Doˆ-iˇ 34:10 - Akha

¹⁰ Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nymˬ-mˇ ngaˇ Iˇsaˬleˬlaˆ tsawˇ haˬ deuˬ nehˬ-ehˇ saˇ jaˇ dzaˬ-eu ma. Miˇ tsaˬ heu kʼoeˇ taˆ tsawˇ jeuˬ tiˬ jeuˬ-iˬ maˬ ya mawˇ haw-euˬ kʼaˆ jeˬ-ehˇ gʼeh-eu jeˬ, aˬ yawꞈ maꞈ mehˬ shi ngaˇ jahˇ mehˬ nehˬ ma. Sahˬpaˬ Miˬyehˇ pyeuꞈ-eu ngaˇ-aˬ, huiˬ dui dui-eu gaˇ deuˬ mˇ nya gaˇ, aˬ yawꞈ maꞈ dawˬ tawˆ luꞈ ya mawˇ tehꞈ-a. Aˬ jeˬ miˇ neh ehˇ naˇ, naw maꞈ-euˬ mehˬ shi zahˬ dui dui leˇ paˬ-ehˇ gʼeh-eu jeˬ mˇ mehˬ nehˬ-eu lehˇ, ngaˇ lehˬ hmˬ taˬ-euˬ ma.

Doˆ-iˇ 34:10 Referans Kwoze

Dawˬmehˬ 10:21

Aˬ yawꞈ-ahˇ ja ceuˬ-awˬ. Aˬ yawꞈ-aˬ, naw maꞈ-euˬ Miˬyehˇ pyeuꞈ-awˇ, naw maꞈ gʼaˇ duˬ aˬ yawꞈ neh mˇ-euˬ huiˬ dui dui-awˇ zahˬ leˇ paˬ-ehˇ gʼeh-eu jeˬ-ahˇ, naw maꞈ-euˬ myaˆ nuiˆ neh ya mawˇ duˬ gʼaˬ-euˬ meh.

Jaceuq 77:14

Nawˇ-aˬ, kʼaˆ jeˬ-ehˇ gʼeh-eu jeˬ mˇ-eu Miˬyehˇ meh. Tsawˇ jeuˬ dawˬ tawˆ luꞈ-ahˇ nawˬ-euˬ baoˬ nawˇ bi mawˇ-euˬ meh.

Iˇsaˬyaˇ 64:3

Aˇ hu nga maꞈ maˬ noeˬ maˬ duˇ-euˬ gaˇ, guˆ-eu gaˆ-eu jeˬ nawˇ mˇ ngeh, gawˬ jawˬ deuˬ guˆ-awˇ yaw dzuˬ dzuˬ-euˬ meh.

Jaceuq 66:5

Miˬyehˇ neh mˇ taˬ-euˬ gaˇ-ahˇ haw laˇ-awˬ. Tsawˇ haˬ zaˬ gʼaˇ duˬ aˬ yawꞈ neh mˇ taˬ-euˬ huiˬ-eu gaˇ-ahˇ haw laˇ-awˬ.

Yeˬlaˬmiˇ 32:21

Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ-eu laꞈ kʼoeˇ, nga maꞈ-ahˇ muiˇ-eu deuˬ-ahˇ nawˇ laˆ guˆ nehˬ-awˇ, nawˬ-euˬ baoˬ-ahˇ gʼoe-eu laꞈ kʼoeˇ, nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh nawˇ sheuˬ doˆ nehˬ-euˬ meh.

2 Saˬmeuˬlaˆ 7:23

Nawˬ-euˬ tsawˇ jeuˬ bi pyeuꞈ laˇ-eu gʼaˇ duˬ, aˬ cawˬ tsawˇ jeuˬ-euˬ zaˬ kʼaˆ geuꞈ luꞈ ngeh nawˬ neh ka kʼoꞈ nehˬ laꞈ-euˬ Iˇsaˬleˬlaˆ tsawˇ jeuˬ-ahˇ duˇ-eu tsawˇ jeuˬ tiˬ jeuˬ-iˬ, miˇ tsaˬ kʼoeˇ taˆ maˬ jawˇ-a. Nawˬ neh aˬ yawꞈ maꞈ gʼaˇ duˬ mˇ-euˬ, huiˬ dui dui-eu gaˇ deuˬ hawˇ-eu, zahˬ leˇ paˬ-ehˇ gʼeh-eu gaˇ deuˬ baˬ da neh, miˇ tsaˬ kʼoeˇ taˆ nawˬ-euˬ tsawˇ myahˇ doˆ luꞈ meh. Nawˬ-euˬ tsawˇ jeuˬ bi pyeuꞈ laˇ-eu gʼaˇ duˬ, Iˇjiˇtuˆ miˇ kʼahˬ laꞈ kʼoeˇ nawˬ neh ka kʼoꞈ doˆ laꞈ-euˬ tsawˇ haˬ deuˬ mehˬ hu paw laˇ luꞈ ngeh, aˬ cawˬ tsawˇ jeuˬ hawˇ-eu aˬ yawꞈ maꞈ-euˬ miˬyehˇ deuˬ-ahˇ nawˇ teh dzeh-euˬ meh.

