Doˆ-iˇ 36:29 - Akha

²⁹ Laꞈ coeˇ-ahˇ taw-eu teˇ byaꞈ kʼoeˇ nyiˬ byaꞈ-ahˇ, dawˬ pehˬ-ahˇ neh uˬ duˬ-ahˇ doˆ ni laˆ tsaꞈ-euˬ meh. Laꞈ coeˇ nyiˬ coeˇ-ahˇ taw-eu teˇ byaꞈ kʼoeˇ nyiˬ byaꞈ-ahˇ kʼoeˇ loꞈ-ehˇ jahˇ-awˇ tsaꞈ-euˬ meh.

Doˆ-iˇ 36:29 Referans Kwoze

Eˇpeˇsu 2:21

Aˬ yawꞈ-aˬ, nymˇ nymˇ lah-ehˇ tiˬ gaˇ gʼeu tawꞈ-awˇ, Sahˬpaˬ Miˬyehˇ-ahˇ a nehˬ-euˬ muiˬ-eu shawˇ-eu uˬ duˬ tahˬ nymˇ bi pyeuꞈ laˇ-euˬ kʼaˬ lo tsaˬ byaˆ kʼoeˇ siˬ pyeuꞈ-eu meh.

Eˇpeˇsu 2:19

Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu naw maꞈ-aˬ, boeˇ miˬ siˬ kʼaˬ-ahˇ duˇ-eu aˬ cawˬ tsawˇ jeuˬ maˬ paˇ ngeuˇ meh. Miˬyehˇ-euˬ tsawˇ haˬ deuˬ nehˬ-ehˇ miˇ kʼahˬ aˬ yawꞈ tiˬ kʼahˬ-ahˇ taꞈ-eu miˇ kʼahˬ zaˬ deuˬ pyeuꞈ laˇ-awˇ, Miˬyehˇ-euˬ nymˇ kʼahˬ zaˬ deuˬ pyeuꞈ laˇ-euˬ meh.

Eˇpeˇsu 2:15

Tsawˇ jeuˬ heu nyiˬ jeuˬ-ahˇ aˬ yawꞈ laꞈ kʼoeˇ tsawˇ jeuˬ yaw shuiꞈ tiˬ jeuˬ tehꞈ-ehˇ bi pyeuꞈ laˇ-eu gʼaˇ duˬ, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ hawˇ-eu zahˇ sahˇ kʼoꞈ deuˬ-ahˇ aˬ yawꞈ laˆ byoˆ-euˬ meh. Kʼoeˇ loꞈ-ehˇ mˇ-awˇ, tsaˬ leˇ dzoeˇ leˇ-eu jeˬ bi keuˆ le-euˬ meh.

2 Gawˇliˬtu 1:10

Kʼoeˇ naˆ naˆ-ehˇ gʼeh-eu shiˇ gaˇ keuˆ leˇ taˬ-euˬ aˇ tiˆ-ahˇ, nga maꞈ-ahˇ ka kʼoꞈ nehˬ laꞈ-euˬ meh. Mehˬ hu paw kʼawꞈ, aˬ yawꞈ nga maꞈ-ahˇ ka kʼoꞈ nehˬ laꞈ tehꞈ-a. Naw maꞈ guiˬ lahˬ shaˇ nehˬ laꞈ-euˬ baˬ da neh, aˬ yawꞈ nga maꞈ-ahˇ paˇ ka kʼoꞈ nehˬ laꞈ tehꞈ-a lehˇ nga maꞈ jah duˬ taˬ-euˬ ma. Tsawˇ haˬ gʼawˬ mya ni guiˬ lahˬ shaˇ-euˬ dawˬ Miˬyehˇ-ahˇ gaˬ leˇ-awˇ, nga maꞈ-ahˇ Miˬyehˇ guiˬ lahˬ biꞈ laꞈ tehꞈ-a. Tsawˇ haˬ gʼawˬ mya ni nga maꞈ-euˬ gʼaˇ duˬ Miˬyehˇ-euˬ guiˬ lahˬ-ahˇ ja ceuˬ tehꞈ-a.

1 Gawˇliˬtu 12:13

Kʼoeˇ loꞈ-ehˇ duˇ ni, aˬ dui dawˬ tawˆ luꞈ, Yuˇdaˆ tsawˇ haˬ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, Yaw sahˇ Miˬyehˇ neh gʼawˇ mawˇ tiˬ mawˇ laꞈ kʼoeˇ iˇ cuꞈ bi shawˇ gʼaˬ-awˇ, aˬ dui dawˬ tawˆ luꞈ Yaw sahˇ Miˬyehˇ tiˬ gʼaˬ-ahˇ tehꞈ-ehˇ dawˇ luꞈ-eu ma.

