Doˆ-iˇ 32:4 - Akha

⁴ Shuiˇ naˬ yoˆ kʼoeˇ deuˬ aˬ yawꞈ puiˆ guiˇ-awˇ, mawˇ neˇ mawˇ gaw mawˇ kawˇ kʼaˇ-euˬ meh. Kʼoeˇ ngeh, “Iˇsaˬleˬlaˆ tsawˇ haˬ deuˬ-oˇ, heu-aˬ, Iˇjiˇtuˆ miˇ kʼahˬ laꞈ kʼoeˇ neh aˬ dui-ahˇ sheuˬ doˆ nehˬ laꞈ-euˬ aˬ dui-euˬ miˬ yehˇ meh” lehˇ aˬ yawꞈ maꞈ ehˇ-eu meh.

Doˆ-iˇ 32:4 Referans Kwoze

Neˬhaˬmiˇ 9:18

Mawˇ neˇ mawˇ kawˇ tahˬ pahˬ aˬ ma aˬ yawꞈ maꞈ tehˆ-awˇ, Iˇjiˇtuˆ-ahˇ neh sheuˬ doˆ nehˬ laꞈ-euˬ miˬ yehˇ, mawˇ kawˇ kʼoeˇ meh lehˇ aˬ yawꞈ maꞈ ehˇ-eu meh. Sahˬpaˬ Miˬyehˇ nawˬ-ahˇ aˬ yawꞈ maꞈ, ngehˬ bahˬ tmˇ bahˬ dui dui-euˬ meh.

Dawˬmehˬ 9:16

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ taˬ-euˬ zahˇ dawˬ kʼoꞈ dawˬ deuˬ-ahˇ naw maꞈ maˬ naˇ haˬ geuꞈ-ehˇ, yawˬ ha gʼaˇ duˬ tahˬ pahˬ aˬ ma mawˇ kawˇ tehˆ-eu laꞈ kʼoeˇ, aˬ yawꞈ-ahˇ mˇ bahˬ-euˬ gaˇ ngaˇ ya mawˇ-euˬ ma.

Gʼaˬkʼehˇ 7:41

Kʼoeˇ ngeh, mawˇ neˇ mawˇ gaw mawˇ kawˇ tiˬ kawˇ aˬ yawꞈ maꞈ tehˆ-awˇ, lawˇ-eu shehˇ-eu jeˬ mˇ-awˇ, aˬ yawꞈ maꞈ neh tehˆ-euˬ mawˇ kawˇ kʼoeˇ-ahˇ taˬ huiˬ-eu bawˬ-iˬ gʼeh-euˬ meh.

Doˆ-iˇ 32:8

Ngaˬ neh aˬ yawꞈ maꞈ-ahˇ bi cah-euˬ gaˇ ma-ahˇ aˬ yawꞈ maꞈ byehˇ dzeh gʼaˬ-euˬ meh. Aˬ yawꞈ maꞈ shuiˇ mawˇ neˇ mawˇ kawˇ kʼaˇ doˆ-awˇ, uˬ duˬ tahˬ-eu uˬ taꞈ, lawˇ-eu shehˇ-eu jeˬ kʼawꞈ mˇ luꞈ meh. Kʼoeˇ-aˬ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ aˬ yawꞈ maꞈ-euˬ miˬyehˇ meh lehˇ, aˬ yawꞈ maꞈ ehˇ luꞈ meh.

1 Sahˬpaˬ 12:28

Aˬ yawꞈ kʼoeˇ loꞈ-ehˇ noeˬ mawˇ-awˇ, shuiˇ mawˇ neˇ mawˇ kawˇ nyiˬ kawˇ kʼaˇ-awˇ, aˬ yawꞈ-euˬ tsawˇ haˬ deuˬ-ahˇ ehˇ nehˬ-eu, “Naw maꞈ Yeˬluˇsaˬlehˬ meuˬ-ahˇ iˇ iˇ-ehˇ uˬ duˬ tahˬ-eu myahˇ laˇ-euˬ meh. Iˇsaˬleˬlaˆ tsawˇ haˬ deuˬ-oˇ, heu deuˬ-aˬ, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ naw maꞈ-euˬ miˬ yehˇ deuˬ meh.”

