Doˆ-iˇ 34:21 - Akha

²¹ “Naw maꞈ yawˬ ha-euˬ gaˇ mˇ-eu gʼaˇ duˬ aˇ nah koꞈ nah jaˆ-eu meh. Ehˇ kʼawꞈ, shiꞈ nah tiˬ nah-ahˇ, naw maꞈ gaˇ taˬ mˇ. Gaˇ tehˬ dui dui-eu deh yaˇ tsehˬ yamˬ hawˇ-eu cehˇ laˆ luiˆ yamˬ-ahˇ kʼawꞈ, aˇ nah heu nah-ahˇ naw maꞈ gaˇ maˬ ya mˇ-a.

Doˆ-iˇ 34:21 Referans Kwoze

Doˆ-iˇ 23:12

“Tiˬ jaw laꞈ kʼoeˇ, koꞈ nah gaˇ mˇ-awˬ. Ehˇ kʼawꞈ, nawˬ-euˬ zaˬ kʼaˆ deuˬ hawˇ-eu, nawˬ-ahˇ gʼaˬ mahˇ mahˇ dzaˬ-eu boeˇ miˬ siˬ kʼaˬ deuˬ maˬ ehˇ, nawˬ-euˬ jeˬ zaˬ deuˬ maˬ ehˇ, gʼaˬ naˬ ya naˬ ni, shiꞈ nah tiˬ nah-ahˇ nawˇ gaˇ maˬ ya mˇ-a.

Luˇkaꞈ 13:14

Uˬ duˬ tahˬ nymˇ kʼoeˇ nymˇ-ahˇ uˆ lahˇ-eu aˬ yuiꞈ geuꞈ-eu gʼaˬ, Yeˬsuˇ Jawˇ nah ngeh nah naˇ gawˇ laˆ taˬ nehˬ-euˬ gaˇ nui ma pehˇ-awˇ ehˇ-eu, “Gaˇ mˇ nya-eu aˇ nah koꞈ nah jaˆ meh. Kʼoeˇ koꞈ nah laꞈ kʼoeˇ laˇ-awˇ naˇ gawˇ bi laˆ saˆ laˇ-awˬ. Jawˇ nah-ahˇ teu loꞈ-ehˇ taˬ jahˇ.”

1 Saˬmeuˬlaˆ 8:12

Tiˬ paˆ na deuˬ-ahˇ tiˬ heˇ gʼaˬ kʼoeˇ taˆ uˆ lahˇ-eu aˬ yuiꞈ bi geuꞈ-awˇ, tiˬ paˆ na deuˬ-ahˇ ngaˬ tseˇ gʼaˬ kʼoeˇ taˆ uˆ lahˇ-eu aˬ yuiꞈ bi geuꞈ tehꞈ-a. Aˬ yawꞈ-euˬ deh yaˇ tsehˬ-eu, cehˇ yehˬ-eu, guiˇ deuˆ-eu keu ka hawˇ-eu mahˬ laˆ lawˬ keu ka tehˆ-eu gaˇ heu deuˬ-ahˇ, naw maꞈ-euˬ aˬ li deuˬ aˬ yawꞈ gʼaˇ duˬ ya mˇ nehˬ tehꞈ-a.

Dawˬmehˬ 21:4

Kʼoeˇ naˇ, tiˬ jawˇ-iˬ maˬ tsiˇ leˇ ni yoeˇ luꞈ-eu lawˇ gawˆ dawˬ peh jaˆ-eu tiˬ poˆ-iˬ maˬ mˇ dzaˬ haw-euˬ miˇ tsaˬ tiˬ tsahˇ-ahˇ, aˬ yuiꞈ aˬ tsu kʼoeˇ deuˬ mawˇ neˇ mawˇ kʼaˇ kʼoeˇ mawˇ tsahˇ gʼeh-awˇ, kawˬ lahˇ ya ngawˬ kʼehꞈ meh.

