Doˆ-iˇ 29:40 - Akha

⁴⁰ Yaw beh lawˇ-euˬ yawˇ zaˬ kʼoeˇ mawˇ nehˬ-ehˇ, saˬ loˬ tsiˇ maˇ tsaꞈ nyiˬ tsaꞈ keuˬ taˬ-euˬ muiˬ-eu cehˇ meu tiˬ pehˬ ya lawˇ ahˇ meh. Aˬ gaꞈ dzaˇ uiˇ maˇ tsaꞈ kʼawꞈ tiˬ tsaꞈ shehˆ-awˇ ya lawˇ meh.

Doˆ-iˇ 29:40 Referans Kwoze

Piˇliˇpiˆ 2:17

Naw maꞈ-euˬ jah-eu jeˬ Miˬyehˇ-ahˇ lawˇ nehˬ-euˬ kʼoeˇ taˆ, ngaˬ-euˬ shiˬ ya shehˆ daˆ nehˬ law hawˇ kʼawꞈ, ngaˇ nui kʼahˇ shiˇ-awˇ, naw maꞈ dawˬ tawˆ luꞈ nehˬ-ehˇ tiˬ kawˆ loꞈ-ehˇ laˬ kʼaˬ caw cehˇ-eu ma.

Yawˇlaˆ 2:14

Naw maꞈ Miˬyehˇ Sahˬpaˬ Miˬyehˇ nui ma noeˬ paˇ leˇ-eu baw-awˇ, naw maꞈ-ahˇ guiˬ lahˬ biꞈ nehˬ-awˇ, dzaˬ la gʼo cehˇ bi za le naˇ, aˬ gaꞈ dzaˇ uiˇ hawˇ-eu cehˇ deuˬ, aˬ yawꞈ-ahˇ naw maꞈ damˬ nya meh.

Yeˬsaˬgeˬlaˇ 46:14

Cehˇ meu koꞈ bymˇ tiˬ bymˇ eˇpaˬ-ahˇ1/6 eˇpaˬ-aˬ, tiˬ ciˇ loˇ ehˇ gʼaˬ ni byah-eu meh.* saˬ loˬ tsiˇ smˬ bymˇ tiˬ bymˇ heˬ1/3 heˬ-aˬ, tiˬ liˆ ehˇ gʼaˬ ni byah-eu meh.* keuˬ-awˇ dzaˬ la gʼo cehˇ lawˇ-eu jeˬ, yawˬ shawˬ na luꞈ ya lawˇ meh. Sahˬpaˬ Miˬyehˇ-ahˇ kʼoeˇ loꞈ-ehˇ lawˇ-eu jeˬ tiˬ jawˇ-iˬ gʼaˬ maˬ ya bi baˬ-iˇ-a.

Yeˬsaˬgeˬlaˇ 45:17

La shuiꞈ lah-eu bawˬ-iˬ gʼeh gaˇ maˬ ehˇ, jawˇ nah lah gaˇ maˬ ehˇ, bawˬ-iˬ nui deuˬ jahˇ gaˇ maˬ ehˇ, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu gʼaˇ duˬ jeˬ zaˬ, dzaˬ la gʼo cehˇ lawˇ-eu jeˬ hawˇ-eu, aˬ gaꞈ dzaˇ uiˇ lawˇ-eu jeˬ heu deuˬ, Iˇsaˬleˬlaˆ miˇ kʼahˬ kʼahˬ lah ni-ahˇ biˇ nehˬ-eu gʼaˇ duˬ, aˬ yawꞈ-ahˇ doˇ-eu meh. Iˇsaˬleˬlaˆ tsawˇ haˬ deuˬ iˬ baˇ shawˇ laˇ ni ya lawˇ-eu, iˬ baˇ shawˇ-eu lawˇ-eu jeˬ, dzaˬ la gʼo cehˇ lawˇ-eu jeˬ, mawˇ lah-ehˇ dzah puiˆ-awˇ lawˇ-eu jeˬ, cawˬ cawˬ taꞈ-eu lawˇ-eu jeˬ heu deuˬ, aˬ yawꞈ ya biꞈ nehˬ-eu meh.