Hawˇseˬ 13:2

Tahˬ pahˬ aˬ ma mawˇ kawˇ tehˆ-awˇ, uˬ duˬ tahˬ dui dui-eu laꞈ kʼoeˇ, iˬ baˇ mˇ-eu maˬ naˬ leˇ-a. Tsawˇ haˬ zaˬ neh shaˇ noeˬ doˆ-awˇ, tsawˇ haˬ-euˬ aˬ laꞈ neh jahˇ-awˇ, pyuˇ neh lawˬ-euˬ mawˇ kawˇ deuˬ-ahˇ, “Lawˇ-awˬ shehˇ-awˬ” lehˇ ehˇ-eu meh. Mawˇ neˇ mawˇ gaw-ahˇ duˇ leˇ-eu, tahˬ pahˬ aˬ ma mawˇ kawˇ deuˬ-ahˇ, aˬ joˆ-ehˇ mehˬ cuˇ cuˇ nehˬ nmˇ.

Gʼaˬkʼehˇ 17:29

Aˬ dui-aˬ, Miˬyehˇ-euˬ zaˬ pyeuꞈ-eu miˇ neh, Miˬyehˇ-aˬ, tsawˇ haˬ zaˬ-euˬ zaˬ siˬ tsawˇ gahˇ neh noeˬ doˆ-awˇ jahˇ taˬ-euˬ shuiˇ mawˇ kawˇ, pyuˇ mawˇ kawˇ, kʼaˬ lo mawˇ kawˇ heu deuˬ-ahˇ duˇ tehꞈ-a lehˇ aˬ dui noeˬ-eu maˬ tsaˬ-a.

Hawˇseˬ 10:5

Saˬmaˬliˆ meuˬ-ahˇ jawˇ-eu deuˬ, Beˬdeˬlaˇ meuˬ-ahˇ jaˆ luꞈ-eu, shuiˇ mawˇ neˇ mawˇ kawˇ byoˆ-euˬ gaˇ, guˆ dui dui-eu yaw dzuˬ dzuˬ meh. Mawˇ kawˇ kʼoeˇ-euˬ yaw shehꞈ kʼahˬ sehˇ, maˬ paˇ jaˆ-ehˇ pyeuꞈ-iˇ-euˬ gaˇ, kʼoeˇ gaˇ piˇ ma geuꞈ-eu deuˬ kʼawꞈ, miˇ kʼahˬ zaˬ nehˬ-ehˇ ngoeˇ tehꞈ-a.

Iˇsaˬyaˇ 46:6

Tsawˇ haˬ tiˬ paˆ na deuˬ shuiˇ pehˇ zeuˇ tahˬ kʼaˇ-awˇ, pyuˇ-ahˇ paˆ yawˬ neh saˆ-eu meh. Shuiˇ kʼaˇ-eu tsawˇ haˬ-ahˇ aˇ poeˬ biꞈ-awˇ, tahˬ pahˬ aˬ ma mawˇ kawˇ bi kʼaˇ-awˇ uˬ duˬ tahˬ-eu meh.

2 Laˬsaˬbaˬ 13:8

Nymˬ-mˇ poˆ jawˇ-aˬ, Daˬbiˇ-euˬ zaˬ deuˬ uˆ deuˬ-euˬ laꞈ-ahˇ jaˆ-eu Sahˬpaˬ Miˬyehˇ-euˬ miˇ kʼahˬ-ahˇ naw maꞈ guiˇ deuˆ-eu gʼeh te loˇ. Naw maꞈ guiˇ guiˇ maꞈ myaˬ dui dui-awˇ, naw maꞈ-euˬ miˬyehˇ bi geuꞈ-eu lehˇ Yeˬyawˇbamˬ neh jahˇ-euˬ shuiˇ mawˇ neˇ mawˇ kawˇ kʼawꞈ naw maꞈ nehˬ-ehˇ jaˆ luꞈ meh.

