpaꞈ-eu meh.

Panmaeq 11:6

Aˬ yawꞈ nyaꞈ Miˬyehˇ dawˬ kawˬ mehˬ luꞈ-eu aˇ yamˬ laꞈ kʼoeˇ, mˬ-ahˇ piˬ tehˬ taˬ nya-eu baoˬ, aˬ yawꞈ nyaꞈ-euˬ aˬ laꞈ laꞈ kʼoeˇ jaˆ-eu meh. Lawˇ gawˆ iˇ cuꞈ-ahˇ shiˬ bi pyeuꞈ-iˇ nya-eu baoˬ kʼawꞈ jaˆ-eu meh. Miˇ tsaˬ heu kʼoeˇ taˆ kʼawꞈ, aˬ yawꞈ nyaꞈ kʼaˇ bi keuˆ le mawꞈ-eu shaˬ zahˬ naˇ gawˇ gawˇ ma bi keuˆ le nya-eu baoˬ jaˆ-eu meh.

Panmaeq 8:8

Mˬ taˆ gʼaˬ kʼehˇ nyiˬ gʼaˬ tiˬ gʼaˬ daˇ heh baw ngeh, gawˬ jawˬ jawˬ ma-ahˇ duˇ-eu tiˬ jeˬ miˬ dzaˬ doꞈ doꞈ-ehˇ iˬ ma laˆ shaˆ-ahˇ ga ahˇ-iˇ-awˇ, iˬ ma laˆ shaˆ smˬ bymˇ tiˬ bymˇ shiˬ pyeuꞈ-iˇ-euˬ meh.

Daˬyeˬlaˇ 5:23

Mˬ taˆ Sahˬpaˬ Miˬyehˇ-ahˇ nawˇ jahˇ gʼeh haw-eu laꞈ kʼoeˇ, aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ jaˆ-eu kʼmˬ maˬ deuˬ nawˇ yuˇ ahˇ laꞈ-awˇ, nawˇ hawˇ-eu nawˬ-euˬ gaˇ mˇ-eu sahˬ paˬ sahˬ ma deuˬ, nawˬ-euˬ miˬ zaˬ deuˬ hawˇ-eu ma nyiˇ deuˬ, aˬ gaꞈ dzaˇ uiˇ kʼaˇ ahˇ-awˇ dawˇ dawˇ-ehˇ, naˬ bawˇ maˬ gaˬ nya, myaˆ nuiˆ maˬ mawˇ nya-eu tiˬ jeˬ-iˬ maˬ siˬ nya-eu miˬ yehˇ deuˬ pyeuꞈ-eu, shuiˇ, pyuˇ, guiˬ shuiˇ, shmˇ, daˇ kawˬ, kʼaˬ lo, heu deuˬ neh jahˇ taˬ-euˬ miˬ yehˇ deuˬ-ahˇ ja ceuˬ-euˬ meh. Ehˇ kʼawꞈ, nawˬ-ahˇ toeˬ dehꞈ toeˬ shiˇ nya-awˇ, nawˇ kʼaˇ mˇ kʼaˇ shaˇ-eu yawˬ jeˬ na luꞈ-ahˇ tuˆ tehˬ luꞈ-eu Miˬyehˇ-ahˇ nawˇ maˬ taˬ huiˬ-a.

Daˬyeˬlaˇ 5:21

Tsawˇ haˬ zaˬ-euˬ baꞈ tsahˬ-ahˇ neh aˬ yawꞈ-ahˇ teh dzeh-awˇ, bawˇ tsahˬ jeˬ zaˬ-euˬ nui ma ahˇ laˇ-euˬ meh. Bawˇ tsahˬ mahˬ tahˬ laˆ deuˬ nehˬ-ehˇ aˬ yawꞈ jawˇ-awˇ, mawˇ neˇ loꞈ-ehˇ yaˇ moꞈ tseuˆ dzaˬ-awˇ, deh ga-ahˇ naˇ shmˇ maˬ baw gaˇ, ceuˬ deh deh deh-ehˇ yuꞈ-euˬ meh. Aˇ saˬ saˬ laˇ ngeh jawˇ, tsawˇ haˬ zaˬ-euˬ miˇ kʼahˬ dawˬ tawˆ luꞈ, Dawˬ tawˆ kʼoeˇ taˆ huiˬ-eu Miˬyehˇ-euˬ laꞈ-ahˇ jaˆ-awˇ, aˬ yawꞈ kʼaˇ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, aˬ yawꞈ-ahˇ siˬ duˬ leˇ-euˬ meh.

Daˬyeˬlaˇ 4:37

“Nymˬ-mˇ poˆ jawˇ, ngaˇ Neˬbuˬkaˬneˬzaˬ-aˬ, mˬ taˆ Sahˬ paˬ-ahˇ ja ceuˬ-awˇ taˬ huiˬ-eu uˬ taꞈ, ciˬ huiˬ ciˬ mahˇ dui dui-eu ma. Aˬ yawꞈ neh kʼaˇ mˇ kʼaˇ shaˇ-euˬ jeˬ tsaˬ dui dawˇ dui dui-awˇ, nui ma huiˬ-eu mahˇ-eu tsawˇ haˬ-ahˇ aˬ yawꞈ zuiˆ gʼaˬ nya-eu meh.”

