Doˆ-iˇ 40:20 - Akha

²⁰ Kʼoeˇ naˇ, kʼaˬ lo teˇ byaꞈ nyiˬ byaꞈ yuˇ-awˇ, Dawˬ ma saˇ jaˇ Bahˬ keuˆ laꞈ kʼoeˇ dawˆ ahˇ taˬ-euˬ meh. Bahˬ keuˆ-ahˇ tsoꞈ-eu laꞈ duꞈ-ahˇ baꞈ kawˬ cawˬ ahˇ-awˇ, bahˬ keuˆ kʼmˬ pymˬ pymˬ tehˬ-euˬ meh.

Doˆ-iˇ 40:20 Referans Kwoze

Doˆ-iˇ 16:34

Moˇseˬ-ahˇ Sahˬpaˬ Miˬyehˇ neh ehˇ nehˬ-euˬ loꞈ-ehˇ jeˬ hmˬ taˬ-eu gʼaˇ duˬ, ciˬ cuˇ kʼoeˇ siˬ-ahˇ, Dawˬ ma saˇ jaˇ Bahˬ keuˆ mehˬ shi Aˬloˬ ciˬ taˬ-iˇ-euˬ meh.

1 Yoˇhaˬ 2:2

Aˬ dui-ahˇ iˬ baˇ pyehˬ nehˬ laꞈ-euˬ kʼoeˇ-aˬ, Ka li baˬ da neh meh. Aˬ dui-euˬ iˬ baˇ tehꞈ-ehˇ maˬ ngeuˇ-ehˇ, tsawˇ haˬ yawˬ gʼaˬ na luꞈ-euˬ i baˇ pyehˬ nehˬ laꞈ-euˬ meh.

HeˬByehˇ 9:4

Kʼoeˇ-euˬ laꞈ kʼoeˇ, shuiˇ neh jahˇ taˬ-euˬ tsiˇ yaw saw jeˬ doꞈ damˬ-eu lawˇ duˬ maˬ ehˇ, maˬ naˆ kaˬ muˇ ahˇ-eu shuiˇ ciˬ cuˇ ciˬ ahˇ taˬ-euˬ shuiˇ yaw taˬ-euˬ Dawˬ ma saˇ jaˇ Bahˬ keuˆ maˬ ehˇ, baw nmˬ tsoꞈ-eu Aˬloˬ-euˬ gawˬ yoeˬ maˬ ehˇ, zahˇ dawˬ kʼoꞈ dawˬ tseˇ dawˬ boꞈ taˬ-euˬ kʼaˬ lo teˇ byaꞈ nyiˬ byaꞈ maˬ ehˇ, bi jaˆ-euˬ meh.

HeˬByehˇ 4:16

Aˬ dui nui ma ziꞈ dah ni taˬ-awˇ guiˬ lahˬ yaw dzahˇ tiˬ byah ni jaˆ-eu Miˬyehˇ-euˬ dzoeˬ dzaˬ nuiˇ mahˬ mehˬ shi jiˆ uˇ leˇ kaˇ-euˇ. Kʼoeˇ gaˇ, aˬ dui kʼaˇ loˬ ngeh caw ba nehˬ laꞈ-eu gʼawˬ shaˬ gaˬ nehˬ laꞈ-eu jeˬ-ahˇ aˬ dui za-awˇ, guiˬ lahˬ yaw dzahˇ-ahˇ ya mawˇ tehꞈ-a.

Lormav 10:4

Jah-eu tsawˇ haˬ yawˬ gʼaˬ na luꞈ Miˬyehˇ-ahˇ tsaˬ leˇ tsahˇ leˇ nya ni, Ka li neh Zahˇ dawˬ kʼoꞈ dawˬ-ahˇ aˇ saˬ bi saˬ-euˬ meh.

Lormav 3:25

Aˬ yawꞈ shiˇ dah-euˬ baˬ da neh tsawˇ haˬ zaˬ deuˬ aˬ yawꞈ-ahˇ jah-eu laꞈ kʼoeˇ Miˬyehˇ iˬ baˇ pyehˬ nehˬ-eu jeˬ-ahˇ za nya ni, Miˬyehˇ neh aˬ yawꞈ-ahˇ tsawˇ haˬ zaˬ deuˬ gʼaˇ duˬ biꞈ leꞈ-euˬ meh. Kʼoeˇ-aˬ, Miˬyehˇ-euˬ yaw tsaˬ yaw dawˇ jeˬ bi mawˇ ni mˇ-euˬ jeˬ pyeuꞈ-eu meh. Dzeuˇ laˇ ngeh aˬ yawꞈ nui ma gʼawˬ mahˇ ni taˬ-awˇ, tsawˇ haˬ zaˬ-euˬ iˬ baˇ-ahˇ haw dzeuˇ nehˬ-euˬ meh.