2 Laˬsaˬbaˬ 11:15

Sahˬ paˬ Yeˬyawˇbamˬ-aˬ, lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ gaˇ bi mˇ-eu gʼaˇ duˬ maˬ ehˇ, nehꞈ yaw jawꞈ deuˬ hawˇ-eu aˬ yawꞈ neh kʼaˇ-euˬ mawˇ neˇ mawˇ kawˇ tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu gʼaˇ duˬ maˬ ehˇ, aˬ yawꞈ-euˬ piˇ ma deuˬ aˬ yawˇ yawꞈ tseˇ doˆ -euˬ meh.

Doˆ-iˇ 20:23

Ngaˇ uˬ taꞈ, yawˬ ha-euˬ gʼaˇ duˬ, pyuˇ neh maˬ ehˇ, shuiˇ neh maˬ ehˇ, miˬyehˇ tehˆ-awˇ, naw maꞈ uˬ duˬ maˬ ya tahˬ-a.

2 Sahˬpaˬ 10:29

Ehˇ kʼawꞈ, Beˬdeˬlaˇ meuˬ hawˇ-eu Daˬ meuˬ laꞈ kʼoeˇ shuiˇ mawˇ neˇ mawˇ kawˇ ka tuˇ-awˇ, Iˇsaˬleˬlaˆ tsawˇ haˬ deuˬ kʼoeˇ gaˇ uˬ duˬ tahˬ ni sheuˬ gʼeh-euˬ gʼaˬ pyeuꞈ-eu sahˬ paˬ Yeˬyawˇbamˬ-ahˇ aˬ yawꞈ dzaw geuꞈ-awˇ, kʼoeˇ loꞈ-ehˇ gʼeh-eu iˬ baˇ aˬ yawꞈ mˇ-euˬ meh.

Doˆ-iˇ 32:1

Gawˬ jawˬ-ahˇ neh Moˇseˬ maˬ zaꞈ ka le ni gʼawˬ myahˇ ni jawˇ gaˇ Iˇsaˬleˬlaˆ tsawˇ haˬ deuˬ ya mawˇ ngeh, Aˬloˬ-euˬ dawˬ peh aˬ yawꞈ maꞈ uiˬ leˇ-awˇ, heu loꞈ-ehˇ ehˇ nehˬ-euˬ meh. “Aˬ dui maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Moˇseˬ heu gʼaˬ-ahˇ aˬ jeˬ gʼeh-euˬ lehˇ maˬ paˇ ehˇ nya ngaˇ. Teu miˇ neh, aˬ dui maꞈ-ahˇ bi sheuˬ gʼeh-eu gʼaˇ duˬ, miˬ yehˇ tiˬ gʼaˬ aˬ dui tehˆ kaˇ-euˇ.”

1 Sahˬpaˬ 12:32

Yuˇdaˆ miˇ kʼahˬ laꞈ kʼoeˇ uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ gʼeh-eu aˇ nah pyeuꞈ-eu, ba la yehꞈ siˬ tiˬ siˬ tseˇ ngaˬ nah tiˬ nah-ahˇ, Yeˬyawˇbamˬ gʼaˬ kʼawꞈ uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ gʼeh-eu aˇ nah lehˇ sawˇ taˬ-euˬ meh. Beˬdeˬlaˇ meuˬ-ahˇ jaˆ-eu lawˇ duˬ kʼoeˇ taˆ, shuiˇ mawˇ neˇ mawˇ kawˇ kʼoeˇ deuˬ-ahˇ aˬ yawꞈ lawˇ nehˬ-awˇ, Beˬdeˬlaˇ meuˬ-ahˇ jaˆ-eu uˬ duˬ tahˬ-eu jawˇ duˬ kʼoeˇ deuˬ-ahˇ gaˇ bi mˇ-eu gʼaˇ duˬ, piˇ ma deuˬ kʼawꞈ aˬ yawꞈ bi jawˇ taˬ-euˬ meh.

Doˆ-iˇ 28:11

Aˇ boꞈ toeˬ nya-eu tsawˇ haˬ deuˬ neh, kʼaˬ lo kʼoeˇ nyiˬ siˬ kʼoeˇ taˆ Yaˬkoˆ-euˬ aˬ li tseˇ nyiꞈ li-euˬ tsawˇ myahˇ bi toeˬ boꞈ-awˇ, shuiˇ iˇ puˬ laꞈ kʼoeˇ dawˆ ahˇ-awˬ.

