Doˆ-iˇ 34:15 - Akha

¹⁵ Aˬ jeˬ miˇ neh ehˇ naˇ, lawˇ ciꞈ zaˬ kʼoeˇ deuˬ-aˬ, aˬ yawꞈ maꞈ-euˬ miˬyehˇ-ahˇ lawˇ-eu shehˇ-eu jeˬ mˇ ngeh, naw maꞈ-ahˇ kuˇ-awˇ, lawˇ gʼaˬ shehˇ gʼaˬ-euˬ dzaˇ deuˬ dzaˬ-awˬ lehˇ muˇ tehꞈ-a.

Doˆ-iˇ 34:15 Referans Kwoze

Yaˇ kʼaˬ daˇ 2:17

Ehˇ kʼawꞈ, aˬ yawꞈ maꞈ-euˬ aˬ yuiꞈ aˬ tsu kʼoeˇ deuˬ-euˬ ehˇ dawˬ-ahˇ aˬ yawꞈ maꞈ maˬ naˇ haˬ geuꞈ-a. Iˇsaˬleˬlaˆ tsawˇ jeuˬ Sahˬpaˬ Miˬyehˇ-ahˇ saˇ jaˇ maˬ ziꞈ-ehˇ, miˬyehˇ nui deuˬ-ahˇ uˬ duˬ tahˬ-euˬ meh. Aˬ yawꞈ maꞈ-euˬ aˬ da deuˬ Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-euˬ kʼawꞈ, yawˬ ziˇ yawˬ-ahˇ dehꞈ le-euˬ tsawˇ haˬ kʼoeˇ deuˬ kʼoeˇ loꞈ-ehˇ maˬ mˇ ni byehˇ-euˬ meh.

1 Gawˇliˬtu 8:4

Kʼoeˇ miˇ neh, tahˬ paˬ aˬ ma mawˇ kawˇ-ahˇ lawˇ-euˬ dzaˇ-ahˇ dzaˬ-eu gaˇ kawˆ ngaˇ heu loꞈ-ehˇ ehˇ-eu ma. Tahˬ paˬ aˬ ma mawˇ kawˇ-aˬ, aˬ diˇ aˬ maˇ maˬ jaˆ maˬ jawˇ-eu jeˬ-euˬ dah zaˇ tehˆ taˬ-euˬ mawˇ kawˇ meh lehˇ aˬ dui siˬ nya ma. Miˬyehˇ tiˬ gʼaˬ tehꞈ-ehˇ jawˇ-eu gaˇ kawˆ kʼawꞈ, aˬ dui siˬ nya ma.

Jaceuq 106:28

Miˬyehˇ-euˬ tsawˇ haˬ deuˬ Peˬoˇ meuˬ-ahˇ, Baˬlaˇ miˬ yehˇ-ahˇ uˬ duˬ tahˬ-awˇ, yaw dehꞈ maˬ dehꞈ-eu miˬ yehˇ-ahˇ lawˇ-euˬ dzaˇ, aˬ yawꞈ maꞈ dzaˬ-euˬ meh.

Dawˬmehˬ 31:16

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Gʼawˬ myahˇ maˬ gʼeh-ehˇ nawˇ ziˇ jiˇ le tehꞈ-a. Nawˇ shiˇ dzeuˇ ngeh, tsawˇ haˬ heu deuˬ ngaˬ-ahˇ saˇ jaˇ maˬ ziꞈ ni pyeuꞈ-iˇ-awˇ, ngaˬ neh aˬ yawꞈ maꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ maꞈ puiˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, aˬ yawꞈ maꞈ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ, lawˇ ciꞈ zaˬ deuˬ-euˬ miˬyehˇ deuˬ-ahˇ aˬ yawꞈ maꞈ uˬ duˬ tahˬ tehꞈ-a.

Bawˇtsahˬ 25:2

Mawˇbaˆ miˬ yehˇ-ahˇ uˬ duˬ tahˬ-eu lawˇ-eu shehˇ-eu bawˬ-iˬ gʼeh gaˇ, zaˬ miˬ zaˬ kʼoeˇ deuˬ aˬ yawꞈ maꞈ-ahˇ sheuˬ gʼeh-euˬ meh. Iˇsaˬleˬlaˆ tsawˇ haˬ deuˬ aˬ cawˬ tsawˇ jeuˬ-euˬ dzaˇ dzaˬ-awˇ, aˬ cawˬ tsawˇ jeuˬ-euˬ miˬ yehˇ-ahˇ uˬ duˬ tahˬ-euˬ meh.

