Doˆ-iˇ 33:7 - Akha

⁷ Iˇsaˬleˬlaˆ tsawˇ haˬ deuˬ kʼaˇ jawˇ naˬ-euˬ tsahˇ-ahˇ, aˬ yawꞈ maꞈ-euˬ sehˬ gʼawˆ deuˬ nehˬ-ehˇ ui cuiˆ gaˇ mahˇ kaˬ gaˇ, muiˬ-eu shawˇ-eu Sehˬ gʼawˆ kʼoeˇ gʼawˆ Moˇseˬ bi jaˆ-euˬ meh. Sehˬ gʼawˆ kʼoeˇ gʼawˆ-ahˇ, Sahˬpaˬ Miˬyehˇ jawˇ-eu Sehˬ gʼawˆ lehˇ myahˇ-awˇ, Sahˬpaˬ Miˬyehˇ-ahˇ kʼaˇ tahˬ puˬ mawꞈ-eu tsawˇ haˬ deuˬ kʼoeˇ gaˇ ya le-eu meh.

Doˆ-iˇ 33:7 Referans Kwoze

Iˇsaˬyaˇ 59:2

Naw maꞈ kuˇ ngeh aˬ yawꞈ maˬ gaˬ-eu-aˬ, naw maꞈ iˬ baˇ baˬ da neh meh. Naw maꞈ Miˬyehˇ-ahˇ uˬ duˬ tahˬ-eu leh jeh ngeh, aˬ yawꞈ nehˬ-ehˇ zahˇ doꞈ kaˬ-iˇ-euˬ-aˬ, naw maꞈ iˬ baˇ baˬ da neh meh.

Dawqdaq 15:29

Yaw haiˬ deuˬ-ahˇ Sahˬpaˬ Miˬyehˇ gaˇ mahˇ kaˬ-awˇ, tsawˇ muiˬ shaˇ dawˬ aˬ yawꞈ naˇ haˬ-eu meh.

2 Saˬmeuˬlaˆ 21:1

Daˬbiˇ sahˬ paˬ geuꞈ-awˇ uˆ lahˇ-euˬ aˇ yamˬ laꞈ kʼoeˇ, mehꞈ dui shuꞈ dui dui-eu aˇ kʼoꞈ smˇ kʼoꞈ keuˆ le-euˬ meh. Gaˇ kawˆ kʼoeˇ Sahˬpaˬ Miˬyehˇ-ahˇ Daˬbiˇ naˇ haˬ ngeh, “Sawˇluˆ hawˇ-eu aˬ yawꞈ-euˬ nymˇ kʼahˬ zaˬ deuˬ aˬ cawˬ-ahˇ sehꞈ-euˬ iˬ baˇ pi luꞈ-eu meh. Giˇbyoˬ meuˬ-ahˇ jawˇ-eu tsawˇ haˬ deuˬ-ahˇ aˬ yawꞈ sehꞈ-euˬ meh” lehˇ, Sahˬpaˬ Miˬyehˇ ehˇ-eu meh.

Dawˬmehˬ 4:29

Kʼoeˇ gaˇ, Sahˬpaˬ Miˬyehˇ-ahˇ naw maꞈ poˆ-awˇ, naw maꞈ-euˬ nui ma saꞈ laˇ dawˬ tawˆ luꞈ aˬ yawꞈ-ahˇ poˆ naˇ, ya mawˇ tehꞈ-a.

Hawˇseˬ 9:12

Zaˬ paˇ cu huiˬ law hawˇ kʼawꞈ ni, yaw dehꞈ tiˬ gʼaˬ-iˬ maˬ bi jawˇ. Aˬ yawꞈ maꞈ-ahˇ ngaˇ byehˇ dzeh ngeh, yaw kʼaˆ-ehˇ ya noeˬ shaˬ tehꞈ-a.”

Jaceuq 35:22

Ehˇkʼawꞈ SahˬpaˬMiˬyehˇnawˇ-aˬ, siˬjiˇmawˇjiˇtaˬ-euˬmiˇneh, ciˬcuˇni jawˇbyoˆ-eu laꞈkʼoeˇ, ngaˬ-ahˇbyehˇ-awˇtaˬbi shaˬlaꞈ.

