Doˆ-iˇ 36:1 - Akha

¹ “Muiˬ-eu shawˇ-eu Sehˬ gʼawˆ tsoꞈ-eu gʼaˇ duˬ, loˬ-eu jeˬ dawˬ tawˆ luꞈ-ahˇ aˬ joˆ-ehˇ ya jahˇ-eu gaˇ kawˆ siˬ nya-eu, Sahˬpaˬ Miˬyehˇ neh noeˬ doˆ mˇ doˆ nya-eu tsawˇ gahˇ biꞈ taˬ-euˬ Baˬzeˬlaˇ, Oˬhoˬliˆ hawˇ-eu, laꞈ myawˬ laꞈ muˆ mˇ nya-eu tsawˇ haˬ dawˬ tawˆ luꞈ, Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ, yawˬ jeˬ na luꞈ ya mˇ meh.”

Doˆ-iˇ 36:1 Referans Kwoze

Doˆ-iˇ 28:3

Ngaˬ neh dm gʼaˬ dm lmˇ guꞈ-eu jeˬ-ahˇ taꞈ leˇ-eu zaˬ siˬ tsawˇ gahˇ kʼaˇ biꞈ taˬ-euˬ tsawˇ haˬ dawˬ tawˆ luꞈ kuˇ uiˬ-awˇ, ngaˬ-euˬ gaˇ bi mˇ-eu lehˇ, Aˬloˬ-euˬ gʼawˇ mawˇ ngaˬ-ahˇ a nehˬ-eu gʼaˇ duˬ, Aˬloˬ-ahˇ dm gʼaˬ dm lmˇ guꞈ nehˬ-awˬ lehˇ ehˇ nehˬ-awˬ.

Doˆ-iˇ 39:1

Piˇ ma deuˬ muiˬ-eu shawˇ-eu jawˇ duˬ-ahˇ uˇ leˇ ngeh dm-eu gʼaˇ duˬ, nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ kahˇ deuˬ zaꞈ-awˇ, haw muiˬ dui dui-eu dm gʼaˬ dm lmˇ deuˬ aˬ yawꞈ ma guꞈ-euˬ meh. Sahˬpaˬ miˬyehˇ Moˇseˬ-ahˇ dawˬ biꞈ taˬ-euˬ loꞈ-ehˇ, Aˬloˬ gʼaˇ duˬ aˬ yawꞈ maꞈ dm gʼaˬ dm lmˇ guꞈ-euˬ meh.

Doˆ-iˇ 25:8

Iˇsaˬleˬlaˆ tsawˇ haˬ deuˬ nehˬ-ehˇ ngaˇ jawˇ-eu gʼaˇ duˬ, ngaˬ-euˬ gʼaˇ duˬ muiˬ-eu shawˇ-eu sehˬ gʼawˆ tiˬ gʼawˆ aꞈ yawꞈ maꞈ ya tsoˆ meh.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

HeˬByehˇ 8:2

Aˬ yawꞈ-aˬ, tsawˇ haˬ zaˬ neh tsoˆ-euˬ sehˬ gʼawˆ maˬ ngeuˇ-eu, Sahˬpaˬ Miˬyehˇ neh tsoˆ-euˬ maˇ maˇ ni gʼeh-eu sehˬ gʼawˆ laꞈ kʼoeˇ, Muiˬ dui shawˇ dui dui-eu Jawˇduˬ-ahˇ gaˇ mˇ-eu Piˇma Yaw huiˬ gʼaˬ pyeuꞈ-eu meh.

Jaceuq 119:6

Nawˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ ngaˇ haw tsoˆ taˬ ngeh, ngaˇ daˬ maˬ ga ni ya dehꞈ tehꞈ-a.

Bawˇtsahˬ 7:9

Ehˇ kʼawꞈ, Kawˇhaˆ aˇ jeuˬ-ahˇ laˆ lawˬ hawˇ-eu mawˇ neˇ mawˇ gaw Moˇseˬ maˬ biꞈ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ gaˇ-aˬ, aˬ yawꞈ maꞈ haw luꞈ pyaˆ luꞈ-eu muiˬ-eu shawˇ-eu mˇ myawˬ keu ka deuˬ-ahˇ, aˬ yawꞈ maꞈ-euˬ baꞈ pu kʼoeˇ taˆ ya baꞈ-eu gaˇ pyeuꞈ-eu meh.

