Doˆ-iˇ 34:32 - Akha

³² Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ aˬ yawꞈ dawˬ peh uiˬ leˇ-awˇ, Siˇnaˆ gawˬ jawˬ kʼoeˇ taˆ, Sahˬpaˬ Miˬyehˇ neh aˬ yawꞈ-ahˇ biꞈ nehˬ-euˬ zahˇ dawˬ kʼoꞈ dawˬ dawˬ tawˆ luꞈ, aˬ yawꞈ maꞈ-ahˇ Moˇseˬ biꞈ nehˬ-euˬ meh.

Doˆ-iˇ 34:32 Referans Kwoze

1 Gawˇliˬtu 15:3

Ngaˬ neh za taˬ-euˬ huiˬ dui dui-eu gaˇ kawˆ naw maꞈ-ahˇ ngaˇ biꞈ nehˬ-euˬ ma. Kʼoeˇ-aˬ, Jaˇliꞈ laꞈ kʼoeˇ boꞈ taˬ-euˬ loꞈ-ehˇ, aˬ dui-euˬ iˬ baˇ gʼaˇ duˬ Ka li shiˇ-euˬ gaˇ kawˆ hawˇ-eu,

1 Gawˇliˬtu 11:23

Ngaˬ neh naw maꞈ-ahˇ mehˬ-euˬ tsoˆ-euˬ dawˬ kʼoeˇ deuˬ Sahˬpaˬ Yeˬsuˇ jawˇ gaˇ ngaˇ za taˬ-euˬ ma. Sahˬ paˬ Yeˬsuˇ-aˬ, aˬ yawꞈ-ahˇ bi ahˬ dzaˬ ngeh miˇ, kaˬ muˇ yuˇ-awˇ,

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

1 Sahˬpaˬ 22:14

Ehˇ kʼawꞈ, Miˇkaˬyaˇ ehˇ-eu,“Sahˬpaˬ Miˬyehˇ neh kʼaˇ bi ehˇ-euˬ jeˬ tehꞈ-ehˇ ngaˇ ehˇ ma lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ saˇ jaˇ dzaˬ-eu ma.”

Bawˇtsahˬ 15:40

Ngaˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ ni dawˬ sheuˇ kʼoeˇ naw maꞈ-ahˇ aˬ myah luꞈ bi noeˬ mawˇ-awˇ, naw maꞈ maˇ maˇ ni ngaˬ-ahˇ taꞈ tehꞈ-a.

Doˆ-iˇ 24:3

Iˇsaˬleˬlaˆ tsawˇ haˬ deuˬ jawˇ gaˇ Moˇseˬ iˇ-awˇ, Sahˬpaˬ Miˬyehˇ neh biꞈ nehˬ-euˬ dawˬ deuˬ hawˇ-eu zahˇ sahˇ kʼoꞈ deuˬ, aˬ yawꞈ maꞈ-ahˇ dzawˇ mehˬ nehˬ-euˬ meh. Kʼoeˇ ngeh, tsawˇ haˬ dawˬ tawˆ luꞈ, “Sahˬpaˬ Miˬyehˇ neh kʼaˇ ehˇ taˬ-euˬ yawˬ jeˬ na luꞈ nga maꞈ mˇ ma” lehˇ ehˇ-eu meh.

Doˆ-iˇ 21:1

“Zahˇ sahˇ kʼoꞈ heu deuˬ, Iˇsaˬleˬlaˆ tsawˇ haˬ deuˬ-ahˇ biꞈ nehˬ-awˬ.

Doˆ-iˇ 34:31

Ehˇ kʼawꞈ, Moˇseˬ aˬ yawꞈ maꞈ-ahˇ kuˇ ngeh, Aˬloˬ hawˇ-eu aˬ yuiꞈ aˬ tsu deuˬ dawˬ tawˆ luꞈ le-awˇ, aˬ yawꞈ maꞈ-ahˇ Moˇseˬ dawˬ ngehˬ cawˬ-euˬ meh.

Doˆ-iˇ 34:33

Aˬ yawꞈ maꞈ-ahˇ a yawꞈ dawˬ ngehˬ cawˬ gʼaˬ ngeh, aˬ yawꞈ-euˬ myaˆ pyawˬ-ahˇ paˇ jeh yuˇ-awˇ dehˬ kaˬ-euˬ meh.

Doˆ-iˇ 35:1

Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ-ahˇ Moˇseˬ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Naw maꞈ heu loꞈ-ehˇ ya mˇ meh lehˇ, Sahˬpaˬ Miˬyehˇ dawˬ biꞈ taˬ-euˬ meh.