Maꞈtehˬ 3:15

Ehˇ kʼawꞈ, Yeˬsuˇ ehˇ-eu, “Miˬyehˇ-euˬ nui kʼahˇ byah laˇ ni, nymˬ-mˇ aˇ nyaꞈ heu loꞈ-ehˇ ya mˇ meh.” Kʼoeˇ ngeh, Yeˬsuˇ-ahˇ iˇ cuꞈ shawˇ nehˬ-eu gʼaˇ duˬ Yoˇhaˬ nui ma tsaˬ-euˬ meh.

Jaceuq 40:8

Miˬyehˇnawˬ-euˬnui kʼahˇbyah ni, ngaˇmˇmawꞈ-eu nui ma ahˇma. nawˬneh mehˬ-euˬtsoˆ-euˬdawˬdeuˬ, nui ma laꞈkʼoeˇboꞈtaˬ-euˬma.

1 Sahˬpaˬ 8:9

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, Sahˬpaˬ Miˬyehˇ neh aˬ yawꞈ maꞈ-ahˇ saˇ jaˇ dzaˬ-euˬ jawˇ duˬ pyeuꞈ-eu Siˇnaˆ gawˬ jawˬ-ahˇ, Moˇseˬ neh dawˆ ahˇ-euˬ kʼaˬ lo teˇ byaꞈ kʼoeˇ nyiˬ byaꞈ maˬ ngeuˇ naˇ, nui jeˬ tiˬ jeˬ-iˬ Dawˬ ma saˇ jaˇ Bahˬ keuˆ laꞈ kʼoeˇ maˬ ahˇ-a.

Dawˬmehˬ 10:5

Kʼoeˇ naˇ, gawˬ jawˬ dawˬ dahˬ-ahˇ ngaˇ paˇ gʼoꞈ ka le-euˬ ma. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, kʼaˬ lo teˇ byaꞈ kʼoeˇ nyiˬ byaꞈ bahˬ keuˆ laꞈ kʼoeˇ ngaˇ dawˆ ahˇ taˬ-euˬ ma. Kʼaˬ lo teˇ byaꞈ kʼoeˇ nyiˬ byaꞈ, iˬ nah keuˆ ni kʼoeˇ gaˇ ahˇ-eu meh.”

Doˆ-iˇ 40:3

Zahˇ dawˬ kʼoꞈ dawˬ tseˇ dawˬ dawˆ ahˇ taˬ-euˬ Dawˬ ma saˇ jaˇ Bahˬ keuˆ kʼoeˇ, kʼoeˇ gaˇ bi jaˆ-awˇ, saˬ paˇ lawˆ kaˬ taw-awˬ.

Doˆ-iˇ 31:18

Siˇnaˆ gawˬ jawˬ kʼoeˇ taˆ, Moˇseˬ-ahˇ Miˬyehˇ dawˬ ngehˬ cawˬ gʼaˬ ngeh, Miˬyehˇ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ Moˇseˬ-ahˇ Miˬyehˇ biꞈ nehˬ-euˬ meh.

Doˆ-iˇ 26:34

Dawˬ ma saˇ jaˇ bahˬ keuˆ-ahˇ kʼmˬ pymˬ pymˬ tehˬ taˬ-awˬ.

Doˆ-iˇ 40:19

Sahˬpaˬ Miˬyehˇ neh dawˬ biꞈ taˬ-eu loꞈ-ehˇ, sehˬ gʼawˆ-ahˇ nyiˬ tiˆ joe kaˬ taˬ-euˬ meh.

1 Laˬsaˬbaˬ 15:3

Kʼoeˇ naˇ, Daˬbiˇ-aˬ, aˬ yawꞈ neh lehˬ hmˬ taˬ-euˬ jawˇ duˬ-ahˇ Dawˬ ma saˇ jaˇ Bahˬ keuˆ baꞈ taˬ-euˬ gʼaˇ duˬ, Iˇsaˬleˬlaˆ tsawˇ haˬ dawˬ tawˆ luꞈ-ahˇ, Yeˬluˇsaˬlehˬ meuˬ-ahˇ kuˇ uiˬ-euˬ meh.

2 Laˬsaˬbaˬ 5:10

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, Sahˬpaˬ Miˬyehˇ aˬ yawꞈ maꞈ-ahˇ Dawˬ ma saˇ jaˇ dzaˬ-euˬ jawˇ duˬ pyeuꞈ-eu Siˇnaˆ Gawˬ jawˬ-ahˇ, Moˇseˬ neh dawˆ ahˇ-euˬ kʼaˬ lo teˇ byaꞈ kʼoeˇ nyiˬ byaꞈ maˬ ngeuˇ naˇ, nui jeˬ tiˬ jeˬ-iˬ Dawˬ ma saˇ jaˇ Bahˬ keuˆ laꞈ kʼoeˇ maˬ ahˇ-a.