Doˆ-iˇ 30:33 - Akha

³³ Tsiˇ kʼoeˇ jeˬ-ahˇ duˇ-eu tsiˇ jahˇ doˆ-euˬ tsawˇ haˬ aˬ geu gʼaˬ maˬ kaˬ, piˇ ma maˬ ngeuˇ-eu tsawˇ haˬ tiˬ gʼaˬ na kʼoeˇ taˆ tsiˇ kʼoeˇ shehˆ daˆ nehˬ-euˬ tsawˇ haˬ aˬ geu gʼaˬ maˬ kaˬ, ngaˬ-euˬ tsawˇ haˬ lehˇ ngaˇ maˬ paˇ sawˇ nehˬ meh’ lehˇ ehˇ nehˬ-awˬ.”

Doˆ-iˇ 30:33 Referans Kwoze

Doˆ-iˇ 30:38

Tsawˇ haˬ tiˬ gʼaˬ na, kʼoeˇ gaˇ duˇ-eu yaw saw jeˬ jahˇ-awˇ, yawˬ ha-euˬ gʼawˇ mawˇ yaw saw bi saw-eu gʼaˇ duˬ zmˬ naˇ, tsawˇ haˬ kʼoeˇ gʼaˬ-ahˇ ngaˬ-euˬ tsawˇ haˬ lehˇ maˬ paˇ sawˇ ma.”

Aˇ dahˬ 17:14

Baˆ kʼoˆ mehˬ dzaˬ maˬ yehˬ-euˬ kʼaˬ dzeˇ zaˬ aˬ geu gʼaˬ maˬ kaˬ, ngaˬ-euˬ tsawˇ haˬ lehˇ maˬ paˇ sawˇ nehˬ nya meh. Aˬ jeˬ miˇ neh ehˇ naˇ, ngaˬ-euˬ dawˬ ma saˇ jaˇ-ahˇ aˬ yawꞈ maˬ ziꞈ-eu miˇ neh meh.”

Doˆ-iˇ 12:15

Sahˬpaˬ Miˬyehˇ ehˇ-eu, “Shiꞈ nah keuˆ ni dehˬ tseˬ ahˇ-eu kaˬ muˇ naw maꞈ maˬ dzaˬ ni, dehˬ tseˬ maˬ ahˇ-eu kaˬ muˇ tehꞈ-ehˇ ya dzaˬ meh. Yaw beh nah laꞈ kʼoeˇ, naw maꞈ-euˬ nymˇ-ahˇ jaˆ-eu dehˬ tseˬ naw maꞈ ya biˬ dzeh jiˇ meh. Aˬ jeˬ miˇ neh ehˇ naˇ, kʼoeˇ shiꞈ nah laꞈ kʼoeˇ, tsawˇ haˬ tiˬ gʼaˬ na, dehˬ tseˬ ahˇ-eu kaˬ muˇ dzaˬ naˇ, tsawˇ haˬ kʼoeˇ gʼaˬ-ahˇ ngaˬ-euˬ tsawˇ haˬ lehˇ maˬ paˇ sawˇ nya meh.

Bawˇtsahˬ 9:13

Ehˇ kʼawꞈ, tsawˇ haˬ aˬ geu gʼaˬ maˬ kaˬ, zahˇ sahˇ kʼoꞈ-ahˇ taꞈ leˇ-eu laꞈ kʼoeˇ shawˇ-eu tsawˇ haˬ pyeuꞈ-eu uˬ taꞈ, gaˇ ma maˬ doˆ-iˇ-euˬ kʼawꞈ, Baˬsaˬkaˬ Bawˬ-iˬ maˬ gʼeh ni jawˇ naˇ, ngaˬ-euˬ tsawˇ haˬ lehˇ maˬ paˇ sawˇ nya meh. Aˬ jeˬ miˇ neh ehˇ naˇ, nah tsaˬ tsoˆ taˬ-euˬ aˇ yamˬ-ahˇ, ngaˬ-ahˇ lawˇ-eu shehˇ-eu jeˬ aˬ yawꞈ maˬ mˇ-a. Aˬ yawꞈ-euˬ iˬ baˇ baˬ da neh kʼaˇ pyeuꞈ laˇ-euˬ jeˬ-ahˇ aˬ yawꞈ ya daˬ meh.