Doˆ-iˇ 35:2

Naw maꞈ yawˬ ha-euˬ gaˇ mˇ-eu gʼaˇ duˬ, aˇ yamˬ koꞈ nah jaˆ-eu meh. Ehˇ kʼawꞈ, shiꞈ nah tiˬ nah-aˬ, Sahˬpaˬ Miˬyehˇ pyeuꞈ-eu ngaˬ-ahˇ a nehˬ taˬ-euˬ muiˬ-eu shawˇ-eu gʼaˬ naˬ-naˬ-eu aˇ nah pyeuꞈ-eu meh. Aˇ nah kʼoeˇ nah laꞈ kʼoeˇ, gaˇ mˇ-eu tsawˇ haˬ aˬ geu gʼaˬ maˬ kaˬ, sehꞈ nehˬ gaˇ ya daˬ tehꞈ-a.

Luˇkaꞈ 23:56

Kʼoeˇ naˇ, aˬ yawꞈ maꞈ gʼoꞈ leˇ-awˇ, Yeˬsuˇ-euˬ gʼawˇ mawˇ-ahˇ laˆ saˆ-eu gʼaˇ duˬ tsiˇ yaw saw gʼawˬ mya jeˬ lehˬ hmˬ leˇ-euˬ meh. Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, Jawˇ nah kʼoeˇ nah-ahˇ aˬ yawꞈ maꞈ gʼaˬ naˬ naˬ-euˬ meh.

Iˇsaˬyaˇ 30:24

Naw maꞈ-euˬ deh yaˇ tsehˬ-eu mawˇ neˇ hawˇ-eu mahˬ tahˬ laˆ deuˬ kʼawꞈ, yaw muiˬ paˬ-ehˇ baw shawˇ taˬ-euˬ cehˇ ya dzaˬ dehˆ tehꞈ-a.

Aˇ dahˬ 45:6

Miˇ kʼahˬ heu kʼahˬ-ahˇ mehꞈ-eu shuꞈ-eu jeˬ keuˆ le-euˬ tsuiꞈ nui kʼoꞈ nyiˬ kʼoꞈ tehꞈ-a siˬ. Heu taꞈ naˇ, deh yaˇ maˬ tsehˬ dzaˬ nya-eu miˇ neh, cehˇ maˬ ya yehˬ dzaˬ-ehˇ ya mehꞈ ya shuꞈ-eu aˇ kʼoꞈ ngaˬ kʼoꞈ jaˆ-a siˬ.

Doˆ-iˇ 31:15

Naw maꞈ yawˬ ha-euˬ gaˇ mˇ-eu gʼaˇ duˬ, aˇ nah koꞈ nah jaˆ-eu meh. Ehˇ kʼawꞈ, shiꞈ nah tiˬ nah-aˬ, ngaˬ-ahˇ a nehˬ taˬ-euˬ muiˬ-eu jaˬ-eu aˇ nah meh. Aˇ nah kʼoeˇ nah laꞈ kʼoeˇ gaˇ mˇ-eu tsawˇ haˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.

Uˬ duˬ 23:3

Naw maꞈ gʼaˇ duˬ, yawˬ ha-euˬ gaˇ mˇ-eu aˇ nah koꞈ nah jaˆ-eu meh. Ehˇ kʼawꞈ, jawˇ nah pyeuꞈ-eu shiꞈ nah tiˬ nah-aˬ, gʼaˬ naˬ naˬ-eu aˇ nah pyeuꞈ-eu meh lehˇ, naw maꞈ ya noeˬ taˬ meh.

Neˬhaˬmiˇ 13:15

Aˇ yamˬ kʼoeˇ yamˬ laꞈ kʼoeˇ, Yuˇdaˆ miˇ kʼahˬ zaˬ deuˬ jawˇ nah-ahˇ aˬ gaꞈ dzaˇ uiˇ nawˬ luꞈ-eu ngaˇ ya mawˇ-euˬ ma. Tiˬ paˆ na deuˬ-aˬ, cehˇ, aˬ gaꞈ dzaˇ uiˇ, aˬ gaꞈ aˇ siˬ, siˬ guˬ aˇ siˬ hawˇ-eu aˬ nah aˬ dzeˇ gʼawˬ mya jeˬ mahˬ tahˬ laˆ neh tawˬ-awˇ, Yeˬluˇsaˬlehˬ meuˬ-ahˇ laˇ luꞈ-eu ya mawˇ-euˬ ma. Jawˇ nah-ahˇ tiˬ jeˬ-iˬ taˬ ahˬ lehˇ aˬ yawꞈ maꞈ-ahˇ ngaˇ ehˇ nehˬ-euˬ ma.