Doˆ-iˇ 29:6 - Akha

⁶ Aˬ yawꞈ-ahˇ uˬ dzahˬ bi dzahˬ-awˇ, ‘Sahˬpaˬ Miˬyehˇ-ahˇ a nehˬ taˬ-euˬ’ lehˇ boꞈ taˬ-euˬ muiˬ-eu shawˇ-eu pehˇ gʼawˆ kʼoeˇ hmˬ uˬ dzahˬ-ahˇ paꞈ tawꞈ nehˬ-awˬ.

Doˆ-iˇ 29:6 Referans Kwoze

Uˬ duˬ 8:9

Aˬ yawꞈ-euˬ uˬ duˬ-ahˇ uˬ dzahˬ bi dzahˬ-awˇ, Sahˬpaˬ Miˬyehˇ neh dawˬ biꞈ taˬ-eu loꞈ-ehˇ, a nehˬ-eu gaˇ taꞈ leˇ-eu muiˬ-eu shawˇ-eu saˇ kiˇ pyeuꞈ-eu muiˬ-eu shawˇ-eu shuiˇ pehˇ gʼawˆ yuˇ-awˇ, uˬ dzahˬ-euˬ mehˬ shi paꞈ tawꞈ nehˬ-euˬ meh.

Doˆ-iˇ 28:4

Kʼahˬ-ahˇ dehˬ daˬ duˬ, pehˇ kʼahˬ pehˇ nymˇ, pehˇ kʼahˬ pehˇ mahˇ, aˇ boꞈ boꞈ taˬ-euˬ pehˇ kʼahˬ, uˬ dzahˬ, dzoꞈ tsiˬ, heu deuˬ guꞈ-awˬ lehˇ aˬ yawꞈ maꞈ-ahˇ ehˇ nehˬ-awˬ. Nawˬ-euˬ aˇ doˆ Aˬloˬ hawˇ-eu aˬ yawꞈ-euˬ aˬ li deuˬ, ngaˬ-euˬ gaˇ mˇ-eu piˇ ma geuꞈ-eu gʼaˇ duˬ, piˇ ma-euˬ dm gʼaˬ dm lmˇ deuˬ ya guꞈ nehˬ meh lehˇ aˬ yawꞈ maꞈ-ahˇ nawˇ ehˇ nehˬ-awˬ.

Uˬ duˬ 21:12

Muiˬ-eu shawˇ-eu ngaˬ-euˬ Sehˬ gʼawˆ-ahˇ neh doˆ-iˇ-awˇ, tsawˇ shiˇ baꞈ taˬ-euˬ nymˇ-ahˇ iˇ-eu laꞈ kʼoeˇ, ngaˬ-euˬ muiˬ-eu shawˇ-eu Sehˬ gʼawˆ-ahˇ maˬ ya laˆ jawꞈ-a. Aˬ jeˬ miˇ neh ehˇ naˇ, ngaˬ-euˬ gaˇ bi mˇ-eu gʼaˇ duˬ, aˬ yawꞈ-ahˇ tsiˇ lehꞈ-awˇ tseˇ doˆ taˬ-euˬ meh.

Zaˬkaˬliˇ 3:5

Yawˇshuˆ-ahˇ uˬ dzahˬ yaw shawˇ bi dzahˬ-eu gʼaˇ duˬ, aˬ yawꞈ mehˬ shi yawꞈ luꞈ-eu kʼoeˇ deuˬ-ahˇ aˬ yawꞈ dawˬ biꞈ ngeh, aˬ yawꞈ maꞈ Yawˇshuˆ-ahˇ uˬ dzahˬ bi dzahˬ-awˇ, mehˬ tsoeˬ yaw shuiꞈ bi dm-euˬ meh. kʼoeˇ ngeh, Sahˬpaˬ Miˬyehˇ-euˬ mˬ taˆ gʼaˬ kʼehˇ kʼoeˇ gʼaˬ kʼoeˇ gaˇ yawꞈ luꞈ-eu meh.