Iˇsaˬyaˇ 57:6

Kʼoeˇ gaˇ jaˆ-eu kʼaˬ lo lo juˇ naw maꞈ gʼoˆ-awˇ, miˬ yehˇ bi geuꞈ-awˇ uˬ duˬ tahˬ-euˬ meh. Aˬ gaꞈ dzaˇ uiˇ hawˇ-eu dzaˬ la gʼo cehˇ lawˇ nehˬ-eu jeˬ, kʼaˬ lo kʼoeˇ deuˬ-ahˇ naw maꞈ lawˇ nehˬ-euˬ maˬ ngeuˇ te loˇ. Naw maꞈ kʼoeˇ loꞈ-ehˇ mˇ luꞈ shaˇ luꞈ gaˇ, ngaˇ nui kʼahˇ shiˇ tehꞈ-a lehˇ noeˬ te loˇ.

Uˬ duˬ 23:13

Saˬ loˬ tsiˇ keuˬ taˬ-euˬ cehˇ meu nyiˬ pehˬ yuˇ-awˇ, yawˇ kʼoeˇ mawˇ nehˬ-ehˇ tiˬ kawˆ loꞈ-ehˇ, dzaˬ dzaˬ dawˇ dawˇ lawˇ-eu jeˬ naw maꞈ ya lawˇ meh. Kʼoeˇ loꞈ-ehˇ lawˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh. Aˬ gaꞈ dzaˇ uiˇ maˇ tsaꞈ tiˬ tsaꞈ dzehˬ ni naw maꞈ ya lawˇ ahˇ meh.

Yawˇlaˆ 1:13

Lawˇ duˬ-ahˇ jawˇ-eu piˇ ma deuˬ guˬ daˇ pehˇ zeuˇ dm-awˇ ngoeˇ-awˬ. Uˬ duˬ tahˬ nymˇ nymˇ ma laꞈ kʼoeˇ, uˬ ciꞈ miˇ lah-ehˇ ngoeˇ leˇ-awˬ. Naw maꞈ-euˬ Miˬyehˇ-ahˇ damˬ-eu, aˬ gaꞈ dzaˇ uiˇ hawˇ-eu cehˇ pyuˇ, laˬ doˆ-iˇ kʼaˇ maˬ paˇ za meh.

Yawˇlaˆ 1:9

Uˬ duˬ tahˬ nymˇ nymˇ ma laꞈ kʼoeˇ, damˬ-eu dzaˬ la gʼo cehˇ hawˇ-eu, aˬ gaꞈ dzaˇ uiˇ maˬ paˇ jaˆ meh. Sahˬpaˬ Miˬyehˇ-ahˇ damˬ nehˬ-eu, tiˬ jeˬ-iˬ maˬ jaˆ-eu miˇ neh, piˇ ma deuˬ tsawˇ ngoeˇ ngoeˇ luꞈ meh.

Yeˬsaˬgeˬlaˇ 46:11

Bawˬ-iˬ gʼeh-eu aˇ nah aˇ yamˬ laꞈ kʼoeˇ, dzaˬ la gʼo cehˇ lawˇ ngeh, heu loꞈ-ehˇ ya lawˇ meh. Mawˇ neˇ mawˇ gaw tiˬ mawˇ nehˬ-ehˇ tiˬ eˇpaˬ ya lawˇ-awˇ, yawˇ aˬ buˬ tiˬ mawˇ nehˬ-ehˇ tiˬ eˇpaˬ ya lawˇ meh. Yawˇ zaˬ nehˬ-ehˇ lawˇ ngeh-aˬ, uˬ duˬ tahˬ laˇ-euˬ gʼaˬ kʼaˇ lawˇ mawꞈ-eu jeˬ lawˇ nya meh. Kʼoeˇ loꞈ-ehˇ dzaˬ la gʼo cehˇ kʼaˇ lawˇ ngeh, saˬ loˬ tsiˇ tiˬ heˬ45.24b-ahˇ haw-awˬ* ya lawˇ caw meh.

