Doˆ-iˇ 34:7 - Akha

⁷ Ngaˬ-euˬ saˇ jaˇ-aˬ, tsawˇ haˬ zaˬ-euˬ ziˇ aˇ heˇ aˇ muiˇ ziˇ keuˆ ni ziꞈ-awˇ, maˬ muiˬ maˬ jaˬ-eu jeˬ hawˇ-eu iˬ baˇ-ahˇ ngaˇ oˇ dzeuˇ nya-eu ma. Ehˇ kʼawꞈ, aˬ ma aˬ da aˬ piˬ aˬ bawˇ deuˬ iˬ baˇ mˇ-eu baˬ da neh, aˬ yawꞈ maꞈ-euˬ aˬ buˇ aˬ li hawˇ-eu oeˬ paˬ oeˬ ma deuˬ-ahˇ, smˬ ziˇ oeˬ ziˇ keuˆ ni, maˬ bi dzeuˇ-iˇ ni ngaˇ kʼehˬ nehˬ ma.”

Doˆ-iˇ 34:7 Referans Kwoze

Jaceuq 103:3

Ngaˬ-euˬ iˬ baˇ dawˬ tawˆ luꞈ aˬ yawꞈ pyehˬ nehˬ laꞈ-awˇ ngaˬ-euˬ naˇ gawˇ dawˬ tawˆ luꞈ aˬ yawꞈ laˆ taˬ nehˬ laꞈ-eu meh.

Eˇpeˇsu 1:7

Aˬ jeˬ miˇ neh ehˇ naˇ, Ka li kamˇ shiˇ-euˬ baˬ da neh aˬ dui ya buˬ-iˇ-awˇ, aˬ dui-euˬ iˬ baˇ-ahˇ pyehˬ nehˬ laꞈ-euˬ meh. Miˬyehˇ gʼawˬ shaˬ gaˬ-eu guiˬ lahˬ kʼoeˇ aˇ naˆ ni huiˬ-eu nga.

Yeˬlaˬmiˇ 32:18

Tsawˇ haˬ aˇ heˇ aˇ muiˇ gʼaˬ kʼoeˇ taˆ, nawˬ-euˬ gʼoeˇ-eu gaˬ-eu jeˬ maˬ tsehˆ leˇ ni nawˇ bi mawˇ-euˬ meh. Ehˇ kʼawꞈ, aˬ ma aˬ da deuˬ neh mˇ-euˬ iˬ baˇ baˬ da neh, zaˬ ziˇ-ahˇ keuˆ ni nawˇ kʼehˬ nehˬ kʼaˆ nehˬ-euˬ meh. Nawˇ-aˬ, baoˬ huiˬ dui dui-eu Miˬyehˇ meh. Nawˇ-aˬ, baoˬ huiˬ-eu Sahˬpaˬ Miˬyehˇ meh.

1 Yoˇhaˬ 1:9

Ehˇ kʼawꞈ, aˬ dui iˬ baˇ ahˇ-eu ngeuˇ ma lehˇ Miˬyehˇ-ahˇ ja doˆ nehˬ naˇ, aˬ yawꞈ neh saˇ jaˇ dzaˬ taˬ-euˬ dawˬ-ahˇ ziꞈ-awˇ yaw tsaˬ yaw dawˇ dawˇ-ehˇ mˇ-eu laꞈ kʼoeˇ, aˬ dui-ahˇ iˬ baˇ pyehˬ nehˬ laꞈ-awˇ, mˇ lehˬ mˇ ca taˬ-euˬ dawˬ tawˆ luꞈ-ahˇ tsiˬ shawˇ dzeh nehˬ laꞈ tehꞈ-a.

Daˬyeˬlaˇ 9:9

Nga maꞈ nawˬ-ahˇ puiˬ-euˬ kʼawꞈ, nawˇ gʼawˬ shaˬ gaˬ-awˇ iˬ baˇ pyehˬ nehˬ laꞈ-euˬ meh.

Jaceuq 130:4

Ehˇ kʼawꞈ nawˬ-euˬ mehˬ shi nga maꞈ guˆ-awˇ yawꞈ laˇ coeˇ ni, iˬ baˇ pyehˬ nehˬ laꞈ-awˬ.

Yawˇbaˆ 10:14

Ngaˬ-ahˇ iˬ baˇ maˬ pyehˬ nehˬ ni kʼehˬ-eu gʼaˇ duˬ, ngaˇ iˬ baˇ mˇ nga loˇ lehˇ nawˇ haw luꞈ-eu meh.