1 Gawˇliˬtu 10:27

Yeˬsuˇ Ka li-ahˇ maˬ jah-eu tsawˇ haˬ tiˬ gʼaˬ na naw maꞈ-ahˇ hawˬ kuˇ dzaˬ-awˇ, naw maꞈ dzaˬ-iˇ ma lehˇ noeˬ tsehˆ-euˬ ngeuˇ naˇ, naw maꞈ laꞈ kʼoeˇ siˬ nya-eu nui ma ahˇ-eu loꞈ-ehˇ, kʼaˇ shaˇ dahˇ taˬ-euˬ jeˬ dzaˬ nya tehꞈ-a.

1 Gawˇliˬtu 8:10

“Zaˬ siˬ tsawˇ gahˇ” ahˇ-eu deuˬ lehˇ kuˇ-eu naw maꞈ tahˬ pahˬ aˬ ma mawˇ kawˇ jaˆ-eu uˬ duˬ tahˬ nymˇ laꞈ kʼoeˇ dzaˬ luꞈ dawˇ luꞈ gaˇ, siˬ nya-eu nui ma gʼaˬ baˬ-eu tsawˇ haˬ tiˬ gʼaˬ ya mawˇ naˇ, tahˬ pahˬ aˬ ma mawˇ kawˇ-ahˇ lawˇ-euˬ dzaˇ-ahˇ dzaˬ ni gʼaˬ biꞈ nehˬ gaˇ maˬ duˇ-aˇ loˇ.

1 Gawˇliˬtu 8:7

Ehˇ kʼawꞈ, yawˬ gʼaˬ na luꞈ kʼoeˇ loꞈ-ehˇ siˬ nya-eu zaˬ siˬ tsawˇ gahˇ ahˇ-eu maˬ ngeuˇ-a. Tsawˇ haˬ tiˬ paˆ na deuˬ-aˬ, tahˬ pahˬ aˬ ma mawˇ kawˇ-ahˇ jah sheuˆ taˬ-euˬ miˇ neh, kʼoeˇ loꞈ-ehˇ gʼeh-eu lawˇ dzaˇ-ahˇ dzaˬ ngeh, tahˬ pahˬ aˬ ma mawˇ kawˇ-euˬ dzaˇ meh lehˇ noeˬ luꞈ-eu meh. Aˬ yawꞈ maꞈ-euˬ siˬ nya-eu nui ma gʼaˬ baˬ-eu miˇ neh, dzaˇ kʼoeˇ tsawˇ haˬ-ahˇ laˆ jawꞈ-eu meh lehˇ noeˬ-eu meh.

Yeˬlaˬmiˇ 3:9

Aˬ yawꞈ shaꞈ dawˇ-eu nui ma tiˬ pawꞈ-iˬ maˬ ahˇ ni, kʼaˬ lo hawˇ-eu daˇ kawˬ-ahˇ uˬ duˬ tahˬ-eu laꞈ kʼoeˇ, aˬ cawˬ nehˬ-ehˇ dehꞈ bahˬ-euˬ meh.

Uˬ duˬ 17:7

Aˬ kaˇ naˇ, nehꞈ ciꞈ myehꞈ-ahˇ lawˇ nehˬ-eu jeˬ loꞈ-ehˇ, deh ga-ahˇ jeˬ zaˬ sehꞈ-eu laꞈ kʼoeˇ, Sahˬpaˬ Miˬyehˇ-ahˇ saˇ jaˇ puiˬ-eu jeˬ, Iˇsaˬleˬlaˆ tsawˇ haˬ deuˬ maˬ paˇ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ, zahˇ sahˇ kʼoꞈ heu hmˬ-ahˇ, aˬ myah luꞈ maˬ byehˇ ni ya caw teh meh.

Doˆ-iˇ 34:12

Naw maꞈ le uˇ-eu miˇ kʼahˬ laꞈ kʼoeˇ jawˇ-eu tsawˇ haˬ deuˬ nehˬ-ehˇ saˇ jaˇ taˬ dzaˬ. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, naw maꞈ bi shiˇ-eu gʼaˇ duˬ lahˇ ju kʼmˇ gaˇ duˇ-eu meh.

