Doˆ-iˇ 32:22 - Akha

²² Aˬloˬ ehˇ-eu, “Ngaˬ-euˬ kʼoeˇ taˆ iˬ baˇ taˬ taˬ. Tsawˇ haˬ heu deuˬ maˬ muiˬ maˬ jaˬ-eu jeˬ aˇ naˆ ni mˇ mawꞈ-eu nawˇ siˬ nya-eu meh.

Doˆ-iˇ 32:22 Referans Kwoze

Dawˬmehˬ 9:24

Aˬ yawꞈ-ahˇ naw maꞈ maˬ jah-ehˇ, aˬ yawꞈ-euˬ ehˇ dawˬ-ahˇ naw maꞈ maˬ naˇ haˬ-aˬ. Naw maꞈ-ahˇ ngaˇ siˬ nya ngeh tiˬ nah neh, Sahˬpaˬ Miˬyehˇ-ahˇ naw maꞈ puiˬ luꞈ-eu meh.

1 Saˬmeuˬlaˆ 15:24

Sawˇluˆ ehˇ-eu, “Ngeuˇ ma. Ngaˇ iˬ baˇ mˇ gʼaˬ-euˬ ma. Sahˬpaˬ Miˬyehˇ-euˬ dawˬ hawˇ-eu nawˬ neh mehˬ nehˬ tsoˆ nehˬ laꞈ-euˬ jeˬ-ahˇ ngaˇ maˬ naˇ haˬ geuꞈ ni, mˇ lehˬ shaˇ lehˬ gʼaˬ-euˬ miˇ-a. Ngaˬ-euˬ tsawˇ haˬ deuˬ-ahˇ ngaˇ guˆ-eu miˇ neh, aˬ yawꞈ maꞈ kʼaˇ bi mˇ mawꞈ-eu loꞈ-ehˇ mˇ-euˬ ma.

Doˆ-iˇ 16:20

Ehˇ kʼawꞈ, aˬ yawꞈ maꞈ laꞈ kʼoeˇ tiˬ paˆ na deuˬ-aˬ, Moˇseˬ ehˇ gaˇ maˬ naˇ haˬ-ehˇ, jeˬ hmˬ taˬ-euˬ meh. Uˬ shawˬ keuˆ le ngeh, kaˬ muˇ kʼoeˇ deuˬ laꞈ kʼoeˇ luˆ tahˬ uˇ leˇ-awˇ, yaw buꞈ behꞈ laꞈ-eu meh. Kʼoeˇ ngeh, aˬ yawꞈ maꞈ-ahˇ Moˇseˬ nui ma pehˇ-eu meh.

Doˆ-iˇ 15:24

Iˇsaˬleˬlaˆ tsawˇ haˬ kʼoeˇ deuˬ nui ma cawˆ-eu laꞈ kʼoeˇ, “Nga maꞈ aˬ jeˬ dawˇ nmˇ” lehˇ, Moˇseˬ-ahˇ ehˇ nehˬ-euˬ meh.

Doˆ-iˇ 14:11

Aˬ yawꞈ maꞈ Moˇseˬ-ahˇ ehˇ-eu, “Iˇjiˇtuˆ miˇ kʼahˬ-ahˇ lmˬ bymˇ maˬ jaˆ-eu miˇ neh, bawˇ tsahˬ bawˇ dahˇ laꞈ kʼoeˇ bi shiˇ-eu lehˇ, nga maꞈ-ahˇ nawˇ heu gaˇ sheuꞈ leꞈ teˬ loˇ. Nga maꞈ-ahˇ nawˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ leꞈ-euˬ miˇ neh aˬ jeˬ keuˆ le-euˬ nga lehˇ haw sheˇ.

Dawqdaq 4:16

Yaw lehˬ jeˬ maˬ ya mˇ naˇ, aˬ yawꞈ maꞈ maˬ yuꞈ kʼaˆ leˇ-a. Aˬ cawˬ-ahˇ maˬ ya laˆ coeˬ laˆ ciˆ kʼoeˇ keuˆ ni maˬ yuꞈ kʼaˆ leˇ-a.

Jaceuq 36:4

Yuꞈzaˇlaꞈkʼoeˇ yaw cawˆbymˬ-awˇ, iˬbaˇgaˇjawˬ tiˬ li iˇ-awˇ, yaw haiˬ-ahˇnui daˆmaˬdaˆ-a.

Dawˬmehˬ 31:27

Aˬ yawꞈ maꞈ nui ma aˇ naˆ ni gʼahˇ-awˇ, puiˬ mawꞈ-eu nui ma aˇ naˆ ni ahˇ-eu ngaˇ siˬ nya ma. Ngaˇ yaw dehꞈ dehꞈ luꞈ-eu aˇ yamˬ laꞈ kʼoeˇ, aˬ yawꞈ maꞈ Sahˬpaˬ Miˬyehˇ-ahˇ puiˬ-euˬ meh. Ngaˇ shiˇ dzeuˇ naˇ, kʼoeˇ naˆ maˬ tseˇ aˬ yawꞈ maꞈ paˇ puiˬ tehꞈ-a.