Doˆ-iˇ 23:7

Maˬ tsaˬ maˬ dawˇ-eu laꞈ kʼoeˇ, aˬ cawˬ-ahˇ iˬ baˇ taˬ-awˇ, yaˇ kʼaˬ maˬ ya ja-a. Maˬ lehˬ maˬ ca-eu tsawˇ haˬ-ahˇ maˬ ya sehꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ maˬ tsaˬ maˬ dawˇ-eu jeˬ mˇ-eu tsawˇ haˬ-ahˇ, ngaˇ iˬ baˇ maˬ pyehˬ nya-a.

Naˬhmˬ 1:6

Aˬ yawꞈ nui ma pehˇ-eu jeˬ-ahˇ, dehꞈ dzeuˇ nya-eu aˬ suˇ jawˇ ta. Nui pehˇ miˬ lmˇ shehˆ daˆ leꞈ ngeh, lo gahˬ lo guˇ byaˆ ka le-awˇ, kʼaˬ lehˇ loꞈ-ehˇ meuˇ jiˇ-eu meh.

Daˬyeˬlaˇ 9:4

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ jeuˬ-euˬ iˬ baˇ ehˇ doˆ nehˬ-euˬ ma. “Sahˬpaˬ Miˬyehˇ pyeuꞈ-eu Miˬyehˇ-oˇ, nawˇ-aˬ, huiˬ dui mahˇ dui dui-eu gʼaˬ meh. Nawˬ-ahˇ nga maꞈ taˬ huiˬ taˬ mahˇ-eu ma. Nawˬ-euˬ dawˬ ma saˇ jaˇ-ahˇ nawˇ maˬ byehˇ dzeh ni, nawˬ-ahˇ gaˬ-awˇ, nawˬ-euˬ dawˬ-ahˇ naˇ haˬ geuꞈ-eu tsawˇ haˬ deuˬ kʼoeˇ taˆ, nawˬ-euˬ gʼoeˇ-eu gaˬ-eu jeˬ tiˬ jawˇ-iˬ maˬ tsehˆ-iˇ-a.

HeˬByehˇ 12:29

Aˬ jeˬ miˇ neh ehˇ naˇ, aˬ dui-euˬ Miˬyehˇ-aˬ, maˇ maˇ ni laˆ luˬ laˆ seˇ-eu miˬ dzaˬ pyeuꞈ-eu meh.

Eˇpeˇsu 4:32

Ka li laꞈ kʼoeˇ Miˬyehˇ naw maꞈ-ahˇ iˬ baˇ pyehˬ nehˬ laꞈ-euˬ loꞈ-ehˇ, naw maꞈ kʼawꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ gʼawˬ shaˬ gaˬ-awˇ iˬ baˇ pyehˬ-awˬ.

Jaceuq 86:15

Ehˇ kʼawꞈ Sahˬpaˬ Miˬyehˇ-oˇ, nawˇ-aˬ gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu Miˬyehˇ pyeuꞈ-eu uˬ taꞈ, nui ma gʼawˬ mahˇ ni taˬ nya-awˇ gʼawˬ shaˬ gaˬ-eu laꞈ kʼoeˇ, saˇ jaˇ ziꞈ-eu meh.

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Neˬhaˬmiˇ 9:32

Miˬyehˇ-oˇ, Nga maꞈ-euˬ Miˬyehˇ-oˇ, nawˇ aˇ naˆ ni huiˬ-eu mahˇ-eu nga. Aˇ naˆ ni guˆ laˇ paˬ-ehˇ gʼeh-awˇ, aˇ naˆ ni baoˬ huiˬ-eu nga. Nawˬ-euˬ dawˬ ma saˇ jaˇ-ahˇ nawˇ ziꞈ-eu meh. Aˬshuˇliˆ sahˬ paˬ deuˬ nga maꞈ-ahˇ kʼehˬ ngeh neh iˬ nah keuˆ ni, nga maꞈ aˇ naˆ ni ya shaˬ ya zahˬ-euˬ nga. Nga maꞈ-euˬ sahˬ paˬ deuˬ, aˬ yuiꞈ aˬ tsu deuˬ, piˇ ma deuˬ hawˇ-eu, Miˬyehˇ gʼaˇ duˬ ngehˬ dah-eu deuˬ maˬ ehˇ, nga maꞈ-euˬ aˬ poeˬ aˬ bawˇ deuˬ hawˇ-eu nga maꞈ-euˬ tsawˇ haˬ dawˬ tawˆ luꞈ maˬ ehˇ, ya shaˬ ya zahˬ-euˬ ma. Nga maꞈ aˇ naˆ ni ya daˬ-euˬ gaˇ noeˬ keuˆ nehˬ laꞈ-awˬ.