Jaceuq 78:12

Iˇjiˇtuˆ miˇ kʼahˬ Zoˇnaˆ deh ga-ahˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ mehˬ shi, zahˬ leˇ paˬ-ehˇ gʼeh-eu jeˬ Miˬyehˇ mˇ mehˬ nehˬ-euˬ meh.

Jaceuq 66:3

Miˬyehˇ-ahˇ heu loꞈ-ehˇ ehˇ nehˬ-awˬ. Nawˬ neh mˇ-euˬ gaˇ deuˬ aˇ naˆ ni zahˬ leˇ paˬ-ehˇ gʼeh-eu nga. Nawˬ-euˬ baoˬ huiˬ dui mahˇ dui dui-eu miˇ neh, nawˬ-ahˇ muiˇ-eu deuˬ guˆ-eu laꞈ kʼoeˇ, nawˬ-euˬ mehˬ shi awˆ byaˆ-eu meh.

Dawˬmehˬ 32:30

Yawꞈ maꞈ gʼoe duˬ lo guˇ pyeuꞈ-eu Sahˬpaˬ Miˬyehˇ neh yawꞈ maꞈ-ahˇ maˬ byehˇ dzeh ni haw law nmˇ-aˬ, aˬ cawˬ tsawˇ haˬ tiˬ gʼaˬ tehꞈ-ehˇ, yawꞈ maꞈ tiˬ heˇ gʼaˬ-ahˇ teh-awˇ, aˬ cawˬ tsawˇ haˬ nyiˬ gʼaˬ oe-euˬ, tiˬ muiˇ gʼaˬ-ahˇ gʼaˬ leˇ nmˇ loˇ.

Yawˇshuˆ 6:20

Kʼoeˇ naˇ, piˇ ma deuˬ daˇ heh baw-euˬ meh. Daˇ heh teˇ saˇ ya gaˬ-eu nehˬ-ehˇ, tsawˇ haˬ kʼoeˇ deuˬ guˇ kʼaˆ leꞈ-awˇ, meuˬ meuˬ lahˇ byaˆ-iˇ-euˬ meh. Kʼoeˇ ngeh, guiˇ maꞈ maꞈ lah ni, yawˬ ha mehˬ shi tiˬ dawˇ gawˬ duˇ-ahˇ daˆ leˇ-awˇ, meuˬ-ahˇ uˇ leˇ-euˬ meh.

Doˆ-iˇ 34:27

Kʼoeˇ naˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Dawˬ heu deuˬ boꞈ ahˇ taˬ-awˬ. Aˬ jeˬ miˇ neh ehˇ naˇ, dawˬ heu deuˬ-ahˇ gʼoe-awˇ, nawˇ hawˇ-eu Iˇsaˬleˬlaˆ tsawˇ haˬ deuˬ-ahˇ ngaˇ dawˬ ma saˇ jaˇ dzaˬ-eu jeˬ pyeuꞈ-eu ma.”

Jaceuq 145:6

Nawˬ neh mˇ-euˬ huiˬ-eu gaˇ deuˬ-ahˇ miˇ tsaˬ zaˬ deuˬ ja-awˇ, nawˇ huiˬ dui mahˇ dui dui-eu gaˇ kawˆ ngaˇ ja gaˬ ma.

Jaceuq 106:22

Kʼoeˇ gaˇ aˬ yawꞈ neh mˇ-euˬ jeˬ aˇ naˆ ni gamꞈ leˇ paˬ-ehˇ gʼeh-eu nga. Iˬ ma laˆ shaˆ yaw neˇ dawˬ peh aˬ yawꞈ neh jahˇ-euˬ jeˬ, aˇ naˆ ni zahˬ leˇ paˬ-ehˇ gʼeh-eu nga.

Jaceuq 76:12

Miˇ kʼahˬ-ahˇ uˆ lahˇ-eu deuˬ nui ma baˬ-iˇ ni aˬ yawꞈ jahˇ-awˇ, sahˬ paˬ deuˬ-ahˇ aˬ yawꞈ laˆ guˆ-eu meh.

