Doˆ-iˇ 29:41 - Akha

⁴¹ Yawˇ zaˬ yawˬ mawˇ yawˬ-ahˇ uˬ ciꞈ uˬ taw paw lawˇ-awˬ. Cehˇ meu, saˬ loˬ tsiˇ hawˇ-eu, aˬ gaꞈ dzaˇ uiˇ kʼawꞈ, uˬ shawˬ paw poˆ lawˇ ngeh loꞈ-ehˇ lawˇ ahˇ-awˬ. Kʼoeˇ-aˬ, Sahˬpaˬ Miˬyehˇ pyeuꞈ-eu ngaˬ-ahˇ lawˇ-eu dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ, ngaˇ nui ma tsaˬ-eu ma.

Doˆ-iˇ 29:41 Referans Kwoze

Daˬyeˬlaˇ 9:21

Ngaˇ kʼoeˇ loꞈ-ehˇ guiˬ lahˬ shaˇ shaˇ-ehˇ jawˇ ngeh, yaw beh yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ ngaˬ neh mawˇ-euˬ Gaˬbeˬlaˇ kʼoeˇ gʼaˬ, ngaˇ jawˇ gaˇ zaw ka gʼeh leꞈ-euˬ meh.

Jaceuq 141:2

Tsiˇ yaw saw doꞈ damˬ-euˬ gaˇ ha geuꞈ-eu loꞈ-ehˇ, ngaˬ-euˬ shaˇ dawˬ-ahˇ ha geuꞈ nehˬ laꞈ-awˬ. Uˬ ciꞈ uˬ taw paw lawˇ-euˬ jeˬ-ahˇ ha geuꞈ-eu loꞈ-ehˇ, ngaˇ aˬ laꞈ baꞈ diˇ taˬ gaˇ ha geuꞈ nehˬ laꞈ.

2 Sahˬpaˬ 16:15

Kʼoeˇ naˇ, piˇ ma Uˇliˇyaˆ-ahˇ aˬ yawꞈ heu loꞈ-ehˇ dawˬ biꞈ-euˬ meh. “Uˬ shawˬ paw lawˇ-eu miˬ dzaˬ dzah puiˆ-awˇ lawˇ-eu jeˬ maˬ ehˇ, uˬ ciꞈ uˬ taw paw lawˇ-eu dzaˬ la gʼo cehˇ lawˇ-eu jeˬ maˬ ehˇ, sahˬ paˬ hawˇ-eu miˇ kʼahˬ zaˬ deuˬ lawˇ-eu miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ maˬ ehˇ, huiˬ dzehˬ-eu ngaˬ-euˬ lawˇ duˬ heu tsahˇ kʼoeˇ taˆ lawˇ-awˬ. Lawˇ-eu shehˇ-eu gʼaˇ duˬ kʼaˇ sehꞈ-euˬ jeˬ zaˬ-euˬ shiˬ-ahˇ, lawˇ duˬ heu hmˬ kʼoeˇ taˆ shehˆ daˆ-awˬ. Guiˬ shuiˇ neh jahˇ taˬ-eu lawˇ duˬ kʼoeˇ hmˬ-aˬ, ngaˇ ja maw maw ngeh zmˬ-eu gʼaˇ duˬ bi jaˆ-awˬ.”

1 Sahˬpaˬ 18:36

Nahˇ ma nahˇ dahˬ yawˬ-iˇ-awˇ, lawˇ-eu shehˇ-eu jeˬ mˇ-eu aˇ yamˬ tsaˬ laˇ ngeh, Miˬyehˇ gʼaˇ duˬ ngehˬ dah-eu Eˇliˇyaˆ gʼaˬ lawˇ duˬ dawˬ peh le-awˇ, heu loꞈ-ehˇ guiˬ lahˬ shaˇ-euˬ meh. “Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ, Iˇsaˬleˬlaˆ-euˬ Miˬyehˇ pyeuꞈ-awˇ, ngaˇ nawˬ-ahˇ uˬ duˬ tahˬ-awˇ, nawˬ neh kʼaˇ bi mˇ-euˬ loꞈ-ehˇ nymˬ-mˇ ngaˇ mˇ luꞈ-eu gaˇ kawˆ bi siˬ bi mawˇ-awˬ.

1 Sahˬpaˬ 18:29

Nah loˆ ceh laˇ ngeh keuˆ ni aˬ yawꞈ maꞈ toˇ toˇ-ehˇ jawˇ-eu kʼawꞈ, aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-eu gʼaˬ maˬ jawˇ-a.

Doˆ-iˇ 29:40

Yaw beh lawˇ-euˬ yawˇ zaˬ kʼoeˇ mawˇ nehˬ-ehˇ, saˬ loˬ tsiˇ maˇ tsaꞈ nyiˬ tsaꞈ keuˬ taˬ-euˬ muiˬ-eu cehˇ meu tiˬ pehˬ ya lawˇ ahˇ meh. Aˬ gaꞈ dzaˇ uiˇ maˇ tsaꞈ kʼawꞈ tiˬ tsaꞈ shehˆ-awˇ ya lawˇ meh.

Doˆ-iˇ 29:42

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, ngaˬ-euˬ mehˬ shi, ngaˇ jawˇ-eu sehˬ gʼawˆ gʼoˆ kʼehˬ-ahˇ, aˬ myah luꞈ ya lawˇ meh. Kʼoeˇ gaˇ, ngaˬ-euˬ tsawˇ haˬ-ahˇ ngaˇ tahˬ puˬ le-awˇ, nawˬ-ahˇ ngaˇ dawˬ ngehˬ cawˬ ma.

Doˆ-iˇ 12:6

Ba la heu siˬ tseˇ oeˬ nah uˬ ciꞈ uˬ taw paw, Iˇsaˬleˬlaˆ tsawˇ haˬ dawˬ tawˆ luꞈ jeˬ zaˬ ya sehꞈ meh.

2 Laˬsaˬbaˬ 2:3

Duˇlu sahˬ paˬ Hiˇlamˬ-ahˇ, Sawˇlaˬmoˬ heu loꞈ-ehˇ dawˬ tsaꞈ tsaꞈ ahˇ nehˬ-euˬ meh. “Ngaˬ da Daˬbiˇ nehˬ-ehˇ nawˇ jeˬ gaꞈ taꞈ-awˇ, aˬ yawꞈ jawˇ-eu sahˬ paˬ-euˬ hawˇ nymˇ tsoˆ ngeh nawˇ shuˬ liˇ daˇ kawˬ ahˬ nehˬ-euˬ loꞈ-ehˇ, ngaˬ-ahˇ kʼawꞈ ahˬ nehˬ laꞈ-awˬ.