Neˬhaˬmiˇ 1:5

“Mˬ taˆ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ huiˬ dui mahˇ dui dui-awˇ, nga maꞈ nawˬ-ahˇ guˆ-eu laꞈ kʼoeˇ yawꞈ luꞈ-eu ma. Nawˬ-ahˇ gaˬ-awˇ nawˬ neh kʼaˇ ehˇ taˬ-euˬ loꞈ-ehˇ mˇ-eu tsawˇ haˬ deuˬ-ahˇ nawˇ dawˬ ma saˇ jaˇ ziꞈ-eu meh.

Gʼaˬkʼehˇ 13:38

Kʼoeˇ miˇ neh, aˬ yuiꞈ aˬ nyiˇ deuˬ-oˇ, naw maꞈ heu loꞈ-ehˇ siˬ duˬ-awˬ. Yeˬsuˇ baˬ da neh iˬ baˇ pyehˬ nehˬ-eu jeˬ-ahˇ za-eu gaˇ kawˆ naw maꞈ-ahˇ bya cehˆ ni bi gaˬ keuˆ le-awˇ,

Gʼaˬkʼehˇ 5:31

Iˇsaˬleˬlaˆ tsawˇ haˬ deuˬ iˬ baˇ noeˬ poˆ-awˇ, iˬ baˇ pyehˬ nehˬ-eu jeˬ-ahˇ za nya ni, Miˬyehˇ-euˬ aˇ maˇ paw aˬ yawꞈ-ahˇ ciˬ huiˬ keuˆ nehˬ-awˇ, Sheuˬ gʼeh-eu gʼaˬ hawˇ-eu Ka kʼoꞈ-eu gʼaˬ bi pyeuꞈ laˇ-euˬ meh.

Yawˇshuˆ 24:19

Iˇsaˬleˬlaˆ tsawˇ haˬ deuˬ-ahˇ Yawˇshuˆ ehˇ nehˬ-eu, “Ehˇ kʼawꞈ, Sahˬpaˬ Miˬyehˇ-ahˇ naw maꞈ uˬ duˬ maˬ tahˬ nya-eu paˬ. Aˬ yawꞈ-aˬ, muiˬ-eu shawˇ-eu Miˬyehˇ pyeuꞈ-awˇ, naw maꞈ-euˬ iˬ baˇ-ahˇ maˬ pyehˬ nehˬ-a. Miˬ yehˇ nui gʼaˬ-ahˇ uˬ duˬ tahˬ-eu jeˬ-ahˇ aˬ yawꞈ iˬ baˇ maˬ pyehˬ nehˬ nya-a.

Dawˬmehˬ 32:35

Aˬ yawꞈ neh laꞈ poˆ bi poˆ-awˇ, muiˇ-eu deuˬ ya coˬ dzeh-iˇ-eu, aˇ nah kʼoeˇ nah peh le luꞈ meh.

Doˆ-iˇ 23:21

Aˬ yawꞈ-ahˇ haw tsoˆ taˬ-awˇ, aˬ yawꞈ-euˬ ehˇ dawˬ naˇ haˬ-awˬ. Aˬ yawꞈ-aˬ, ngaˬ neh kʼehˇ gʼeh leꞈ-euˬ gʼaˬ pyeuꞈ-eu miˇ neh, naw maꞈ aˬ yawꞈ-ahˇ puiˬ naˇ, aˬ yawꞈ naw maꞈ-ahˇ iˬ baˇ maˬ pyehꞈ-a.

Panmaeq 21:8

Ehˇ kʼawꞈ, guˆ-eu nui ma ahˇ-eu tsawˇ haˬ, saˇ jaˇ puiˬ-eu tsawˇ haˬ, yaw jawꞈ jeˬ mˇ-eu tsawˇ haˬ, tsawˇ haˬ sehꞈ-eu tsawˇ haˬ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, mah loˬ ja maw zmˬ-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, jaˬ myawꞈ mehˇ shuiˇ shuiˇ-eu tsawˇ haˬ, heu loꞈ-ehˇ gʼeh-eu deuˬ-ahˇ oꞈ-eu jawˇ duˬ-aˬ, nyiˬ poˆ tiˬ poˆ shiˇ-eu jeˬ pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ doꞈ luꞈ-eu lah kʼoeˇ lah meh.