Jaceuq 65:5

Gʼaˬ leˇ-eu jeˬ biꞈ laꞈ-eu laꞈ kʼoeˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-awˇ, nga maꞈ-ahˇ ka kʼoꞈ nehˬ laꞈ-eu laꞈ kʼoeˇ, zahˬ leˇ paˬ-ehˇ gʼeh-eu jeˬ nawˇ mˇ-euˬ meh. Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ hawˇ-eu, iˬ ma laˆ shaˆ nui baˬ-ahˇ jawˇ-eu tsawˇ haˬ deuˬ nawˬ-ahˇ gʼoe-eu meh.

Jaceuq 147:20

Aˬ cawˬ tsawˇ jeuˬ-ahˇ aˬ yawꞈ kʼoeˇ loꞈ-ehˇ maˬ jahˇ nehˬ-ehˇ, aˬ yawꞈ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ maˬ siˬ nya-a. Sahˬpaˬ Miˬyehˇ-ahˇ ja ceuˬ-awˬ.

Dawˬmehˬ 4:13

Naw maꞈ bi caw teh-eu gʼaˇ duˬ, aˬ yawꞈ-euˬ dawˬ ma saˇ jaˇ pyeuꞈ-eu Zahˇ dawˬ kʼoꞈ dawˬ Tseˇ dawˬ aˬ yawꞈ ehˇ mehˬ nehˬ-awˇ, kʼaˬ lo teˇ byaꞈ kʼoeˇ taˆ aˬ yawꞈ boꞈ-euˬ meh.

Jaceuq 68:35

Aˬ yawꞈ-euˬ muiˬ-eu shawˇ-eu jawˇ duˬ-ahˇ neh doˆ le-eu Miˬyehˇ, aˇ naˆ ni zahˬ leˇ paˬ-ehˇ gʼeh-eu nga. Iˇsaˬleˬlaˆ-euˬ Miˬyehˇ aˇ naˆ ni zahˬ leˇ paˬ-ehˇ gʼeh-eu nga. Aˬ yawꞈ-euˬ tsawˇ jeuˬ-ahˇ, gʼaˬ hawˇ-eu baoˬ aˬ yawꞈ biꞈ nehˬ-euˬ meh. Miˬyehˇ-ahˇ ja ceuˬ-awˬ.

Doˆ-iˇ 34:28

Oeˬ tseˇ nah oeˬ tseˇ miˇ keuˆ ni, Moˇseˬ tiˬ jeˬ-iˬ maˬ dzaˬ maˬ dawˇ ni, Sahˬpaˬ Miˬyehˇ nehˬ-ehˇ kʼoeˇ gaˇ jawˇ-euˬ meh. Dawˬ ma saˇ jaˇ dawˬ deuˬ pyeuꞈ-eu zahˇ dawˬ kʼoꞈ dawˬ tseˇ dawˬ-ahˇ, kʼaˬ lo teˇ byaꞈ kʼoeˇ taˆ aˬ yawꞈ boꞈ-euˬ meh.

Dawˬmehˬ 9:19

Sahˬpaˬ Miˬyehˇ nui ma pehˇ-eu jeˬ-ahˇ ngaˇ guˆ dui dui-euˬ ma. Aˬ jeˬ miˇ neh ehˇ naˇ, naw maꞈ-ahˇ laˆ luˬ laˆ seˇ nehˬ paˬ-ehˇ aˬ yawꞈ nui ma pehˇ laˇ taˬ-euˬ meh. Ehˇ kʼawꞈ, ngaˬ-euˬ shaˇ dawˬ-ahˇ aˬ yawꞈ tiˬ poˆ paˇ naˇ haˬ nehˬ laꞈ-euˬ meh.

Jaceuq 72:18

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ tehꞈ-ehˇ zahˬ leˇ paˬ-ehˇ gʼeh-eu gaˇ heu deuˬ mˇ-eu meh.

Jaceuq 136:4

Aˬ yawꞈ tehꞈ-ehˇ kʼaˆ jeˬ-ehˇ gʼeh-eu jeˬ mˇ nya-eu meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Miˇkaˬ 7:15

Sahˬpaˬ Miˬyehˇ-oˇ, Iˇjiˇtuˆ miˇ kʼahˬ laꞈ kʼoeˇ neh nga maꞈ-ahˇ nawˇ sheuˬ doˆ laꞈ ngeh loꞈ-ehˇ, nga maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ nehˬ laꞈ-awˬ.