Doˆ-iˇ 34:17 - Akha

¹⁷ “Naw maꞈ tahˬ pahˬ aˬ ma mawˇ kawˇ tehˆ-awˇ uˬ duˬ maˬ ya tahˬ-a.

Doˆ-iˇ 34:17 Referans Kwoze

Uˬ duˬ 19:4

“Ngaˬ-ahˇ byehˇ dzeh-awˇ, tahˬ pahˬ aˬ ma mawˇ kawˇ deuˬ-ahˇ naw maꞈ uˬ duˬ taˬ tahˬ. Shmˇ, shuiˇ, pyuˇ, kʼoeˇ loꞈ-ehˇ gʼeh-eu deuˬ neh miˬ yehˇ mawˇ kawˇ tehˆ-awˇ, uˬ duˬ taˬ tahˬ. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Doˆ-iˇ 32:8

Ngaˬ neh aˬ yawꞈ maꞈ-ahˇ bi cah-euˬ gaˇ ma-ahˇ aˬ yawꞈ maꞈ byehˇ dzeh gʼaˬ-euˬ meh. Aˬ yawꞈ maꞈ shuiˇ mawˇ neˇ mawˇ kawˇ kʼaˇ doˆ-awˇ, uˬ duˬ tahˬ-eu uˬ taꞈ, lawˇ-eu shehˇ-eu jeˬ kʼawꞈ mˇ luꞈ meh. Kʼoeˇ-aˬ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ aˬ yawꞈ maꞈ-euˬ miˬyehˇ meh lehˇ, aˬ yawꞈ maꞈ ehˇ luꞈ meh.

Gʼaˬkʼehˇ 19:26

Nymˬ-mˇ, Pawˇluˆ lehˇ kuˇ-eu tsawˇ haˬ kʼoeˇ gʼaˬ aˬ jeˬ ehˇ luꞈ-eu gaˇ kawˆ naw maꞈ ya siˬ ya mawˇ luꞈ meh. Tsawˇ haˬ zaˬ-euˬ aˬ laꞈ neh jahˇ-euˬ miˬ yehˇ-aˬ, miˬ yehˇ maˬ ngeuˇ-a lehˇ ehˇ ehˇ-ehˇ, Eˇpeˇsu meuˬ heu meuˬ laꞈ kʼoeˇ tehꞈ-ehˇ maˬ ngeuˇ-ehˇ, Aˬshaˆ miˇ kʼahˬ kʼahˬ lah ni ehˇ gʼaˬ ni tsawˇ haˬ gʼawˬ mya ni nui ma paˇ laˇ ni aˬ yawꞈ neh laˆ jah jiˇ taˬ-euˬ meh.

Gʼaˬkʼehˇ 17:29

Aˬ dui-aˬ, Miˬyehˇ-euˬ zaˬ pyeuꞈ-eu miˇ neh, Miˬyehˇ-aˬ, tsawˇ haˬ zaˬ-euˬ zaˬ siˬ tsawˇ gahˇ neh noeˬ doˆ-awˇ jahˇ taˬ-euˬ shuiˇ mawˇ kawˇ, pyuˇ mawˇ kawˇ, kʼaˬ lo mawˇ kawˇ heu deuˬ-ahˇ duˇ tehꞈ-a lehˇ aˬ dui noeˬ-eu maˬ tsaˬ-a.

Yeˬlaˬmiˇ 10:14

Kʼoeˇ gaˇ mawˇ ngeh tsawˇ haˬ yawˬ gʼaˬ na luꞈ, yawˬ ha aˬ dzawˬ aˇ gah nya lehˇ siˬ duˬ-euˬ meh. Tahˬ pahˬ aˬ ma mawˇ kawˇ tehˆ-eu tsawˇ haˬ daˬ ga-eu meh. Aˬ jeˬ miˇ neh ehˇ naˇ aˬ yawꞈ maꞈ neh tehˆ-euˬ miˬ yehˇ, miˬ yehˇ maˬ ngeuˇ-ehˇ saꞈ maˬ gʼawˇ nya-a.

Doˆ-iˇ 20:4

“Mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, miˇ tsaˬ dawˬ dah iˇ cuꞈ laꞈ kʼoeˇ maˬ ehˇ, kʼaˇ jawˇ kʼaˇ jaˆ-eu jeˬ-ahˇ duˇ-eu tahˬ pahˬ aˬ ma mawˇ kawˇ yawˬ ha gʼaˇ duˬ maˬ ya tehˆ-a.