Panmaeq 20:15

Dehꞈ-eu saꞈ laˇ sahˬ boꞈ laꞈ kʼoeˇ tsawˇ myahˇ maˬ kʼaˇ ahˇ-eu tsawˇ haˬ deuˬ-aˬ, miˬ dzaˬ lah-ahˇ bi baꞈ puꞈ jiˇ-euˬ meh.

Luˇkaꞈ 7:48

Kʼoeˇ naˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Nawˬ-euˬ iˬ baˇ pyehˬ nehˬ gʼaˬ-euˬ ma.”

Luˇkaꞈ 7:42

Nyiˬ gʼaˬ luꞈ dziˇ dzoˆ maˬ tsoeˬ kʼoꞈ nya-eu miˇ neh, maˬ bi tsoeˬ kʼoꞈ ni byehˇ nehˬ-euˬ meh. Aˬ yawꞈ nyaꞈ laꞈ kʼoeˇ, aˬ geu gʼaˬ pyuˇ paˇ nehˬ-euˬ kʼoeˇ gʼaˬ-ahˇ gaˬ dzehˬ nmˇ.”

Maꞈtehˬ 12:31

Kʼoeˇ miˇ neh, ngaˇ naw maꞈ-ahˇ heu loꞈ-ehˇ ehˇ-eu ma. Tsawˇ haˬ zaˬ neh kʼaˇ mˇ bahˬ-euˬ yawˬ jeˬ na luꞈ hawˇ-eu, yehˬ bawˬ sehˇ lu-ehˇ kʼaˇ ehˇ-euˬ yawˬ jeˬ na luꞈ-ahˇ, Miˬ yehˇ iˬ baˇ pyehˬ nehˬ nya tehꞈ-a. Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ-ahˇ yehˬ bawˬ sehˇ lu-ehˇ ehˇ-euˬ jeˬ-ahˇ, iˬ baˇ maˬ pyehˬ nehˬ nya-a.

Miˇkaˬ 6:11

Maˬ tsaˬ-eu paˆ yawˬ hawˇ-eu lu jawꞈ-i zmˬ-eu deuˬ-ahˇ ngaˇ aˬ joˆ-ehˇ iˬ baˇ pyehˬ nehˬ nmˇ.

Iˇsaˬyaˇ 45:21

Naw maꞈ gaˇ kawˆ ja duˬ laˇ sheˇ. Tiˬ kawˆ loꞈ-ehˇ bawˬ dzaˬ-awˇ ja duˬ sheˇ. Mehˬ hu paw pyeuꞈ laˇ-eu gaˇ kawˆ deuˬ-ahˇ, aˇ hu ba neh ehˇ jiˇ taˬ-euˬ aˬ suˇ gʼaˬ-aˬ. Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu Miˬyehˇ pyeuꞈ-eu, ngaˇ Sahˬpaˬ Miˬyehˇ neh ehˇ jiˇ taˬ-euˬ maˬ ngeuˇ-a loˇ. Miˬ yehˇ nui gʼaˬ aˬ gaˇ jawˇ ta.

Jaceuq 136:15

Ehˇ kʼawꞈ Iˇjiˇtuˆ sahˬ paˬ hawˇ-eu aˬ yawꞈ-euˬ guiˇ maꞈ deuˬ-ahˇ, kʼoeˇ gaˇ bi ga nuiꞈ sehꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 136:10

Iˇjiˇtuˆ tsawˇ haˬ dehꞈ beh beh le-euˬ aˬ li aˬ yuiꞈ deuˬ-ahˇ aˬ yawꞈ sehꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Maꞈtehˬ 6:12

Aˬ cawˬ mˇ bahˬ laꞈ-euˬ jeˬ-ahˇ, nga maꞈ iˬ baˇ pyehˬ-euˬ loꞈ-ehˇ, nga maꞈ mˇ bahˬ taˬ-euˬ jeˬ-ahˇ, nawˇ iˬ baˇ pyehˬ nehˬ laꞈ.

