Doˆ-iˇ 32:30 - Akha

³⁰ Yawˬ nah yawˬ, Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Guˆ dui dui laˇ paˬ-ehˇ gʼeh-eu iˬ baˇ naw maꞈ mˇ gʼaˬ-euˬ meh. Ehˇ kʼawꞈ, gawˬ jawˬ-ahˇ, Sahˬpaˬ Miˬyehˇ jawˇ gaˇ, nymˬ-mˇ ngaˇ tiˬ poˆ paˇ daˆ leˇ ma. Naw maꞈ iˬ baˇ ya buˬ-iˇ ni, ngaˇ jahˇ nya-eu maˬ siˬ.”

Doˆ-iˇ 32:30 Referans Kwoze

1 Saˬmeuˬlaˆ 12:20

Saˬmeuˬlaˆ ehˇ-eu, “Naw maꞈ taˬ guˆ. Heu loꞈ-ehˇ gʼeh-eu yaw lehˬ jeˬ naw maꞈ mˇ gʼaˬ-euˬ kʼawꞈ, Sahˬpaˬ Miˬyehˇ-ahˇ naw maꞈ maˬ paˇ byehˇ dzeh ni, naw maꞈ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ gaˇ mˇ-awˬ.

Bawˇtsahˬ 25:13

Aˬ yawꞈ hawˇ-eu aˬ yawꞈ-euˬ zaˬ deuˬ uˆ deuˬ-aˬ, aˬ myah luꞈ piˇ ma ya geuꞈ tehꞈ-a. Aˬ jeˬ miˇ neh ehˇ naˇ, miˬyehˇ nui taw nui gʼaˬ-ahˇ uˬ duˬ tahˬ-eu jeˬ-ahˇ aˬ yawꞈ muiˇ-awˇ, Iˇsaˬleˬlaˆ tsawˇ haˬ deuˬ-ahˇ ngaˇ iˬ baˇ pyehˬ nehˬ ni aˬ yawꞈ mˇ-euˬ meh.”

Yawˇnaˆ 3:9

Miˬyehˇ nui ma paˇ laˇ-awˇ, nui ma pehˇ-eu taˬ leˇ-eu laꞈ kʼoeˇ, aˬ dui shiˇ gaˇ maˬ ya keuˆ-eu baw tehꞈ-a.”

Aˬmoˆ 5:15

Yaw haiˬ jeˬ-ahˇ bye-awˇ, yaw muiˬ jeˬ-ahˇ gaˬ-eu laꞈ kʼoeˇ, yaˇ kʼaˬ daˇ-eu saˇ naˇ-ahˇ yaw tsaˬ yaw dawˇ jeˬ bi doˆ laˇ-awˬ. Miˇ kʼahˬ heu kʼahˬ laꞈ kʼoeˇ maˬ shiˇ-ehˇ kʼaˇ dzeˇ yaꞈ-euˬ deuˬ-ahˇ Sahˬpaˬ Miˬyehˇ gʼawˬ shaˬ gaˬ nehˬ laꞈ-eu duˇ.

2 Sahˬpaˬ 17:21

Yuˇdaˆ miˇ kʼahˬ laꞈ kʼoeˇ, Sahˬpaˬ Miˬyehˇ neh Iˇsaˬleˬlaˆ miˇ kʼahˬ biˇ doˆ nehˬ ngeh, Iˇsaˬleˬlaˆ tsawˇ haˬ deuˬ neh Neˬbaˇ-euˬ aˬ li Yeˬyawˇbamˬ-ahˇ sahˬ paˬ ka nehˬ-euˬ meh. Aˬ yawꞈ maꞈ Sahˬpaˬ Miˬyehˇ-ahˇ byehˇ dzeh ni Yeˬyawˇbamˬ mˇ-awˇ, huiˬ dui dui-eu iˬ baˇ mˇ-eu gʼaˇ duˬ, aˬ yawꞈ maꞈ-ahˇ aˬ yawꞈ sheuˬ gʼeh-euˬ meh.

2 Saˬmeuˬlaˆ 16:12

Ngaˇ ya daˬ luꞈ-eu jeˬ-ahˇ Sahˬpaˬ Miˬyehˇ haw mawˇ-awˇ, iˬ nah ngaˬ-euˬ kʼoeˇ taˆ heu loꞈ-ehˇ yaˬ kʼehˇ yaˬ nehˬ laꞈ-euˬ aˇ poeˬ, guiˬ lahˬ biꞈ laꞈ-eu aˇ nah baw tehꞈ-a.”

