Doˆ-iˇ 34:29 - Akha

²⁹ Moˇseˬ zahˇ dawˬ kʼoꞈ dawˬ tseˇ dawˬ yuˇ-awˇ, Siˇnaˆ gawˬ jawˬ-ahˇ neh zaꞈ ka le ngeh, aˬ yawꞈ-euˬ myaˆ pyawˬ yaw shehꞈ bya luꞈ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ-ahˇ aˬ yawꞈ dawˬ ngehˬ cawˬ yaꞈ-euˬ miˇ neh meh. Ehˇ kʼawꞈ, aˬ yawꞈ-euˬ myaˆ pyawˬ yaw shehꞈ bya luꞈ-eu aˬ yawꞈ maˬ siˬ nya-a.

Doˆ-iˇ 34:29 Referans Kwoze

Maꞈtehˬ 17:2

A ha smˇ gʼaˬ-euˬ mehˬ shi, Yeˬsuˇ gʼawˇ mawˇ paˇ-euˬ meh. Aˬ yawꞈ-euˬ myaˆ pyawˬ nahˇ ma loꞈ-ehˇ yaw shehꞈ bya-awˇ, aˬ yawꞈ-euˬ mehˬ tsoeˬ pyuˇ deuˬ ni gʼeh-awˇ naˇ guiˇ guiˇ laˇ-eu meh.

Luˇkaꞈ 9:29

Aˬ yawꞈ guiˬ lahˬ shaˇ luꞈ ngeh, a yawꞈ-euˬ myaˆ pyawˬ paˇ laˇ-awˇ, aˬ yawꞈ-euˬ mehˬ tsoeˬ pyuˇ deuˬ ni gʼeh-awˇ, naˇ guiˇ guiˇ laˇ-eu meh;

Doˆ-iˇ 32:15

Nyiˬ paw paˆ luꞈ zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ-ahˇ Moˇseˬ baꞈ-awˇ, gawˬ jawˬ laꞈ oˆ zaꞈ ka-iˇ-euˬ meh.

Panmaeq 1:16

Aˬ yawꞈ-euˬ aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ, kʼaˬ meh-ahˇ mi seuˬ nyiˬ pyawˬ tsoꞈ-eu mi cehˇ doˆ le-euˬ meh. A yawꞈ-euˬ myaˆ pyawˬ-aˬ, nah gʼahˇ paw tsehˬ-eu nahˇ ma loꞈ-lehˇ bya-eu meh.

2 Gawˇliˬtu 3:13

Nga maꞈ-aˬ, Moˇseˬ-ahˇ maˬ duˇ. Moˇseˬ-aˬ, aˬ yawꞈ-euˬ myaˆ pyawˬ kʼoeˇ taˆ bya-eu yaw shehꞈ kʼahˬ sehˇ kʼoeˇ byoˆ-iˇ gaˇ Iˇsaˬleˬlaˇ tsawˇ haˬ deuˬ maˬ bi mawˇ-eu gʼaˇ duˬ, myaˆ pyawˬ-ahˇ saˬ paˇ dehˬ kaˬ-euˬ meh.

Panmaeq 10:1

Kʼoeˇ naˇ, gʼaˬ kʼaˆ dui dui-eu mˬ taˆ gʼaˬ kʼehˇ tiˬ gʼaˬ mˬ-ahˇ neh zaꞈ ka le gaˇ ngaˇ ya mawˇ-euˬ ma. Aˬ yawꞈ-ahˇ mˬ dmˇ neh lahˇ kaˬ taˬ-awˇ, uˬ duˬ tiˬ jawˬ aˇ deˇ leˇ kʼah tiˬ kʼah jaˆ-eu meh. Aˬ yawꞈ-euˬ myaˆ pyawˬ nahˇ ma-ahˇ duˇ-awˇ, aˬ kuiˇ miˬ dzaˬ kʼawˇ zeuˇ-ahˇ duˇ-eu meh.

Gʼaˬkʼehˇ 6:15

Baꞈ dzah-ahˇ kʼaˇ nuiˇ luꞈ-eu tsawˇ haˬ dawˬ tawˆ luꞈ, Saˬteˬpaˬ-ahˇ haw tsoˆ taˬ-euˬ meh. Kʼoeˇ ngeh, aˬ yawꞈ-euˬ myaˆ pyawˬ kʼoeˇ, mˬ taˆ gʼaˬ kʼehˇ-euˬ myaˆ pyawˬ-ahˇ duˇ gaˇ aˬ yawꞈ maꞈ ya mawˇ-euˬ meh.

