Doˆ-iˇ 34:18 - Akha

¹⁸ “Dehˬ tseˬ maˬ ahˇ-eu Kaˬ muˇ dzaˬ-eu Bawˬ-iˬ ya gʼeh meh. Aˬbiˇbaˬ ba la laꞈ kʼoeˇ, shiꞈ nah keuˆ ni, dehˬ tseˬ maˬ ahˇ-eu kaˬ muˇ dzaˬ-awˬ lehˇ, naw maꞈ-ahˇ ngaˇ dawˬ biꞈ taˬ-euˬ ma. Aˬ jeˬ miˇ neh ehˇ naˇ, ba la kʼoeˇ siˬ-ahˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ laˇ-euˬ meh.

Doˆ-iˇ 34:18 Referans Kwoze

Uˬ duˬ 23:6

Tseˇ ngaˬ nah tiˬ nah-ahˇ dehˬ tseˬ maˬ ahˇ-eu Kaˬmuˇ dzaˬ-eu Bawˬ-iˬ aˇ dahˬ beh-awˇ, shiꞈ nah keuˆ ni, dehˬ tseˬ keuˬ-euˬ kaˬ muˇ naw maꞈ maˬ ya dzaˬ-a.

Doˆ-iˇ 13:4

Ba la yaw beh siˬ pyeuꞈ-eu Aˬ biˇ baˬ ba la, aˇ nah heu nah-ahˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ ya doˆ le-euˬ meh.

Gʼaˬkʼehˇ 12:3

Aˬ yawꞈ kʼoeˇ loꞈ-ehˇ jahˇ miˇ-ahˇ Yuˇdaˆ tsawˇ haˬ deuˬ nui ma tsaˬ gaˇ aˬ yawꞈ ya mawˇ ngeh, tiˬ tiˆ paˇ kʼaˬ dzehˬ laˇ-awˇ, Beˬtuˆluˆ-ahˇ nyehꞈ-euˬ meh. (Kʼoeˇ loꞈ-ehˇ pyeuꞈ laˇ-euˬ aˇ yamˬ kʼoeˇ-aˬ, Dehˬ tseˬ maˬ dawˆ-euˬ Kaˬmuˇ dzaˬ-eu Bawˬ-iˬ gʼeh ngeh yamˬ-ahˇ tsaˬ-eu meh.)

Luˇkaꞈ 22:1

Baˬsaˬkaˬ Bawˬ-iˬ lehˇ kuˇ-eu Dehˬ tseˬ maˬ dawˆ-euˬ Kaˬ muˇ dzaˬ-eu Bawˬ-iˬ gʼeh-eu aˇ yamˬ peh laˇ-euˬ meh.

Maˬkuˆ 14:1

Baˬ saˬ kaˬ Bawˬ-iˬ hawˇ-eu Dehˬ tseˬ maˬ dawˆ-euˬ Kaˬ muˇ dzaˬ-eu Bawˬ-iˬ gʼeh-eu aˇ yamˬ keuˆ le-eu nyiˬ nah dzeˇ-eu tehꞈ meh. Piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, Yeˬsuˇ-ahˇ ciˬ cuˇ ni nyehꞈ kʼoeˬ-awˇ sehꞈ-eu gʼaˇ duˬ nawˬ jawˬ luꞈ-eu meh.

Doˆ-iˇ 23:15

Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ laˇ-euˬ Aˬbiˇbaˬ ba la laꞈ kʼoeˇ, ngaˇ naw maꞈ-ahˇ ehˇ nehˬ taˬ-eu loꞈ-ehˇ, Dehˬ tseˬ maˬ ahˇ-eu Kaˬ muˇ Dzaˬ-eu Bawˬ-iˬ gʼeh-awˬ. Bawˬ-iˬ gʼeh luꞈ-eu aˇ yamˬ shiꞈ nah laꞈ kʼoeˇ, dehˬ tseˬ dawˆ-awˇ jahˇ taˬ-euˬ dzaˇ aˬ geu jeˬ maˬ kaˬ, naw maꞈ maˬ ya dzaˬ-a. Lawˇ-eu shehˇ-eu jeˬ maˬ ahˇ ni, naw maꞈ ngaˬ-ahˇ uˬ duˬ maˬ ya tahˬ laˇ-a.

Doˆ-iˇ 12:2

“Ba la heu siˬ-aˬ, tiˬ kʼoꞈ laꞈ kʼoeˇ naw maꞈ gʼaˇ duˬ ba la yaw beh siˬ pyeuꞈ-eu meh.

Doˆ-iˇ 12:42

Kʼoeˇ ngeh miˇ-aˬ, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-eu gʼaˇ duˬ, Sahˬpaˬ Miˬyehˇ aˬ yawꞈ maꞈ-ahˇ loꞈ luꞈ-eu uˬ ciꞈ tiˬ miˇ pyeuꞈ-eu meh. Uˬ ciꞈ kʼoeˇ miˇ-aˬ, Iˇsaˬleˬlaˆ tsawˇ haˬ deuˬ tiˬ ziˇ saˇ-iˬ tiˬ ziˇ, Sahˬpaˬ Miˬyehˇ-ahˇ ya loꞈ-eu gʼaˇ duˬ, aˬ yawꞈ-ahˇ damˬ nehˬ taˬ-euˬ uˬ ciꞈ tiˬ miˇ kʼawꞈ pyeuꞈ-eu meh.

Bawˇtsahˬ 28:16

Ba la yaw beh siˬ tseˇ oeˬ nah-ahˇ, Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ, Baˬsaˬkaˬ Bawˬ-iˬ ya gʼeh meh.

Bawˇtsahˬ 28:17

Tseˇ ngaˬ nah-ahˇ aˇ dahˬ beh-awˇ, shiꞈ nah keuˆ ni uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu bawˬ-iˬ ya gʼeh meh. Aˇ yamˬ kʼoeˇ yamˬ laꞈ kʼoeˇ dehˬ tseˬ maˬ ahˇ-eu kaˬ muˇ tehꞈ-ehˇ ya dzaˬ meh.

Doˆ-iˇ 13:3

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Naw maꞈ aˬ cawˬ-euˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh doˆ le-euˬ aˇ nah heu nah-ahˇ noeˬ keuˆ-awˬ. Aˇ nah heu nah laꞈ kʼoeˇ, Sahˬpaˬ Miˬyehˇ-aˬ, huiˬ-eu aˬ yawꞈ-euˬ baoˬ-ahˇ gʼoe-awˇ, naw maꞈ-ahˇ sheuˬ doˆ nehˬ-euˬ meh. Dehˬ tseˬ ahˇ-eu kaˬ muˇ naw maꞈ maˬ ya dzaˬ-a.

Doˆ-iˇ 23:14

“Ngaˬ-ahˇ taˬ huiˬ taˬ mahˇ-eu laꞈ kʼoeˇ, tiˬ kʼoꞈ laꞈ kʼoeˇ, huiˬ-eu bawˬ-iˬ smˇ bawˬ-iˬ naw maˬ ya gʼeh meh.