1 Saˬmeuˬlaˆ 12:23

Ngaˇ tehꞈ law nmˇ-aˬ, naw maꞈ gʼaˇ duˬ guiˬ lahˬ maˬ shaˇ ni jawˇ-eu baˬ da neh ngaˬ-euˬ kʼoeˇ taˆ iˬ baˇ maˬ ya jaˆ laˇ ni yahˇ-eu gʼaˇ duˬ, Sahˬpaˬ Miˬyehˇ ngaˬ-ahˇ ehˇ nehˬ laꞈ gʼaˬ-euˬ meh. Yaw muiˬ jeˬ hawˇ-eu yaw tsaˬ yawˬ dawˇ jeˬ-ahˇ naw maꞈ mˇ ni, ngaˇ mehˬ luꞈ tsoˆ luꞈ-eu ma.

Bawˇtsahˬ 16:47

Aˬloˬ gʼeh Moˇseˬ kʼaˇ ehˇ-eu loꞈ-ehˇ miˬ jiˆ pehˆ ahˇ-eu guiˬ gʼawˆ yuˇ-awˇ, tsawˇ haˬ aˇ maꞈ-euˬ yaw kaˬ-ahˇ cehˆ coeˬ coeˬ gʼeh-euˬ meh. Luˬ-iˇ seˇ-iˇ-eu jeˬ keuˆ le taˬ-eu gaˇ aˬ yawꞈ ya mawˇ ngeh, miˬ jiˆ kʼoeˇ taˆ yaw saw jeˬ dawˆ puiˆ-awˇ, tsawˇ haˬ kʼoeˇ deuˬ bi shawˇ laˇ-eu zahˇ jahˇ-euˬ meh.

2 Tiˆmoˇseˬ 2:25

Yawˬ ha-ahˇ nui ma maˬ tsaˬ-eu tsawˇ haˬ deuˬ-ahˇ nui ma gʼawˬ mahˇ ni taˬ-awˇ mehˬ paˇ tsoˆ paˇ nya-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, Miˬyehˇ aˬ yawꞈ maꞈ-ahˇ bi noeˬ paˇ-awˇ, yaw tsaˬ yaw dawˇ jeˬ-ahˇ bi siˬ nya laˇ gaˇ noeˬ tmˬ kʼaˇ za-eu meh.

Gaˬlaˬtiˆ 3:13

Ehˇ kʼawꞈ, aˬ dui gʼaˇ duˬ yaˬ kʼehˇ yaˬ-eu jeˬ-ahˇ Ka li daˬ-awˇ, Zahˇ dawˬ kʼoꞈ dawˬ neh aˬ dui kʼoeˇ taˆ bi keuˆ le-euˬ yaˬ kʼehˇ yaˬ-eu jeˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-euˬ meh. Aˬ jeˬ miˇ neh ehˇ naˇ, “Aˇ bawˇ kʼoeˇ taˆ kʼaˇ paꞈ gʼeu sehꞈ-euˬ tsawˇ haˬ-aˬ, Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ-euˬ tsawˇ haˬ meh” lehˇ, Jaˇ liꞈ laꞈ kʼoeˇ ehˇ taˬ-euˬ meh.

Lormav 9:3

Aˬ yawꞈ maꞈ-euˬ gʼaˇ duˬ Miˬyehˇ yaˬ kʼehˇ yaˬ nehˬ laꞈ-eu jeˬ-ahˇ ngaˇ daˬ-awˇ, Ka li-ahˇ gʼawˬ tsehˆ ya tsehˆ kʼawꞈ nui kʼahˇ shiˇ ma.

Luˇkaꞈ 15:18

Ngaˇ tsawˬ tuˇ-awˇ ngaˬ da jawˇ gaˇ gʼoꞈ leˇ-awˇ, “Aˬ da-oˇ, Miˬyehˇ mehˬ shi hawˇ-eu nawˬ-euˬ mehˬ shi ngaˇ iˬ baˇ mˇ-euˬ ma.

Luˇkaꞈ 7:47

Ngaˇ nawˬ-ahˇ ehˇ nehˬ nyaˇ. Aˬ yawꞈ neh mehˬ nehˬ laꞈ-euˬ gʼoeˇ-eu gaˬ-eu heu-aˬ, myaˬ dui dui-eu aˬ yawꞈ-euˬ iˬ baˇ buˬ-iˇ-euˬ saˇ kiˇ pyeuꞈ-eu meh. Ehˇ kʼawꞈ, iˬ baˇ ui cuiˆ tehꞈ-ehˇ ahˇ-awˇ, iˬ baˇ pyehˬ nehˬ-eu jeˬ-ahˇ za-euˬ tsawˇ haˬ-aˬ, gʼoeˇ-eu gaˬ-eu jeˬ ui cuiˆ tehꞈ-ehˇ ahˇ tehꞈ-a.”

