Doˆ-iˇ 35:21 - Akha

²¹ Kʼoeˇ naˇ, Sahˬpaˬ Miˬyehˇ jawˇ-eu sehˬ gʼawˆ tsoˆ gaˇ nui ma keuˆ-eu tsawˇ haˬ yawˬ gʼaˬ na luꞈ, Sahˬpaˬ Miˬyehˇ-ahˇ damˬ nehˬ laˇ-euˬ meh. Uˬ duˬ tahˬ ngeh zmˬ-eu gʼaˇ duˬ loˬ-eu jeˬ hawˇ-eu, piˇ ma deuˬ-euˬ dm gʼaˬ dm lmˇ guꞈ-eu gʼaˇ duˬ loˬ-eu jeˬ, aˬ yawꞈ maꞈ damˬ nehˬ laˇ-euˬ meh.

Doˆ-iˇ 35:21 Referans Kwoze

Doˆ-iˇ 25:2

“Ngaˬ-ahˇ tiˬ jeˬ paˬ ya damˬ nehˬ laꞈ meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Tsawˇ haˬ aˬ geu gʼaˬ maˬ kaˬ, nui ma keuˆ-eu laꞈ kʼoeˇ, tiˬ jeˬ paˬ damˬ laˇ naˇ, ha geuꞈ nehˬ-awˬ.

1 Laˬsaˬbaˬ 29:14

“Ehˇ kʼawꞈ, ngaˇ hawˇ-eu ngaˬ-euˬ tsawˇ haˬ deuˬ nawˬ-ahˇ biꞈ nehˬ-eu tiˬ jeˬ-iˬ maˬ jaˆ. Aˬ jeˬ miˇ neh ehˇ naˇ, yawˬ jeˬ na luꞈ nawˬ neh biꞈ laꞈ-euˬ tehꞈ-ehˇ pyeuꞈ-awˇ, nawˬ neh biꞈ laꞈ-euˬ jeˬ nawˬ-ahˇ paˇ biꞈ kʼoꞈ nehˬ-eu tehꞈ ma.

Doˆ-iˇ 35:29

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, nui ma keuˆ-eu Iˇsaˬleˬlaˆ tsawˇ haˬ dawˬ tawˆ luꞈ, Sahˬpaˬ Miˬyehˇ-ahˇ damˬ nehˬ laˇ-euˬ meh.

Doˆ-iˇ 35:26

Ciꞈ myehꞈ caꞈ hm neh kʼawꞈ, aˬ yawꞈ maꞈ saˬ kahˇ shuiˇ-euˬ meh.

Doˆ-iˇ 35:5

Sahˬpaˬ Miˬyehˇ-ahˇ damˬ-awˬ. Sahˬpaˬ Miˬyehˇ-ahˇ kʼaˇ damˬ mawꞈ-eu tsawˇ haˬ deuˬ, shuiˇ maˬ ehˇ, pyuˇ maˬ ehˇ, guiˬ shuiˇ maˬ ehˇ,

Doˆ-iˇ 36:2

Sahˬpaˬ Miˬyehˇ neh laꞈ myawˬ laꞈ muˆ mˇ nya-eu zaˬ siˬ tsawˇ gahˇ biꞈ taˬ-euˬ nui ma keuˆ-eu tsawˇ haˬ deuˬ pyeuꞈ-eu, Baˬzeˬlaˇ, Awˬhawˇleˬbaˇ hawˇ-eu, gaˇ yaw muiˬ paˬ-ehˇ mˇ nya-eu tsawˇ haˬ deuˬ-ahˇ, Moˇseˬ kuˇ-awˇ, “Gaˇ mˇ dahˬ beh-awˬ” lehˇ ehˇ nehˬ-euˬ meh.

Doˆ-iˇ 35:22

Kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, nui ma keuˆ-eu tsawˇ haˬ yawˬ gʼaˬ na luꞈ, aˇ boꞈ boꞈ taˬ-euˬ taꞈ cmˬ deuˬ, shuiˇ naˬ bawˇ naˬ yoˆ deuˬ, shuiˇ laꞈ behˬ deuˬ, lahˇ dah deuˬ hawˇ-eu, kʼaˇ jaˆ-eu shuiˇ myawˬ guˇ deuˬ yuˇ laꞈ-awˇ, Sahˬpaˬ Miˬyehˇ-ahˇ damˬ nehˬ-euˬ meh.

