Doˆ-iˇ 29:26 - Akha

²⁶ “Yawˇ heu mawˇ-euˬ kʼahˬ yuˇ-awˇ, muiˬ dui dui-eu laꞈ sawˬ loꞈ-ehˇ, ngaˬ-ahˇ damˬ-awˬ. Heu-aˬ, nawˬ-euˬ shaˬ bymˇ meh.

Doˆ-iˇ 29:26 Referans Kwoze

Uˬ duˬ 8:29

Kʼoeˇ naˇ, yawˇ kʼoeˇ mawˇ-euˬ kʼahˬ Moˇseˬ yuˇ-awˇ, muiˬ dui dui-eu laꞈ sawˬ Sahˬpaˬ Miˬyehˇ-ahˇ biꞈ nehˬ-euˬ meh. Kʼoeˇ-aˬ, a nehˬ-eu gʼaˇ duˬ sehꞈ-euˬ yawˇ kʼoeˇ mawˇ laꞈ kʼoeˇ, Moˇseˬ-ahˇ oꞈ-eu shaˬ bymˇ meh. Sahˬpaˬ miˬyehˇ neh dawˬ biꞈ taˬ-euˬ loꞈ-ehˇ, yawˬ jeˬ na luꞈ Moˇseˬ mˇ-euˬ meh.

Jaceuq 99:6

Moˇseˬ hawˇ-eu Aˬloˬ aˬ yawꞈ-euˬ piˇ ma pyeuꞈ-awˇ, Saˬmeuˬlaˆ-aˬ, aˬ yawꞈ-ahˇ guiˬ lahˬ shaˇ-eu gʼaˬ meh. Aˬ yawꞈ maꞈ Sahˬpaˬ Miˬyehˇ-ahˇ kuˇ ngeh, aˬ yawꞈ naˇ haˬ nehˬ-euˬ meh.

Uˬ duˬ 7:34

Muiˬ-eu laꞈ sawˬ pyeuꞈ-eu kʼahˬ hawˇ-eu, muiˬ-eu damˬ-eu jeˬ pyeuꞈ-eu saˬ pyaˬ aˇ maˇ paw pyaˬ-ahˇ, Iˇsaˬleˬlaˆ tsawˇ haˬ deuˬ-euˬ laꞈ-ahˇ neh Sahˬpaˬ Miˬyehˇ yuˇ-awˇ, piˇ ma deuˬ-ahˇ biꞈ-eu meh. Heu-aˬ, mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ piˇ ma deuˬ-ahˇ ya biꞈ-eu jeˬ pyeuꞈ-eu meh.

Uˬ duˬ 7:31

Tsiˇ kʼoeˇ-ahˇ piˇ ma gʼaˬ yuˇ-awˇ, lawˇ duˬ kʼoeˇ taˆ ya lawˇ meh. Ehˇ kʼawꞈ, kʼahˬ kʼoeˇ hmˬ-aˬ, piˇ ma deuˬ-euˬ gʼaˇ duˬ pyeuꞈ-eu meh.

Doˆ-iˇ 29:27

“Piˇ ma-ahˇ aˇ yaˬ biꞈ ngeh sehꞈ-eu yawˇ aˬ buˬ-euˬ kʼahˬ hawˇ-euˬ shaˬ pyaˬ-ahˇ, muiˬ dui dui-eu laꞈ sawˬ loꞈ-ehˇ ngaˬ-ahˇ ya damˬ meh. Kʼoeˇ-aˬ, piˇ ma deuˬ-euˬ shaˬ bymˇ meh.

Uˬ duˬ 7:30

Laꞈ sawˬ kʼoeˇ yawˬ ha-euˬ aˬ laꞈ neh yuˇ-awˇ, dzaˬ dzaˬ dawˇ dawˇ lawˇ-eu jeˬ loꞈ-ehˇ ya damˬ laˇ meh. Jeˬ zaˬ kʼoeˇ mawˇ-euˬ tsiˇ hawˇ-eu kʼahˬ yuˇ laꞈ-awˇ, muiˬ dui dui-eu laꞈ sawˬ loꞈ-ehˇ, Sahˬpaˬ Miˬyehˇ-ahˇ ya damˬ nehˬ laˇ meh.

Uˬ duˬ 9:21

Kʼoeˇ naˇ, Moˇseˬ neh dawˬ biꞈ taˬ-euˬ loꞈ-ehˇ piˇ ma deuˬ gʼaˇ duˬ pyeuꞈ-eu kʼahˬ hawˇ-eu aˇ maˇ paw aˬ kuiˇ deuˬ-ahˇ, muiˬ dui dui-eu laꞈ sawˬ loꞈ-ehˇ, Sahˬpaˬ Miˬyehˇ jawˇ gaˇ yuˇ gʼeh nehˬ-euˬ meh.

Uˬ duˬ 14:12

Kʼoeˇ naˇ, piˇ ma gʼaˬ yawˇ zaˬ aˬ buˬ tiˬ mawˇ tsahˇ-awˇ, maˇ tsaꞈ-ahˇ dahˬ-eu tsiˇ smˬ bymˇ tiˬ bymˇ nehˬ-ehˇ, dziˇ dzoˆ tsoeˬ-eu lawˇ-eu jeˬ ya lawˇ meh. Lawˇ-eu jeˬ kʼoeˇ, muiˬ-eu laꞈ sawˬ loꞈ-ehˇ, piˇ ma deuˬ gʼaˇ duˬ Sahˬpaˬ Miˬyehˇ-ahˇ ya damˬ nehˬ meh.