Doˆ-iˇ 30:7 - Akha

⁷ Yawˬ shawˬ na luꞈ, Aˬloˬ tsiˇ kʼmˬ laˆ saˆ doꞈ laˇ ngeh, lawˇ duˬ kʼoeˇ hmˬ kʼoeˇ taˆ, yaw saw jeˬ aˬ yawꞈ ya doꞈ taˬ meh.

Doˆ-iˇ 30:7 Referans Kwoze

1 Saˬmeuˬlaˆ 2:28

Piˇ ma geuꞈ-awˇ, lawˇ duˬ-ahˇ ngaˬ-euˬ gaˇ bi mˇ-eu gʼaˇ duˬ maˬ ehˇ, tsiˇ yaw saw jeˬ doꞈ-eu gʼaˇ duˬ maˬ ehˇ, piˇ ma deuˬ ya dm-eu pehˇ kʼahˬ pehˇ nymˇ dm-awˇ ngaˬ-euˬ mehˬ shi bi laˇ-eu gʼaˇ duˬ maˬ ehˇ, Iˇsaˬleˬlaˆ tsawˇ jeuˬ tsawˇ ca heu myaˆ ni gʼeh-eu laꞈ kʼoeˇ, Aˬloˬ-euˬ nymˇ jiˇ-ahˇ ngaˇ tseˇ doˆ-euˬ ma. Lawˇ duˬ kʼoeˇ taˆ dzah puiˆ-awˇ lawˇ-eu jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ bi baw-euˬ ma.

Luˇkaꞈ 1:9

Piˇ ma deuˬ-euˬ zahˇ sahˇ kʼoꞈ kʼaˇ jaˆ-eu loꞈ-ehˇ shehˆ tsaˬ tsaˬ-awˇ tseˇ ngeh, lawˇ duˬ-ahˇ yaw saw jeˬ doꞈ damˬ-eu gʼaˇ duˬ aˬ yawꞈ-ahˇ doˇ leˇ-euˬ meh. Kʼoeˇ miˇ neh, SahˬpaˬMiˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ aˬ yawꞈ uˇ leˇ-euˬ meh.

1 Laˬsaˬbaˬ 23:13

Aˬ li aˬ yuiꞈ yuiꞈ saˬ gʼaˬ pyeuꞈ-eu Aˬmaˬlamˬ-aˬ, Aˬloˬ hawˇ-eu Moˇseˬ-euˬ aˬ da meh. (Aˬloˬ hawˇ-eu aˬ yawꞈ-euˬ zaˬ deuꞈ uˆ deuˬ-aˬ, mˬ maˬ maˬ byaˆ zaˇ ziˇ muiˬ-eu shawˇ-eu keu ka deuˬ-ahˇ haw-eu pyaˆ-eu gʼaˇ duˬ maˬ ehˇ, aˬ yawꞈ-euˬ tsawˇ myahˇ uˬ moˆ Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Sahˬpaˬ Miˬyehˇ-ahˇ uˬ duˬ tahˬ gaˇ yaw saw jeˬ doꞈ damˬ-eu gʼaˇ duˬ maˬ ehˇ, tseˇ doˆ taˬ-euˬ tsawˇ haˬ deuˬ pyeuꞈ-eu meh.

Gʼaˬkʼehˇ 6:4

Nga maꞈ-aˬ, guiˬ lahˬ shaˇ-eu hawˇ-eu dawˬ mehˬ mehˬ-eu jeˬ tehꞈ-ehˇ aˇ yamˬ tiˬ byah ni mˇ ma.”

1 Saˬmeuˬlaˆ 3:3

Saˬmeuˬlaˆ-aˬ, Sahˬpaˬ Miˬyehˇ jawˇ-eu Sehˬ gʼawˆ-ahˇ jaˆ-eu Dawˬ ma saˇ jaˇ Bahˬ keuˆ dawˬ peh yuꞈ luꞈ-eu meh. Uˬ bya bya taw maˬ taw laˇ-euˬ miˇ neh, tsiˇ kʼmˬ maˬ miˆ-iˇ ni doꞈ luꞈ-eu meh.