Dawˬmehˬ 9:7

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma bi pehˇ ni, bawˇ tsahˬ bawˇ dahˇ laꞈ kʼoeˇ naw maꞈ aˬ joˆ-ehˇ jahˇ-euˬ gaˇ kawˆ-ahˇ tiˬ jawˇ-iˬ taˬ ngehˇ. Iˇjiˇtuˆ miˇ kʼahˬ laꞈ kʼoeˇ neh doˆ le-euˬ tiˬ nah neh aˇ dahˬ beh-awˇ, heu gaˇ laˇ keuˆ ngeh keuˆ ni, Sahˬpaˬ Miˬyehˇ-ahˇ naw maꞈ puiˬ-euˬ meh.

Doˆ-iˇ 16:28

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ tsawˇ haˬ deuˬ ngaˬ-euˬ ehˇ dawˬ-ahˇ maˬ naˇ haˬ ni aˇ myah keuˆ ni jawˇ-eu lehˇ gʼeh ta.

Aˇ dahˬ 44:18

Yoˇsehˆ-euˬ dawˬ peh Yuˇdaˆ jiˆ peh leˇ-awˇ, heu loꞈ-ehˇ ehˇ nehˬ-euˬ meh. “Sahˬ paˬ-oˇ, ngaˬ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, nawˬ nehˬ-ehˇ bya cehˆ ni dawˬ tiˬ poˆ bi ngehˬ cawˬ nehˬ laꞈ sheˇ. Nawˇ-aˬ, Iˇjiˇtuˆ sahˬpaˬ loꞈ-ehˇ huiˬ-eu tsawˇ haˬ tiˬ gʼaˬ pyeuꞈ-eu meh. Ehˇ kʼawꞈ, ngaˬ-ahˇ nui ma taˬ pehˇ nehˬ laꞈ.

Doˆ-iˇ 32:21

Kʼoeˇ naˇ, “Tsawˇ haˬ heu deuˬ-ahˇ heu naˆ naˆ-ehˇ guˆ laˇ paˬ-ehˇ gʼeh-eu iˬ baˇ nawˇ ya bi mˇ ni, aˬ yawꞈ maꞈ nawˬ-ahˇ aˬ jeˬ jahˇ nehˬ laꞈ taˬ” lehˇ, Aˬloˬ-ahˇ Moˇseˬ naˇ haˬ-euˬ meh.

1 Saˬmeuˬlaˆ 15:15

Sawˇluˆ ehˇ-eu, “Teu deuˬ-aˬ, ngaˬ-euˬ tsawˇ haˬ deuˬ neh teh leꞈ-euˬ Aˬmaˬlehˇ tsawˇ haˬ deuˬ-euˬ jeˬ zaˬ meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ nehˬ-eu gʼaˇ duˬ, muiˬ dui dui-eu yawˇ hawˇ-eu mawˇ neˇ deuˬ-ahˇ aˬ yawꞈ maꞈ tseˇ doˆ taˬ-awˇ, kʼaˇ dzeˇ-eu deuˬ dawˬ tawˆ luꞈ-ahˇ, tiˬ mawˇ-iˬ maˬ bi dzeuˇ-iˇ ni laˆ luˬ laˆ seˇ nehˬ yaꞈ jiˇ-euˬ meh.”

1 Saˬmeuˬlaˆ 15:21

Ehˇ kʼawꞈ, ngaˬ-euˬ tsawˇ haˬ deuˬ, yawˬ ha neh nyehꞈ mi-euˬ jeˬ zaˬ deuˬ laꞈ kʼoeˇ, muiˬ dui dui-eu yawˇ hawˇ-eu mawˇ neˇ deuˬ-ahˇ maˬ sehꞈ ni, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ nehˬ-eu gʼaˇ duˬ, heu gaˇ Giˇlaˇgaˬlaˇ meuˬ-ahˇ tsahˇ kʼoꞈ laꞈ-euˬ ma.”

Doˆ-iˇ 32:1

Gawˬ jawˬ-ahˇ neh Moˇseˬ maˬ zaꞈ ka le ni gʼawˬ myahˇ ni jawˇ gaˇ Iˇsaˬleˬlaˆ tsawˇ haˬ deuˬ ya mawˇ ngeh, Aˬloˬ-euˬ dawˬ peh aˬ yawꞈ maꞈ uiˬ leˇ-awˇ, heu loꞈ-ehˇ ehˇ nehˬ-euˬ meh. “Aˬ dui maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Moˇseˬ heu gʼaˬ-ahˇ aˬ jeˬ gʼeh-euˬ lehˇ maˬ paˇ ehˇ nya ngaˇ. Teu miˇ neh, aˬ dui maꞈ-ahˇ bi sheuˬ gʼeh-eu gʼaˇ duˬ, miˬ yehˇ tiˬ gʼaˬ aˬ dui tehˆ kaˇ-euˇ.”