Doˆ-iˇ 29:37 - Akha

³⁷ Shiꞈ nah keuˆ ni, aˬ yawꞈ nah yawꞈ kʼoeˇ loꞈ-ehˇ jahˇ-awˬ. Kʼoeˇ ngeh, lawˇ duˬ kʼoeˇ muiˬ laˇ shawˇ laˇ-awˇ, kʼoeˇ gaˇ kʼaˇ toeˬ ciˆ leˇ-eu aˬ geu gʼaˬ maˬ kaˬ, aˬ geu jeˬ maˬ kaˬ, muiˬ-eu shawˇ-eu jeˬ-euˬ baoˬ baˬ da neh, guˬ leˇ tehꞈ-a.

Doˆ-iˇ 29:37 Referans Kwoze

Doˆ-iˇ 40:10

Kʼoeˇ loꞈ-ehˇ jahˇ gʼaˬ naˇ, lawˇ duˬ hawˇ-eu lawˇ duˬ-ahˇ taꞈ leˇ-eu keu ka dawˬ tawˆ luꞈ kʼawꞈ, maˇ maˇ ni bi muiˬ bi shawˇ laˇ-eu gʼaˇ duˬ, tsiˇ lehꞈ-awˇ, Sahˬpaˬ Miˬyehˇ-ahˇ a nehˬ-awˬ.

Maꞈtehˬ 23:19

Naw maꞈ aˇ naˆ naˆ-ehˇ myaˆ behꞈ behꞈ te. Aˬ geu jeˬ huiˬ dzehˬ ta. Lawˇ-euˬ jeˬ huiˬ dzehˬ ta loˇ. Lawˇ-euˬ jeˬ-ahˇ Miˬyehˇ gʼaˇ duˬ bi muiˬ bi shawˇ laˇ-eu lawˇ duˬ kʼoeˇ hmˬ huiˬ dzehˬ ta loˇ.

Maꞈtehˬ 23:17

Myaˆ behꞈ behꞈ-eu aˬ dzawˬ aˇ gah deuˬ-oˇ, aˬ geu jeˬ huiˬ dzehˬ ta. Shuiˇ huiˬ dzehˬ ta loˇ. Shuiˇ-ahˇ Miˬyehˇ gʼaˇ duˬ bi muiˬ bi shawˇ laˇ-euˬ Uˬ duˬ tahˬ nymˇ nymˇ ma huiˬ dzehˬ ta loˇ.

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

Uˬ duˬ 8:11

Kʼoeˇ naˇ, tsiˇ kʼoeˇ ui cuiˆ paˇ yuˇ-awˇ, lawˇ duˬ hawˇ-eu kʼoeˇ gaˇ taꞈ leˇ-eu keu ka deuˬ-ahˇ maˬ ehˇ, sehˇ byehˇ hawˇ-eu kʼoeˇ-euˬ aˬ kuiˇ-ahˇ maˬ ehˇ, shiꞈ poˆ keuˆ ni byaˆ shehˬ-awˇ, Sahˬpaˬ Miˬyehˇ-ahˇ a nehˬ-euˬ meh.

Uˬ duˬ 16:16

Iˇsaˬleˬlaˆ tsawˇ haˬ deuˬ-euˬ maˬ muiˬ maˬ shawˇ-eu jeˬ hawˇ-eu iˬ baˇ baˬ da neh, kʼoeˇ loꞈ-ehˇ jahˇ-awˇ, Muiˬ dui Shawˇ dui dui-eu Jawˇ duˬ shawˇ-eu zahˇ aˬ yawꞈ ya jahˇ meh. Sehˬ gʼawˆ gʼaˇ duˬ kʼawꞈ, aˬ yawꞈ kʼoeˇ loꞈ-ehˇ ya jahˇ meh. Aˬ jeˬ miˇ neh ehˇ naˇ, kʼoeˇ-aˬ, maˬ shawˇ-eu pu-euˬ gʼahˇ ceh jaˆ-eu miˇ neh meh.

Haˬgaiˇ 2:12

Tsawˇ haˬ tiˬ gʼaˬ shaˬ jiˇ lawˇ-euˬ yuˇ-awˇ pehˇ kʼahˬ neh dehˬ kaˬ-awˇ yuˇ gʼeh-eu ehˇ-awˬ. Kʼoeˇ naˇ, kaˬ muˇ maˬ ehˇ, jahˇ jaꞈ taˬ-euˬ dzaˇ maˬ ehˇ, aˬ gaꞈ dzaˇ uiˇ maˬ ehˇ, saˬ loˬ tsiˇ maˬ ehˇ, dzaˇ tiˬ jeˬ-ahˇ pehˇ kʼahˬ kʼoeˇ kahˇ neh ya laˆ ciˆ shaw naˇ, kʼaˇ laˆ ciˆ-euˬ dzaˇ kʼoeˇ shawˇ laˇ ta loˇ lehˇ naˇ haˬ-awˬ.” Dawˬ kʼoeˇ dawˬ naˇ haˬ ngeh, “Maˬ ngeuˇ-a” lehˇ piˇ ma deuˬ ehˇ-eu meh.

Uˬ duˬ 6:11

Kʼoeˇ naˇ, aˬ yawꞈ mehˬ tsoeˬ dm paˇ-awˇ, kʼaˬ lehˇ kʼoeˇ deuˬ-ahˇ, pu pu dzeˇ jaˆ-eu muiˬ-eu shawˇ-eu jawˇ duˬ-ahˇ ya tawˆ taˬ-iˇ meh.

2 Laˬsaˬbaˬ 7:9

Aˬ yawꞈ maꞈ lawˇ duˬ Miˬyehˇ-ahˇ a nehˬ-euˬ shiꞈ nah ga-awˇ, bawˬ-iˬ shiꞈ nah paˇ gʼeh-euˬ meh. Aˇ saˬ saˬ ngeh nah, aˇ saˬ saˬ-eu bawˬ-iˬ gʼeh-euˬ meh.

Yeˬsaˬgeˬlaˇ 43:20

Mawˇ neˇ kʼoeˇ mawˇ-euˬ shiˬ ui cuiˆ yuˇ-awˇ, lawˇ duˬ-euˬ uˬ coeˇ oeˬ kahˬ-ahˇ maˬ ehˇ, gʼahˇ ceh tiˆ-euˬ laꞈ coeˇ oeˬ coeˇ hawˇ-eu daˇ bahˇ caw caw-ehˇ maˬ ehˇ, nawˇ lehꞈ doe-eu laꞈ kʼoeˇ, lawˇ duˬ kʼoeˇ bi shawˇ laˇ-awˇ a nehˬ-eu zahˇ nawˇ ya jahˇ meh.

Yeˬsaˬgeˬlaˇ 43:25

Iˬ baˇ shawˇ-eu lawˇ-eu jeˬ gʼaˇ duˬ, shiꞈ nah keuˆ ni, aˬ yawꞈ nah yawꞈ ciꞈ myehꞈ tiˬ mawˇ, mawˇ neˇ mawˇ gaw tiˬ mawˇ hawˇ-eu, yawˇ aˬ buˬ tiˬ mawˇ ya lawˇ meh. Aˬ yawꞈ nah yawꞈ lawˇ ngeh, maˇ byawꞈ maˬ baw-eu jeˬ shawˇ tehꞈ-ehˇ ya lawˇ meh.