Yoˇhaˬ 5:13

Naˇ gawˇ taˬ leˇ-euˬ tsawˇ haˬ kʼoeˇ gʼaˬ, Yeˬsuˇ aˬ geu gʼaˬ pyeuꞈ-eu maˬ siˬ nya-a. Aˬ jeˬ miˇ neh ehˇ naˇ, kʼoeˇ gaˇ tsawˇ haˬ gʼawˬ mya ni jawˇ-eu miˇ neh, aˬ cawˬ-euˬ yaw kaˬ-ahˇ Yeˬsuˇ cah byoˆ-euˬ meh.

Gʼaˬkʼehˇ 12:9

Kʼoeˇ naˇ, mˬ taˆ gʼaˬ kʼehˇ kʼoeˇ gʼaˬ-euˬ mehˬ nah caw caw-ehˇ paꞈ kuˆ laꞈ nyiˇ caw teh doˆ gʼeh-euˬ meh. Mˬ taˆ gʼaˬ kʼehˇ kʼoeˇ gʼaˬ kʼoeˇ loꞈ-ehˇ jahˇ le-euˬ kʼoeˇ aˬ diˇ ngeuˇ meh lehˇ aˬ yawꞈ maˬ siˬ duˬ-ehˇ, yaw sahˇ laꞈ kʼoeˇ ya mawˇ-euˬ jeˬ nga lehˇ tehꞈ-ehˇ noeˬ-euˬ meh.

Gʼaˬkʼehˇ 23:5

Pawˇluˆ ehˇ-eu, “Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, aˬ yawꞈ Piˇ ma Yaw huiˬ gʼaˬ pyeuꞈ-eu ngaˇ maˬ siˬ nya-aˬ. ‘Nawˬ-euˬ tsawˇ jeuˬ-ahˇ uˆ lahˇ-eu gʼaˬ-ahˇ dawˬ yaw doeˇ taˬ ngehˬ’ lehˇ, Jaˇliꞈ laꞈ kʼoeˇ boꞈ taˬ-euˬ jaˆ-eu meh.”

Luˇkaꞈ 2:49

Aˬ yawꞈ ehˇ-eu, “Naw nyaꞈ aˬ jeˬ miˇ neh ngaˬ-ahˇ poˆ te. Ngaˬ Da-euˬ nymˇ-ahˇ ngaˇ ya jawˇ meh lehˇ naw nyaꞈ maˬ siˬ nya te loˇ.”

Maˬkuˆ 9:6

Aˬ ha smˇ gʼaˬ guˆ dui dui-awˇ, Beˬtuˆluˆ dawˬ ngehˬ tsaˬ maˬ siˬ-a.

Yaˇ kʼaˬ daˇ 16:20

“Saˬsoˬ-oˇ, Piˇliˇtiˆ tsawˇ haˬ deuˬ laˇ luꞈ meh” lehˇ Deˬliˇlaˆ kuˇ ngeh, aˬ yawꞈ noeˬ laˇ-awˇ, “Aˬ myah myah loꞈ-ehˇ teuˆ puiˇ-awˇ doˆ-iˇ ma” lehˇ aˬ yawꞈ noeˬ-euˬ meh. Sahˬpaˬ Miˬyehˇ aˬ yawꞈ-ahˇ byehˇ dzeh-euˬ gaˇ kawˆ aˬ yawꞈ maꞈ siˬ nya-a.

Yawˇshuˆ 8:14

Yawˇshuˆ-euˬ yehˇ deuˬ-ahˇ Aˬiˇ sahˬ paˬ mawˇ ngeh, yaw kawˇ-ehˇ lehˬ hmˬ-euˬ meh. Aˬ yawꞈ hawˇ-eu aˬ yawꞈ-euˬ tsawˇ haˬ dawˬ tawˆ luꞈ, Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ yaw beh poˆ guiˇ deuˆ-euˬ jawˇ duˬ pyeuꞈ-eu Yawˇdaˬ deh kʼawꞈ-ahˇ oe ka-euˬ meh. Naˇ kʼah paw neh aˬ yawꞈ maꞈ-ahˇ deuˆ le tehꞈ-a lehˇ aˬ yawꞈ maꞈ maˬ siˬ nya-a.