Panmaeq 2:20

Ehˇ kʼawꞈ, ngaˇ nawˬ-ahˇ heu loꞈ-ehˇ iˬ baˇ taˬ kʼaˇ za-eu ma. Yawˬ haˇ yawˬ ha Miˬyehˇ gʼaˇ duˬ ngehˬ dah-eu tsawˇ haˬ ma lehˇ ehˇ-eu zaˬ miˬ zaˬ tiˬ gʼaˬ pyeuꞈ-eu Yeˬsaˬbeˬlaˇ-ahˇ nawˇ tiˬ jeˬ-iˬ maˬ jahˇ ni kʼoeˇ loꞈ-ehˇ pyehˬ taˬ-euˬ meh. Aˬ yawꞈ mehˬ-eu tsoˆ-eu kʼoeˇ-aˬ, ngaˬ-euˬ zaˬ kʼaˆ deuˬ maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ lawˇ dzaˇ dzaˬ ni sheuˬ bahˬ-euˬ meh.

Hawˇseˬ 9:1

Iˇsaˬleˬlaˆ tsawˇ haˬ deuˬ-oˇ, lawˇ ciꞈ zaˬ deuˬ byawˬ-eu loꞈ-ehˇ, bawˬ-iˬ gʼeh-eu jeˬ byehˇ dzeh jiˇ-awˬ. Naw maꞈ Miˬyehˇ-ahˇ byehˇ dzeh-awˇ, aˬ yawꞈ-ahˇ saˇ jaˇ maˬ ziꞈ-ehˇ, meh maˬ laˇ geuꞈ dzaˬ-eu loꞈ-ehˇ, miˇ kʼahˬ doe ni naw maꞈ gʼawˇ mawˇ, Baˬlaˇ miˬyehˇ-ahˇ ahˬ dzaˬ-awˇ, yawꞈ biꞈ laꞈ-euˬ lehˇ noeˬ-eu, cehˇ-ahˇ naw maꞈ nui kʼahˇ jaˆ meh.

Hawˇseˬ 4:12

Daˇ kawˬ aˇ bawˇ ka tuˇ taˬ gaˇ, kʼaˇ ngeuˇ-eu jeˬ naˇ haˬ leˇ-awˇ, yawꞈ maꞈ kʼaˇ siˬ nya mawꞈ-eu jeˬ, daˇ kawˬ neh bi ehˇ nehˬ-eu meh. Kʼaˬ dzeˇ zaˬ-ahˇ byehˇ dzeh yaꞈ-awˇ, meh maˬ laˇ geuꞈ-iˇ-euˬ loꞈ-ehˇ, yawꞈ maꞈ ngaˬ-ahˇ byehˇ dzeh yaꞈ-awˇ, miˬ yehˇ nui deuˬ-ahˇ jah-euˬ meh.

Jaceuq 73:27

Nawˬ-ahˇ byehˇ dzeh-eu tsawˇ haˬ deuˬ aˬ diˇ aˬ maˇ ya luˬ ya seˇ-iˇ tehꞈ-a. Nawˬ-ahˇ saˇ jaˇ maˬ ziꞈ-eu tsawˇ haˬ deuˬ-ahˇ nawˇ laˆ luˬ laˆ seˇ nehˬ tehꞈ-a.

Eˇzaˬlaˬ 6:9

Aˬ yawꞈ nah yawꞈ Yeˬluˇsaˬlehˬ meuˬ-ahˇ jawˇ-eu piˇ ma deuˬ loˬ nya lehˇ kʼaˇ ehˇ-eu jeˬ-ahˇ tiˬ jeˬ-iˬ maˬ bi teˬ-iˇ ni biꞈ nehˬ-awˬ. Miˬ dzaˬ dzah puiˆ-awˇ mˬ taˆ Miˬyehˇ-ahˇ lawˇ nehˬ-eu gʼaˇ duˬ loˬ-eu mawˇ neˇ mawˇ gaw zaˬ deuˬ, yawˇ deuˬ, yawˇ zaˬ deuˬ maˬ ehˇ, cehˇ, saˬ deuꞈ, aˬ gaꞈ dzaˇ uiˇ hawˇ-eu saˬ loˬ tsiˇ maˬ ehˇ, aˬ yawꞈ nah yawꞈ kʼaˇ shaˇ-eu loꞈ-ehˇ biꞈ-awˬ.

Dawˬmehˬ 7:2

Tsawˇ jeuˬ kʼoeˇ deuˬ naw maꞈ-euˬ laꞈ-ahˇ ahˇ le ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-awˇ, aˬ yawꞈ maꞈ dawˬ tawˆ luꞈ-ahˇ naw maꞈ ya sehꞈ meh. Aˬ yawꞈ maꞈ nehˬ-ehˇ saˇ jaˇ taˬ dzaˬ.