Doˆ-iˇ 36:2

Sahˬpaˬ Miˬyehˇ neh laꞈ myawˬ laꞈ muˆ mˇ nya-eu zaˬ siˬ tsawˇ gahˇ biꞈ taˬ-euˬ nui ma keuˆ-eu tsawˇ haˬ deuˬ pyeuꞈ-eu, Baˬzeˬlaˇ, Awˬhawˇleˬbaˇ hawˇ-eu, gaˇ yaw muiˬ paˬ-ehˇ mˇ nya-eu tsawˇ haˬ deuˬ-ahˇ, Moˇseˬ kuˇ-awˇ, “Gaˇ mˇ dahˬ beh-awˬ” lehˇ ehˇ nehˬ-euˬ meh.

1 Sahˬpaˬ 7:14

Shiˇ dzeuˇ-euˬ aˬ yawꞈ-euˬ aˬ da gʼaˬ kʼawꞈ, Duˇlu meuˬ-ahˇ guiˬ shuiˇ tehˆ-euˬ ba jiˬ meh. Aˬ yawꞈ-euˬ aˬ ma-aˬ, Naˬtaˬliˇ tsawˇ jeuˬ pyeuꞈ-eu meh. Huˇlamˬ-aˬ, tsawˇ gahˇ ahˇ-awˇ, nya dui dui-eu ba jiˬ pyeuꞈ-eu meh. Guiˬ shuiˇ tehˆ gaˇ aˬ yuiꞈ geuꞈ-awˇ haw-eu pyaˆ-eu gʼaˇ duˬ sahˬ paˬ Sawˇlaˬmoˬ aˬ yawꞈ-ahˇ kuˇ ngeh, aˬ yawꞈ laˬ kʼaˬ tiˬ cehˇ laˇ-euˬ meh.

1 Laˬsaˬbaˬ 28:21

Uˬ duˬ tahˬ nymˇ nymˇ ma laꞈ kʼoeˇ yawˬ ha-ahˇ doˇ-eu gaˇ yawˬ ha mˇ-eu gʼaˇ duˬ piˇ ma deuˬ hawˇ-eu Leˬbiˇ tsawˇ haˬ deuˬ-ahˇ gaˇ biꞈ gʼaˬ taˬ-euˬ meh. Nymˇ tsoˆ gaˇ taꞈ leˇ-awˇ, aˬ yawꞈ jeˬ yawꞈ paw nya-eu tsawˇ haˬ deuˬ nawˬ-ahˇ caw ba-eu nui ma keuˆ-awˇ, miˇ kʼahˬ zaˬ dawˬ tawˆ luꞈ hawˇ-eu aˬ yuiꞈ aˬ tsu dawˬ tawˆ luꞈ, nawˬ-euˬ dawˬ naˇ haˬ tehꞈ-a.”

Doˆ-iˇ 12:28

Kʼoeˇ naˇ, aˬ yawꞈ maꞈ iˇ-awˇ, Moˇseˬ hawˇ-eu Aˬloˬ-ahˇ Sahˬpaˬ Miˬyehˇ neh dawˬ biꞈ-euˬ loꞈ-ehˇ mˇ-euˬ meh.

Doˆ-iˇ 31:11

tseˇ doˆ-euˬ deuˬ-ahˇ lehꞈ-eu tsiˇ maˬ ehˇ, muiˬ-eu shawˇ-eu jawˇ duˬ laꞈ kʼoeˇ zmˬ-eu doꞈ damˬ-eu tsiˇ yaw saw jeˬ maˬ ehˇ, heu deuˬ-ahˇ jahˇ ngeh, ngaˇ nawˬ-ahˇ dawˬ biꞈ taˬ-euˬ loꞈ-ehˇ, tiˬ pawꞈ-iˬ maˬ bi lehˬ-iˇ ni ya jahˇ meh.”

Doˆ-iˇ 38:23

Aˬ yawꞈ-ahˇ caw ba-eu gʼaˬ pyeuꞈ-eu Daˬ tsawˇ haˬ Aˬhiˇsaˬmaˇ-euˬ aˬ li Oˬhoˬliˆ-aˬ, ba jiˬ pyeuꞈ-eu uˬ taꞈ, gʼawˬ mya jeˬ noeˬ doˆ mˇ doˆ nya-awˇ, shawˇ jehˆ ni gʼeh-eu saˬ paˇ, nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ paˇ deuˬ zaꞈ-eu gʼaˬ kʼawꞈ pyeuꞈ-eu meh.

1 Laˬsaˬbaˬ 2:20

Huˇyaˆ-euˬ aˬ li-aˬ, Uˇliˆ pyeuꞈ-awˇ, aˬ yawꞈ-euˬ oeˬ paˬ-aˬ, Baˬzeˬlaˇ pyeuꞈ-eu meh.