2 Gawˇliˬtu 9:7

Kʼoeˇ miˇ neh, aˬ yawꞈ gʼaˬ yawꞈ yawˬ ha neh kʼaˇ noeˬ tsehˆ taˬ-euˬ loꞈ-ehˇ damˬ-awˬ. Nui ma maˬ keuˆ ni damˬ-eu maˬ ehˇ, aˬ cawˬ ehˇ-eu miˇ neh damˬ-eu maˬ ehˇ, taˬ bi pyeuꞈ. Aˬ jeˬ miˇ neh ehˇ naˇ, laˬ kʼaˬ tiˬ cehˇ damˬ-eu tsawˇ haˬ-ahˇ Miˬyehˇ gaˬ-eu meh.

2 Gawˇliˬtu 8:12

Damˬ mawꞈ-eu nui ma ahˇ naˇ, naw maꞈ kʼaˇ gʼeh nya-eu loꞈ-ehˇ damˬ-euˬ gaˇ Miˬyehˇ ha geuꞈ nehˬ laꞈ tehꞈ-a. Maˬ gʼeh nya gaˇ keuˆ ni damˬ-awˬ lehˇ maˬ ehˇ-a.

Maꞈtehˬ 12:34

Aˇ lawˇ uiˇ naˆ-euˬ zaˬ deuˬ-oˇ, naw maꞈ haiˬ dui dui-eu tsawˇ haˬ pyeuꞈ-eu-aˬ, dawˬ yaw muiˬ aˬ joˆ-ehˇ ngehˬ doˆ laꞈ nya nmˇ. Kʼaˬ meh-aˬ, nui ma laꞈ kʼoeˇ tiˬ byah ni shaˇ dawˆ taˬ-euˬ jeˬ ngehˬ doˆ laꞈ-eu meh.

Yeˬlaˬmiˇ 30:21

Aˬ yawꞈ maꞈ-ahˇ yawˬ ha-euˬ tsawˇ jeuˬ neh bi sheuˬ gʼeh-awˇ, yawˬ ha-euˬ tsawˇ haˬ neh bi uˆ lahˇ ma. Aˬ yawꞈ-ahˇ ngaˇ kuˇ-eu miˇ neh, ngaˬ-euˬ dawˬ peh aˬ yawꞈ jiˆ laˇ tehꞈ-a. Ngaˬ neh maˬ kuˇ-euˬ tsawˇ haˬ zaˬ, dawˬ peh jiˆ laˇ peuˬ meh loˇ lehˇ, ngaˇ Sahˬpaˬ Miˬyehˇ ehˇ-eu ma.

Dawqdaq 4:23

Dehꞈ jeˬ dehꞈ kawˆ nui ma-ahˇ doˆ le-euˬ miˇ neh, nui ma-ahˇ noeˬ-awˇ yaw dehꞈ dehꞈ-awˬ.

Jaceuq 110:3

Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

Eˇzaˬlaˬ 7:27

Eˇzaˬlaˬ ehˇ-eu, “Aˬ dui-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ Baˬbuˇloˬ sahˬ paˬ heu loꞈ-ehˇ taˬ huiˬ taˬ mahˇ ni aˬ yawꞈ jahˇ-euˬ meh.

1 Laˬsaˬbaˬ 29:9

Iˇsaˬleˬlaˆ tsawˇ haˬ deuˬ nui ma keuˆ-eu laꞈ kʼoeˇ Sahˬpaˬ Miˬyehˇ-ahˇ damˬ nehˬ-awˇ, pyuˇ shuiˇ myawˬ gahˬ gʼawˬ mya ni uiˬ laˇ taˬ-euˬ gaˇ ya mawˇ ngeh, aˬ yawꞈ maꞈ laˬ kʼaˬ cehˇ-eu meh. Sahˬ paˬ Daˬbiˇ kʼawꞈ laˬ kʼaˬ cehˇ dui dui-eu meh.

1 Laˬsaˬbaˬ 29:3

Ngaˬ neh biꞈ taˬ-euˬ heu deuˬ dawˬ tawˆ luꞈ uˬ taꞈ, Miˬyehˇ-euˬ Uˬ duˬ tahˬ nymˇ nymˇ ma-ahˇ ngaˇ gaˬ-eu miˇ neh, ngaˬ-euˬ shuiˇ hawˇ-eu pyuˇ deuˬ kʼawꞈ ngaˇ biꞈ-euˬ ma.