Uˬ duˬ 23:29

Aˇ nah kʼoeˇ nah laꞈ kʼoeˇ, tiˬ jeˬ paˬ dzaˬ-eu tsawˇ haˬ aˬ geu gʼaˬ maˬ kaˬ, Sahˬpaˬ Miˬyehˇ-euˬ tsawˇ haˬ lehˇ maˬ paˇ sawˇ nya meh.

Uˬ duˬ 19:8

Shaˬ jiˇ kʼoeˇ dzaˬ-eu tsawˇ haˬ iˬ baˇ ahˇ-eu meh. Aˬ jeˬ miˇ neh ehˇ naˇ, ngaˬ-ahˇ damˬ gʼaˬ-eu yaw muiˬ yaw shawˇ jeˬ-ahˇ, maˬ muiˬ maˬ shawˇ-eu jeˬ loꞈ-ehˇ sawˇ-awˇ dzaˬ-euˬ meh. Tsawˇ haˬ kʼoeˇ gʼaˬ-ahˇ, ngaˬ-euˬ tsawˇ haˬ lehˇ maˬ paˇ sawˇ nehˬ nya meh.

Uˬ duˬ 17:9

Sahˬpaˬ Miˬyehˇ-ahˇ lawˇ nehˬ ngeh, Sehˬ gʼawˆ gʼoˆ kʼehˬ-ahˇ maˬ lawˇ-ehˇ yawˬ gaˇ yawˬ lawˇ naˇ, tsawˇ haˬ kʼoeˇ gʼaˬ-ahˇ Miˬyehˇ-euˬ tsawˇ haˬ lehˇ maˬ paˇ sawˇ nya meh.

Doˆ-iˇ 29:33

Iˬ baˇ pyehˬ-eu hawˇ-eu aˇ yaˬ biꞈ-eu zahˇ jahˇ gaˇ geuꞈ-eu dzaˬ dzaˬ dawˇ dawˇ deuˬ aˬ yawꞈ maꞈ dzaˬ nya meh. Piˇ ma deuˬ tehꞈ-ehˇ dzaˇ kʼoeˇ deuˬ dzaˬ kʼmˬ-eu meh. Aˬ jeˬ miˇ neh ehˇ naˇ, kʼoeˇ-aˬ, muiˬ-eu shawˇ-eu dzaˇ pyeuꞈ-eu meh.

Doˆ-iˇ 12:19

Shiꞈ nah keuˆ ni, naw maꞈ-euˬ nymˇ laꞈ kʼoeˇ dehˬ tseˬ maˬ ya bi jaˆ-a. Aˬ jeˬ miˇ neh ehˇ naˇ, miˇ kʼahˬ heu kʼahˬ laꞈ kʼoeˇ dehꞈ le-euˬ maˬ kaˬ, aˬ cawˬ miˇ kʼahˬ-ahˇ neh oe-euˬ maˬ kaˬ, tsawˇ haˬ tiˬ gʼaˬ na dehˬ tseˬ ahˇ-eu dzaˇ dzaˬ naˇ, tsawˇ haˬ kʼoeˇ gʼaˬ-ahˇ ngaˬ-euˬ tsawˇ haˬ lehˇ ngaˇ maˬ paˇ sawˇ ma.

Doˆ-iˇ 30:34

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Saw dui dui-eu yaw saw jeˬ pyeuꞈ-eu, muˇ laˬ, aˬ nyoˆ nyoˆ kʼawꞈ, gaˬ baˬ naˬ hawˇ-eu shawˇ jehˆ ni gʼeh-eu lawˇ baˬ heu deuˬ tiˬ kawˆ myaˆ ni yuˇ-awˬ.

Doˆ-iˇ 31:14

Gʼaˬ naˬ naˬ-eu aˇ nah kʼoeˇ nah-ahˇ, naw maꞈ ya lah ya daw meh. Aˬ jeˬ miˇ neh ehˇ naˇ, kʼoeˇ-aˬ, muiˬ-eu shawˇ-eu aˇ nah pyeuꞈ-eu meh. Aˇ nah kʼoeˇ nah-ahˇ maˬ lah maˬ daw-ehˇ gaˇ mˇ-eu tsawˇ haˬ aˬ geu gʼaˬ maˬ kaˬ, sehꞈ nehˬ gaˇ ya daˬ tehꞈ-a.