Doˆ-iˇ 28:9

Neˇ tseuˆ ni gʼeh-eu kʼaˬ lo sehˇ nyiˬ siˬ yuˇ-awˇ, Yaˬkoˆ-euˬ aˬ li tseˇ nyiꞈ li-euˬ tsawˇ myahˇ toeˬ boꞈ-awˬ.

Doˆ-iˇ 20:2

“Ngaˇ-aˬ, nawˇ aˬ cawˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh, nawˬ-ahˇ sheuˬ doˆ nehˬ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ma.

1 Gawˇliˬtu 10:7

Aˬ yawꞈ maꞈ tiˬ paˆ na deuˬ tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ loꞈ-ehˇ aˬ dui maˬ ya tahˬ ni dzaw geuꞈ duˬ pyeuꞈ-eu meh. “Tsawˇ haˬ kʼoeˇ deuˬ nuiˇ-awˇ dzaˬ boˆ dawˇ boˆ boˆ-awˇ, tuˇ-awˇ gaˇ nyeh nyeh nyeh-ehˇ byawˬ gʼa mo gʼa-euˬ meh” lehˇ Jaˇliꞈ laꞈ kʼoeˇ boꞈ taˬ-euˬ meh.

Doˆ-iˇ 32:3

Kʼoeˇ naˇ, tsawˇ haˬ dawˬ tawˆ luꞈ, yawˬ ha kʼaˇ geuꞈ luꞈ-eu shuiˇ naˬ bawˇ naˬ yoˆ deuˬ lehˆ doˆ jiˇ-awˇ, Aˬloˬ jawˇ gaˇ yuˇ laꞈ-euˬ meh.

Doˆ-iˇ 32:5

Kʼoeˇ naˇ, shuiˇ mawˇ neˇ mawˇ kawˇ-euˬ mehˬ shi, lawˇ duˬ tiˬ hmˬ Aˬloˬ tsoˆ-awˇ, “Ni shawˬ nah Sahˬpaˬ Miˬyehˇ-ahˇ taˬ huiˬ taˬ mahˇ-eu bawˬ-iˬ gʼeh ma” lehˇ, Iˇsaˬleˬlaˆ tsawˇ haˬ deuˬ-ahˇ guˇ gaˬ nehˬ-euˬ meh.

Doˆ-iˇ 32:7

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Yaw kawˇ ma-ehˇ gʼoꞈ ka-iˇ-awˬ. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ nawˬ neh sheuˬ doˆ laꞈ-euˬ tsawˇ haˬ deuˬ iˬ baˇ mˇ-awˇ ngaˬ-ahˇ puiˬ luꞈ meh.

Doˆ-iˇ 32:24

Kʼoeˇ ngeh, ‘Naw maꞈ nehˬ-ehˇ jaˆ-eu shuiˇ myawˬ guˇ deuˬ yuˇ uiˬ laꞈ-awˬ’ lehˇ, aˬ yawꞈ maꞈ-ahˇ ngaˇ ehˇ nehˬ-eu ma. Shuiˇ myawˬ guˇ kʼaˇ jaˆ-eu tsawˇ haˬ deuˬ, shuiˇ myawˬ guˇ yuˇ-awˇ, ngaˬ-ahˇ biꞈ laˇ-euˬ meh. Shuiˇ myawˬ guˇ kʼoeˇ deuˬ ngaˇ yuˇ-awˇ, miˬ dzaˬ-ahˇ dawˆ puiˆ ngeh, mawˇ neˇ mawˇ kawˇ heu hmˬ pyeuꞈ doˆ laˇ-euˬ meh.”

Doˆ-iˇ 32:35

Kʼoeˇ naˇ, Sahˬpaˬ Miˬyehˇ neh Iˇsaˬleˬlaˆ tsawˇ haˬ deuˬ kʼoeˇ taˆ naˇ-eu gawˇ-eu jeˬ bi keuˆ le-euˬ meh. Aˬ jeˬ miˇ neh ehˇ naˇ, shuiˇ mawˇ neˇ mawˇ kawˇ maˬ tehˆ kʼoeˇ maˬ juˬ ni, Aˬloˬ-ahˇ aˬ yawꞈ maꞈ kaˬ naˬ-euˬ meh.

