Doˆ-iˇ 35:2 - Akha

² Naw maꞈ yawˬ ha-euˬ gaˇ mˇ-eu gʼaˇ duˬ, aˇ yamˬ koꞈ nah jaˆ-eu meh. Ehˇ kʼawꞈ, shiꞈ nah tiˬ nah-aˬ, Sahˬpaˬ Miˬyehˇ pyeuꞈ-eu ngaˬ-ahˇ a nehˬ taˬ-euˬ muiˬ-eu shawˇ-eu gʼaˬ naˬ-naˬ-eu aˇ nah pyeuꞈ-eu meh. Aˇ nah kʼoeˇ nah laꞈ kʼoeˇ, gaˇ mˇ-eu tsawˇ haˬ aˬ geu gʼaˬ maˬ kaˬ, sehꞈ nehˬ gaˇ ya daˬ tehꞈ-a.

Doˆ-iˇ 35:2 Referans Kwoze

Uˬ duˬ 23:3

Naw maꞈ gʼaˇ duˬ, yawˬ ha-euˬ gaˇ mˇ-eu aˇ nah koꞈ nah jaˆ-eu meh. Ehˇ kʼawꞈ, jawˇ nah pyeuꞈ-eu shiꞈ nah tiˬ nah-aˬ, gʼaˬ naˬ naˬ-eu aˇ nah pyeuꞈ-eu meh lehˇ, naw maꞈ ya noeˬ taˬ meh.

Doˆ-iˇ 34:21

“Naw maꞈ yawˬ ha-euˬ gaˇ mˇ-eu gʼaˇ duˬ aˇ nah koꞈ nah jaˆ-eu meh. Ehˇ kʼawꞈ, shiꞈ nah tiˬ nah-ahˇ, naw maꞈ gaˇ taˬ mˇ. Gaˇ tehˬ dui dui-eu deh yaˇ tsehˬ yamˬ hawˇ-eu cehˇ laˆ luiˆ yamˬ-ahˇ kʼawꞈ, aˇ nah heu nah-ahˇ naw maꞈ gaˇ maˬ ya mˇ-a.

Doˆ-iˇ 23:12

“Tiˬ jaw laꞈ kʼoeˇ, koꞈ nah gaˇ mˇ-awˬ. Ehˇ kʼawꞈ, nawˬ-euˬ zaˬ kʼaˆ deuˬ hawˇ-eu, nawˬ-ahˇ gʼaˬ mahˇ mahˇ dzaˬ-eu boeˇ miˬ siˬ kʼaˬ deuˬ maˬ ehˇ, nawˬ-euˬ jeˬ zaˬ deuˬ maˬ ehˇ, gʼaˬ naˬ ya naˬ ni, shiꞈ nah tiˬ nah-ahˇ nawˇ gaˇ maˬ ya mˇ-a.

Yoˇhaˬ 5:16

Kʼoeˇ ngeh neh naˇ, aˬ yawꞈ maꞈ Yeˬsuˇ-ahˇ laˆ shaˬ-eu jeˬ aˇ dahˬ beh-euˬ meh. Aˬ jeˬ miˇ neh ehˇ naˇ, Jawˇ nah ngeh nah aˬ yawꞈ aˬ cawˬ-ahˇ naˇ gawˇ laˆ taˬ nehˬ-euˬ meh.

Doˆ-iˇ 16:23

Aˬ yawꞈ maꞈ-ahˇ Moˇseˬ ehˇ-eu, “Ni shawˬ nah-aˬ, aˬ yawꞈ-ahˇ damˬ nehˬ taˬ-euˬ muiˬ-eu shawˇ-eu aˇ nah pyeuꞈ-eu meh lehˇ Sahˬpaˬ Miˬyehˇ ehˇ taˬ-euˬ meh. Teu miˇ neh, naw maꞈ kʼaˇ tehˬ ba dzaˬ mawꞈ-eu jeˬ iˬ nah tehˬ ba-awˇ, kʼaˇ caꞈ dzaˬ mawꞈ-eu jeˬ iˬ nah caꞈ taˬ-awˬ. Kʼaˇ dzeˇ laˇ-euˬ jeˬ ni shawˬ nah gʼaˇ duˬ taˬ taˬ-awˬ.”

Iˇsaˬyaˇ 58:13

Sahˬpaˬ Miˬyehˇ heu loꞈ-ehˇ ehˇ-eu meh. “Jawˇ nah muiˬ-eu shawˇ-eu meh lehˇ siˬ-awˇ, yawˬ ha-euˬ nui kʼahˇ maˬ poˆ ni jawˇ-eu uˬ taꞈ, ngaˬ-euˬ nah muiˬ nah shawˇ-ahˇ taˬ huiˬ-eu laꞈ kʼoeˇ, maˬ mˇ maˬ shaˇ maˬ iˇ maˬ laˇ tsehˆ ni jawˇ-awˇ, maˬ muiˬ dawˬ doeˇ maˬ ngehˬ maˬ tmˇ doˆ ni jawˇ naˇ,