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

1 Laˬsaˬbaˬ 28:2

Daˬbiˇ aˬ yawꞈ maꞈ-euˬ mehˬ shi yawꞈ-awˇ heu loꞈ-ehˇ ehˇ-eu meh. “Ngaˬ-euˬ miˇ kʼahˬ zaˬ deuˬ-oˇ, ngaˇ ehˇ gaˇ tiˬ poˆ naˇ haˬ sheˇ. Dawˬ ma saˇ jaˇ Bahˬ keuˆ-ahˇ tiˬ jawˇ-iˬ maˬ paˇ baꞈ jiˆ ni bi jaˆ-eu gʼaˇ duˬ hawˇ-eu, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ kuiˇ bi cawˬ taˬ-eu gʼaˇ duˬ, nymˇ tiˬ nymˇ ngaˇ tsoˆ mawꞈ-eu ma. Aˬ yawꞈ-ahˇ taˬ huiˬ taˬ mahˇ-eu laꞈ kʼoeˇ, uˬ duˬ tahˬ nymˇ tiˬ nymˇ tsoˆ-eu lehˇ ngaˇ lehˬ hmˬ taˬ-euˬ ma.

2 Saˬmeuˬlaˆ 7:27

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-oˇ, gaˇ kawˆ heu deuˬ dawˬ tawˆ luꞈ, nawˬ-euˬ zaˬ kʼaˆ pyeuꞈ-eu ngaˬ-ahˇ pah mehˬ nehˬ laꞈ-awˇ, ngaˬ-euˬ zaˬ deuˬ uˆ deuˬ-ahˇ dzoeˬ dzaˬ bi oꞈ ma lehˇ nawˇ ngaˬ-ahˇ ehˇ-eu miˇ neh, ngaˇ nawˬ-ahˇ heu loꞈ-ehˇ guiˬlahˬ shaˇ peuˬ-eu ma.

Yaˇ kʼaˬ daˇ 5:12

Sheuˬ gʼeh-awˬ Diˬboˇlaˬ-oˇ, sheuˬ gʼeh-awˬ. Sheuˬ gʼeh-awˬ. Dawˬ caˇ caˇ-awˇ sheuˬ gʼeh-awˬ. Aˬbiˇnamˬ-euˬ aˬ li Baˬyehˇ-oˇ, mehˬ hu paw iˇ-awˬ. Nawˬ neh nyehꞈ mi-euˬ yehˇ deuˬ-ahˇ sheuˬawˇ mehˬ hu iˇ-awˬ.

Yaˇ kʼaˬ daˇ 5:9

Iˇsaˬleˬlaˆ yehˇ-euˬ aˬ yuiꞈ deuˬ hawˇ-eu, nui ma keuˆ-awˇ laˬ kʼaˬ tiˬ cehˇ guiˇ deuˆ-eu deuˬ nehˬ-ehˇ, ngaˇ nui ma taꞈ ma. Sahˬpaˬ Miˬyehˇ-ahˇ ja ceuˬ-awˬ.

Yaˇ kʼaˬ daˇ 5:3

Sahˬ paˬ deuˬ-oˇ, naˇ haˬ-awˬ. Uˆ lahˇ-eu aˬ yuiꞈ aˬ tsu deuˬ-oˇ, naˇ haˬ-awˬ. Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, ngaˇ caˇ dawˬ caˇ-awˇ ja ceuˬ ma. Tahˬ diˬ boe loe diˬ-awˇ ja ceuˬ ma.

Doˆ-iˇ 35:20

Kʼoeˇ ngeh, Iˇsaˬleˬlaˆ tsawˇ haˬ dawˬ tawˆ luꞈ gʼoꞈ-iˇ-euˬ meh.

1 Laˬsaˬbaˬ 29:8

Aˇ poeˬ kʼaˆ-eu kʼaˬ lo sehˇ kʼaˇ jaˆ-eu tsawˇ haˬ deuˬ kʼawꞈ, Uˬ duˬ tahˬ nymˇ nymˇ ma-ahˇ jaˆ-eu pyuˇ shuiˇ myawˬ gahˬ bi geuꞈ-eu lehˇ damˬ-euˬ meh. Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ shuiˇ myawˬ gahˬ deuˬ jeˬ hmˬ-eu gʼaˬ-aˬ, Leˬbiˇ tsawˇ jeuˬ pyeuꞈ-eu Geˬlaˬshoˬ aˇ jeuˬ Yeˬheˬlaˇ meh.

Eˇzaˬlaˬ 2:68

Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ kʼoeˇ deuˬ Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ gʼoꞈ keuˆ laˇ ngeh, Uˬ duˬ tahˬ nymˇ nymˇ ma-ahˇ aˬ yawꞈ yaw oeˇ tsahˇ-ahˇ paˇ tsoˆ-eu gʼaˇ duˬ, aˇ jeuˬ aˇ ca deuˬ kʼoeˇ taˆ aˬ yuiꞈ aˬ tsu geuꞈ-eu tiˬ paˆ na deuˬ, yawˬ ha nui ma keuˆ-eu loꞈ-ehˇ damˬ-euˬ meh.