Yeˬsaˬgeˬlaˇ 46:7

Mawˇ neˇ mawˇ gaw aˬ yawꞈ mawˇ yawꞈ lawˇ ngeh maˬ ehˇ, yawˇ aˬ buˬ aˬ yawꞈ mawˇ yawꞈ lawˇ ngeh maˬ ehˇ, cehˇ meu tiˬ eˇpaˬ ya lawˇ caw-awˇ, yawˇ zaˬ lawˇ ngeh, aˬ yawꞈ kʼaˇ lawˇ caw mawꞈ-eu jeˬ lawˇ caw nya meh. Kʼoeˇ loꞈ-ehˇ dzaˬ la gʼo cehˇ kʼaˇ lawˇ ngeh, saˬ loˬ tsiˇ tiˬheˬ ya lawˇ caw meh.

Yeˬsaˬgeˬlaˇ 46:5

Yawˇ aˬ buˬ kʼoeˇ mawˇ nehˬ-ehˇ lawˇ caw-eu gʼaˇ duˬ cehˇ meu tiˬ eˇpaˬ hawˇ-eu, yawˇ zaˬ aˬ yawꞈ mawˇ yawꞈ nehˬ-ehˇ lawˇ caw-eu gʼaˇ duˬ, aˬ yawꞈ kʼaˇ lawˇ caw mawꞈ-eu jeˬ yuˇ laꞈ nya meh. Dzaˬ la gʼo cehˇ tiˬ poˆ lawˇ ngeh, saˬ loˬ tsiˇ tiˬ heˬ aˬ yawꞈ ya yuˇ laꞈ meh.

Yeˬsaˬgeˬlaˇ 45:24

Mawˇ neˇ mawˇ gaw hawˇ-eu yawˇ aˬ buˬ kʼaˇ lawˇ ngeh, tiˬ mawˇ-ahˇ cehˇ tiˬ eˇpaˬ‘tiˬ eˇpaˬ’-aˬ, ‘6 gaˬ laˬ’ ehˇ gʼaˬ ni byah-eu meh. (‘Tiˬ gaˬlaˬ’-euˬ ‘4 liˆ’ byah-eu meh.)’* hawˇ-eu saˬ loˬ tsiˇ tiˬ heˬ‘oeˬ heˬ’-euˬ ‘tiˬ eˇpaˬ’ byah-eu meh.* byah ni ya lawˇ caw meh.

Yeˬsaˬgeˬlaˇ 20:28

Ngaˬ neh aˬ yawꞈ maꞈ-ahˇ biꞈ ma lehˇ ehˇ taˬ-euˬ miˇ kʼahˬ-ahˇ aˬ yawꞈ maꞈ-ahˇ ngaˇ sheuˬ gʼeh nehˬ ngeh, gawˬ duˇ yaw goˇ deuˬ hawˇ-eu aˇ paꞈ sahˇ-eu aˇ bawˇ kʼaˇ mawˇ le gaˇ aˬ yawꞈ maꞈ lawˇ-euˬ shehˇ-euˬ meh. Aˬ yawꞈ maꞈ neh lawˇ-euˬ miˬ dzaˬ-ahˇ dzah puiˆ-awˇ lawˇ-eu jeˬ hawˇ-eu, aˬ gaꞈ dzaˇ uiˇ lawˇ-eu jeˬ baˬ da neh, ngaˇ nui ma ya pehˇ-euˬ ma.

Yeˬsaˬgeˬlaˇ 4:11

Tiˬ nah iˇ cuꞈ nyiˬ kʼmˬ taꞈ-ehˇ nawˇ maˬ ya dawˇ-a.

Dawˬmehˬ 32:38

‘Muiˬ-eu lawˇ dzaˇ tsiˇ byuˬ lawˇ-awˇ, aˬ gaꞈ dzaˇ uiˇ lawˇ nehˬ-euˬ-aˬ, nymˬ-mˇ cehˆ coeˬ bi coeˬ leꞈ-awˇ, naw maꞈ-ahˇ bi ka kʼoꞈ-awˬ tawˇ.

Bawˇtsahˬ 29:16

Dzaˬ la gʼo cehˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ nehˬ-ehˇ aˬ yawꞈ nah yawꞈ lawˇ luꞈ-eu miˬ dzaˬ dzah puiˆ-awˇ lawˇ-eu jeˬ uˬ taꞈ, iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ ya lawˇ meh.