2 Sahˬpaˬ 10:20

Kʼoeˇ naˇ, “Baˬlaˇ miˬ yehˇ-ahˇ taˬ huiˬ taˬ mahˇ-eu laꞈ kʼoeˇ uˬ duˬ ya tahˬ-eu aˇ nah meh lehˇ guˇ gaˬ-awˬ” lehˇ Yeˬhuˇ dawˬ biꞈ ngeh, aˬ yawꞈ maꞈ guˇ-euˬ meh.

Iˇsaˬyaˇ 30:22

Pyuˇ hawˇ-eu shuiˇ yaw taˬ-euˬ naw maꞈ-euˬ tahˬ pahˬ aˬ ma mawˇ kawˇ deuˬ-ahˇ naw maꞈ haw jawꞈ-awˇ baꞈ dzeh-eu laꞈ kʼoeˇ, “Maˬ mawˇ laˇ gaˇ iˇ byoˆ gʼeh-awˬ” lehˇ naw maꞈ toˇ tehꞈ-a.

Yeˬsaˬgeˬlaˇ 23:8

Aˬ yawꞈ miˬ daꞈ daꞈ ngeh Iˇjiˇtuˆ miˇ kʼahˬ laꞈ kʼoeˇ meh maˬ laˇ geuꞈ-euˬ loꞈ-ehˇ, iˬ nah keuˆ ni maˬ byehˇ ni geuꞈ luꞈ-eu meh. Aˬ yawꞈ aˬ buˇ zaˬ guˬ pyeuꞈ ngeh neh, kʼaˬ dzeˇ zaˬ deuˬ aˬ yawꞈ nehˬ-ehˇ yuꞈ-awˇ meh maˬ laˇ bi geuꞈ-euˬ meh.

Doˆ-iˇ 20:4

“Mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, miˇ tsaˬ dawˬ dah iˇ cuꞈ laꞈ kʼoeˇ maˬ ehˇ, kʼaˇ jawˇ kʼaˇ jaˆ-eu jeˬ-ahˇ duˇ-eu tahˬ pahˬ aˬ ma mawˇ kawˇ yawˬ ha gʼaˇ duˬ maˬ ya tehˆ-a.

Yaˇ kʼaˬ daˇ 8:24

Ehˇ kʼawꞈ, aˬ yawꞈ heu loꞈ-ehˇ paˇ ehˇ-eu meh. “Naw maꞈ-ahˇ ngaˇ heu loꞈ-ehˇ shaˇ-eu ma. Naw maꞈ yawˬ gʼaˬ na luꞈ, yawˬ ha neh yuˇ taˬ-euˬ naˬ bawˇ naˬ yoˆ ngaˬ-ahˇ biꞈ laꞈ-awˬ.” (Miˇdiˬyaˬ tsawˇ haˬ deuˬ kʼawꞈ, nahˇ ma doˆ kʼehˬ paw jawˇ-eu tsawˇ jeuˬ deuˬ loꞈ-ehˇ, shuiˇ naˬ bawˇ naˬ yoˆ geuꞈ-eu meh.)

Yaˇ kʼaˬ daˇ 8:27

Giˇdoˬ-aˬ, shuiˇ kʼoeˇ deuˬ neh tahˬ pahˬ aˬ ma mawˇ kawˇ tiˬ hmˬ tehˆ-awˇ, aˬ yawꞈ jawˇ-eu Awˇpaˬlaˇ meuˬ-ahˇ bi jaˆ-euˬ meh. Iˇsaˬleˬlaˆ tsawˇ haˬ dawˬ tawˆ luꞈ Sahˬpaˬ Miˬyehˇ-ahˇ byehˇ dzeh-awˇ, kʼoeˇ gaˇ iˇ-awˇ, tahˬ pahˬ aˬ ma mawˇ kawˇ kʼoeˇ hmˬ-ahˇ uˬ duˬ tahˬ-euˬ meh. Kʼoeˇ-aˬ, Giˇdoˬ hawˇ-eu aˬ yawꞈ-euˬ miˬ sawˇ zaˬ deuˬ gʼaˇ duˬ lahˇ ju kʼmˇ taˬ-euˬ gaˇ duˇ-eu meh.