Bawˇtsahˬ 15:39

Dawˬ sheuˇ kʼoeˇ-aˬ, naw maꞈ gʼaˇ duˬ bi noeˬ mawˇ-eu jeˬ pyeuꞈ tehꞈ-a. Aˬ myah luꞈ dawˬ sheuˇ kʼoeˇ-ahˇ naw maꞈ kʼaˇ mawˇ ngeh, ngaˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ noeˬ mawˇ-awˇ naˇ haˬ geuꞈ-eu laꞈ kʼoeˇ, naw maꞈ-euˬ nui kʼahˇ maˬ mˇ-ehˇ, ngaˬ-ahˇ maˬ byehˇ dzeh ni dehꞈ tehꞈ-a.

Doˆ-iˇ 34:10

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nymˬ-mˇ ngaˇ Iˇsaˬleˬlaˆ tsawˇ haˬ deuˬ nehˬ-ehˇ saˇ jaˇ dzaˬ-eu ma. Miˇ tsaˬ heu kʼoeˇ taˆ tsawˇ jeuˬ tiˬ jeuˬ-iˬ maˬ ya mawˇ haw-euˬ kʼaˆ jeˬ-ehˇ gʼeh-eu jeˬ, aˬ yawꞈ maꞈ mehˬ shi ngaˇ jahˇ mehˬ nehˬ ma. Sahˬpaˬ Miˬyehˇ pyeuꞈ-eu ngaˇ-aˬ, huiˬ dui dui-eu gaˇ deuˬ mˇ nya gaˇ, aˬ yawꞈ maꞈ dawˬ tawˆ luꞈ ya mawˇ tehꞈ-a. Aˬ jeˬ miˇ neh ehˇ naˇ, naw maꞈ-euˬ mehˬ shi zahˬ dui dui leˇ paˬ-ehˇ gʼeh-eu jeˬ mˇ mehˬ nehˬ-eu lehˇ, ngaˇ lehˬ hmˬ taˬ-euˬ ma.

Doˆ-iˇ 23:32

Aˬ yawꞈ maꞈ-ahˇ maˬ ehˇ, aˬ yawꞈ maꞈ-euˬ miˬ yehˇ-ahˇ maˬ ehˇ, saˇ jaˇ taˬ dzaˬ.

Gʼaˬkʼehˇ 15:20

Ehˇ kʼawꞈ, aˬ yawꞈ maꞈ-ahˇ sahˬ boꞈ boꞈ nehˬ-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ maˬ shawˇ-eu dzaˇ deuˬ-ahˇ dzaˬ-eu, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu taꞈ-eu, shiˬ maˬ sehꞈ dzeˇ ni paꞈ sehꞈ-euˬ shaˬ jiˇ hawˇ-eu shiˬ dzaˬ-eu, heu deuˬ-ahˇ maˬ mˇ ni ya yahˇ meh lehˇ ehˇ nehˬ-eu tsaˬ tehꞈ-a.

Doˆ-iˇ 22:20

“Sahˬpaˬ Miˬyehˇ pyeuꞈ-eu ngaˬ-ahˇ maˬ ngeuˇ ni, miˬyehˇ nui gʼaˬ-ahˇ lawˇ-eu shehˇ-eu tsawˇ haˬ-ahˇ ya sehꞈ byoˆ meh.

Doˆ-iˇ 32:8

Ngaˬ neh aˬ yawꞈ maꞈ-ahˇ bi cah-euˬ gaˇ ma-ahˇ aˬ yawꞈ maꞈ byehˇ dzeh gʼaˬ-euˬ meh. Aˬ yawꞈ maꞈ shuiˇ mawˇ neˇ mawˇ kawˇ kʼaˇ doˆ-awˇ, uˬ duˬ tahˬ-eu uˬ taꞈ, lawˇ-eu shehˇ-eu jeˬ kʼawꞈ mˇ luꞈ meh. Kʼoeˇ-aˬ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ aˬ yawꞈ maꞈ-euˬ miˬyehˇ meh lehˇ, aˬ yawꞈ maꞈ ehˇ luꞈ meh.

Bawˇtsahˬ 25:1

Aˬkaˬshaˇ deh kʼawꞈ-ahˇ Iˇsaˬleˬlaˆ tsawˇ haˬ deuˬ jawˇ naˬ luꞈ ngeh, Iˇsaˬleˬlaˆ tsawˇ haˬ kʼaˬ dzeˇ zaˬ deuˬ, kʼoeˇ gaˇ jawˇ-eu Mawˇbaˆ tsawˇ haˬ zaˬ miˬ zaˬ deuˬ nehˬ-ehˇ yuꞈ taꞈ-euˬ meh.

