Doˆ-iˇ 34:25 - Akha

²⁵ “Naw maꞈ ngaˬ-ahˇ jeˬ zaˬ lawˇ ngeh, dehˬ tseˬ keuˬ taˬ-euˬ kaˬ muˇ maˬ ya lawˇ-a. Baˬsaˬkaˬ Bawˬ-iˬ gʼeh gaˇ sehꞈ-euˬ jeˬ zaˬ-euˬ shaˬ jiˇ, yawˬ nah yawˬ uˬ shawˬ paw keuˆ ni maˬ ya bi jaˆ keuˆ-a.

Doˆ-iˇ 34:25 Referans Kwoze

Doˆ-iˇ 23:18

“Naw maꞈ ngaˬ-ahˇ jeˬ zaˬ lawˇ ngeh, dehˬ tseˬ keuˬ-eu kaˬ muˇ maˬ ya lawˇ ahˇ-a. Bawˬ-iˬ heu smˇ hmˬ laꞈ kʼoeˇ, naw maꞈ neh ngaˬ-ahˇ lawˇ-euˬ jeˬ zaˬ deuˬ-euˬ tsiˇ, yawˬ nah yawˬ uˬ shawˬ paw keuˆ ni maˬ ya bi jaˆ keuˆ-a.

Doˆ-iˇ 12:10

Uˬ bya maˬ bya laˇ mi naˆ-ehˇ dawˬ tawˆ luꞈ ya dzaˬ jiˇ-awˇ, maˬ dzaˬ jiˇ coeˇ ni kʼaˇ dzeˇ laˇ-euˬ dawˬ tawˆ luꞈ, miˬ dzaˬ ya keuˬ dzeh jiˇ meh.

Dawˬmehˬ 16:3

Bawˬ-iˬ heu hmˬ dzaˬ ngeh, dehˬ tseˬ dawˆ taˬ-euˬ kaˬ muˇ taˬ dzaˬ. Iˇjiˇtuˆ miˇ kʼahˬ laꞈ kʼoeˇ neh naw maꞈ tehˬ law baw law-ehˇ ya doˆ le ngeh dzaˬ-euˬ loꞈ-ehˇ, shiꞈ nah keuˆ ni dehˬ tseˬ maˬ dawˆ-euˬ kaˬ muˇ nawˇ ya dzaˬ meh. Shaˬ-eu zahˬ-eu jeˬ-ahˇ ya daˬ-euˬ jawˇ duˬ pyeuꞈ-eu Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ le-euˬ aˇ nah kʼoeˇ nah-ahˇ, maˬ shiˇ tiˬ ziˇ naw maꞈ maˬ ya ngehˇ ni, shaˬ-eu zahˬ-euˬ jeˬ-ahˇ ya daˬ-euˬ kaˬ muˇ lehˇ kuˇ-eu kaˬ muˇ kʼoeˇ dzaˬ-awˬ.

Bawˇtsahˬ 9:12

Dzaˇ kʼoeˇ deuˬ yawˬ nah yawˬ uˬ bya maˬ ya bi jaˆ bya-eu uˬ taꞈ, jeˬ zaˬ-euˬ shaˬ yoeˬ kʼawꞈ ma ya laˆ kʼehꞈ-a. Zahˇ sahˇ kʼoꞈ kʼaˇ jaˆ-eu loꞈ-ehˇ tsaˬ ni Baˬsaˬkaˬ bawˬ-iˬ ya gʼeh meh.

Uˬ duˬ 7:15

Lawˇ gaˇ geuꞈ-eu jeˬ zaˬ kʼoeˇ mawˇ-euˬ shaˬ jiˇ deuˬ, kʼoeˇ ngeh nah neh ya dzaˬ jiˇ meh. Yawˬ nah yawˬ uˬ bya maˬ ya bi jaˆ bya-a.

Doˆ-iˇ 29:34

Uˬ shawˬ paw keuˆ ni, maˬ dzaˬ jiˇ-ehˇ dzeˇ laˇ taˬ-euˬ shaˬ jiˇ hawˇ-eu kaˬ muˇ jaˆ naˇ, miˬ dzaˬ ya keuˬ dzeh meh. Dzaˇ kʼoeˇ-aˬ, muiˬ-eu shawˇ-eu dzaˇ pyeuꞈ-eu miˇ neh maˬ dzaˬ kʼmˬ-a.

Doˆ-iˇ 12:20

Naw maꞈ kʼaˇ jawˇ luꞈ-eu jawˇ duˬ laꞈ kʼoeˇ, dehˬ tseˬ ahˇ-eu kaˬ muˇ maˬ dzaˬ ni, dehˬ tseˬ maˬ ahˇ-eu kaˬ muˇ tehꞈ-ehˇ ya dzaˬ meh.”

Doˆ-iˇ 12:8

Kʼoeˇ ngeh miˇ, shaˬ jiˇ kʼoeˇ deuˬ tehˬ ba-awˇ, dehˬ tseˬ maˬ ahˇ-eu kaˬ muˇ hawˇ-eu yaw kʼaˬ kʼaˬ-eu gʼawˬ paꞈ gʼawˬ nyoeˇ nehˬ-ehˇ ya dzaˬ meh.

Maꞈtehˬ 13:33

Aˬ yawꞈ maꞈ-ahˇ Yeˬsuˇ yaw jeˬ ma jeˬ tiˬ hmˬ heu loꞈ-ehˇ paˇ ja mehˬ nehˬ-euˬ meh. “Mˬtaˆ Miˇkʼahˬ-aˬ, heu loꞈ-ehˇ duˇ-eu meh. Zaˬ miˬ zaˬ tiˬ gʼaˬ dehˬ tseˬ ui cuiˆ yuˇ-awˇ, cehˇ meu smˇ puˬ-ahˇ keuˬ-awˇ, dawˬ tawˆ luꞈ bi poˬ laˇ jiˇ gaˇ duˇ-eu meh.”

Uˬ duˬ 2:11

Dzaˬ la gʼo cehˇ lawˇ gaˇ taꞈ leˇ-eu lawˇ-eu jeˬ Sahˬpaˬ Miˬyehˇ-ahˇ naw maꞈ aˬ geu jeˬ lawˇ nehˬ-eu maˬ kaˬ, dehˬ tseˬ maˬ ya bi keuˬ-a. Aˬ jeˬ miˇ neh ehˇ naˇ, dehˬ tseˬ maˬ ehˇ, byaˬ byaˬ uiˇ maˬ ehˇ, miˬ dzaˬ-ahˇ puiˆ-awˇ Sahˬpaˬ Miˬyehˇ-ahˇ maˬ lawˇ nehˬ kʼmˬ-a.

Dawˬmehˬ 16:4

Shiꞈ nah laꞈ kʼoeˇ, naw maꞈ-euˬ miˇ kʼahˬ laꞈ kʼoeˇ jawˇ-eu tsawˇ haˬ tiˬ gʼaˬ-iˬ yawˬ ha-euˬ nymˇ laꞈ kʼoeˇ dehˬ tseˬ maˬ ya bi jaˆ-eu uˬ taꞈ, yaw beh nah uˬ ciꞈ uˬ taw paw sehꞈ-euˬ jeˬ zaˬ-euˬ shaˬ jiˇ-ahˇ, kʼoeˇ ngeh miˇ laꞈ kʼoeˇ ya dzaˬ jiˇ meh.