Doˆ-iˇ 20:23

Ngaˇ uˬ taꞈ, yawˬ ha-euˬ gʼaˇ duˬ, pyuˇ neh maˬ ehˇ, shuiˇ neh maˬ ehˇ, miˬyehˇ tehˆ-awˇ, naw maꞈ uˬ duˬ maˬ ya tahˬ-a.

Dawˬmehˬ 5:8

“Mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, miˇ tsaˬ dawˬ dah iˇ cuꞈ laꞈ kʼoeˇ maˬ ehˇ, kʼaˇ jawˇ kʼaˇ jaˆ-eu jeˬ-ahˇ duˇ-eu tahˬ pahˬ aˬ ma mawˇ kawˇ nawˇ maˬ ya tehˆ-a.

Dawˬmehˬ 27:15

“ ‘Kʼaˬ lo neh maˬ ehˇ, daˇ kawˬ neh maˬ ehˇ, shmˇ, shuiˇ, pyuˇ, guiˬ shuiˇ, heu deuˬ neh maˬ ehˇ, tahˬ pahˬ aˬ ma mawˇ kawˇ tehˆ-awˇ uˬ duˬ tahˬ kʼoeˬ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ. Tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ-ahˇ Sahˬpaˬ Miˬyehˇ maˬ haw nahˇ-a’ lehˇ guˇ-awˇ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Yaˇ kʼaˬ daˇ 17:3

Pyuˇ kʼoeˇ deuˬ aˬ yawꞈ-euˬ aˬ ma-ahˇ biꞈ kʼoꞈ nehˬ ngeh, aˬ ma gʼaˬ ehˇ-eu, “Yaˬ kʼehˇ yaˬ-eu jeˬ ngaˬ li kʼoeˇ taˆ ma ya bi keuˆ le-eu gʼaˇ duˬ, pyuˇ maˇ byaˆ heu deuˬ Sahˬpaˬ Miˬyehˇ-ahˇ ngaˇ aˬ diˇ aˬ maˇ damˬ nehˬ ma. Daˇ kawˬ-ahˇ pyuˇ yaw-awˇ jahˇ-euˬ tahˬ pahˬ aˬ ma mawˇ kawˇ jahˇ gaˇ, pyuˇ kʼoeˇ deuˬ zmˬ ma. Nymˬ-mˇ ngaˇ nawˬ-ahˇ pyuˇ maˇ byaˆ heu deuˬ biꞈ kʼoꞈ nehˬ-eu ma.”

1 Sahˬpaˬ 14:9

Nawˬ-euˬ mehˬ hu sahˬ paˬ geuꞈ dzeuˇ yaꞈ-euˬ deuˬ neh mˇ-euˬ iˬ baˇ naˆ maˬ tseˇ, huiˬ dui dui-eu iˬ baˇ nawˇ mˇ-euˬ meh. Nawˇ ngaˬ-ahˇ byehˇ dzeh-awˇ, miˬ yehˇ nui deuˬ hawˇ-eu tahˬ pahˬ aˬ ma mawˇ kawˇ deuˬ tehˆ-awˇ uˬ duˬ tahˬ-eu laꞈ kʼoeˇ, ngaˇ nui ma pehˇ ni mˇ-euˬ meh.

2 Laˬsaˬbaˬ 28:2

Ehˇ kʼawꞈ, Iˇsaˬleˬlaˆ sahˬ paˬ deuˬ-ahˇ aˬ yawꞈ dzaw geuꞈ-eu uˬ taꞈ, Baˬlaˇ miˬ yehˇ-ahˇ uˬ duˬ tahˬ-eu gʼaˇ duˬ tahˬ pahˬ aˬ ma mawˇ kawˇ tehˆ-euˬ meh.

Doˆ-iˇ 23:14

“Ngaˬ-ahˇ taˬ huiˬ taˬ mahˇ-eu laꞈ kʼoeˇ, tiˬ kʼoꞈ laꞈ kʼoeˇ, huiˬ-eu bawˬ-iˬ smˇ bawˬ-iˬ naw maˬ ya gʼeh meh.