Dawˬmehˬ 7:3

Gʼawˬ shaˬ kʼawꞈ taˬ gaˬ nehˬ. Aˬ yawꞈ maꞈ nehˬ-ehˇ taˬ sheuˬ dahˬ dzaˬ. Naw maꞈ-euˬ zaˬ deuˬ kʼawꞈ aˬ yawꞈ maꞈ-euˬ zaˬ deuˬ nehˬ-ehˇ taˬ bi sheuˬ dahˬ dzaˬ.

Dawˬmehˬ 32:37

Kʼoeˇ ngeh yawꞈ-euˬ tsawˇ haˬ deuˬ-ahˇ, ‘Naw maꞈ gʼoe-euˬ miˬ yehˇ kʼoeˇ deuˬ, aˬ geu paw iˇ byoˆ jiˇ taˬ’ lehˇ, Sahˬpaˬ Miˬyehˇ naˇ haˬ tehꞈ-a.

Dawˬmehˬ 32:38

‘Muiˬ-eu lawˇ dzaˇ tsiˇ byuˬ lawˇ-awˇ, aˬ gaꞈ dzaˇ uiˇ lawˇ nehˬ-euˬ-aˬ, nymˬ-mˇ cehˆ coeˬ bi coeˬ leꞈ-awˇ, naw maꞈ-ahˇ bi ka kʼoꞈ-awˬ tawˇ.

Yawˇshuˆ 23:12

Naw maꞈ saˇ jaˇ maˬ ziꞈ-ehˇ, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ kʼoeˇ deuˬ nehˬ-ehˇ keuˬ leˇ-awˇ, sheuˬ dahˬ dzaˬ taꞈ naˇ,

Yaˇ kʼaˬ daˇ 3:6

Tsawˇ jeuˬ kʼoeˇ deuˬ nehˬ-ehˇ sheuˬ dahˬ dzaˬ taꞈ-awˇ, tsawˇ jeuˬ kʼoeˇ deuˬ-euˬ miˬyehˇ deuˬ-ahˇ uˬ duˬ tahˬ-euˬ meh.

1 Laˬsaˬbaˬ 5:25

Ehˇ kʼawꞈ, tsawˇ haˬ kʼoeˇ deuˬ-aˬ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ-ahˇ saˇ jaˇ maˬ ziꞈ ni byehˇ dzeh-awˇ, Miˬyehˇ neh teh doˆ-euˬ tsawˇ jeuˬ kʼoeˇ deuˬ-euˬ miˬ yehˇ deuˬ-ahˇ uˬ duˬ tahˬ-euˬ meh.

Eˇzaˬlaˬ 9:12

Kʼoeˇ miˇ neh, naw maꞈ-euˬ zaˬ miˬ zaˬ yo deuˬ hawˇ-eu aˬ yawꞈ maꞈ-euˬ zaˬ miˬ zaˬ yo deuˬ taˬ bi sheuˬ dahˬ dzaˬ taꞈ. Miˇ kʼahˬ kʼoeˇ kʼahˬ naw maꞈ dzaˬ mawꞈ-awˇ, naw maꞈ-euˬ zaˬ deuˬ uˆ deuˬ-euˬ laꞈ-ahˇ bi jaˆ yaꞈ mawꞈ naˇ, kʼoeˇ gaˇ jawˇ-eu tsawˇ haˬ deuˬ dehꞈ dzaˬ laˇ-awˇ baw le za le ni naw maꞈ taˬ caw ba nehˬ lehˇ nawˬ neh ehˇ taˬ-euˬ dawˬ jaˆ-eu meh.

Doˆ-iˇ 22:19

“Jeˬ zaˬ nehˬ-ehˇ joe-eu tsawˇ haˬ-ahˇ ya sehꞈ meh.

Dawˬmehˬ 31:18

Aˬ yawꞈ maꞈ-ahˇ ngaˇ maˬ caw ba nehˬ ni jawˇ ma. Aˬ jeˬ miˇ neh ehˇ naˇ, aˬ yawꞈ maꞈ maˬ muiˬ maˬ jaˬ-eu jeˬ mˇ-awˇ, miˬ yehˇ nui deuˬ-ahˇ uˬ duˬ tahˬ-euˬ meh.