Bawˇtsahˬ 28:24

Kʼoeˇ loꞈ-ehˇ, shiꞈ nah laꞈ kʼoeˇ, Sahˬpaˬ Miˬyehˇ nui ma tsaˬ-eu yaw saꞈ bi le-eu dzaˬ dzaˬ dawˇ dawˇ lawˇ-eu jeˬ aˬ yawꞈ nah yawꞈ ya lawˇ meh. Aˬ yawꞈ nah yawꞈ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ uˬ taꞈ, kʼoeˇ loꞈ-ehˇ ya lawˇ meh.

Bawˇtsahˬ 28:10

Heu loꞈ-ehˇ miˬ dzaˬ dzah puiˆ-awˇ lawˇ-eu heu-aˬ, aˬ yawꞈ nah yawꞈ lawˇ luꞈ-eu aˬ gaꞈ dzaˇ uiˇ hawˇ-eu nui jeˬ uˬ taꞈ, jawˇ nah ngeh nah paˇ ya lawˇ dzehˬ-eu lawˇ-eu jeˬ pyeuꞈ-eu meh.

Bawˇtsahˬ 28:5

Aˬ yawꞈ mawˇ yawꞈ lawˇ ngeh, muiˬ dui dui-eu saˬ loˬ tsiˇ maˇ tsaꞈ tiˬ tsaꞈ keuˬ taˬ-euˬ cehˇ meu tiˬ pehˬ ya lawˇ ahˇ meh.

Bawˇtsahˬ 15:24

Tsawˇ haˬ aˇ maꞈ aˇ muˇ dawˬ tawˆ luꞈ maˬ siˬ nya-eu laꞈ kʼoeˇ maˬ noeˬ maˬ duˇ-ehˇ mˇ lehˬ-euˬ jeˬ ngeuˇ naˇ, Sahˬpaˬ Miˬyehˇ nui ma tsaˬ ni yaw saꞈ bi le-eu gʼaˇ duˬ, mawˇ neˇ mawˇ gaw tiˬ mawˇ tsahˇ-awˇ, miˬ dzaˬ dzah puiˆ-awˇ lawˇ-eu jeˬ ya lawˇ meh. Kʼoeˇ nehˬ-ehˇ tiˬ kawˆ loꞈ-ehˇ, dzaˬ la gʼo cehˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ kʼawꞈ ya lawˇ meh. Kʼoeˇ uˬ taꞈ, ciꞈ myehꞈ ciꞈ buˬ tiˬ mawˇ tsahˇ-awˇ, iˬ baˇ shawˇ-eu lawˇ-eu jeˬ aˬ yawꞈ maꞈ ya lawˇ meh.

Bawˇtsahˬ 15:7

Kʼoeˇ nehˬ-ehˇ tiˬ kawˆ loꞈ-ehˇ, aˬ gaꞈ dzaˇ uiˇ maˇ tsaꞈ tiˬ tsaꞈ uˬ taꞈ tiˬ kʼoeˆ ya lawˇ ahˇ meh. Kʼoeˇ loꞈ-ehˇ lawˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh.

Doˆ-iˇ 30:24

cawˬ kʼaˬ cawˬ piˇ yawˬ jeˬ yawˬ smˇ jawꞈ-i koꞈ kaˇ, heu deuˬ-ahˇ, kaˇ daˬ-ahˇ tsaˬ ni saˆ byah-awˇ, saˬ loˬ tsiˇ maˇ tsaꞈ oeˬ tsaꞈ lehˬ hmˬ taˬ-awˬ.

Doˆ-iˇ 16:36

(Aˇ hu Iˇsaˬleˬlaˆ tsawˇ haˬ deuˬ zmˬ-euˬ, tiˬ awˇ mehˇ lehˇ kuˇ-eu cehˇ pehˬ tiˬ pehˬ-aˬ, nymˬ-mˇ aˬ dui zmˬ luꞈ-euˬ cehˇ pehˬ nyiˬ pehˬ hui ni ahˇ-eu meh.)