Yawˇshuˆ 2:4

Ehˇ kʼawꞈ, zaˬ miˬ zaˬ kʼoeˇ gʼaˬ tsawˇ haˬ kʼoeˇ nyiˬ gʼaˬ-ahˇ sheuˬ zaꞈ taˬ-awˇ ehˇ-eu, “Ngeuˇ meh. Tsawˇ haˬ kʼoeˇ nyiˬ gʼaˬ ngaˇ jawˇ gaˇ laˇ-euˬ meh. Ehˇ kʼawꞈ, aˬ yawꞈ nyaꞈ aˬ geu gaˇ neh laˇ-euˬ gaˇ kawˆ ngaˇ maˬ ya siˬ-aˬ.

Maˬkuˆ 14:40

Zaˬ lahˇ deuˬ jawˇ gaˇ aˬ yawꞈ paˇ gʼoꞈ le ngeh, yuꞈ yoeˇ dui dui-eu miˇ neh yuꞈ kʼaˆ jiˇ taˬ-euˬ gaˇ ya mawˇ-euˬ meh. Aˬ yawꞈ maꞈ aˬ yawꞈ-ahˇ ehˇ kʼoꞈ nehˬ tsaˬ maˬ siˬ-a.

Doˆ-iˇ 16:15

Iˇsaˬleˬlaˆ tsawˇ haˬ deuˬ aˇ kʼoˇ kʼoˇ zaˬ kʼoeˇ deuˬ-ahˇ ya mawˇ ngeh, aˬ jeˬ aˇ kʼoˇ pyeuꞈ-eu maˬ siˬ nya-ehˇ, “Heu aˬ jeˬ nga” lehˇ, tiˬ gʼaˬ tiˇ gʼaˬ naˇ haˬ-euˬ meh. Kʼoeˇ ngeh, aˬ yawꞈ maꞈ-ahˇ Moˇseˬ ehˇ nehˬ-eu, “Heu-aˬ, naw maꞈ dzaˬ-eu gʼaˇ duˬ, Sahˬpaˬ Miˬyehˇ neh naw maꞈ-ahˇ biꞈ nehˬ-euˬ kaˬ muˇ pyeuꞈ-eu meh.

Doˆ-iˇ 31:18

Siˇnaˆ gawˬ jawˬ kʼoeˇ taˆ, Moˇseˬ-ahˇ Miˬyehˇ dawˬ ngehˬ cawˬ gʼaˬ ngeh, Miˬyehˇ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ Moˇseˬ-ahˇ Miˬyehˇ biꞈ nehˬ-euˬ meh.

Dawˬmehˬ 10:5

Kʼoeˇ naˇ, gawˬ jawˬ dawˬ dahˬ-ahˇ ngaˇ paˇ gʼoꞈ ka le-euˬ ma. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, kʼaˬ lo teˇ byaꞈ kʼoeˇ nyiˬ byaꞈ bahˬ keuˆ laꞈ kʼoeˇ ngaˇ dawˆ ahˇ taˬ-euˬ ma. Kʼaˬ lo teˇ byaꞈ kʼoeˇ nyiˬ byaꞈ, iˬ nah keuˆ ni kʼoeˇ gaˇ ahˇ-eu meh.”

Dawˬ tsoˆ 8:1

Zaˬ siˬ tsawˇ gahˇ ahˇ-eu tsawˇ haˬ-ahˇ duˇ-eu aˬ suˇ gʼaˬ jawˇ ta. Aˬ yawꞈ loꞈ-ehˇ dawˬ tsuiꞈ beuˬ doˆ mehˬ nya-eu aˬ suˇ gʼaˬ jawˇ ta. Zaˬ siˬ tsawˇ gahˇ-aˬ, tsawˇ haˬ zaˬ-euˬ myaˆ pyawˬ-ahˇ shiˬ keuˇ ni bi jaˆ-awˇ, nahˬ jawˆ ni bi pyeuꞈ laˇ-eu meh.

Doˆ-iˇ 34:35

Kʼoeˇ ngeh, a yawꞈ-euˬ myaˆ pyawˬ yaw shehꞈ bya gaˇ aˬ yawꞈ maꞈ ya mawˇ-euˬ meh. Kʼoeˇ naˇ, Sahˬpaˬ Miˬyehˇ-ahˇ yawˬ poˆ yawˬ maˬ ngehˬ cawˬ leˇ kʼoeˇ keuˆ ni, aˬ yawꞈ-euˬ myaˆ pyawˬ-ahˇ dehˬ kaˬ taˬ-euˬ meh.