Doˆ-iˇ 29:27 - Akha

²⁷ “Piˇ ma-ahˇ aˇ yaˬ biꞈ ngeh sehꞈ-eu yawˇ aˬ buˬ-euˬ kʼahˬ hawˇ-euˬ shaˬ pyaˬ-ahˇ, muiˬ dui dui-eu laꞈ sawˬ loꞈ-ehˇ ngaˬ-ahˇ ya damˬ meh. Kʼoeˇ-aˬ, piˇ ma deuˬ-euˬ shaˬ bymˇ meh.

Doˆ-iˇ 29:27 Referans Kwoze

Bawˇtsahˬ 18:11

“Kʼoeˇ uˬ taꞈ, Iˇsaˬleˬlaˆ tsawˇ haˬ deuˬ neh ngaˇ jawˇ gaˇ kʼaˇ yuˇ laꞈ-euˬ yaw zawˇ muiˬ-eu damˬ-eu jeˬ dawˬ tawˆ luꞈ, naw maꞈ-ahˇ oꞈ-eu shaˬ bymˇ pyeuꞈ-eu meh. Mehˬ hu paw dehꞈ daˆ leꞈ-eu aˇ yamˬ dawˬ tawˆ luꞈ laꞈ kʼoeˇ, nawˬ-ahˇ maˬ ehˇ, nawˬ li deuˬ-ahˇ maˬ ehˇ, nawˬ buˇ deuˬ-ahˇ maˬ ehˇ, kʼoeˇ deuˬ ngaˇ biꞈ ma. Zahˇ sahˇ kʼoꞈ-ahˇ tsaˬ ni shawˇ-eu tsawˇ haˬ pyeuꞈ-eu naw maꞈ-euˬ nymˇ kʼahˬ zaˬ deuˬ dawˬ tawˆ luꞈ, dzaˇ kʼoeˇ dzaˬ nya meh.

Uˬ duˬ 10:15

Jeˬ zaˬ-euˬ tsiˇ yuˇ-awˇ, dzaˬ dzaˬ dawˇ dawˇ lawˇ-eu jeˬ Sahˬpaˬ Miˬyehˇ-ahˇ lawˇ nehˬ ngeh, aˬ kuiˇ hawˇ-eu kʼahˬ aˬ yawꞈ maꞈ yuˇ laꞈ tehꞈ-a. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, aˬ kuiˇ hawˇ-eu kʼahˬ kʼoeˇ-aˬ, aˬ myah luꞈ nawˇ hawˇ-eu nawˬ-euˬ zaˬ deuˬ ahˇ oꞈ-eu shaˬ bymˇ pyeuꞈ-eu meh.”

Dawˬmehˬ 18:3

“Mawˇ neˇ maˬ ehˇ, yawˇ maˬ ehˇ kʼaˇ lawˇ ngeh, baꞈ pu, mehˬ oꞈ, tsahˬ nahˬ uˇ jiˇ, heu deuˬ-aˬ, piˇ ma deuˬ-ahˇ ya biꞈ meh.

HeˬByehˇ 7:28

Moˇseˬ-ahˇ gʼoe-awˇ Miˬyehˇ neh biꞈ-euˬ Zahˇ dawˬ kʼoꞈ dawˬ kʼoeˇ-aˬ, piˇ ma yaw huiˬ gʼaˬ geuꞈ-eu gʼaˇ duˬ maˬ byah maˬ loꞈ-eu deuˬ-ahˇ bi geuꞈ-euˬ meh. Ehˇ kʼawꞈ, Zahˇ dawˬ kʼoꞈ dawˬ-euˬ jeˬ nah hawˇ-eu oe-euˬ Miˬyehˇ neh kamˬ tsehˆ taˬ-euˬ saˇ jaˇ kʼoeˇ-aˬ, mˬ maˬ maˬ byaˆ zaˇ ziˇ byah-eu loꞈ-eu aˬ yawꞈ-euˬ Zaˬmaˇ-ahˇ Piˇma Yaw huiˬ gʼaˬ bi geuꞈ-euˬ meh.

Bawˇtsahˬ 6:20

Kʼoeˇ naˇ, piˇ ma gʼaˬ kʼoeˇ deuˬ paˇ yuˇ-awˇ, muiˬ-eu laꞈ sawˬ loꞈ-ehˇ Sahˬpaˬ Miˬyehˇ-ahˇ ya damˬ nehˬ meh. Kʼoeˇ deuˬ uˬ taꞈ, yawˇ aˬ buˬ kʼoeˇ mawˇ-euˬ kʼahˬ hawˇ-eu aˬ kuiˇ-aˬ, zahˇ dawˬ kʼoꞈ dawˬ jaˆ-euˬ loꞈ-ehˇ, piˇ ma gʼaˬ-euˬ shaˬ bymˇ pyeuꞈ-eu muiˬ-eu shawˇ-eu lawˇ-eu jeˬ meh. Kʼoeˇ loꞈ-ehˇ mˇ gʼaˬ ngeh, Naˬzaˬliˇ tsawˇ haˬ kʼoeˇ gʼaˬ aˬ gaꞈ dzaˇ uiˇ dawˇ nya meh.