Aˇ dahˬ 19:16

Kʼoeˇ loꞈ-ehˇ ehˇ nehˬ gʼaˬ-euˬ kʼawꞈ, Lawˇtaˬ nyi naˬ nyi naˬ-ehˇ jawˇ-eu meh. Ehˇ kʼawꞈ, Sahˬpaˬ Miˬyehˇ aˬ yawꞈ-ahˇ gʼawˬ shaˬ gaˬ-eu miˇ neh, aˬ yawꞈ-ahˇ maˬ ehˇ, aˬ yawꞈ-euˬ miˬ zaˬ hawˇ-eu aˬ yawꞈ-euˬ aˬ buˇ nyiˬ buˇ-ahˇ maˬ ehˇ, mˬ taˆ gʼaˬ kʼehˇ deuˬ neh aˬ laꞈ-ahˇ bi nyehꞈ tehˬ-awˇ, meuˬ-euˬ laꞈ nyiˇ paw bi tsahˇ doˆ gʼeh-euˬ meh.

Doˆ-iˇ 33:19

Sahˬpaˬ Miˬyehˇ ehˇ-eu, “Ngaˬ-euˬ yaw muiˬ yaw jaˬ jeˬ dawˬ tawˆ luꞈ nawˬ-euˬ dawˬ peh bi oe tsehˆ-awˇ, muiˬ-eu shawˇ-eu ngaˬ-euˬ tsawˇ myahˇ-ahˇ nawˬ-euˬ mehˬ shi ngaˇ kuˇ ma. Ngaˇ-aˬ, Sahˬpaˬ Miˬyehˇ pyeuꞈ-awˇ, ngaˇ caw ba mawꞈ-eu deuˬ-ahˇ ngaˇ caw ba-awˇ, ngaˇ gʼawˬ shaˬ gaˬ mawꞈ-eu deuˬ-ahˇ ngaˇ gʼawˬ shaˬ gaˬ ma.

Doˆ-iˇ 34:9

Aˬ yawꞈ ehˇ-eu, “Sahˬpaˬ Miˬyehˇ-oˇ, nawˇ ngaˬ-ahˇ aˬ diˇ aˬ maˇ nui ma tsaˬ naˇ, nga maꞈ nehˬ-ehˇ tiˬ kawˆ loꞈ-ehˇ le nehꞈ laꞈ lehˇ shaˇ-eu ma. Tsawˇ haˬ heu deuˬ-aˬ, nui ma gʼahˇ dui dui-eu meh. Ehˇ kʼawꞈ, nga maꞈ-euˬ maˬ muiˬ maˬ jaˬ-eu jeˬ hawˇ-eu mˇ lehˬ laˆ lehˬ-euˬ deuˬ-ahˇ iˬ baˇ pyehˬ nehˬ laꞈ-awˇ, nawˬ-euˬ tsawˇ haˬ loꞈ-ehˇ nga maꞈ-ahˇ ha geuꞈ nehˬ laꞈ-awˬ.”

Dawˬmehˬ 7:9

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ tiˬ gʼaˬ tehꞈ-ehˇ aˬ diˇ aˬ maˇ Miˬyehˇ pyeuꞈ-eu gaˇ maˬ ehˇ, aˬ yawꞈ-euˬ saˇ jaˇ ziꞈ-eu jeˬ-ahˇ maˬ ehˇ, naw maꞈ maˬ ngehˇ ni noeˬ keuˆ-awˬ. Aˬ yawꞈ-ahˇ gaˬ-awˇ aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-eu tsawˇ haˬ deuˬ-ahˇ, tiˬ heˇ ziˇ keuˆ ni aˬ yawꞈ dawˬ ma saˇ jaˇ ziꞈ-awˇ, maˬ tsehˆ leˇ-eu gʼoeˇ-eu gaˬ-eu jeˬ bi mawˇ tehꞈ-a.

Dawˬmehˬ 7:10

Ehˇ kʼawꞈ, aˬ yawꞈ-ahˇ bye-eu tsawˇ haˬ-ahˇ aˬ yawꞈ maˬ nyi naˬ ni kʼehˬ nehˬ kʼaˆ nehˬ tehꞈ-a.

1 Sahˬpaˬ 8:30

Ngaˇ maˬ ehˇ, nawˬ-euˬ tsawˇ haˬ deuˬ maˬ ehˇ, jawˇ duˬ heu tsahˇ-ahˇ mehˬ shiˬ pyawˇ-awˇ guiˬ lahˬ shaˇ ngeh, nawˇ naˇ haˬ nehˬ laꞈ-awˬ. Mˬ kʼoeˇ taˆ jaˆ-eu nawˬ-euˬ nymˇ-ahˇ jawˇ-awˇ, nga maꞈ-euˬ shaˇ dawˬ naˇ haˬ nehˬ laꞈ-eu laꞈ kʼoeˇ, nga maꞈ-ahˇ iˬ baˇ pyehˬ nehˬ laꞈ-awˬ.