Doˆ-iˇ 30:34

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Saw dui dui-eu yaw saw jeˬ pyeuꞈ-eu, muˇ laˬ, aˬ nyoˆ nyoˆ kʼawꞈ, gaˬ baˬ naˬ hawˇ-eu shawˇ jehˆ ni gʼeh-eu lawˇ baˬ heu deuˬ tiˬ kawˆ myaˆ ni yuˇ-awˬ.

Doˆ-iˇ 30:6

Dawˬ ma saˇ jaˇ bahˬ keuˆ-ahˇ lawˆ kaˬ taw paˆ taˬ-euˬ saˬ paˇ-euˬ laꞈ nyiˇ paw, lawˇ duˬ kʼoeˇ hmˬ bi jaˆ-awˬ. Kʼoeˇ tsahˇ-ahˇ ngaˇ naw maꞈ-ahˇ tahˬ puˬ le ma.

Doˆ-iˇ 30:8

Uˬ ciꞈ uˬ taw paw aˬ yawꞈ tsiˇ kʼmˬ laˆ saˆ doꞈ laˇ ngeh kʼawꞈ, kʼoeˇ loꞈ-ehˇ ya jahˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, yaw saw jeˬ doꞈ-awˇ damˬ-eu heu, tiˬ jawˇ-iˬ maˬ ya bi tsehˆ leˇ-a.

Doˆ-iˇ 40:27

Kʼoeˇ naˇ, Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, yaw saw jeˬ doꞈ damˬ-euˬ meh.

Bawˇtsahˬ 7:56

yaw saw jeˬ dawˆ ahˇ taˬ-euˬ shiꞈ ja byah-eu shuiˇ kʼmˬ maˬ tiˬ kʼmˬ,

Bawˇtsahˬ 16:40

Heu-aˬ, Aˬloˬ-euˬ zaˬ deuˬ uˆ deuˬ maˬ ngeuˇ naˇ, Sahˬpaˬ Miˬyehˇ-ahˇ yaw saw jeˬ lawˇ-eu gʼaˇ duˬ, tsawˇ haˬ tiˬ gʼaˬ-iˬ lawˇ duˬ dawˬ peh maˬ ya laˇ-eu gaˇ kawˆ Iˇsaˬleˬlaˆ tsawˇ haˬ deuˬ yahˇ ni bi siˬ bi mawˇ-eu jeˬ pyeuꞈ-eu meh. Maˬ ngeuˇ naˇ, Kawˇlaˆ hawˇ-eu aˬ yawꞈ-euˬ tsawˇ haˬ deuˬ loꞈ-ehˇ ya cawˆ-iˇ gaˇ keuˆ tehꞈ-a. Kʼoeˇ naˇ, Sahˬpaˬ Miˬyehˇ neh Moˇseˬ-ahˇ gʼoe-awˇ Eˇlaˬzaˬ-ahˇ dawˬ kʼaˇ biꞈ nehˬ-euˬ loꞈ-ehˇ yawˬ jeˬ na luꞈ mˇ jiˇ-euˬ meh.

2 Laˬsaˬbaˬ 2:4

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ taˬ mahˇ-eu laꞈ kʼoeˇ, uˬ duˬ tahˬ nymˇ tiˬ nymˇ ngaˇ tsoˆ luꞈ-eu ma. Kʼoeˇ-aˬ, ngaˇ hawˇ-eu ngaˬ-euˬ tsawˇ haˬ deuˬ yaw saw jeˬ doꞈ damˬ-eu laꞈ kʼoeˇ, aˬ yawꞈ-ahˇ uˬ duˬ tahˬ-eu muiˬ-eu shawˇ-eu jawˇ duˬ pyeuꞈ tehꞈ-a. Kʼoeˇ gaˇ, muiˬ-eu shawˇ-eu kaˬ muˇ deuˬ maˬ tsehˆ leˇ ni aˬ yawꞈ-ahˇ nga maꞈ lawˇ nehˬ-awˇ, yawˬ shawˬ yawˬ miˇ na luꞈ maˬ ehˇ, Jawˇ nah-ahˇ maˬ ehˇ, La loˆ lah-eu bawˬ-iˬ jahˇ ngeh maˬ ehˇ, muiˬ-eu shawˇ-eu aˇ nah deuˬ-ahˇ maˬ ehˇ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ taˬ mahˇ-eu laꞈ kʼoeˇ, miˬ dzaˬ dzah puiˆ-awˇ lawˇ-eu jeˬ nga maꞈ lawˇ ma. Mˬ maˬ maˬ byaˆ zaˇ ziˇ Iˇsaˬleˬlaˆ tsawˇ jeuˬ kʼoeˇ loꞈ-ehˇ mˇ ni aˬ yawꞈ dawˬ biꞈ taˬ-eu jaˆ-eu meh.