Uˬ duˬ 17:10

Iˇsaˬleˬlaˆ tsawˇ haˬ maˬ ehˇ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, tsawˇ haˬ tiˬ gʼaˬ na, shiˬ maˬ dzeˇ-eu shaˬ jiˇ dzaˬ naˇ, tsawˇ haˬ kʼoeˇ gʼaˬ-ahˇ Sahˬpaˬ Miˬyehˇ byehˇ dzeh-awˇ, aˬ yawꞈ-euˬ tsawˇ haˬ lehˇ maˬ paˇ sawˇ meh.

Uˬ duˬ 17:14

Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ saꞈ laˇ-aˬ, shiˬ laꞈ kʼoeˇ ahˇ-eu meh. Kʼoeˇ miˇ neh shiˬ maˬ yoeˇ dzeˇ-euˬ shaˬ jiˇ taˬ dzaˬ lehˇ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ ehˇ taˬ-euˬ meh. Shiˬ maˬ yoeˇ dzeˇ-euˬ shaˬ jiˇ dzaˬ-eu tsawˇ haˬ aˬ geu gʼaˬ maˬ kaˬ, aˬ yawꞈ-euˬ tsawˇ haˬ lehˇ maˬ paˇ sawˇ nya meh.

Uˬ duˬ 18:29

Jawꞈ dui dui-eu gaˇ heu deuˬ mˇ-eu tsawˇ haˬ a geu gʼaˬ maˬ kaˬ, Sahˬpaˬ Miˬyehˇ-euˬ tsawˇ haˬ lehˇ maˬ paˇ sawˇ nya meh lehˇ naw maꞈ siˬ nya meh.

Uˬ duˬ 20:3

Tsawˇ haˬ tiˬ gʼaˬ na, yawˬ ha-euˬ zaˬ tiˬ gʼaˬ Moˇlehˆ miˬ yehˇ-ahˇ biꞈ-eu laꞈ kʼoeˇ, muiˬ-eu shawˇ-eu ngaˬ-euˬ Sehˬ gʼawˆ-ahˇ laˆ jawꞈ-awˇ, muiˬ-eu shawˇ-eu ngaˬ-euˬ tsawˇ myahˇ-ahˇ yehˬ bawˬ sehˇ lu-ehˇ gʼeh naˇ, aˬ yawꞈ-ahˇ ngaˇ byehˇ tsehˆ tsehˆ-awˇ, ngaˬ-euˬ tsawˇ haˬ lehˇ maˬ paˇ sawˇ ma.

Uˬ duˬ 20:17

Tsawˇ haˬ tiˬ gʼaˬ na, yawˬ ha-euˬ dmˇ ma tsi tsi ni gʼeh-eu gʼaˬ-ahˇ maˬ ehˇ, tiˬ ma baw zaˬ maˬ ngeuˇ-eu yawˬ ha-euˬ dmˇ ma nehˬ-ehˇ maˬ ehˇ, sheuˬ dahˬ dzaˬ naˇ, tsawˇ haˬ heu myaˆ ni gʼeh-eu mehˬ shi, aˬ yawꞈ nyaꞈ-ahˇ ya teh dzeh meh. Aˬ yawꞈ-aˬ, yawˬ ha-euˬ dmˇ ma-ahˇ bahˬ-eu miˇ neh, kʼaˇ keuˆ le-eu jeˬ ya daˬ meh.

Uˬ duˬ 20:18

Tsawˇ haˬ tiˬ gʼaˬ na, ba la mawˇ luꞈ-eu zaˬ miˬ zaˬ tiˬ gʼaˬ nehˬ-ehˇ yuꞈ taꞈ naˇ, aˬ yawꞈ nyaꞈ nyiˬ gʼaˬ luꞈ-ahˇ, tsawˇ haˬ aˇ maꞈ aˇ muˇ laꞈ kʼoeˇ neh ya teh dzeh meh. Aˬ jeˬ miˇ neh ehˇ naˇ, muiˬ-eu shawˇ-eu jeˬ-ahˇ taꞈ leˇ-eu zahˇ sahˇ kʼoꞈ-ahˇ aˬ yawꞈ nyaꞈ mˇ bahˬ-euˬ meh.