Daˬyeˬlaˇ 4:32

Tsawˇ haˬ baꞈ tsahˬ laꞈ kʼoeˇ nawˬ-ahˇ teh dzeh-awˇ, bawˇ tsahˬ jeˬ zaˬ nehˬ-ehˇ ya jawˇ-iˇ-awˇ, shiꞈ kʼoꞈ keuˆ ni mawˇ neˇ loꞈ-ehˇ yaˇ moꞈ ya dzaˬ tehꞈ-a. Kʼoeˇ ngeh jawˇ, dawˬ tawˆ kʼoeˇ taˆ huiˬ-eu Miˬyehˇ tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, nawˇ siˬ duˬ tehꞈ-a.”

Daˬyeˬlaˇ 4:17

Heu-aˬ, haw luꞈ pyaˆ luꞈ-eu mˬ taˆ gʼaˬ kʼehˇ neh noeˬ tsehˆ-awˇ, daˇ tsehˆ-euˬ dawˬ ma. Dawˬ tawˆ kʼoeˇ taˆ huiˬ-eu Miˬyehˇ-aˬ, tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ kʼaˇ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, teˬ dui nyiˇ dui dui-eu tsawˇ haˬ tiˬ gʼaˬ-ahˇ keuˆ ni, aˬ yawꞈ miˇ kʼahˬ dzoeˬ dzaˬ biꞈ keuˆ nehˬ nya-eu gaˇ kawˆ, mˬ dzeˇ miˇ dzeˇ keuˆ ni jawˇ-eu tsawˇ haˬ dawˬ tawˆ luꞈ siˬ duˬ luꞈ-uˇ’ lehˇ ehˇ-eu meh.

Yeˬsaˬgeˬlaˇ 32:15

Tsawˇ haˬ dawˬ tawˆ luꞈ shiˇ jiˇ-awˇ, yawˬ jeˬ na byoˆ jiˇ-euˬ miˇ neh, Iˇjiˇtuˆ ciˬ cuˇ ni jaˆ ngeh, Ngaˇ Sahˬpaˬ Miˬyehˇ ngeuˇ ngaˇ lehˇ, aˬ yawꞈ maꞈ ya siˬ duˬ tehꞈ-a.

Yeˬsaˬgeˬlaˇ 30:19

Iˇjiˇtuˆ-ahˇ kʼoeˇ naˆ kʼehˬ ngeh, ngaˇ Sahˬpaˬ Miˬyehˇ ngeuˇ ngaˇ lehˇ, aˬ yawꞈ maꞈ ya siˬ duˬ tehꞈ-a.”

Yeˬsaˬgeˬlaˇ 30:8

Iˇjiˇtuˆ-ahˇ ngaˇ dzah puiˆ-awˇ, caw ba le-eu deuˬ coˬ jiˇ ngeh, ngaˇ Sahˬpaˬ Miˬyehˇ ngeuˇ ngaˇ lehˇ, aˬ yawꞈ maꞈ ya siˬ duˬ tehꞈ-a.

Yeˬsaˬgeˬlaˇ 29:9

Iˇjiˇtuˆ miˇ kʼahˬ byoˆ-iˇ laˆ-iˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu nawˇ ya siˬ duˬ tehꞈ-a. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu miˇ neh,

Jaceuq 105:29

Aˬ yawꞈ maꞈ-euˬ lawˇ baˬ deuˬ-ahˇ shiˬ bi pyeuꞈ-iˇ-awˇ, ngaˬ shaˬ dawˬ tawˆ luꞈ bi shiˇ jiˇ-euˬ meh.

Jaceuq 83:18

Nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu uˆ lahˇ-eu gʼaˬ pyeuꞈ-eu gaˇ kawˆ, aˬ yawꞈ maꞈ siˬ nya leˇ luꞈ-uˇ.

Jaceuq 78:44

Lawˇ baˬ-ahˇ shiˬ bi pyeuꞈ tsehˆ-awˇ Iˇjiˇtuˆ tsawˇ haˬ deuˬ dawˇ-eu iˇ cuꞈ maˬ jaˆ ni bi shaˬ-euˬ meh.

2 Sahˬpaˬ 19:19

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ, Sahˬpaˬ Miˬyehˇ nawˇ tiˬ gʼaˬ tehꞈ-ehˇ aˬ diˇ aˬ maˇ Miˬyehˇ pyeuꞈ-eu gaˇ kawˆ ya siˬ duˬ ni, Aˬshuˇliˆ tsawˇ haˬ deuˬ-euˬ aˬ laꞈ laꞈ kʼoeˇ, nga maꞈ-ahˇ nymˬ-mˇ ka kʼoꞈ nehˬ laꞈ-awˬ.”