1 Gawˇliˬtu 1:10

Aˬ yuiꞈ aˬ nyiˇ Ka li zaˬ deuˬ-oˇ, aˬ dui-euˬ Sahˬpaˬ Yeˬsuˇ Ka li-euˬ tsawˇ myahˇ uˬ moˆ naw maꞈ-ahˇ ngaˇ heu loꞈ-ehˇ shaˇ mawꞈ-eu ma. Naw maꞈ aˇ muˇ maˬ ya muˇ paˆ-eu gʼaˇ duˬ, ngehˬ-eu tmˇ-eu laꞈ kʼoeˇ tsaˬ leˇ dzoeˇ leˇ-eu jeˬ bi ahˇ-awˬ. Nui ma tiˬ siˬ tehꞈ-ehˇ taˬ-awˇ, nui noeˬ tiˬ gaˇ taꞈ-awˬ.

Gʼaˬkʼehˇ 4:32

Jah-eu tsawˇ haˬ-euˬ aˇ muˇ kʼoeˇ muˇ-aˬ, nui ma tiˬ siˬ tehꞈ-ehˇ taˬ-awˇ, nui noeˬ tiˬ gaˇ taꞈ-eu meh. Yawˬ ha kʼaˇ jaˆ-eu myawˬ gahˬ-aˬ, yawˬ ha-euˬ tehꞈ ma lehˇ tiˬ gʼaˬ-iˬ maˬ ehˇ ni, kʼaˇ jaˆ-eu yawˬ jeˬ na luꞈ tiˬ kawˆ loꞈ-ehˇ geuꞈ-euˬ meh.

Gʼaˬkʼehˇ 2:46

Aˬ yawꞈ nah yawꞈ Uˬ duˬ tahˬ nymˇ nymˇ ma laꞈ kʼoeˇ tahˬ dzoeˇ-awˇ, aˬ yawꞈ maꞈ-euˬ nymˇ laꞈ kʼoeˇ laˬ kʼaˬ cehˇ-awˇ nui gaˬ shaˬ coeˇ byah-eu laꞈ kʼoeˇ dzaˬ taꞈ dawˇ taꞈ-euˬ meh.

Jaceuq 133:1

Miˬyehˇ-euˬ tsawˇ haˬ deuˬ nui ma taꞈ-awˇ dehꞈ-eu jeˬ, aˇ naˆ ni zahˬ leˇ paˬ-ehˇ gʼeh-awˇ, aˇ naˆ ni laˬ kʼaˬ cehˇ paˬ-ehˇ gʼeh-eu nga.

Jaceuq 122:3

Yeˬluˇsaˬlehˬ meuˬ-aˬ, haw muiˬ jawˇ muiˬ dui dui paˬ-ehˇ tsoˆ taˬ-euˬ meuˬ pyeuꞈ-eu meh.

Doˆ-iˇ 26:24

Laꞈ coeˇ-ahˇ taw-eu teˇ byaꞈ kʼoeˇ-aˬ, dawˬ pehˬ-ahˇ neh uˬ duˬ-ahˇ doˆ ni, tiˬ byaꞈ tiˇ byaꞈ ya bi tsoꞈ tawꞈ meh. Laꞈ coeˇ-ahˇ taw-eu teˇ byaꞈ kʼoeˇ nyiˬ byaꞈ-ahˇ, kʼoeˇ loꞈ-ehˇ taw-awˬ.

Doˆ-iˇ 36:28

Laꞈ coeˇ nyiˬ coeˇ-ahˇ taw-eu gʼaˇ duˬ, teˇ byaꞈ nyiˬ byaꞈ taꞈ-euˬ meh.

Doˆ-iˇ 36:30

Kʼoeˇ loꞈ-ehˇ, teˇ byaꞈ yehꞈ byaꞈ hawˇ-eu pyuˇ daˇ kʼahˇ tseˇ koꞈ kʼahˇ jahˇ-euˬ meh. Teˇ byaꞈ tiˬ byaꞈ gʼaˇ duˬ pyuˇ daˇ kʼahˇ nyiˬ kʼahˇ meh.