Uˬ duˬ 22:3

Naw maꞈ-euˬ zaˬ deuˬ uˆ deuˬ laꞈ kʼoeˇ, tsawˇ haˬ tiˬ gʼaˬ na yawˬ ha-euˬ gʼawˇ mawˇ maˬ shawˇ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ neh ngaˬ-ahˇ lawˇ -euˬ muiˬ-eu shawˇ-eu lawˇ-eu jeˬ dawˬ peh le naˇ, tsawˇ haˬ kʼoeˇ gʼaˬ-aˬ, lawˇ duˬ-ahˇ ngaˬ-euˬ gaˇ maˬ paˇ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu hmˬ-ahˇ aˬ myah luꞈ ya caw teh meh. Ngaˇ-aˬ, Sahˬpaˬ Miˬyehˇ ma.

Bawˇtsahˬ 4:18

“Kawˇhaˆ aˇ jeuˬ-ahˇ, Leˬbiˇ tsawˇ jeuˬ laꞈ kʼoeˇ neh paˬ dzeh maˬ ya dzeh ni yaw kʼaˆ-ehˇ yahˇ-awˬ.

Bawˇtsahˬ 15:30

Ehˇ kʼawꞈ, Iˇsaˬleˬlaˆ tsawˇ haˬ tiˬ gʼaˬ na maˬ ehˇ, boeˇ miˬ siˬ kʼaˬ tiˬ gʼaˬ na maˬ ehˇ, maˇ maˇ ni iˬ baˇ mˇ ma lehˇ noeˬ-awˇ mˇ naˇ, Sahˬpaˬ Miˬyehˇ-ahˇ yehˬ bawˬ sehˇ lu-ehˇ gʼeh-eu iˬ baˇ naꞈ-eu miˇ neh, sehꞈ gaˇ ya daˬ tehꞈ-a.

Bawˇtsahˬ 15:31

Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ ehˇ dawˬ-ahˇ aˬ yawꞈ maˬ naˇ haˬ-ehˇ, maˇ maˇ ni zahˇ dawˬ kʼoꞈ dawˬ-ahˇ mˇ bahˬ-euˬ meh. Aˬ yawꞈ-aˬ, yawˬ haˇ yawˬ ha ya shiˇ ni mˇ-euˬ meh.”

Bawˇtsahˬ 19:13

Tsawˇ shiˇ-ahˇ toeˬ ciˆ gʼaˬ-awˇ, yawˬ haˇ yawˬ ha maˬ mˇ shawˇ-eu tsawˇ haˬ-aˬ, maˬ shawˇ-eu tsawˇ haˬ pyeuꞈ-eu meh. Aˬ jeˬ miˇ neh ehˇ naˇ, bi shawˇ laˇ-eu iˇ cuꞈ aˬ yawꞈ kʼoeˇ taˆ maˬ shehˆ daˆ-euˬ miˇ neh meh. Sahˬpaˬ Miˬyehˇ-euˬ Sehˬ gʼawˆ-ahˇ aˬ yawꞈ laˆ jawꞈ-euˬ miˇ neh, aˬ yawꞈ-ahˇ Miˬyehˇ-euˬ tsawˇ haˬ lehˇ maˬ paˇ sawˇ nya meh.

Bawˇtsahˬ 19:20

“Tsawˇ haˬ tiˬ gʼaˬ na zahˇ sahˇ kʼoꞈ-ahˇ taꞈ leˇ-eu laꞈ kʼoeˇ maˬ shawˇ-eu tsawˇ haˬ pyeuꞈ laˇ ngeh, yawˬ haˇ yawˬ ha maˬ mˇ shawˇ naˇ, maˬ shawˇ-a. Aˬ jeˬ miˇ neh ehˇ naˇ, bi shawˇ laˇ-eu iˇ cuꞈ aˬ yawꞈ kʼoeˇ taˆ maˬ shehˆ daˆ-euˬ miˇ neh meh. Aˬ yawꞈ-aˬ, Sahˬpaˬ Miˬyehˇ-euˬ Sehˬ gʼawˆ-ahˇ laˆ jawꞈ-euˬ tsawˇ haˬ pyeuꞈ-eu miˇ neh, aˬ yawꞈ-ahˇ Miˬyehˇ-euˬ tsawˇ haˬ lehˇ maˬ paˇ sawˇ nehˬ nya meh.