1 Saˬmeuˬlaˆ 2:17

Eˇliˆ-euˬ aˬ li deuˬ neh mˇ-euˬ iˬ baˇ kʼoeˇ, Sahˬpaˬ Miˬyehˇ mehˬ shi huiˬ dui dui-eu iˬ baˇ pyeuꞈ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ-ahˇ lawˇ nehˬ shehˇ nehˬ-eu jeˬ-ahˇ aˬ yawꞈ maꞈ yehˬ bawˬ sehˇ lu-ehˇ jahˇ-euˬ meh.

Yaˬkoˆ 5:16

Kʼoeˇ miˇ neh, naw maꞈ naˇ-eu gawˇ-eu taˬ leˇ nya ni tiˬ gʼaˬ tiˇ gʼaˬ iˬ baˇ ja doˆ-awˇ, tiˬ gʼaˬ tiˇ gʼaˬ guiˬ lahˬ shaˇ nehˬ-awˬ. Yaw tsaˬ yaw dawˇ tsawˇ haˬ tiˬ gʼaˬ neh guiˬ lahˬ shaˇ-euˬ-aˬ, baoˬ jaˆ-eu meh.

2 Saˬmeuˬlaˆ 12:9

Ngaˇ nawˬ-ahˇ teu naˆ ni mˇ nehˬ taˬ-euˬ kʼawꞈ, aˬ jeˬ miˇ neh ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ te. Aˬ jeˬ miˇ neh teu loꞈ-ehˇ gʼeh-eu yaw haiˬ jeˬ nawˇ mˇ te. Uˇliˇyaˆ guiˇ deuˆ gaˇ bi deuˆ sehꞈ ni nawˬ neh toˆ-awˇ, Aˬmoˬ tsawˇ haˬ neh aˬ yawꞈ-ahˇ bi sehꞈ-awˇ, aˬ yawꞈ-euˬ miˬ zaˬ-ahˇ nawˇ sheuˬ geuꞈ-euˬ meh.

Doˆ-iˇ 32:29

Leˬbiˇ tsawˇ haˬ deuˬ-ahˇ Moˇseˬ ehˇ nehˬ-eu, “Iˬ nah naw maꞈ yawˬ ha-euˬ aˬ li deuˬ, yawˬ ha-euˬ aˬ yuiꞈ aˬ nyiˇ deuˬ-ahˇ sehꞈ-eu laꞈ kʼoeˇ, Sahˬpaˬ Miˬyehˇ-euˬ gaˇ laꞈ kʼoeˇ, piˇ ma deuˬ loꞈ-ehˇ naw maꞈ-euˬ gʼawˇ mawˇ a nehˬ-euˬ miˇ neh, Sahˬpaˬ Miˬyehˇ naw maꞈ-ahˇ guiˬ lahˬ biꞈ nehˬ gʼaˬ-euˬ meh.”

Jaceuq 99:6

Moˇseˬ hawˇ-eu Aˬloˬ aˬ yawꞈ-euˬ piˇ ma pyeuꞈ-awˇ, Saˬmeuˬlaˆ-aˬ, aˬ yawꞈ-ahˇ guiˬ lahˬ shaˇ-eu gʼaˬ meh. Aˬ yawꞈ maꞈ Sahˬpaˬ Miˬyehˇ-ahˇ kuˇ ngeh, aˬ yawꞈ naˇ haˬ nehˬ-euˬ meh.

1 Saˬmeuˬlaˆ 12:17

Nymˬ-mˇ jawˇ la yamˬ meh lehˇ naw maꞈ siˬ nya meh. Ehˇ kʼawꞈ, ngaˇ guiˬ lahˬ shaˇ ngeh jawˇ, Sahˬpaˬ Miˬyehˇ mˬ jeˬ bi jeˬ le-awˇ, uˬ yehˇ bi yehˇ le tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ sahˬ paˬ shaˇ-eu heu-aˬ, Sahˬpaˬ Miˬyehˇ mehˬ shi huiˬ-eu iˬ baˇ pyeuꞈ law hawˇ nga lehˇ, naw maꞈ ya siˬ duˬ tehꞈ-a.”

1 Saˬmeuˬlaˆ 12:19

Aˬ yawꞈ maꞈ Saˬmeuˬlaˆ-ahˇ ehˇ-eu, “Nga maꞈ maˬ ya shiˇ-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Nga maꞈ mˇ dzeuˇ-euˬ iˬ baˇ nui deuˬ uˬ taꞈ, sahˬ paˬ shaˇ-eu laꞈ kʼoeˇ nga maꞈ iˬ baˇ paˇ mˇ lahˬ-euˬ loꞈ-ehˇ pyeuꞈ luꞈ-eu gaˇ kawˆ nymˬ-mˇ nga maˬ siˬ duˬ-euˬ ma.”