Aˇ dahˬ 35:14

Jawˇ duˬ kʼoeˇ tsahˇ-ahˇ Miˬyehˇ aˬ yawꞈ-ahˇ dawˬ ngehˬ cawˬ le-euˬ gaˇ noeˬ keuˆ-eu gʼaˇ duˬ, kʼaˬ lo tiˬ siˬ Yaˬkoˆ kʼahˬ tuˇ-awˇ, aˬ gaꞈ dzaˇ uiˇ hawˇ-eu saˬ loˬ tsiˇ shehˆ daˆ-awˇ, Miˬyehˇ-ahˇ damˬ nehˬ-euˬ meh.

Doˆ-iˇ 29:39

Uˬ shawˬ paw tiˬ mawˇ hawˇ-eu, uˬ ciꞈ paw tiˬ mawˇ ya lawˇ meh.

Doˆ-iˇ 29:41

Yawˇ zaˬ yawˬ mawˇ yawˬ-ahˇ uˬ ciꞈ uˬ taw paw lawˇ-awˬ. Cehˇ meu, saˬ loˬ tsiˇ hawˇ-eu, aˬ gaꞈ dzaˇ uiˇ kʼawꞈ, uˬ shawˬ paw poˆ lawˇ ngeh loꞈ-ehˇ lawˇ ahˇ-awˬ. Kʼoeˇ-aˬ, Sahˬpaˬ Miˬyehˇ pyeuꞈ-eu ngaˬ-ahˇ lawˇ-eu dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ, ngaˇ nui ma tsaˬ-eu ma.

2 Sahˬpaˬ 3:20

Yawˬ shawˬ yawˬ lawˇ-eu shehˇ-eu jeˬ mˇ-eu aˇ yamˬ keuˆ laˇ ngeh, Eˬdoˬ miˇ kʼahˬ paw neh iˇ cuꞈ yoeˇ ka le-awˇ, miˇ tsaˬ-ahˇ iˇ cuꞈ yoeˇ byah jiˇ-euˬ meh.

Hawˇseˬ 9:4

Aˬ cawˬ miˇ kʼahˬ kʼoeˇ deuˬ laꞈ kʼoeˇ, yawꞈ maꞈ-euˬ Sahˬpaˬ Miˬyehˇ-ahˇ, lawˇ-eu shehˇ-eu maˬ mˇ nya-a. Yawꞈ maꞈ dzaˬ-eu dzaˇ kʼoeˇ deuˬ-aˬ, tsawˇ shiˇ hawˬ byawˇ lawˇ gaˇ duˇ-awˇ, kʼaˇ dzaˬ kʼaˇ dawˇ-eu tsawˇ haˬ deuˬ, maˬ shawˇ-eu tsawˇ haˬ pyeuꞈ-eu meh. Aˬ yawꞈ maꞈ dzaˬ-eu dzaˇ kʼoeˇ deuˬ, uˬ maˆ bi dehˆ laˇ-eu tehꞈ meh. Sahˬpaˬ Miˬyehˇ-euˬ nymˇ laꞈ kʼoeˇ, lawˇ gaˇ shehˇ gaˇ maˬ geuꞈ nya-a.

Uˬ duˬ 6:13

Lawˇ duˬ kʼoeˇ taˆ doꞈ luꞈ-eu miˬ dzaˬ kʼoeˇ, tiˬ jawˇ-iˬ maˬ miˆ tsehˆ ni ya bi doꞈ meh.

Bawˇtsahˬ 4:16

Piˇ ma Aˬloˬ-euˬ aˬ li Eˇlaˬzaˬ-aˬ, tsiˇ kʼmˬ doꞈ-eu tsiˇ, tsiˇ yaw saw jeˬ, dzaˬ la gʼo cehˇ lawˇ-eu jeˬ hawˇ-eu, tseˇ doˆ-euˬ deuˬ-ahˇ lehꞈ-eu tsiˇ heu deuˬ-ahˇ ya haw ya pyaˆ meh. Sehˬ gʼawˆ gʼawˆ lah ni hawˇ-eu, Sehˬ gʼawˆ laꞈ kʼoeˇ kʼaˇ jaˆ-eu Sahˬpaˬ Miˬyehˇ-ahˇ a nehˬ taˬ-euˬ jeˬ dawˬ tawˆ luꞈ-ahˇ ya haw ya pyaˆ meh.