Jaceuq 27:8

Ngaˬ-euˬmyaˆpyawˬ-ahˇ poˆ-awˬlehˇ, nawˇngaˬ-ahˇehˇnehˬlaꞈngeh jawˇ, nawˬ-euˬmyaˆpyawˬngaˇpoˆma lehˇ, nui ma laꞈkʼoeˇngaˇehˇ-euˬma.

Jaceuq 10:1

Sahˬpaˬ Miˬyehˇ-oˇ, aˬjeˬmiˇneh gaˇmahˇkaˬte. Nga maꞈshaˬzahˬnaꞈdui dui ngeh, aˬjeˬmiˇneh dzuˇzaꞈluꞈte.

HeˬByehˇ 8:2

Aˬ yawꞈ-aˬ, tsawˇ haˬ zaˬ neh tsoˆ-euˬ sehˬ gʼawˆ maˬ ngeuˇ-eu, Sahˬpaˬ Miˬyehˇ neh tsoˆ-euˬ maˇ maˇ ni gʼeh-eu sehˬ gʼawˆ laꞈ kʼoeˇ, Muiˬ dui shawˇ dui dui-eu Jawˇduˬ-ahˇ gaˇ mˇ-eu Piˇma Yaw huiˬ gʼaˬ pyeuꞈ-eu meh.

Doˆ-iˇ 18:7

Kʼoeˇ ngeh, Moˇseˬ aˬ yawꞈ-ahˇ tahˬ puˬ leˇ-awˇ, aˬ yawꞈ-euˬ mehˬ shi uˬ duˬ tahˬ moꞈ-awˇ, aˬ yawꞈ-ahˇ mehˬ cuˇ cuˇ-euˬ meh. Aˬ yawꞈ nyaꞈ tiˬ gʼaˬ tiˇ gʼaˬ dawˬ cawˬ puˬ-awˇ, Moˇseˬ-euˬ sehˬ gʼawˆ laꞈ kʼoeˇ uˇ-iˇ-euˬ meh.

Doˆ-iˇ 18:12

Kʼoeˇ ngeh, Moˇseˬ-euˬ tsawˇ mawˬ Yeˬdaˬyoˇ-aˬ, Miˬyehˇ-ahˇ lawˇ nehˬ-eu gʼaˇ duˬ, jeˬ zaˬ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ hawˇ-eu, aˬ nah aˬ dzeˇ lawˇ nehˬ-eu jeˬ yuˇ laꞈ-euˬ meh. Aˬloˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ aˬ yawꞈ nehˬ-ehˇ le-awˇ, zahˇ jahˇ-eu dzaˬ byawˇ tiˬ kawˆ loꞈ-ehˇ dzaˬ taꞈ dawˇ taꞈ-eu laꞈ kʼoeˇ, Miˬyehˇ-ahˇ uˬ duˬ tahˬ-euˬ meh.

Doˆ-iˇ 33:6

Kʼoeˇ miˇ neh, Siˇnaˆ gawˬ jawˬ-ahˇ neh aˬ yawꞈ maꞈ doˆ-iˇ ngeh tiˬ nah neh, aˇ poeˬ kʼaˆ-eu myawˬ guˇ deuˬ aˬ yawꞈ maꞈ maˬ paˇ geuꞈ luꞈ meh.

Doˆ-iˇ 33:8

Sehˬ gʼawˆ kʼoeˇ gʼawˆ-ahˇ Moˇseˬ kʼaˇ le ngeh, Sehˬ gʼawˆ laꞈ kʼoeˇ maˬ le uˇ kʼoeˇ keuˆ ni, Iˇsaˬleˬlaˆ tsawˇ haˬ deuˬ yawˬ ha-euˬ sehˬ gʼawˆ gʼoˆ kʼehˬ-ahˇ yawꞈ-awˇ haw luꞈ-eu meh.