2 Laˬsaˬbaˬ 26:18

Aˬ yawꞈ maꞈ ehˇ-eu, “Awˇziˇ-oˇ, Sahˬpaˬ Miˬyehˇ-ahˇ yaw saw jeˬ doꞈ damˬ-eu gaˇ heu nawˇ mˇ-eu zahˇ sahˇ kʼoꞈ-ahˇ maˬ tsaˬ-a. Aˬloˬ-euˬ zaˬ deuˬ uˆ deuˬ tehꞈ-ehˇ heu loꞈ-ehˇ mˇ-eu gʼaˇ duˬ gʼawˇ mawˇ a nehˬ taˬ-euˬ meh. Muiˬ-eu shawˇ-eu jawˇ duˬ heu tsahˇ-ahˇ neh doˆ-iˇ-awˬ. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ mˇ bahˬ-euˬ miˇ neh, aˬ yawꞈ-euˬ guiˬ lahˬ nawˇ maˬ paˇ za nya meh.”

Dawˬmehˬ 33:10

Nawˬ-euˬ Zahˇ dawˬ kʼoꞈ dawˬ mehˬ nah, nawˬ-euˬ zaˬ deuˬ bi caw teh ni, yawꞈ maꞈ mehˬnehˬ tsoˆnehˬ tehꞈ-a. Yawꞈ maꞈ nawˬ-euˬ lawˇ duˬ kʼoeˇ taˆ, lawˇ-eu shehˇ-eu jeˬ mˇ tehꞈ-a.

1 Laˬsaˬbaˬ 6:34

Eˇlaˬkaˬnaˬ, Yeˬloˇhamˬ, Eˇliˇlaˆ, Toˇhaˬ,

2 Laˬsaˬbaˬ 2:3

Duˇlu sahˬ paˬ Hiˇlamˬ-ahˇ, Sawˇlaˬmoˬ heu loꞈ-ehˇ dawˬ tsaꞈ tsaꞈ ahˇ nehˬ-euˬ meh. “Ngaˬ da Daˬbiˇ nehˬ-ehˇ nawˇ jeˬ gaꞈ taꞈ-awˇ, aˬ yawꞈ jawˇ-eu sahˬ paˬ-euˬ hawˇ nymˇ tsoˆ ngeh nawˇ shuˬ liˇ daˇ kawˬ ahˬ nehˬ-euˬ loꞈ-ehˇ, ngaˬ-ahˇ kʼawꞈ ahˬ nehˬ laꞈ-awˬ.

2 Laˬsaˬbaˬ 29:7

Uˬ duˬ tahˬ nymˇ nymˇ ma-euˬ laˇ gʼoˆ aˬ yawꞈ maꞈ piˬ tehˬ-awˇ, tsiˇ kʼmˬ deuˬ kʼawꞈ bi doꞈ miˆ jiˇ-awˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ, yaw saw jeˬ doꞈ damˬ-eu maˬ ehˇ, miˬ dzaˬ dzah puiˆ-awˇ lawˇ-eu shehˇ-eu jeˬ maˬ ehˇ, maˬ mˇ ni byehˇ-euˬ meh.

Jaceuq 141:2

Tsiˇ yaw saw doꞈ damˬ-euˬ gaˇ ha geuꞈ-eu loꞈ-ehˇ, ngaˬ-euˬ shaˇ dawˬ-ahˇ ha geuꞈ nehˬ laꞈ-awˬ. Uˬ ciꞈ uˬ taw paw lawˇ-euˬ jeˬ-ahˇ ha geuꞈ-eu loꞈ-ehˇ, ngaˇ aˬ laꞈ baꞈ diˇ taˬ gaˇ ha geuꞈ nehˬ laꞈ.