1 Sahˬpaˬ 20:28

Miˬyehˇ gʼaˇ duˬ ngehˬ dah-eu tiˬ gʼaˬ sahˬ paˬ Aˬhaˆ jawˇ gaˇiˇ-awˇ, heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ ehˇ-eu, Ngaˇ-aˬ, gawˬ jawˬ gawˬ duˇ miˬ yehˇ pyeuꞈ-awˇ, deh ga-euˬ miˬ yehˇ maˬ ngeuˇ-a lehˇ Suˇliˆ tsawˇ haˬ deuˬ ehˇ-eu miˇ neh, huiˬ dui myaˬ dui dui-eu aˬ yawꞈ maꞈ-euˬ guiˇ maꞈ deuˬ kʼoeˇ taˆ, nawˬ-ahˇ ngaˇ bi gʼaˬ leˇ ma. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ, nawˇ hawˇ-eu nawˬ-euˬ tsawˇ haˬ deuˬ ya siˬ tehꞈ-a lehˇ ehˇ-eu meh.”

Doˆ-iˇ 6:7

Naw maꞈ-ahˇ ngaˬ-euˬ tsawˇ haˬ bi pyeuꞈ laˇ-awˇ, ngaˇ-aˬ, naw maꞈ-euˬ Miˬ yehˇ pyeuꞈ ma. Iˇjiˇtuˆ miˇ kʼahˬ-ahˇ aˬ cawˬ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ngeh, ngaˇ-aˬ naw maꞈ-euˬ Sahˬpaˬ Miˬyehˇ pyeuꞈ-eu naw maꞈ ya siˬ tehꞈ-a.

Doˆ-iˇ 1:22

Kʼoeˇ naˇ, “Kʼaˇ dehꞈ le-euˬ Heˬbyehˇ tsawˇ jeuˬ aˬ li deuˬ-ahˇ Niˬlaˇ lawˇ baˬ laꞈ kʼoeˇ biˬ puꞈ-awˬ. Ehˇ kʼawꞈ, aˬ buˇ deuˬ bi dehꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ sahˬ paˬ dawˬ biꞈ-euˬ meh.

Doˆ-iˇ 7:20

Sahˬpaˬ Miˬyehˇ neh dawˬ biꞈ-euˬ loꞈ-ehˇ, Moˇseˬ hawˇ-eu Aˬloˬ mˇ-euˬ meh. Sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ mehˬ shi, Aˬloˬ gawˬ yoeˬ baꞈ diˇ-awˇ, Niˬlaˇ lawˇ baˬ iˇ cuꞈ-ahˇ juiꞈ ngeh, lawˇ baˬ kʼoeˇ gawˆ-euˬ iˇ cuꞈ dawˬ tawˆ luꞈ shiˬ pyeuꞈ jiˇ-euˬ meh.

Doˆ-iˇ 10:2

zahˬ leˇ paˬ-ehˇ gʼeh-eu gaˇ heu deuˬ mˇ mehˬ nehˬ-eu laꞈ kʼoeˇ, Iˇjiˇtuˆ tsawˇ haˬ deuˬ-ahˇ ngaˬ neh aˬ joˆ-ehˇ laˆ shaˬ laˆ zahˬ nehˬ-euˬ gaˇ kawˆ, naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ naw maꞈ dzawˇ nehˬ nya ni maˬ ehˇ, sahˬ paˬ kʼoeˇ gʼaˬ hawˇ-eu, aˬ yawꞈ-euˬ gaˇ mˇ-eu yaw huiˬ yaw mahˇ deuˬ nui ma gʼahˇ ni ngaˇ jahˇ nehˬ taˬ-euˬ ma. Ngaˇ-aˬ, Sahˬpaˬ Miˬyehˇ pyeuꞈ-eu gaˇ kawˆ, naw maꞈ dawˬ tawˆ luꞈ ya siˬ ya mawˇ tehꞈ-a.”

Yeˬsaˬgeˬlaˇ 25:17

Aˬ yawꞈ maꞈ-ahˇ ngaˇ yaw kʼaˆ kʼaˆ-ehˇ kʼehˬ nehˬ-awˇ, nui kʼahˇ tiˬ shiˇ laꞈ poˆ poˆ kʼoꞈ nehˬ ma. Ngaˇ nui ma pehˇ-eu jeˬ aˬ yawꞈ maꞈ-ahˇ siˬ duˬ leˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu aˬ yawꞈ maꞈ siˬ duˬ tehꞈ-a.”

Yeˬsaˬgeˬlaˇ 32:6

Gawˬ jawˬ gawˬ duˇ-ahˇ nyiꞈ leˇ-awˇ, lawˇ gawˆ deuˬ yoeˇ byah gaˇ keuˆ ni, nawꞈ-euˬ shiˬ bi yoeˇ doˆ le ma.