2 Laˬsaˬbaˬ 30:9

Naw maꞈ Sahˬpaˬ Miˬyehˇ jawˇ paw gʼoꞈ laˇ naˇ, naw maꞈ-euˬ aˬ yuiꞈ aˬ nyiˇ deuˬ-ahˇ nyehꞈ gʼeh-euˬ tsawˇ haˬ deuˬ naw maꞈ-euˬ aˬ yuiꞈ aˬ nyiˇ kʼoeˇ deuˬ-ahˇ gʼawˬ shaˬ haw gaˬ-awˇ, iˇ kʼahˇ-ahˇ bi gʼoꞈ laˇ tehꞈ-a. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, caw ba nya-eu miˇ neh, naw maꞈ aˬ yawꞈ jawˇ paw gʼoꞈ laˇ naˇ, aˬ yawꞈ naw maꞈ-ahˇ ha geuꞈ nehˬ laꞈ tehꞈ-a.”

Yeˬlaˬmiˇ 9:24

Ngaˬ-euˬ gʼoeˇ-eu gaˬ-eu jeˬ aˬ myah luꞈ ziꞈ-awˇ, ngaˇ yaw tsaˬ yaw dawˇ jeˬ mˇ-eu miˇ neh, kʼahˬ sehˇ kʼaˇ jehˆ mawꞈ-eu tsawˇ haˬ, ngaˬ-ahˇ siˬ nya-eu jeˬ gaˇ kawˆ kʼahˬ sehˇ jehˆ-awˬ. Kʼoeˇ loꞈ-ehˇ mˇ gaˇ ngaˇ nui kʼahˇ shiˇ-eu ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

1 Sahˬpaˬ 8:32

Sahˬpaˬ Miˬyehˇ nawˇ mˬ kʼoeˇ taˆ jawˇ-awˇ naˇ haˬ-eu laꞈ kʼoeˇ, nawˬ-euˬ zaˬ kʼaˆ deuˬ-ahˇ yaˇ kʼaˬ daˇ nehˬ-awˬ. Lehˬ-eu gʼaˬ lehˬ-eu bymˇ bi tawˆ-awˇ, tsaˬ-eu gʼaˬ tsaˬ-eu bymˇ bi tawˆ-awˬ.

Jaceuq 25:11

SahˬpaˬMiˬyehˇtsawˇmyahˇbaˬda, ngaˬ-ahˇ iˬbaˇ pyehˬnehˬlaꞈ-awˬ. Iˬbaˇ myaˬdui kah dui dui nya.

Jaceuq 99:8

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ tsawˇ haˬ deuˬ-euˬ shaˇ dawˬ-ahˇ nawˇ naˇ haˬ nehˬ-euˬ meh. Aˬ yawꞈ maꞈ-euˬ iˬ baˇ baˬ da neh kʼehˬ nehˬ kʼaˆ nehˬ taˬ-euˬ jaˆ kʼawꞈ, nawˇ iˬ baˇ pyehˬ-eu Miˬyehˇ pyeuꞈ-eu gaˇ kawˆ, aˬ yawꞈ maꞈ-ahˇ bi siˬ bi mawˇ-euˬ meh.

Jaceuq 109:14

Aˬ yawꞈ-euˬ aˬ poeˬ aˬ bawˇ-euˬ iˬ baˇ-ahˇ Sahˬpaˬ Miˬyehˇ maˬ ngehˇ-ehˇ, aˬ yawꞈ aˬ ma-euˬ iˬ baˇ maˬ pyehˬ nehˬ ni bi jaˆ luꞈ-uˇ.

Yeˬlaˬmiˇ 30:11

Naw maꞈ jawˇ gaˇ ngaˇ oe-awˇ ka kʼoꞈ ma. Naw maꞈ-ahˇ ngaˇ teh byaˆ taˬ-euˬ miˇ kʼahˬ kʼoeˇ deuˬ laꞈ kʼoeˇ, aˬ cawˬ tsawˇ jeuˬ dawˬ tawˆ luꞈ-ahˇ ngaˇ laˆ cawˆ kʼawꞈ, naw maꞈ-ahˇ ngaˇ maˬ laˆ cawˆ nehˬ. Naw maꞈ-ahˇ ngaˇ maˬ kʼehˬ ni-aˬ maˬ bi dzeuˇ-iˇ. Ehˇ kʼawꞈ naw maꞈ-ahˇ ngaˇ kʼehˬ ngeh, aˬ za za-ehˇ kʼehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”