Doˆ-iˇ 34:27 - Akha

²⁷ Kʼoeˇ naˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Dawˬ heu deuˬ boꞈ ahˇ taˬ-awˬ. Aˬ jeˬ miˇ neh ehˇ naˇ, dawˬ heu deuˬ-ahˇ gʼoe-awˇ, nawˇ hawˇ-eu Iˇsaˬleˬlaˆ tsawˇ haˬ deuˬ-ahˇ ngaˇ dawˬ ma saˇ jaˇ dzaˬ-eu jeˬ pyeuꞈ-eu ma.”

Doˆ-iˇ 34:27 Referans Kwoze

Doˆ-iˇ 24:4

Kʼoeˇ naˇ, Sahˬpaˬ Miˬyehˇ neh kʼaˇ ngehˬ kʼaˇ tmˇ-euˬ zahˇ sahˇ kʼoꞈ dawˬ tawˆ luꞈ, Moˇseˬ boꞈ-euˬ meh. Yawˬ nah yawˬ uˬ shawˬ yaw naꞈ-ehˇ, gawˬ jawˬ dawˬ dahˬ-ahˇ lawˇ duˬ tiˬ tsahˇ aˬ yawꞈ tsoˆ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ, kʼaˬ lo tseˇ nyiꞈ siˬ kʼahˬ tuˇ-euˬ meh.

Dawˬmehˬ 31:9

Kʼoeˇ naˇ, Miˬyehˇ-euˬ zahˇ dawˬ kʼoꞈ dawˬ deuˬ Moˇseˬ boꞈ-awˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-ahˇ haw-eu pyaˆ-eu Leˬbiˇ tsawˇ haˬ piˇ ma deuˬ hawˇ-eu, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-ahˇ biꞈ-euˬ meh.

Dawˬmehˬ 4:13

Naw maꞈ bi caw teh-eu gʼaˇ duˬ, aˬ yawꞈ-euˬ dawˬ ma saˇ jaˇ pyeuꞈ-eu Zahˇ dawˬ kʼoꞈ dawˬ Tseˇ dawˬ aˬ yawꞈ ehˇ mehˬ nehˬ-awˇ, kʼaˬ lo teˇ byaꞈ kʼoeˇ taˆ aˬ yawꞈ boꞈ-euˬ meh.

Doˆ-iˇ 17:14

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Guiˇ deuˆ-eu gʼaˬ leˇ-euˬ gaˇ kawˆ heu-ahˇ maˬ ya ngehˇ-eu gʼaˇ duˬ, sahˬ boꞈ boꞈ taˬ-awˬ. Aˬmaˬlehˇ tsawˇ jeuˬ-ahˇ ngaˇ yaw muiˇ paˬ-ehˇ laˆ cawˆ nehˬ ma lehˇ Yawˇshuˆ-ahˇ ehˇ nehˬ-awˬ.”

Doˆ-iˇ 34:10

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nymˬ-mˇ ngaˇ Iˇsaˬleˬlaˆ tsawˇ haˬ deuˬ nehˬ-ehˇ saˇ jaˇ dzaˬ-eu ma. Miˇ tsaˬ heu kʼoeˇ taˆ tsawˇ jeuˬ tiˬ jeuˬ-iˬ maˬ ya mawˇ haw-euˬ kʼaˆ jeˬ-ehˇ gʼeh-eu jeˬ, aˬ yawꞈ maꞈ mehˬ shi ngaˇ jahˇ mehˬ nehˬ ma. Sahˬpaˬ Miˬyehˇ pyeuꞈ-eu ngaˇ-aˬ, huiˬ dui dui-eu gaˇ deuˬ mˇ nya gaˇ, aˬ yawꞈ maꞈ dawˬ tawˆ luꞈ ya mawˇ tehꞈ-a. Aˬ jeˬ miˇ neh ehˇ naˇ, naw maꞈ-euˬ mehˬ shi zahˬ dui dui leˇ paˬ-ehˇ gʼeh-eu jeˬ mˇ mehˬ nehˬ-eu lehˇ, ngaˇ lehˬ hmˬ taˬ-euˬ ma.

Doˆ-iˇ 24:7

Kʼoeˇ naˇ, Sahˬpaˬ Miˬyehˇ-euˬ dawˬ boꞈ ahˇ taˬ-euˬ dawˬ ma saˇ jaˇ sahˬ boꞈ yuˇ-awˇ, Iˇsaˬleˬlaˆ tsawˇ haˬ deuˬ-ahˇ yaw kʼaˆ-ehˇ guˇ-awˇ gui mehˬ nehˬ-euˬ meh. Kʼoeˇ ngeh, “Sahˬpaˬ Miˬyehˇ-euˬ ehˇ dawˬ nga maꞈ naˇ haˬ geuꞈ-awˇ, aˬ yawꞈ neh kʼaˇ ehˇ taˬ-euˬ yawˬ jeˬ na luꞈ mˇ ma” lehˇ, aˬ yawꞈ maꞈ ehˇ-eu meh.