Uˬ duˬ 9:21

Kʼoeˇ naˇ, Moˇseˬ neh dawˬ biꞈ taˬ-euˬ loꞈ-ehˇ piˇ ma deuˬ gʼaˇ duˬ pyeuꞈ-eu kʼahˬ hawˇ-eu aˇ maˇ paw aˬ kuiˇ deuˬ-ahˇ, muiˬ dui dui-eu laꞈ sawˬ loꞈ-ehˇ, Sahˬpaˬ Miˬyehˇ jawˇ gaˇ yuˇ gʼeh nehˬ-euˬ meh.

Uˬ duˬ 7:37

Laꞈ taˆ paw ehˇ gʼaˬ-euˬ gaˇ kawˆ heu deuˬ-aˬ, miˬ dzaˬ dzah puiˆ-awˇ lawˇ-eu jeˬ, dzaˬ la gʼo cehˇ lawˇ-eu jeˬ, iˬ baˇ shawˇ-eu lawˇ-eu jeˬ, dziˇ dzoˆ tsoeˬ-eu lawˇ-eu jeˬ, aˇ yaˬ biꞈ-eu lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ-ahˇ taꞈ leˇ-eu zahˇ sahˇ kʼoꞈ deuˬ pyeuꞈ-eu meh.

Doˆ-iˇ 29:26

“Yawˇ heu mawˇ-euˬ kʼahˬ yuˇ-awˇ, muiˬ dui dui-eu laꞈ sawˬ loꞈ-ehˇ, ngaˬ-ahˇ damˬ-awˬ. Heu-aˬ, nawˬ-euˬ shaˬ bymˇ meh.

Doˆ-iˇ 29:28

Ngaˬ-euˬ tsawˇ haˬ deuˬ, cawˬ cawˬ taꞈ-eu lawˇ-eu jeˬ lawˇ ngeh lawˇ nehˬ-eu jeˬ zaˬ-euˬ kʼahˬ hawˇ-eu shaˬ pyaˬ-aˬ, piˇ ma deuˬ-euˬ shaˬ bymˇ pyeuꞈ-eu meh. Heu-aˬ, tiˬ jawˇ-iˬ maˬ paˇ laˇ nya-eu ngaˬ neh noeˬ tsehˆ-euˬ jeˬ pyeuꞈ-eu ma. Heu-aˬ, Sahˬpaˬ Miˬyehˇ pyeuꞈ-eu ngaˬ-ahˇ, ngaˬ-euˬ tsawˇ haˬ deuˬ neh biꞈ nehˬ laˬ-euˬ laꞈ sawˬ pyeuꞈ-eu meh.

Uˬ duˬ 7:30

Laꞈ sawˬ kʼoeˇ yawˬ ha-euˬ aˬ laꞈ neh yuˇ-awˇ, dzaˬ dzaˬ dawˇ dawˇ lawˇ-eu jeˬ loꞈ-ehˇ ya damˬ laˇ meh. Jeˬ zaˬ kʼoeˇ mawˇ-euˬ tsiˇ hawˇ-eu kʼahˬ yuˇ laꞈ-awˇ, muiˬ dui dui-eu laꞈ sawˬ loꞈ-ehˇ, Sahˬpaˬ Miˬyehˇ-ahˇ ya damˬ nehˬ laˇ meh.

1 Saˬmeuˬlaˆ 9:24

Hawˬ mˇ dzaˇ saꞈ gʼeh-eu gʼaˬ muiˬ dui dui-eu shaˬ pyaˬ shaˬ jiˇ yuˇ doˆ laꞈ-awˇ, Sawˇluˆ mehˬ shi ciˬ taˬ le-euˬ meh. Kʼoeˇ ngeh, Sawˇluˆ-ahˇ Saˬmeuˬlaˆ ehˇ nehˬ-eu, “Haw sheˇ. Heu-aˬ nawˬ-euˬ gʼaˇ duˬ taˬ taˬ-euˬ shaˬ jiˇ ma. Shaˬ jiˇ heu dzaˬ-awˬ. Aˇ yamˬ heu yamˬ-ahˇ ngaˬ neh kuˇ uiˬ taˬ-euˬ tsawˇ haˬ heu deuˬ nehˬ-ehˇ bi dzaˬ bi dawˇ taꞈ-eu lehˇ, shaˬ jiˇ heu ngaˇ yuˇ doˆ taˬ-euˬ ma.” Kʼoeˇ loꞈ-ehˇ, kʼoeˇ ngeh nah Sawˇluˆ Saˬmeuˬlaˆ nehˬ-ehˇ dzaˬ taꞈ dawˇ taꞈ-euˬ meh.