Doˆ-iˇ 29:24 - Akha

²⁴ Dzaˬ dzaˬ dawˇ dawˇ heu deuˬ dawˬ tawˆ luꞈ, Aˬloˬ hawˇ-eu aˬ yawꞈ-euˬ aˬ li deuˬ bi yuˇ-awˇ, muiˬ dui dui-eu laꞈ sawˬ damˬ-eu loꞈ-ehˇ ngaˬ-ahˇ damˬ-awˬ lehˇ, aˬ yawꞈ maꞈ-ahˇ ehˇ nehˬ-awˬ.

Doˆ-iˇ 29:24 Referans Kwoze

Uˬ duˬ 7:30

Laꞈ sawˬ kʼoeˇ yawˬ ha-euˬ aˬ laꞈ neh yuˇ-awˇ, dzaˬ dzaˬ dawˇ dawˇ lawˇ-eu jeˬ loꞈ-ehˇ ya damˬ laˇ meh. Jeˬ zaˬ kʼoeˇ mawˇ-euˬ tsiˇ hawˇ-eu kʼahˬ yuˇ laꞈ-awˇ, muiˬ dui dui-eu laꞈ sawˬ loꞈ-ehˇ, Sahˬpaˬ Miˬyehˇ-ahˇ ya damˬ nehˬ laˇ meh.

Uˬ duˬ 8:27

Dzaˇ heu deuˬ dawˬ tawˆ luꞈ, Aˬloˬ hawˇ-eu aˬ yawꞈ-euˬ aˬ li deuˬ-euˬ aˬ laꞈ laꞈ kʼoeˇ aˬ yawꞈ dawˆ ahˇ nehˬ-awˇ, dzaˇ kʼoeˇ deuˬ-ahˇ aˬ yawꞈ maꞈ bi ciˬ nyeh-awˇ muiˬ dui dui-eu laꞈ sawˬ loꞈ-ehˇ Sahˬpaˬ Miˬyehˇ-ahˇ damˬ nehˬ-euˬ meh.

Uˬ duˬ 10:14

Ehˇ kʼawꞈ, piˇ ma deuˬ gʼaˇ duˬ, muiˬ-eu laꞈ sawˬ hawˇ-eu muiˬ-eu damˬ-eu jeˬ loꞈ-ehˇ Sahˬpaˬ Miˬyehˇ-ahˇ damˬ nehˬ-euˬ jeˬ zaˬ-eu kʼahˬ hawˇ-eu aˬ kuiˇ deuˬ-ahˇ, nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ dzaˬ nya meh. Shawˇ-eu jawˇ duˬ laꞈ kʼoeˇ, kʼoeˇ deuˬ-ahˇ naw maꞈ ya dzaˬ meh. Kʼoeˇ-aˬ, Iˇsaˬleˬlaˆ tsawˇ haˬ deuˬ-euˬ cawˬ cawˬ taꞈ-eu lawˇ-eu jeˬ laꞈ kʼoeˇ, nawˇ hawˇ-eu nawˬ-euˬ zaˬ deuˬ-ahˇ biꞈ taˬ-euˬ naw maꞈ-ahˇ oꞈ-eu shaˬ bymˇ meh.

Uˬ duˬ 9:21

Kʼoeˇ naˇ, Moˇseˬ neh dawˬ biꞈ taˬ-euˬ loꞈ-ehˇ piˇ ma deuˬ gʼaˇ duˬ pyeuꞈ-eu kʼahˬ hawˇ-eu aˇ maˇ paw aˬ kuiˇ deuˬ-ahˇ, muiˬ dui dui-eu laꞈ sawˬ loꞈ-ehˇ, Sahˬpaˬ Miˬyehˇ jawˇ gaˇ yuˇ gʼeh nehˬ-euˬ meh.

Doˆ-iˇ 29:23

Ngaˬ-ahˇ lawˇ nehˬ-eu kʼa sa laꞈ kʼoeˇ ahˇ-eu kaˬ muˇ kʼoeˇ, tiˬ jeˬ-euˬ tiˬ siˬ yuˇ doˆ-awˬ. Saˬ loˬ tsiˇ keuˬ-eu kaˬ muˇ tiˬ siˬ, maˬ keuˬ-eu jeˬ tiˬ siˬ hawˇ-eu, kaˬ muˇ aˇ yaˆ yaˆ zaˬ tiˬ siˬ yuˇ doˆ-awˬ.

Doˆ-iˇ 29:25

Kʼoeˇ naˇ, aˬ yawꞈ maꞈ yuˇ luꞈ-eu kʼoeˇ deuˬ yuˇ doˆ-awˇ, miˬ dzaˬ-ahˇ dzah puiˆ-awˇ lawˇ-eu jeˬ lawˇ taˬ-euˬ kʼoeˇ taˆ lawˇ daˆ gʼeh-awˬ. Lawˇ-eu heu jeˬ-aˬ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ ngaˇ nui ma tsaˬ-eu meh.

Bawˇtsahˬ 8:15

Leˬbiˇ tsawˇ haˬ deuˬ bi muiˬ bi shawˇ laˇ ni mˇ shawˇ nehˬ-awˇ, a nehˬ gʼaˬ naˇ, aˬ yawꞈ maꞈ ngaˬ-euˬ gaˇ mˇ-eu tsawˇ haˬ pyeuꞈ laˇ-eu meh.

Uˬ duˬ 23:11

Naw maꞈ-ahˇ Sahˬpaˬ Miˬyehˇ bi ha geuꞈ-eu gʼaˇ duˬ, cehˇ dzahˬ kʼoeˇ-ahˇ piˇ ma yuˇ-awˇ, muiˬ-eu laꞈ sawˬ loꞈ-ehˇ, jawˇ nah dzeuˇ ngeh nah Sahˬpaˬ Miˬyehˇ-ahˇ ya damˬ nehˬ meh.